Аралас жекпе-жек: Болат Қиялов Мәскеуде өтетін «Битва 19» халықаралық жарысына қатысады
Аралас жекпе-жек бойынша (ММА) қазақстандық Болат Қиялов Мәскеуде өткізілетін «Битва 19» халықаралық жарысына қатысады. 11 маусым күні Мәскеу қаласының Лужники «Россия» МОКЗ-ның аренасында болатын бәсекеге түрлі елдерден келген аралас жекпе-жектердің саңлақтары қатысқалы отыр. Болат Қиялов әлем чемпионатының қола жүлдегері және тай боксынан Қазақстан чемпионы, сондай-ақ Қазақстанның грэпплинг бойынша күміс жүлдегері болып табылады. Жарыста оның қарсыласы — «Барс» СК-ның (Қалмық республикасы) атынан шығатын ресей спортшысы Баир Штепин. «Болат — болашағынан үміт күттіретін спортшы. Бұрын тай боксында бағын сынап жүрген болатын, бірақ ММА әлемде жоғары бағалануына байланысты біз осы спорт түрін таңдадық. Болат Тайландта, Тайгерде («Тайгер Муай Тай және ММА» жаттығу лагері) үш айлық жиынға қа…



