Astana Motorsports командасының капитаны Артур Ардавичус «Баха Польши 2014» FIA Әлем Кубогының сегізінші кезеңінің қорытындысы бойынша үшінші орынды еншіледі. Бұл туралы бүгін команданың баспасөз қызметінен хабарлады. Олар Польша жерінде өткен жарыста үш күн ішінде 800 шақырымға жуық жерді басып өткен. Аталмыш халықаралық жарысқа «Астана» Президенттік кәсіпқой спорт клубы атынан Astana Motorsports командасының бір жүк көлігінің экипажы қатысты. Артур Ардавичус, оның штурманы Алексей Никижев және механик Даниэль Козловский жарыс жолына 302 нөмірлі Tatra автокөлігімен шықты. Бәсеке жолы аса ұзақ болмағанымен жүргізушілерден сақтықты, тиянақтылықты талап етті. Ой-шұқыры көп, тар әрі ирелең жолдар, қауіпті бұрылыстар мен құмдар, тастар жарысты күрделендіре түсті. Алайда Astana Motorsports ком…

Теннистен АҚШ-тың ашық чемпионатында даниялық (тегі поляк) Каролина Возняцкидің қарқыны қатты. Спорттық өмірінде «Үлкен дулығаны» ұтпаса да, биыл 25-тің биігіне шығатын Каролина 2010 және 2011 жылдың қорытындысы бойынша үздік өнерімен көрініп, әлемнің бірінші ракеткасы атанған еді. Кейін бірақ ойыны қожырап, жеке өміріндегі өзгерістер де әсер етті ме, әйтеуір рейтингісі түсіп кетті. Биыл Стамбул турнирін ұтқан К.Возняцки АҚШ чемпионатына тастүйін дайындықпен келгендей. Соның дәлеліндей жарыс барысында Ресейдің басты үміті, әлемнің бесінші ракеткасы Мария Шарапованы жолдан тайдырды. Ал бүгін таңда италиялық Сара Эрраниді (6:0, 6:1) бұйым құрлы көрмеді. Енді ол жартылай финалда биылғы чемпионаттың тағы бір басты жаңалығы, қытай қызы Пэн Шуаймен күш сынасады. Оны жеңсе, финал күтіп тұр. 2009…

Қызылорда қаласында фейсбукшілер арасындағы ҚОФФ Ашық ауыспалы кубогы мәресіне жетті. Қазақстан Республикасының Конституция күніне орайластырылып ұйымдастырылған доданың финалдық кезеңінің қорытындысы бойынша, шағын футбол лигасын құру туралы шешім қабылданып, лиганың «А» және «В» топтарына үміткер командалар толық белгілі болды. Бұл туралы облыстық футбол федерациясының баспасөз қызметі хабарлады. Қызылорда облысы әкімінің орынбасары, Қызылорда облыстық футбол федерациясының президенті Нұржан Әлібаевтың қатысуымен өткен ашық кубоктың финалдық кезеңіне ҚОФФ Атқару комитетінің Асқар Сереков, Акмалхан Холматов, Серік Жаппасбаев, Берік Көпжасар сынды мүшелері де қатысып, тіпті Федерация атынан жасыл алаңда доп тепті. Ал финалдық кезеңге қатысуға ниетті командалардың саны 25-ке дейін жетті. И…

6 қыркүйекте Қазақстан Республикасының Ұлттық Олимпиада комитеті, Мәдениет және спорт министрлігі, сондай-ақ Астана қаласының туризм, дене шынықтыру және спорт басқармасы Олимпиада күнін ұйымдастырады, деп хабарлады «Бәйтерек» медиа-орталығынан. «Бұл мереке 1894 жылы 23 маусымда Пьер де Кубертен және оның серіктестері Олимпиада ойындарын жаңғыртып, Халықаралық Олимпиада комитетін (ХОК) құруына орайластырылды», делінген хабарламада. Бүгінде әлемде 200-ден астам Ұлттық Олимпиада комитеттері Олимпиада күнін атап өтеді. Шараның мақсаты — салауатты өмір салтын насихаттау, достық, сыйластық пен спорттық шеберлік тәрізді олимпиадалық құндылықтарды көрсету. «Дәстүр бойынша бұл күні Астанада жүгіруден жарыстар өтеді. Мектеп оқушылары арасында 800 метрге жеке жүгіру, сондай-ақ екінші 800 метрге жек…

Дзюдодан Қазақстан құрама командасы Ресейдің Челябинск қаласында өтіп жатқан Әлем біріншілігінде бірде-бір медальге қол жеткізе алмады. Бұл біріншілікке жаттықтырушылар штабы ұлттық құраманың екінші және үшінші нөмірлі дзюдошыларын алып барған болатын, — деп хабарлайды Қазақстанның дзюдо федерациясының баспасөз қызметі. Бұған дейін журналистерге берген сұхбатында дзюдодан Ұлттық құрама команданың бас бапкері Ермек Имамбеков: «Біз үшін биылғы жылдың басты сайысы — Оңтүстік Кореяның Инчхон қаласында өтетін (19 қыркүйек — 4 қазан) Азия ойындары ғой. Оған еліміздің ең мықты деген айтулы дзюдошыларын алып барамыз. Дегенмен, қалай болғанда бұл Әлем біріншілігінде қайсысынан болмасын екі медальді жеңіп алу жоспарымызда бар. Оның бірін, Максим Раков әкелуі тиіс. Өйткені жаттықтырушылар штабы оған…