TRK_kaz

Орал қаласында қазақ күресінен республикалық «Жас Барыс» турнирі мәресіне жетті. 14-15, 16-17, 18-19 жас аралығында үш топта сынға түскен жас палуандардың бәсекесіне еліміз бойынша 260 спортшы қатысты. Дәстүрлі түрде 4-ші рет өткен республикалық турнирге іріктеу 4 кезең бойынша жалғасқан еді. Алғашқыда қатысушылар 1-2 кезеңде ауылдық елді мекендер мен аудандық іріктеуден өтсе, 3 кезеңде облыстық іріктеу сынына қатысқан. Одан өткендер 4 кезеңге, яғгни, финалдық турнирге жолдама алды. Турнирде 14-15 жастағы балалар: 38, 42, 46, 50, 55, 60, 66, 73, + 73 келі, 16-17 жастары жасөспірімдер: 46, 51, 57, 64, 72, 81, +81 келі, 18-19 жастағы жастар: 55, 60, 66, 74, 82, 90, 100, +100 келі салмақ дәрежелерінде белдесті. «Жас Барыс» турнирін ҚР Мәдениет және спорт министрлігі, «Қазақстан Республикасы…

Енді кішкентай көрермендер «Айжұлдыз» хабарынан кейін жаңа ертегі тыңдай алады.

Әбілхан Қастеев - қазақ кәсіби бейнелеу өнерінің негізін қалаушы.

Әбілхан Қастеевтің мұражай-үйі - Алматыдағы орны бөлек мәдениет нысандарының бірі.

Қазақ бейнелеу өнерінің атасы бұл үйде 1958-1973 жылдары тұрған. Мұнда суретшінің кезінде тұтынған дүниелері мен 100-ге тарта  жұмысы қойылған. Шебердің қарындашпен, қылқаламмен салған алғашқы туындыларын да осы мұражайдан көруге болады.

«Мұнда жиі келетіндер - бейнелеу өнерін меңгеріп жүрген жастар, танымал суретшілер мен шебердің көзін көргендер», дейді мұражай-үйінің директоры Еркін Нұразхан.

Қолданған заттарының ішіндегі ең құндысы - сурет салуға арналған құрал-саймандары. Бұлардың бәрін суретші өз қолымен жасаған екен. Қызы Гүлдәрия Қастеева «Әкемнің сурет салудағы табандылығы ерекше болатын», деп еске алады.

Толығырақ «Таңшолпанда».

Әнші Мақсат Базарбаев - «Таңшолпанда» қонақта.

«Қайда барсам да, «Сахнадан неге көрінбей кеттің?» дегенді жиі еститін болдым.

Тоқтап қалған жоқпын, әндер жазылып жатыр, түсірілімдерге, түрлі концерттерге қатысып жүрмін. Шығармашылық жұмыстарым жалғасуда», дейді әнші.

«Өнерде жүргеннен кейін халыққа есеп беру - міндет. Сондықтан, жеке кешімді өткізу - қазіргі кездегі ең басты мақсаттарымның бірі», деген өнер иесі тыңдармандарымен әлеуметтік желілер арқылы пікірлесіп отыратынын жеткізді.

Сондай-ақ,әнші студияда көрермендер тарапынан түскен отбасы туралы сауалдарға жауап берді. Толығырақ«Таңшолпаннан» көріңіз.

Ақша жинайтын түрлі қобдишалар сыйлау - жақсы ырым.

«Кім сыйлық жасай білсе, сол өмір сүре біледі». Жақыныңның жанын жадыратып, қуанта білудің өзі - бір бақыт.

Ақша жинайтын түрлі қобдишалар сыйлау - жақсы ырым. Баласы бар жақындарыңызға ойыншықтардан гөрі, бір мезгіл бала денсаулығына пайдалы заттар да сыйлағаныңыз абзал.

Ең бастысы, бұл сыйлықтардың қолдан жасалғанын, тұрмысыңызға аса қажетті екенін естен шығармаған жөн. Сондай-ақ, сыйлық берген адамға құрметпен қараңыз. Оның тартуын «арзан-қымбат, үлкен-кіші» деп өлшеп-пішуге әдеттенбеген жөн.

Ал, студенттер қауымы бір-біріне қандай сыйлық ұсынғандары абзал? Бұл туралы «Таңшолпаннан» көріңіз.

Жерар Депардье, Нұржұман Ықтымбаев, Болат Қалымбетов, Наталия Арынбасарова, Наталья Гвоздикова фильмде басты рөлдерді сомдайды.

Режиссер Сәбит Құрманбековтің бұл туындысы қарттардың бүгінгі күні туралы сыр шертеді.

Мейірімге толы лирикалық хикая қарттардың күнделікті өмірінің қайшылықтары мен шырғалаңдары, жаймашуақ қарым-қатынастары, қуанышты сәттері мен болашаққа деген өшпейтін үміт оты туралы баяндайды.

Жерар Депардье, Нұржұман Ықтымбаев, Болат Қалымбетов, Наталия Арынбасарова, Наталья Гвоздикова сынды майталмандар кейіпкерлерін сомдаған фильмді бүгін Ұлттық арнадан сағат 22:50-де көре аласыздар.

Бүгін 15:45-те Ұлттық арнадан көріңіз. Жазушы, публицист, Қазақстанның Еңбек сіңірген қайраткері Қоғабай Сәрсекеев - 1939 жылы қазіргі Қостанай облысы, Амангелді ауданы, Торғай ауылында дүниеге келген. Ол 1963 - 1967 жылдары «Қазақстан пионері», «Социалистік Қазақстан» газеттерінде әдеби қызметкер, 1967 - 1982 жылдары «Қазақ әдебиеті» газетінде бөлім меңгерушісі, жауапты хатшы, 1983 - 1986 жылдары «Кітап жаршысы» («Друг читателя») газетінің редакторы болды, 1986-1990 жылдары «Жалын» баспасында бас редактор, республикалық «Қазақкітап» бірлестігінің бас редакторы, Кітап таратушылар республикалық қауымдастығының президенті қызметтерін атқарған. Повестер мен әңгімелерден тұратын «Кілт» (1967), «Қараша қаздар» (1974) деген жинақтары жарық көрді. «Қол мерген», «Кестелі орамал», «Ыбырай Алтынсар…

Монте-Карлода жеңіл салмақ дәрежесінде (53,5 келіге дейін) қазақстандық кәсіпқой боксшы Жанат Жақиянов пен венесуэлалық Йонфрес Парехо арасындағы жекпе-жек аяқталды.

12 раундқа созылған кездесуде төрешілер шешімі бойынша қазақстандық боксшы жеңіске жетіп, WBA (Interim) тұжырымы бойынша Әлем чемпионы атанды.

Осылайша Жанат Жақиянов кәсіпқой рингтегі өзінің 26-шы жеңісіне (19-ы нокаут) қол жеткізді.

Сүйінбай Аронұлының 200 жылдығына арналған айтыстың 2-бөлімін бүгін сағат 13:10-да көріңіз.

Мұхтар Әуезов Сүйінбай Аронұлына «Айтыс өнерінің алтын діңгегі», деп бекер баға бермесе керек. Ел тағ­ды­рын толғап, шежіремізді шебер тіл­мен шер­тіп, тарих тереңіне бойлаған Сүйінбай ақынның шынында алтын діңгек екені ақиқат.

Осыдан біраз уақыт бұрын Талдықорғанда Сүйінбай Аронұлының 200 жылдығына арналған «Сөздің пірі – Сүйінбай» атты халықаралық ақындар айтысы өтті.

Айтысқа  арысы Қытай, Моңғолия мен Қырғыздан, берісі еліміздің әрбір өңірінен 20-ға жуық ақын қатысты.

Жыр додасының телевизиялық нұсқасының 2-бөлімін  бүгін Ұлттық арнадан сағат 13:10-да тамашалай аласыздар.

Бүгін сағат 12:05-те Ұлттық арнада.

Балалардың музыкалық мәдениетін дамытуға арналған «Айгөлек» концерттік жобасының өтіп келе жатқанына біраз болды. Талай бүлдіршіннің жұлдызының жануына мүмкіндік берген жобаға қызығушылар да көп.

Байқаудың мақсаты - балалардың бойында көркемдік-эстетикалық талғам қалыптастырып, олардың шығармашылығының дамуына атсалысу.

Қатысушылар «Бүлдіршіндер әні», «Жасөспірімдер әні», «Вокалдық топ», «Дәстүрлі ән» және «Би» аталымдары  бойынша сынға түседі.

Бүгін Ұлттық арнадан сағат 12:05-те «Айгөлек» қатысушыларының спорт тақырыбына арналған концертін көріңіз.