Мазмұнға өту

Жаңа

Т. Дүйсенова: Қазақстанда әлеуметтік жобалар аясында 250 мыңнан астам азаматқа көмек көрсетілді

Шымкент қаласында «Қазақстанда жүзеге асырылатын ең үздік әлеуметтік жобалар» көрмесінің аясында аталған байқаудың жеңімпаздары марапатталды, деп хабарлады ҚР Денсаулық сақтау және әлеуметтік даму министрлігінің баспасөз қызметі.

ҚР Денсаулық сақтау және әлеуметтік даму министрлігінің, «Мемлекеттік әлеуметтік сақтандыру қоры» АҚ-ның ұйымдастыруымен өткен шараға Парламент депутаттары, мемлекеттік органдардың және қоғамдық бірлестіктердің өкілдері қатысты.

Мүгедектердің, жасы ұлғайған адамдардың және халықтың өзге де тобының өмірін жақсартуға негізделген әлеуметтік жобаларды қолдау – ҚР ДСӘДМ қызметінің басым бағыттарының бірі.

Шарада сөз сөйлеген ҚР Денсаулық сақтау және әлеуметтік даму министрі Тамара Дүйсенова Қазақстанда әлеуметтік жобаларды жүзеге асырудың көмегімен өмірдің қиындықтарына тап болған 250 мыңнан астам азаматқа, оның ішінде 100 мыңнан астам шын мәнінде көмекке зәру адамдарға көмек пен қолдау көрсетілгенін атап айтты.

Биылғы жылы аймақтық комиссия 178 өтінішті қарастырып, 32 әлеуметтік жоба байқаудың іріктеу кезеңінің жеңімпаздары атанды.

Құрамына министрліктің, БАҚ-тың өкілдері, ҚР Парламентінің депутаттары, қоғам қайраткерлері кірген іріктеу комиссиясының мүшелері ҚР ДСӘДМ сайтындағы берілген дауыстардың нәтижесін есепке ала отырып, еліміздің барлық аймақтарында жүзеге асыруға болатын ең үздік жобаларды анықтады.

Бірінші орын «Онлайн сурдоаударма қызметі» әлеуметтік жобасының авторы Алматы қаласының тұрғыны Сергей Махашевке берілді. Қаржылай сыйлықтың көлемі       2 млн. теңге.

Екінші орынды «Көкшетау қаласында және Красный Яр ауылында тұратын, қозғалыста қиыншылық көретін 1 топтағы мүгедектерге, 18 жасқа дейінгі мүгедек-балаларға үйде паллиативті көмек көрсету орталығын ұйымдастыру» әлеуметтік жобасы иеленді. Оның авторы көкшетаулық Василий Шиманский 1,5 млн. теңгеге ие болды.

Үшінші орынға «Адам саудасының құрбандарына арнаулы әлеуметтік қызметтер көрсету» әлеуметтік жобасының авторы, Астана қаласының тұрғыны Анна Рыль ие болды, қаржылай сыйлық көлемі – 1 млн. теңге.

Естеріңізге сала кетейік, «Қазақстанда жүзеге асырылатын ең үздік әлеуметтік жобалар» көрмесі 2013 жылдан бері өткізіліп келеді. Осы жылдар аралығында «Үздік әлеуметтік жоба» атағын алу үшін байқауға 495 өтініш қабылданып, оның 94-і өңірлік санатта жеңімпаз атанған болатын. Байқау жеңімпаздары жалпы санының 17 әлеуметтік жобасы өз қаражаты есебінен, 38-і демеушілер мен тартылған қаржы, ал 39-ы мемлекеттік әлеуметтік тапсырыс аясында жүзеге асырылады.

Ақпарат көзі: strategy2050.kz

0
0
461

Қазақстанда жергілікті тұрғындардың жиналыстарында шетел азаматтарының дауыс беру құқығын шектеу ұсынылды

Қазақстанда жергілікті қоғам жиналыстарында шетел азаматтарының дауыс беру мүмкіндігіне тыйым салу ұсынылды. Осы ұсыныспен ҚР Парламентінің төменгі палатасында жергілікті өзін-өзі басқаруды дамыту туралы заң жобасы бойынша жұмыс тобының отырысында мәжіліс депутаты Сапар Ахметов сөз сөйледі.

«Дауыс беру бюджет қаражатын бөлуді, аудан орталығының, елді мекеннің даму жоспарын, бас жоспарын бекітуді білдіреді. Бұл Қазақстан Республикасы азаматтарының ғана айрықша құқығы. Біз оларға шектеу қоймаймыз, олар барлық іс-шараларға қатыса алады, ұсыныс жасай алады, бірақ дауыс беруге Қазақстан азаматтары ғана қатысуы тиіс», - деп хабарлады С. Ахметов.

Депутат Артур Платонов бастаманы қолдай отырып, Қазақстан азаматтарының осы мәселеде барынша қорғалуын қамтамасыз ету керектігін атап өтті.

Жұмыс тобының отырысына ҰЭМ, Бас прокуратураның, Әділет министрлігінің, Қаржы министрлігінің өкілдері, жергілікті өкілетті органдардың, «Атамекен» ұлттық кәсіпкерлер палатасының, «Аймақ» ҚР-дағы өңірлік дамуға және жергілікті өзін-өзі басқаруға жәрдемдесу қорының және Гуманитарлық зерттеулер мен жобалар институтының мүшелері қатысты.

Мәжіліс депутаты Асқар Базарбаев басқарған жұмыс тобы Салыстырмалы кестені талқылауды кейінгі отырыстарда жалғастыратын болады.

Жергілікті өзін-өзі басқаруды дамыту мәселелері бойынша заң жобасы бес институционалдық реформаны іске асыру бойынша «100 нақты қадам» ұлт жоспары аясында іске асырылып жатқанын атап өтейік. Заң жобасын әзірлеу үшін Мемлекет басшысының 2012 жылғы 28 қарашадағы жарлығымен бекітілген Жергілікті өзін-өзі басқаруды дамыту тұжырымдамасы негіз болды.

Заң жобасы жергілікті өзін-өзі басқарудың өз бюджеті мен меншігін енгізуге, билікті демократияландыру саласындағы реформаларды жалғастыруға, жергілікті маңызы бар мәселелерді шешудегі халық рөлін арттыруға бағытталған. Заң жобасының қабылдануы жергілікті бюджеттердің шығыстарына әкелмейді.

Ақпарат көзі: strategy2050.kz

0
0
259

NEWENERGY байқауында су электр станциясының жаңа түрі таныстырылды

Шөлде алқаптарды құру бойынша стартап жобаны Санкт – Петербордан келген Андрей Казанцев Астанадағы #NEWENERGY global startup fest байқауында таныстырды.

Санкт-Петербордан келген Андрей Казанцев  су тасушының көмегінсіз шөлдерде алқаптарды қалыптастыру жобасын таныстырды.  Оның басты тетігі су электр станциясының жаңа типі.

«Табиғатта күн энергиясының төрттен бірі су маңында болады. Су ауада конденсатталып жаңбыр болып жерге жауады. Тау басында қалғандарын біз су электр станцияларына өзен ретінде пайдаланамыз. Асылында, бұл энергиямен күн 200 есе көп қамтамасыз етті. 100 жыл бұрын Тесла бір идея айтқан болатын,  егер бұлттан энергияны алуға болса , энергетикалық және су мәселелері  баяғыда шешілер еді. Мен тұман мен бұлттың жиналуы жүйесін жерде қолдануды ойлап таптым. Кейбір елдерде  торлар тұманды өткізіп,  20 пайыздан 50 пайызға дейін ылғал өнідіреді. Біз бұл жүйені қолдансақ, бұлттан су алып, гидроұңғыма арқылы жерге  ағызамыз. Бұл ең арзан тәсіл», - деді А.Казанцев.

Оның айтуынша, бұл идея нәтижесінде шөлде шынайы шұрай құруға болады.

«Жерде миллиардтаған адам сусыз күн кешіп отыр. Ал су үстімізде екі шақырымда тұр. Бұлт – жақын құдығымыз. Бір торды көтеретін болсақ, су төгіледі. Біз шөлдерде жазира құрып, сумен халықты қамтамасыз ете аламыз. Мысал, Мальтада жарты милиион адам  суға тапшылық етіп отыр. Онда шарап судан арзан тұрады. Олардың мәселесі шақырымдық тор құрып, су өндіріп алумен шешіліп отыр», - деді ол.

Сонымен қатар маңызды шараға ҚР Ұлттық экономика министрі Қуандық Бишімбаев, ҚР Инвестициялар және даму министрі Жеңіс Қасымбек, «Астана ЭКСПО-2017» Ұлттық компаниясы» АҚ басқарма төрағасы Ахметжан Есімов, Астана қаласының әкімі Әсет Исекешев қатысты.

Ұйымдастырушылардың пікірінше, NEWENERGY global startup fest байқауы әлемдік аренада еліміздің инвестициялық әлеуетін көтеруге және инновациялық және стартап жобаларды Қазақстанда дамытуға жол ашады.

Халықаралық стартап жобаларға әлемнің 55 елінен 784 өтініш келіп түскен. Байқауға АҚШ, Австралия, Ресей, Қытай, Канада, Израиль, Франция, Индонезия, Норвегия, Швеция, Ирландия, Үндістан, Түркия, Дания, Финляндия, Швейцария және т.б. мемлекеттер қатысуда.

Шараға 1 500 қатысушымен бірге халықаралық инвесторлар, венчурлық қорлар мен акселеторлар, ғылыми элита, баламалы энергетика саласының сарапшылары қатысып жатыр.

Ақпарат көзі: strategy2050.kz

0
0
568

Сенатта мемлекеттік аудиттің тиімділігін арттыру жолдары талқыланды

ҚР Парламенті Сенатында «Мемлекеттік аудиттің жаңа жүйесіндегі ревизиялық комиссиялардың қызметі туралы» күн тәртібімен «Өнер» депутаттық тобының отырысы өтті.

Сенат төрағасының орынбасары Сергей Громов өзінің құттықтау сөзінде мемлекеттік аппараттың жұмысына аудит және бағалау жүргізудің жаңа жүйесін енгізу туралы Мемлекет басшысы бес институционалдық реформаны іске асыру бойынша «100 нақты қадам» ұлт жоспарында бастама жасағанын еске салды.

С. Громовтың айтуы бойынша, бұрын қолданыста болған бақылау жүйесі мемлекеттік басқарудың тиімділігін арттыру талаптарына сәйкес келмеген, мемлекеттік органдар қызметінің тиімділігін тәуелсіз бағалау болмаған. Вице-спикер атап өткендей, жаңа заң бұрынғы жүйенің кемшіліктерін жоя отыра, мемлекеттік аудит және қаржылық бақылау түсінігінің өзін, оның қағидаттарын, түрлерін, функцияларын және құралдарын айқындайды.

Өз кезегінде, сенатор Ольга Перепечина өз баяндамасында «Мемлекеттік аудит және қаржылық бақылау туралы» Заңның сәтті іске асырылуына кедергі келтіретін проблемаларға және осы саладағы заңнаманы одан әрі жетілдіру болашағына тоқталды.

«Бүгін заңнамалық деңгейде шешілуі тиіс бірқатар мәселелер мен бірқатар проблемалар орын алады. Осындай проблемалардың бірі заң бойынша 2017 жылғы 1 қаңтарға дейін сертификаттаудан өтуі тиіс мемлекеттік аудиторларды жұмысқа орналастыру мәселесі деп санаймын. Бұл жерде мемлекеттік аудит органдарына сертификаттаудан өтпеген аудиторлар жұмыс істейді ме деген сұрақ туындайды. Оларға қайта тапсыру мүмкіндігі беріледі ме? Бүгін біз мемлекеттік аудиторлардың кадрлық құрамы, мемлекеттік аудиторлардың өз жұмысының қорытындылары үшін жауапкершілігін арттыру туралы да айтып отырмыз», - деп хабарлады О. Перепечина.

Осылайша, сенатордың пікірі бойынша, қызметтік және кәсіптік этика бұзылған жағдайда, аудиторлық есеп дұрыс құрастырылмаған кезде, сондай-ақ мемлекеттік аудит және қаржылық бақылау стандарттары бірнеше рет бұзылған кезде заңға Ұлттық комиссияның мемлекеттік аудит сертификатын кері қайтару рәсімін реттейтін норманы енгізу қажет.

Ақпарат көзі: strategy2050.kz

0
0
371

Америкалық кәсіпкерлер ЭКСПО-2017 көрмесіне қатысуға қызығушылық танытты

ЭКСПО-2017 ұйымдастырушысы кеңсесінде «Астана ЭКСПО-2017» ҰК» АҚ Басқармасының Төрағасы Ахметжан Есімов пен Америкалық-қазақстандық бизнес қауымдастығының президенті Уильям Кортнидің кездесуі өтті, деп хабарлады Ұлттық компания.

Ахметжан Есімов Көрмені дайындау барысында атқарылған жұмыстар бағытын таныстырды. Сондай-ақ, алдағы аптадан бастап халықаралық қатысушыларға павильондарды өткізу, әрі делегация мүшелеріне арналған апартаменттерді табыстау басталатындығын хабарлады. Одан әрі қарай павильондарды толтыру бойынша контенттік жұмыстар  басталады.

«Сәуір айында Елбасы делегациясының құрамында Вашингтонда болдым, онда АҚШ бизнес қоғамдастығымен кездесу болды, олар біздің Көрмеге қатысуға қызығушылық танытты. ЭКСПО-2017 әріптестері мен демеушілері арасында «Cisco», «General Electrics», «Chevron» сияқты ірі компаниялар болды. Сонымен қатар, Америкалық-қазақстандық бизнес қауымдастықты да ЭКПО-2017 көрмесіне қатысуға шақырамын», - деп атап өтті Ахметжан Есімов.

«Біз өздеріңізбен ынтымақтастық орнатқандығымызға дән ризамыз. АҚШ павильоны толығымен қауымдастық мүшелері болып табылатын жеке компаниялардан тұратын болады. Бұл АҚШ бизнесмендері үшін өте қызықты әрі бірегей мүмкіндік болады деп есептейміз. «Болашақ энергиясы» Көрмесін асығыспен күтеміз», - деп мәлімдеді Уильям Кортни.

Кездесуде ЭКСПО-2017 көрмесінің дамуына өз үлесін қосуға ниетті америкалық ірі энергетикалық корпорация АES (American clean power company) таныстырылды.

Айта кету керек, халықаралық мамандандырылған көрме Астана қаласында 2017 жылғы 10 маусым – 10 қыркүйек аралығында өтеді, көрме барысында 5 миллион келуші болады деп күтілуде.

Ақпарат көзі: strategy2050.kz

0
0
295

ОҚО-ның Сайрам ауданында 25 жылда ЖӨӨ көлемі 23 есеге өсті

ОҚО-ның Сайрам ауданында 25 жылда ЖӨӨ көлемі 23 есеге өсті. Бұл туралы Сайрам ауданының әкімі Самат Сапарбаев ОҚО Аймақтық коммуникациялар қызметінде өткен брифингте хабарлады.

Айтуынша, ауданда егемендік алған жылдары жалпы өңірлік өнім 3,8 млрд. теңгеден 90,3 млрд. теңгеге өсіп, жан басына шаққанда 449,3 мың теңгеге жеткен. Өңірдің экономикалық дамуын анықтайтын басты сала – өнеркәсіп саласы десек, 1991 жылы ауданның өнеркәсіп кәсіпорындары 224,8 млн. теңгенің өнімін өндірсе, 2015 жылы бұл көлем 18194,0 млн. теңгеге жетіп, көрсеткіш 8,1 есеге артқанын көрсетіп отыр.

«Егемендік жылдарында ауданда ірі қара мал саны 1991 жылы 61 мыңнан асса, 2016 жылы 151 мыңнан астам басқа жетіп, 2,4 есеге өсті. Қой-ешкі саны 65 мың бастан 99 мың басқа жетіп, 150 %-ды құрады. Жылқы 6500 бастан 37 мың басқа жетіп, 574 %-ды құрады. Ет өнімі 1991 жылғы 6880 тоннадан 21000 тоннаға жетіп, 3 есеге өсті. Сүт өнімі 1991 жылы – 40684 тонна болса, 2016 жылы -160 мың тоннаға жетіп, 2,8 есеге өсті. Жұмыртқа 1991 жылы – 98500 болса, 2016 жылы – 142 мың данаға жетіп, 1,4 есеге өсті. Жүн 197 тоннадан 224 тоннаға, немесе 137 %-ға өсті», - деді С.Сапарбаев.

Баспасөз жиынында өзге де салалардағы жетістіктерге тоқталған аудан басшысы туризм саласы бойынша Сайрамда егемендік алғанға дейін жұмыс істелмегенін алға тартып, осынау тәуелсіздік жылдарында салаға ерекше көңіл бөлу арқасында ауданның табысты бизнес түрінің біріне айналғанын жеткізді. Атап айтқанда, бүгінгі таңда Сайрамдағы Абылай хан ат басын тіреген Ханқорған төбесі, Сиқым баба, Жаныс баба кесенелері де халық игілігі үшін жұмыс жасауда екен. Сайрам ауданы қалаға жақын орналасқандықтан Ақсу, Машат, Арыс өзендері мен Көлкент және Қырықкөл деп аталатын көлдер бойында демалыс нысандары көптеп бой көтеріп, келушілердің саны да жыл санап артып келе жатқаны баяндалды.

Тілшілермен болған кездесуде Самат Айдарханұлы күнделікті халыққа қажетті тамақ өнімдерінің 20 түрінің 18-і, яғни, қант пен тазартылған күріштен басқа өнімдердің барлығы Сайрамда өндірілетінін мақтан етті. Барлық салалар бойынша даму көрсеткіштері жақсарып келе жатқан ауданда тамақ өнімдерінің 11 түрі ауданда артығымен өндірілетінін алға тартты.

Сондай-ақ, өз сөзінде коммуналдық, әлеуметтік, сәулет, құрылыс, білім, мәдениет, спорт салалары сынды өзге де бағыттағы жетістіктерді жеткізген аудан әкімі бұл бағыттағы жұмыстардың одан әрі жалғасатынын жеткізді.

Ақпарат көзі: strategy2050.kz

0
0
443

И. Тасмағамбетов «Талхиз» орта ғасырлық қалашығының сақталуы мәселелері бойынша көшпелі кеңес өткізді

ҚР Премьер-Министрінің орынбасары Иманғали Тасмағамбетов Алматы облысы Талғар ауданындағы «Талхиз» орта ғасырлық қалашығының сақталуы мәселелері бойынша көшпелі кеңес өткізді, деп хабарлады primeminister.kz.

Бүгінгі таңда мәдени мұра нысанын сақтап қалудың өзектілігі өте маңызды саналады. Еске сала кетейік, 2014 жылдан бері қарай тарихи нысан халықаралық мәртебеге ие, оны пайдалану, қорғау, сақтау және басқаруда 1994 жылы Қазақстан ратификациялаған халықаралық келісім - Әлемдік мәдени және табиғи мұраларды қорғау жөніндегі Конвенцияның тәртібі мен нормасы қолданылады.

Кеңес барысында вице-премьер атап өткендей, осынау Конвенцияны ратификациялау осы мұраны қорғау, сақтау, қайта қалпына келтіру және насихаттау үшін құқықтық, ғылыми, техникалық, әкімшілік және қаржылық шараларды қамтамасыз ету бойынша айтарлықтай жауапкершілік пен міндеттемелерді жүктейді. Алайда, Талхиз қалашығы жағдайында жоғарыда аталған миссияны орындауда мемлекеттік органдардың алдын-ала келісілмеген іс-қимылы нысанды әлемдік мұра тізімінен алып тастауға себеп болмақ.

«Бұл орайда, тарихи нысанның ЮНЕСКО-ның Әлемдік мәдени мұра тізімінде қалуы және терең археологиялық зерттеуге берік негіз қалыптастыру үшін нақты шаралар қабылдау қажет. Сондықтан, алдағы тәжірибелік іс-қимылдарды орындауда нақты нәтижелерді білу үшін ғылыми-барлау зерттеулерден тұратын кешенді шараларды жүзеге асыруымыз қажет» – деді Иманғали Тасмағамбетов.

Кеңес қорытындысы бойынша Премьер-Министрдің орынбасарымен келесі шешімдер қабылданып, нақты тапсырмалар берілді: - Біріншіден, Талғар (Талхиз) қалашығының маңындағы барлық құрылыс жұмыстары тоқтатылсын; екіншіден, Алматы облысының әкімдігі қорғау аймағынан тыс жаңа айналма жол құрылысын жобаласын және жүргізсін; үшіншіден, жергілікті жердің бедерін қалпына келтірсін, атап айтқанда, жол төсемін салу үшін қазылған арықтарды топырақпен жапсын; төртіншіден, қорғалған аймақтың айналасына қоршау орнатсын, сондай-ақ, ғимараттың қауіпсіздігін жан-жақты қамтамасыз етсін, оның ішінде жер асты суларынан қорғау, ескерткіш маңындағы арықтарды құрғатсын; бесіншіден, әкімдік қосымша археологиялық зерттеулер жүргізу үшін облыс бюджетінен қаржы бөлсін; алтыншыдан, Мәдениет және спорт министрлігі ЮНЕСКО және ИСЕСКО істері жөніндегі ҚР Ұлттық комиссиясымен бірлесіп тарихи-мәдени мұра мәселелері бойынша тиімді жоспарлау және басқаруды қамтамасыз ету мақсатында ҚР заңнамасына өзгерістер енгізу жөнінде ұсыныстар әзірлесін.

Айта кетейік, алдағы айда Премьер-Министрдің орынбасары Иманғали Тасмағамбетов орын алған жағдайды шешу мақсатын Қазақстанның мемлекеттік органдары тарапынан тиісті шаралар жүргізіліп жатқандығы жөнінде ЮНЕСКО-ның бас директоры Ирина Боковамен келіссөздер жүргізеді.

Еске сала кетейік, Талхиз қалашығы қазіргі Қазақстан, Қырғызстан және Қытай аумағында орналасқан Ұлы жібек жолы бойындағы орта ғасырлық 33 қалашықтың бірі саналады. 2014 жылы Талхиз ЮНЕСКО-ның Әлемдік мұралар тізіміне енгізілді.

Ақпарат көзі: strategy2050.kz

0
0
338

Шымкентте ана мен баланы қорғау мәселелері талқыланды

Шымкентте ҚР денсаулық сақтау және әлеуметтік даму министрлігі, «Мемлекеттік әлеуметтік сақтандыру қоры» АҚ мен Оңтүстік Қазақстан әкімдігінің ұйымдастыруымен «Әлеуметтік сақтандыру: ана мен баланы қолдау» тақырыбында Республикалық семинар өтті, деп хабарлады ҚР Денсаулық сақтау және әлеуметтік даму министрлігінің баспасөз қызметі.

Шараға мүдделі мемлекеттік органдардың, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия өкілдері мен халықаралық ұйымдардың сарапшылары қатысты.

Семинардың мақсаты – отбасылық және демографиялық саясат саласындағы өзекті мәселелерді талқылау, ана мен баланы қолдаудағы үздік тәжірибені зерделеу, сонымен бірге, отбасы институтын нығайту мен туу, өмір сүру ұзақтығы және халықтың көші-қон саласындағы тұрақты әрі жағымды динамикасын сақтау.

Семинарда сөз сөйлеген ҚР Денсаулық сақтау және әлеуметтік даму Вице-министрі Светлана Жақыпова Үкіметтің демографиялық даму мен әлеуметтік саясат саласындағы жүзеге асырып жатқан шаралары туу көрсеткішін ұлғайтуға, өлім-жітім деңгейін төмендетуге, халықтың күтілетін өмір сүру ұзақтығын арттыруға, көші-қон көрсеткішінің жағымсыз сальдодан жағымды сальдоға өтуіне ықпал етіп отырғанын атап айтты.

«2002 жылдан бастап туу көрсеткішінің едәуір ұлғаюының, көші-қонның жағымды динамикасының нәтижесінде халықтың өсімі байқалды: 2016 жылғы 1 қаңтарда 17 млн. 670,9 мың адам болды», - деді ол.

Сонымен бірге, Светлана Жақыпова соңғы жылдары халықты әлеуметтік қорғау жүйесінің күшейгенін, еліміздің әлеуметтік-экономикалық өміріндегі жетекші бағыттардың бірі болғанын атап айтты. Тек биылғы жылы зейнетақы мен жәрдемақыларды төлеуге 2 трлн. теңге бөлінді.

Әлемдегі экономикалық тұрақсыздыққа қарамастан, Қазақстанда мемлекеттің азаматтар алдындағы барлық әлеуметтік міндеттемелері орындалып жатқанын айтып өту керек», - деді Вице-министр.

Ана мен баланы қолдауға аса зор көңіл бөлінеді. 2016 жылы Денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасы қабылданды. Ол әйелдер мен балаларға медициналық және әлеуметтік кешенді қызмет көрсету үшін босандыру мен балаға көмек қызметінің біріктірілген моделін қарастырады.

«Сондай-ақ, министрлік ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия және өзге де мүдделі органдардың көмегімен Қазақстан Республикасының 2030 жылға дейінгі отбасылық және гендерлік саясатының тұжырымдамасын жасап жатыр», - деп айтты Светлана Жақыпова.

Шара барысында сөз алғандар әлеуметтік қорғау саласындағы халықаралық тәжірибемен бөлісіп, ересектер мен балалардың денсаулығын қорғау бойынша, оның ішінде халықтың репродуктивті денсаулығы туралы ұсынысдар жасады, Сонымен қатар, Қазақстанның демографиялық саясат саласындағы, ана мен баланы әлеуметтік сақтандыру, мектепке дейінгі және мектептегі білім беру мен баланы тәрбиелеудегі негізгі жетістіктері талқыланды.

Ақпарат көзі: strategy2050.kz

0
0
508

Б.Сұлтанов және Ф.Беннет ЕҚДБ-мен одан әрі ынтымақтастықты талқылады

Астанада Еуропалық Қайта Құру және Даму Банкінде (ЕҚДБ) Қазақстан Республикасы атынан Басқарушы, Қаржы министрі Б.Т. Сұлтановтың ЕҚДБ бірінші вице-президенті Филл Беннетпен кездесуі өтті.

Кездесу барысында тараптар Қазақстан мен ЕҚДБ арасындағы өзара іс-қимыл серпінін талқылады, жақын арадағы 4 жылға ынтымақтастық басымдықтарына қатысты пікір алмасты, сондай-ақ 2017-2020 жылдарға арналған Қазақстан үшін Банктің жаңа стратегиясын дайындаудың бірқатар практикалық мәселелерін көтерді, деп хабарлады ведомство.

Алдыңғы стратегиядағы сияқты жеке секторды дамытуға қолдау көрсету Қазақстандағы Банк қызметінің басым бағыттарының бірі болып қалады. Б. Сұлтанов Қазақстан Банктің жеке секторын дамыту бойынша Банктің күш-қарымын жоғары бағалайтынын
атап өтті.

Тараптар сондай-ақ басым бағыт ретінде кең ауқымды жекешелендіруді өткізу және Астана қаласында халықаралық қаржы орталығын құру мәтінінде капиталдың жергілікті нарықтарын ынталандыру бойынша өзара іс-қимыл мәселелерін талқылады.

Сонымен қатар, Б. Сұлтанов жасыл экономика қағидаттарын ескере отырып, инфрақұрылымдық жобаларды іске асырудың маңыздылығын атап өтті.

Тараптар ЕҚДБ Директорлар Кеңесі осы бағдарламалық құжатты 2017 жылғы 1-тоқсанда қабылдау мақсатында стратегияның толық мәтіні бойынша жұмысты жалғастырады.

2013 жылғы желтоқсанда қабылданған ЕҚДБ-ның Қазақстан үшін алдыңғы стратегиясы 2016 жылы әрекетін аяқтайтынын естеріңізге сала кетейік.

Өз кезегінде, ЕҚДБ өкілдері Қазақстан Үкіметімен Банктің ойдағыдай іс-қимылын жасайтынын атап өтті. Бұл ретте, олар
Б. Сұлтановқа әріптестікті кеңейтудегі көрсеткен көмегі үшін алғысын білдірді.

Әріптестік туралы негізгі келісімдер шеңберінде жобаларды іске асыру нәтижесінде соңғы жылдары ынтымақтастық үдемелі дамыды және практикалық сипат алды.

Қазақстан қазіргі уақытта Ресей, Түркия және Орталық Азия арасында қаржыландыру бойынша 2-ші орын алады.

Әріптестік туралы негізгі келісімдер шеңберінде ЕҚДБ инвестициялық жобаларының индикативтік қоржыны 3 965 млн. теңге АҚШ долларын құрайды, оның ішінде ЕҚДБ үлесі 1 232 млн АҚШ долларын құрайды.

Бұдан басқа, Қазақстан Республикасы Қаржы министрлігі мен Еуропа Қайта Құру және Даму Банкі арасындағы «Астана – Қарағанды – Балқаш – Күрті – Қапшағай – Алматы» автомобиль жолының «Орталық - Оңтүстік» дәлізін реконструкциялау» 2152-2214 км (Күрті – Бурылбайтал учаскесі)» жобасы бойынша Кепілгерлік келісіміне қол қойылды.

Еуропа Қайта Құру және Даму Банкі «ҚазАвтоЖол» ҰК» АҚ-ға осы Жобаны қаржыландыру үшін 86 млн АҚШ доллары сомасында мемлекеттік кепілдік бойынша қарыз беріп отыр.

Жобаның мақсаты Астана қаласынан Алматы қаласына дейін автокөлік құралдарының жүру уақытын қысқарту, көліктік қызмет көрсету сапасын арттыру, ЖКУ-ның деңгейін қысқарту және қоршаған ортаға көліктің теріс әсерін азайту болып табылады.

Қаражатты әкімшілендіруді және оны пайдалануды Жоба әкімшісі – Қазақстан Республикасы Инвестициялар және даму министрлігі жүзеге асыратын болады.

Жобаны іске асыру 2015-2019 жылдарға арналған «Нұрлы жол» инфрақұрылымдық даму мемлекеттік бағдарламасымен көзделіп отыр.

Ақпарат көзі: strategy2050.kz

0
0
394

Қазақстан халқы сәләфизм ағымына заңмен тыйым салынғанын қолдайды

Дін істері және азаматтық қоғам министрі Нұрлан Ермекбаев Орталық коммуникациялар қызметінде өткен брифингте Қазақстан халқы сәләфизмнің тарауына заңмен тыйым салмай-ақ, зайырлы қағидаттарды басшылыққа ала отырып, жол бермеуге әрекет жасайды деген сенімін білдірді.

«Бұл таңдауды Қазақстанның әрбір азаматы қолдауы тиіс. Жұмыла көтерген жүк жеңіл болады. Сәләфиттердің барлығы ашық айтпаса да қатаң діни қағидаларға құрылған мемлекетті қоғамдық құрылыстың идеалды жүйесі деп есептейді. Осыған байланысты еліміз үшін салафизмді мүлдем жат, теріс ағым деп санаймыз», – деді министр Нұрлан Ермекбаев.

Szh.kz сайтында жүргізілген «Сәләфизм ағымына заңмен тыйым салынғанын қолдайсыз ба?» деген сауалнама нәтижесі бойынша сауалнамаға қатысқан 40 000-ға жуық ғаламтор қолданушыларының 75% сәләфизмге тыйым салынуын қолдайтындығын білдірді.


1
0
938