nazgulnaz

Бұл күнде ұлттық би туралы, оның ішінде, «Қара жорға» биі туралы ой толғамаған қазақ баспасөзі кемде кем. Бірақ біз әлі күнге «Биіміз бар ма, жоқ па?», «Қара жорға» қазақтікі мен, моңғолдікі ме?» деген сұрақтардан әрі аса алмай жүрміз. Ал өзге жұрт өз мәдениетін әлемге паш етуде. Тіпті, көрші Қытай елі сондағы өсіп-өркендеген қазақ биін «Қытай мәдениетінің айырылмас бір бөлігі» деп қарап, оның пісіп-жетілуіне барынша жағдай жасауда. Оған дәлел ретінде «Қазақ биі» жеке мамандық ретінде 3 жыл оқытылатынын айтсақ та жеткілікті. Ал өз елімізде ересектерді айтпағанда бүлдіршіндеріміз денелерін жартылай жалаңаштап, үндінің, өзбектің, орыстың биін билеп жүр. Бұл ұлт болашағына, елдің ертеңіне тікелей қатысты мәселе. Бәсекеге қабілетті ұлттық билеріміз жоқтығынан сәбилеріміздің санасын жат ұғымда…

Қазақтың бұрынғыдан келе жатқан дәстүрдің ерекше бір түрі – соғым сою. Қытайдағы қазақтар «соғым» ұғымын ерекше қадірлейді. Соғым сою – бүгінгі нарық заманында бар қазақтың басына жазыла бермейтін «бақыт» болып тұр. Әлмісақтан малы мен жанын бір деп білген біздің жұрт қазір соғым дегеннің не екенін білмейтін халге түскендей. Кім білсін? Қазақсанының қарық болып көбеймеуі де қасиетті төрт түлігінің тұқымы азғындауымен астасып жатқан шығар. Дегенмен мұғалімі мен дәрігерінің, малшысы мен егіншісінің жағдайын жасап қойған Қытай елінде соғым соймайтын қазақ кемде кем. Қазақта соғым деп қыстыгүні жата-жастанып жеу үшін алдын-ала сойылған малды айтады. Соғымды көбінде қараша, желтоқсан айларында сойған. Оған әр үйдің әл-ауқатына қарай ірі қарадан түйе, жылқы, сиыр, ұсақ малдан қой, ешкі сойылған…

АСТАНА. 27 желтоқсан. BAQ.KZ – Кеше Бейжіңде жаңадан түсіріліп жатқан «Мау Зыдоң» атты тарихи фильмнің бас рөлдерін сомдаушы актерлері және фильм режиссері, миллиардтар елін мойындатып жүрген қазақ қызы Жанар Сағатқызының қатысуымен баспасөз маслихаты өтті. Синь Хуа агенттігінің хабарлауына қарағанда, Қытай Халық Республикасының тұңғыш төрағасы, Қытай жаңа дәуірі төңкерісінің көсемі Мау Зыдоң жайлы түсірілетін «Мау Зыдоң» атты бұл тарихи фильм 100 сериадан тұрады екен. Мау Зыдоңның өмірге келгенінен тартып 1949 жылы Қытай Халық Республикасы құрылғанға дейінгі тарихи кезеңді 60 сериаға қамтыған бірінші маусымын түсіру жұмысына талантымен талайды тамсандырған қазақ аруы Жанар Сағатқызырежиссерлік еткелі отыр. Саяси тұлғаның өмірі мен Қытай мемлекетінің құрылуы, дамуы арқау етілген тарихи фи…

Америкалықтар «Магницкий» тізіміне, яғни АҚШ-қа келуге тыйым салынған ресейлік шенеуніктер қатарына Ресей Президенті Владимир Путинді де енгізуді, талап етуде. Шамамен 4 мың адамға жуық адамның қолы қойылған осындай петиция АҚШ Ақ үйінің сайтында жарияланған. Америкалықтар егер Ресей басшысы АҚШ азаматтарының бала асырап алуына тиым салатын заңға қол қоятын болса осындай шара қолдануды ұсынуда. Даудың басы 2009 жылы қараша айында тергеу алдындағы абақтыда Hermitage Capital қорының заңгері Сергей Магнитскийдің қайтыс болуынан басталған еді. Бұл оқиға Ресейдің өзінде де, Батыста да үлкен шу тудырған. Батыс саясаткерлері заңгер биліктің қиянатынан өлді деп санады. Осыған байланысты АҚШ-та сенатор-демократ Бенджамин Кардин заң жобасын ұсынып, артынша С.Магнитскийдің өліміне қатысы бар деген л…

2012 жылдың 21 желтоқсанында «ақырзаман келеді» деп дүрліккен жұртшылық сабасына түскендей. Сәуегейлер тіршіліктің ақыры бүгін (Астана уақытымен сағат 12-нің шамасында) жетеді-міс деп дүрліктірген еді әлем халқын. Қауесеттің басы майя тайпасынан қалыпты делінген жазбалар төңірегінен өрбіген. Көне тайпаның күнтізбесі 2012 жылдың 21 желтоқсанымен біткен көрінеді. Әлемнің балшы, құшынаш, сәуегейлері осы жазбаларды сан-саққа жүгіртіп, жұртты үйрейлендіретін болжамдарды жарыса жариялап жатты. Ғалымдар болса бұл мәлімдемелердің еш ғылыми негізі жоқ қауесет екеніне жұртты сендіре алмай әлек болған.Зерттеушілер майя күнтізбесінің бұл уақытпен аяқталуы олардың жыл санауындағы белгілі бір кезеңнің аяқтауы мен жаңа кезеңнің басталуымен байланысты екенін түсіндіруге тырысқан еді. Сонымен қатар ғалымд…

Сөзімді тыңда сеніп, қарағым, 
Төзімнің бұзып берік қамалын. 
Өмірден де өңді өзіңді көріп, 
Сары майдайын еріп барамын.

Тал бойың тұнып қылыққа керім,
Тұмадай жаның тұнық па дедім. 
Көркіне көптің көз байланса да, 
Өзімді бұлай ұмытпап едім.

Қалғандай құрып амалым менің, 
Тоғысар тағдыр-таланым ба едің?! 
Өзіңді көріп ұмыттым бәрін, 
Жаз жазиралы жамалым менің.

Жаныма жарық өң бере келдің,
Толқындай толқып тербеле бердім.
Өмірге мына өзіңді жаным,
Көруге ғана келмеген едім.

Сондықтан көңіл танысатындай, 
Қос жүрек мәңгі табысатындай. 
Қасымнан қалқам, ұзасаң егер, 
Басымнан менің Бақ ұшатындай.

Ақ қардан аппақ құлын денелім, 
Күннен де көркем күлімдегенің. 
Баурыма басып аймалар едім, 
Аулыңа қашан ұрын келемін?!..

Ілияс Мұқаев

http://www.baq.kz/blog/article/4538

Экономикалық даму министрлігі мен Өнеркәсіп сауда министрлігі Ресей үкіметіне мемлекеттік қажеттілік үшін сатып алуға тыйым салынатын Қазақстан, Ресей және Белорусь мемлекеттерінің аумағында жасалынбаған тауарлардың тізімін жолдады. Ол тауарлардың ішіне көлік құралдары да кіреді. Көлік тізімі бойынша Үкімет жеке қаулы дайындап жатыр, деп хабарлайды «Известия». Егер осы қаулы қабылданатын болса, шенеуніктер шетелдік көліктермен, мәселен, немістің Daimler концерні шығаратын Mercedes-Benz маркасы Ресейде жасалмағандықтан, қош айтысатын болады. Бірақ, Өнеркәсіп сауда министрі Денис Мантуров Дмитрий Медведевке жазған хатында бұл шетелдік көліктерден біржолата арыламыз деген емес, олардың ішінде Ресейде жиналатын машиналарды сатып алуға болады делінген. Олардың қатарында Калининград қаласының «…

Алматы қаласында 2004 жылдан бері жұмыс жасап келе жатқан Шығыс-тибет медицинасының «Жас-Ай» орталығы бүгінге дейін 50 мыңға жуық науқас қабылдап, ажалға арашашы болып келеді. Шығыс-тибет медицинасын Қазақ елінде дамытушы да, медицина орталығын құрушы да Қытайдан келген қандасымыз Жасан Зекейұлы болатын. Медицина ғылымдарының докторы, профессор Жасан Зекейұлымен сұхбаттасқан едік. – Аға, атажұртқа қашан оралдыңыз? – 1983 жылдары Қытайдағы Шыңжаң медициналық университетінің емдеу факультетінде оқып жүргенімде бар күш-жігерімді ең алдымен қазағыма арнасам деп ойлаушы едім. Себебі, айтпаса да түсінікті шығар. Миллиардтардың ішінде 100 адамды емдесең, ішінен екі-үш қазақты көресің, не көрмейсің. Қазақтың денсаулығы жақсы деген сөз емес бұл. Тек күш-жігер, қайрат-қуатыңның ең бірінші өз халқың…

Қазақ-Қытай әдеби байланысының аясында қазақ әдебиетінің класскалық туындылары миллиардтар тіліне аударылып жүр. Дегенмен қазақ әдебиетін өз деңгейінде қытай тіліне аударуда маман тапшылығы сезіледі. Айталық, қазақ тілінен қытай тіліне аударатын сапалы аудармашылар ретінде арғы бетте екі-ақ адамның аты аталады. Оның бірі – Еркеш Құрманбекқызы болса, бірі – Қайша Тәбәрак. Қайша Тәбәрак – Алаштың ақиық ақыны Мұқағалиды Қытайша сөйлеткен талантты аудармашы. Қайша Тәбәрікқызы 1957жылы қарашада Санжы Облысына қарасты Құтыби ауданының торғайты ауылында дүниеге келген. Мектепті қытай тілінде бітірген. 1976- 1978жылдыры Іле қазақ автономиялы облыстық партия мектебінің аударма бөлімінде білім алған. Ол бертінгі жылдарға дейін, яғни 2000 жылға дейін Санжы облыстық үкімет кеңсесінде жұмыс істеді. Қа…

Соңғы кездері Қытайдағы білікті қазақ шипагерлеріне сұраныс артты. Өйткені шетелден білім алған қазақ мамандары тек қазақ дәрігерлігін ғана емес, Қытай медицинасын, батыс медицинасын бес саусақтай білетін таптырмайтын маманға айналып отыр. Зәруіне дәру іздеген жандарға шипа сыйлаған сондай ақ халатты жандардың бірі – Жазира Тоқайқызы. Жазира Тоқайқызы 1965 жылы 19 мамырда Қытайдың Алтай аймағы Алтай қаласында дүниеге келген. 1987 жылы Ши-ән медицина университетінде емдеу факультетін бітіріп, Шыңжаң меицина университетінің қарамағындағы І шипахананың ішкі аурулар бөлімі тыныс жолы жүйесінде клиникалық қызмет бастайды әрі оған қоса оқыту, оқытуды зерттеу қызметіне де белсене араласады. 1997 жылы маусымнан 2003 жылы наурызға дейін Жапония университетінің медицина саласындағы аға шипагерлерді…