Маңызды!
Ма

Ма

"Nur Otan" партиясының аудандық сайлауалды штаб мүшелері бүгінгі жұмыс жоспарына сәйкес "Казтрансгазаймақ" ұжымы мүшелерімен кездесті. Жиынға облыстық мәслихат депутаттығына кандидат Г.Серікова, Н.Сәрсенбайдың сенімді өкілі Е.Бекмұратов және штаб мүшелері Қ.Исаев, И.Серікбаев, Р.Дұрысбаев, Ж.Қуатбаева қатысып, партияның алда атқарылатын жоспарларымен таныстырып, алға қойған ауқымды міндеттері жайлы баяндады. Сайлауалды бағдарламамен танысқан "Казтрансгазаймақ" қызметкерлері алдағы жауапты кезең болып саналатын сайлау науқанында дауыс беруге ұйымшылдықпен қатысып, дұрыс таңдау жасайтындықтарын айтты.



Үміткерлер Власенко В, Ерғалиев Ж пен партияның белсенді мүшесі Исмагамбетова Л. «Nur Otan» партиясының сайлауалды бағдарламасын түсіндіру мақсатында Бесқұдық ауылымен онлайн транцляциясы арқылы кездесу өткізді.
ДАМУДЫҢ ЖЕТІ БАСЫМДЫҚТАРЫ
1.Экономикалық тұрақты аудан.
2.Өмір сүруге жайлы аудан.
3.Әлеуметтік-бағытталған аудан.
4.Жастар үшін аудан.
5. Тарих пен мәдениеттің дамуы.
6. Ашық және есеп беретін жергілікті органдар.
7.Қауіпсіз аудан.
“Nur Otan” партиясы өзінің сайлауалды бағдарламасында дәл осы 7 даму бағытын айқындады. Оның басты мақсаты - халықтың өмір сүру сапасы мен әл-ауқатын үнемі жақсартуға жағдай жасау.
Жолдардың сапасын жақсартамыз.
Жол - әр ауданның өмірінің басты артериясы. Барлық ауылдарда сапалы жолдар және азаматтар үшін жақсы инфрақұрылым болуы керек. Ауылішілік жолдардың ұзындығы 153,3 км құрайды, оның 15,1 км немесе 10,2% жақсы және қанағаттанарлық жағдайда. Тұрғындардың сауалына алдағы бес жылда жолдардың сапасын кезең- кезенімен жақсарту жоспарлануда соның ішінде 2021 жылы Бесқұдық ауылында кіреберіс жолдары жөнделеді. Сонымен қатар тұрмыстық жағдайға тоқталды. «Nur Otan» партиясы отбасы институтын нығайту, олардың материалдық тұрақтылығын қамтамасыз ету, баспана алуына жағдай жасау бойынша кешенді шаралар алу қажет деп санайды. Бүгінгі күнге ауданда тұрғын үй алу кезегінде 283 адам тұр.
Тұрғын үй жағдайын жақсарту үшін «Nur Otan» партиясы:
- Жыл сайын Қобда ауылында ауданы 1000 ш.м. құрайтын 16 арендалық пәтерді салуға;
- 2021 жылы Әлия ауылында ауданы 140 шаршы метр құрайтын 2 пәтерлі тұрғын үй салуға;
- Жыл сайын жеке құрылыс салушылармен жалпы ауданы 6,8 мың шаршы метрді құрайтын 60 жеке тұрғын үй құрылысы есебінен 240 жуық адамды тұрғын үймен қамтамасыз етуге ықпал етеді.
Нәтижесінде 1,2 мыңнан астам аудан тұрғыны баспанамен қамтамасыз етіледі.
Бұл үшін алдағы жылдарда “Nur Otan” партиясы келесі міндеттерді қояды:
- 2023 жылы Қобда ауылында қатты тұрмыстық қалдықтар полигонын салу;
- 2025 жылға ірі елді мекендерде бөлек тұрмыстық қалдықтарды жинауға арналған 40 контейнер орнату жоспарлануда- деп бағдарламаны түсіндірді.


2020 жылдың 23 желтоқсан күні «ANTIKOR ORTALYGY» сервистік орталығында жыл бойына қоғамда сыбайлас жемқорлыққа қарсы мәдениетті, парасаттылықты қалыптастыруға қосқан үлестері үшін қоғам белсенділері, мекемелер және бұқаралық ақпарат құралдары марапатталды.
Шараға БҚО Сыбайлас жемқорлыққа қарсы қызмет басшысы Р.С.Ақмырзаев, «Ақжайық – Адалдық Алаңы» жобалық кеңсесінің жетекшісі Ә.Ө.Салиева, мемлекеттік органдар мен қоғам және БАҚ өкілдері қатысты.
БҚО Сыбайлас жемқорлыққа қарсы қызмет басшысы Р.С.Ақмырзаев өз сөзінде: «2020 жылда сыбайлас жемқорлыққа қарсы іс-қимыл саласы маңызды оқиғаларға, әсіресе жемқорлық үшін жауапкершілікті күшейту және жаңа шектеулер енгізу сияқты заңнамалық жаңашылдықтарға толы болды. Басты мақсат қоғамда сыбайлас жемқорлыққа қарсы мәдениетті қалыптастыру жұмыстарын жүргізу болып табылады» - деп атап өтті.
Сонымен қатар, Департамент басшысы жыл бойына қоғамда сыбайлас жемқорлыққа қарсы мәдениетті, парасаттылықты қалыптастыруға қосқан үлестері үшін қоғам белсенділеріне, мекемелер мен бұқаралық ақпарат құралдарына алғысын білдіріп, келер 2021 жылы дендеріне саулық, отбасыларына амандық, еңбектеріне толағай табыстар тіледі.
«Жастардың тұрақты және әлеуметтік даму қоры» қоғамдық қорымен «Азаматтық бақылау» жобасы аясындағы ұйымдастырылған «Адал еңбектің жарқын бейнесі» облыстық сурет және «Парасатты қоғам» бейне байқауларының жеңімпаздарына грамота мен құнды сыйлықтар табыс етілсе, қоғамда сыбайлас жемқорлыққа қарсы мәдениетті, парасаттылықты қалыптастыруға қосқан үлестері үшін белсенді қоғам өкілдері, мемлекеттік мекемелер мен бұқаралық ақпарат құралдары алғыс хаттармен марапатталды.
Егер сізге сыбайлас жемқорлық фактілері туралы белгілі болса, онда сіз тәулік бойы жұмыс істейтін Сыбайлас жемқорлыққа қарсы қызметтің 1424 Call-орталығына хабарласа алатыныңызды есіңізге саламыз.

