Aizhan Tabyn

Өткенде жұмысқа бара жатсам, бір қара мысық жаныма келіп, біраз қасымнан кетпей жүріп келді. Бір үн шығармайды ғой, тек анда-санда басын көтеріп, бір қарап қояды. Ойланып келем: "Аш па екен, неге ізімнен қалмайды өзі?" деп, кілт тоқтап ем, әлгі мысық аяғымды шыр айнала бастады. Өзі жып-жылы. Біраз айналды да, бір қарап, артқа қарай кетіп қалды. Мен аң-таң, таңымен көлігін қардан тазалап жатқан бір ағай мүлдем қатып қалған. Қызық!

мына жерде тез айналғаны сонша, түсіріп үлгермедім, тек құйрығы ғана көрінеді...

ал мында толығымен көрінеді.

"Сау бол!" деместен "по-английски" кетіп бара жатыр)

Антон Павлұлы) Чеховтың "Ваня ағай" пьесасында: "Адам бойында бәрі де керемет болу керек: келбеті де, киімі де, жаны да, ой да" деген әдемі сөздер бар. Мінсіз адам жоқ дейді, әр кімнің өзіндік бір  кемшілігі бар, біреуге мінезі ұнамайды, біреугі келбеті, ал біреуге тәні. Бәрін де өзгертіп, мінсіздікке талпынуға болады ғой) Сол, Чеховтың айтқанын есіме алсам,өзімді бір кеміс санап кететінім бар. Жан жақты дамудан бөлек, рухани байлыққа кенелуден бөлек, кәдімгі, қарапайым ғана дененің өзін қалыпқа келтіру -мәселе боп тұр..

Содан, астаналықтар, жақсы бір фитнесс-клуб жайлы айтып берсеңіздер.. Әрине, өте қымбат болмау керек))) Әйтпесе онсыз ақ жұқа қалтам көтере алмай қалар)))

Мен "шүберекқұмарлық"-пен ауырамын. Қымбат брендті киімдер мен дорбалар, бағасы жоғары опа-далап, сағат, аяқ киім десе ішкен асым жерде. Қайдан тап болған бәле екенін сеземін де: бала кезім тоқырау заманға тура келіп, көп әдемі, қымбат, сапалы нәрсе түгіл, дені дұрыс тамаққа ақша жоқ заманда өскендіктен деп топшылап отырмын + кәдімгі нәпсі. жақсы шоппингтан соң ғана өзімді жайлы сезінетін болдым. Қуана қуана 10-дорба, 20-жұп аяқ киім, 100-орамал сатып алып жатып, өз өзіме есеп бере алмаймын. Ұнайды, керек, міндетті түрде алуым керек деген ой маза бермейді. Ақыры, он күн жүріп ойлансам да (көп қыздардың кеңесі, артық нәрсе алып қоюдан сақтайды-мыс), ақыры барам да алам немесе сыйға сұраймын немесе ақша жинаймын! Өмірде брэндті нәрселерден бөлек те қызықтар бар екенін жақсы білем, тап сол с…

Саған, саған талай күндер, талай жылдар асыққам, көз жасымды жасырғанмын жансыз аппақ жастықтан, өзге түгіл, соған дағы білдірмегем мұңымды жүрегімді жаралаған, көңілімді тасытқан. Күттім қанша қара түнде жұлдыз санап, жаңылып! Сағыныштың сары мамық орамалын жамылып, мөлдіреген жанарымнан тамшыларды төксем де, көрмеген ем, білмеген ем сағынғаннан қамығып. Үміт деген үлпілдеген кіп-кішкене шымшықтай, дір-дір етіп, жатты ол да, ләм деместен, үн шықпай.Арман болды қолқанатым, тәтті қиял - тірегім. Білмедім ғой қаларыңды сезімімді дым ұқпай. Ал сол шақтар бағым еді, беймезгілде бұйырған, нұрым болды төбе көктен толастамай құйылған. Білсем сонда бал күндерге шолақ ғұмыр бергенін, аттап өтер едім бәлкім қырық үйлі тыйымнан. Қазір бәрі бұлдыр түстей, жанаспайды өңіммен. Басқа біреу табылады көңі…

Сіз жасыл хризантема көріп пе едіңіз? Жап - жасыл, кәдімге шөптің түсіндей ерекше гүл. Қызық, ағы мен сарысын, қызыл мен аласын талай сыйға алып едім, бірақ жасылды алғаш рет көруім. Бұл күннің жаңалығы болды... Жалпы әр күні бір жаңалық болып тұрса, күнде өзіңе өмірдің жаңа бір қырын ашып, біліміңе білім қосып тұрса жақсы болушы еді... Бірақ, ғажайыпты көруден қалдым ба, әлде ерекше құбылыстарға етім үйреніп қалған ба, әйтеуір таң қалудан қалдым.. ********* Бүгін жұмысқа Ұлыбритания, Канада, Швейцария елдерінен қонақтар келді. Кездесу тамаша өтті. Жаңа бір танысыма артық болды) Жалпы, бүгін керемет күндердің бірі маған) Көңілім тасып, қуанып жүрген жайым бар))) (олардың суретін ілмеймін :P) ********* Құрбым ағылшын үйренем деп, енді соған дәріс беретін болдым. Әйтеуір уақытым жетсе екен.…

Мында келіп, біраз нәрсені әлі меңгере алмай жүрген түрім бар. Аватар қоя алмадым, мысалы... Маңызды емес бірақ. Маңыздысы, мындағы көп қолданушылар мен ойлағандай мәдениетті емес екен. Құдай біледі, өмірден, қоршаған ортадан, менен ала алмай қалған не өші бар екенін, бірақ ашулы, қабақтары ашылмайтын "казахофобтар" ма қалай өзі? Еркін ойыңды білдіруің мұң екен, айтпайтынды айтып, жеке тұлғаға көшуге құмар жұртқа таң қалдым. Бұрындары, сырттан оқып,іштей тамсанатынмын. Тақырыптары да ерекше, қолданушылар да не деген мәдениетті деп))) Алайда, көпке құм шашқым келмейді. Тәрбие көрген, мәдениеттен жұрдай емес адамдар да бар екені айқын. Ол жағынан күмәнім жоқ. Уақыт көрсетер, кімнің кім, ненің не екенін... Ешкімнің намысына тиетін сөз айтқым келмейді) Артық кетсем, кешірім сұраймын) Мир вам,…

Қашанғы қайғырып жүресің? Жаның да шаршайтынын енді білдім... Ғашық болғым келеді... Ес-түссіз, еркімді беріп, түнімен еңіреп, күнімен күн боп жадырап, асым батпай, бір көруге асығып, үсігіп, бойынан бір мін көрмей ғашық болғым келеді. Мейлі ол жауапсыз сезім болсын, өйткені сүю бөлек, ғашық болу-мүлдем бөлек. Мұның бәрі тек қана эгоисттік, нәпсінің қозғанынан болатын сезім. Соны тағы да сезінгім келеді. Махаббаты құрысын! Керегі - бойыма сыймай, кеудемдегі жүрегіме қанат бітіріп, биікке самғататын, сағындырып, ойлай ойлай ойымды тоздырып, жүйкемді құртатындай сезім. Ынтық болу. 5 жылдан бері ешкімге ғашық болмаппын... Сағындым ғой деймін. Әлде арзан, сапасыз, жылауық мелодрамалардың әсері ме? Білмеймін, әйтеуір бір кереметті сезінгім келеді... Жұрттың бәрі көктемде көркейіп, жүректері бү…

Жылауық күндердің тізбегі басталатын түрі бар... Ауа райының сүмірейген түрі анау. Қайда қарамасаң күздің күңіренген кейпі. Күн суытты, сау бол менің жайдары жазым) Алдамшы көктен күн күледі, бірақ ол адамдар сияқты алдауды жақсы біледі. Кереметтей жылы көрінгенімен, расында термометр қазір бар болғаны +4 Астанада. Демек мұрын үсіп, саусақ тоңып, жұқа шұлықтардың заманы өтіп, "Сәлем саған жылы гамаж" дейтін уақыт кеп қалды. ******* Келдім мұнда, әрі бері мойнымды созып, жұртқа қарап, алаң болып отырмын. Бір қызығы, бұрыннан оқып жүрмін, тіпті бір рет тіркелген де едім, бірақ тіркелген логинімді ұмытып,оның үстіне уордпресс те керемет жұмыс істепт тұрған болатын... Ехх, қайран уордпрессім ай) Жаным ашиды. Өлі мен тірінің арасында өлімтік хәлде жатыр ғой, бишара... Алла жазса, мұнда да бір…