Aico

Біреу сүйіп тұрса дағы бармайсың,

Біреу жеріп тұрса дағы қалмайсың.

Әйелдер-ай,

Әйелдер-ай,

Қандайсың...(Мұқағали)

Бір жігіт бар жұмыста. Нағыз жігіт. Қыздарға мойын бұрмайтын, қырылып қалса да. Жыртыңдап күлмейтін, жылпылдап жүрмейтін, тәкаппар да емес, маңғаз да емес. Диагнозы - Just married(((

Өлсең де, сенікі болмайды. Сенімен болмайды...

"Дәрменсіз менің мылқау махаббатым

Сірә да өміріммен өтелерсің..." (Мұқағали)

Сіз балаңыздың өз пікірін білдіре алмайтын, жасық, қорқақ, сылбыр, әлжуаз, өз-өзіне сенімсіз, күдікшіл, тым ұялшақ, семіз, тұйық, қабілетсіз болып өскенін қалайсыз ба? Мен қаламаймын. Еш ата-ана баласының бойынан аталған қасиеттерді көргісі келмейтін шығар. Алайда, екі жасар қызымды қыдыртып қайда барсам да, жоқ дегенде, 3-4 маманың қылықтарын көріп қайран қалып келемін. Әсіресе, далаға (аулаға) шыққанда "ештеңе деп қоймайыншы" деп аузыма әрең ие болып келемін. Айналайын, құрбылар, аяулы аналар, сүйкімді сіңлілер! Төрт қабырғаға қамалған қаланың баласының бір сергіп мәз болатын жері - аула емес пе? Алысып-жұлысып, қағысып-тебісіп, асыр салып ойнамаса, қыста қар ұстап, сырғанақ теппесе, жазда топыраққа аунап, доп қуаламаса бала бала бола ма? Баланың құмары қана ма? Ойын баласы ойнау керек.…

Жұмыста Ұлыстың ұлы күні Наурыз мейрамына арналған мерекелік кеш ұйымдастыру біздің бөлімге жүктелген еді. Наурыз мейрамын тойлаудың жыл сайын қайталанатын таптаурын сценарийінен бас тартып, жаңаша, заманауи форматта өткізуге байладық. Өткіздік. Басшылар риза болды. Мерекеге қызу дайындық барысында жұмыс кабинетімізде дүниеге келген мәтінді ұсынамын: (кейбіреуіңіз, мүмкін, ватсаппен құттықтау ретінде келген аудиосын тыңдаған да шығарсыздар) - Алло! - Алло, бұл кім? - Мерекеңмен! - Бірге болсын. - Жумаймыз ба? - Жуған несі, жұмыстамын. Мен ішпеймін шарап-сыра... - Кешіріңіз, неге ішпейсіз? - Көже ішемін, қымыз-шұбат, айран-шалап, науырыз ғой - Наурыз болса, тойлайық та?! - Ой-ой-ой, әріптес, олай демеңіз, сөйлейсіз неге солай сіз? Тапсырма деген бастан асады, орындамасақ – өлеміз. Кел хат…

(2016 жылғы 1 сәуірден бастап барлық мемлекеттік органдарға смартфон, смартсағат, планшет, камерасы бар телефондар алып кіруге тиым салынды. Мемлекеттік қызметкерлер сүйікті смартфон/аяулы айфондарын үйге қалдырып, жұмысқа қарапайым телефонмен келуге міндеттелді).

Сондағы смартфонның айтқаны:

Ай, ватсап, ватсап, ватсап,

Шенеунік иеміз құрғыр

Кетті ғой бізді тастап.

Камера құрбым, қайдасың,

Қалдың ба сен де қақсап.

Иеміз шенеунік байғұс

Түгі жоқ тұл телефонмен

Жұмысы жүр ма ақсап.

Жұмысы жүр ме екен ақсап

Инстаға кіре алмай,

Ютубтан көре алмай,

Твиттер мен фейсбукта

Көсемсіп сөйлей алмай.

Иеміз жұмысқа кетті.

Біз үйде қалдық.

Смартфон атымыз өшіп,

Баланың ойыншығына айналдық.

Ер-азаматтың көп кемшіліктерімен келісуге болады, бірақ сараңдығына көну мүмкін емес. Себебі тарихи қалыптасқан дәстүр бойынша ер адам әйелді асырауға міндет алады. Кездесуге құр қол келетін, бала-шағасына ойыншық, әйеліне киім-кешек, әшекей, гүл әпермейтін сараң адамдар болады. Жалақысын әйеліне ұстатпайды, тіпті әйелінің ақшасын да өзі жұмсайды. Сауда-саттық кезінде бір тиын артық төлемейді, сауда орындарында тек жеңілдіктер мен акциялар бар тауарларды сатып алады.Садақа беру, құрбандық шалу, көмектесу, жанашырлық деген түсініктерден ада. Сараң еркек тек дүниеге ғана емес, жан жылуына да жұтаң келеді. Олар ешқашан көңіліңді аулау үшін жылы сөздер айтпайды, комплимент дегенді білмейді. Көтермелеу, мақтау, еркелету дегенге жоқ. Болған күннің өзінде де өте-мөте сирек. Сараңдық пен қызғанша…