Yvision.kzYvision.kz
ru
Qaz
492 жазбалар2 тіркелуші
4
02:21, 05 қыркүйек 2012

Оңтүстікке сапар, немізбен баймыз, неге кедейміз?

Жамбыл облысы осындай әдемі көрініспен қарсы алды. Таулардың арғы жағында Қырғызстан.

Blog post image

2000 жылдық тарихы бар Тараз қаласының саябақтары ерекше көрінді. Мынау секілді ұлттық нақыштағы мүсіндер көп жерде кездеседі.

Blog post image

Әрине Таразға келіп кеткен әр бір азамат тарихи ескерткіштерге соқпай кетпейді. Қарахан кесенесі - өзінің әсемдігімен Ресей сәулет өнерін бағалаушыларын 1902 жылдың өзінде ежелгі Тараздың теңдесіз жасампаздығы ретінде таңдандырыпты. Археологиялық қазбалар көрсеткендей, бұл ғимаратты өрлеу кезінде шеберлікпен әзірленген 30 түрлі өрнекті кірпіштер пайдаланған. Құрылыс қараханидтер дәуірінде, ХІ ғасырда жасалған. Оның жерленуін тарих, біздің аймақты Х-ХІІ ғасырларда билеген Қараханидтер әулетінің хандығымен байланыстырады. Әулие-Ата атануы да содан.

Blog post image

Қарахан 960 ж. қайтыс болады. Оның орнына отырған баласы Мұса исләмды мемлекеттік дін деп жариялайды. Осыдан болар мұсылман тарихшылары қарахандар әулеті билеушілерінің кестесін осы Мұсадан бастайды. Бірақ шын мәнінде Қарахан мемлекетінің негізін қалаушы Мұсаның әкесі Әбділкәрім Сатұқ Қарахан, кейінгі тарихшылардың мемлекет атын оның есімімен «Қарахан» деп атауы да осыдан. Бұл кесененің айналасы бұрын үлкен зират болған деседі. Совет заманында жаңа нысандардың құрылысын бастау үшін жойылды. Бірақ құрылыс жұмыстары барысында "түрлі түсініксіз, мистикалық жәйттар, тіпті адам өлімдері болған" - дейді жергілікті жұрт.

Blog post image

Кесененің алдында мынандай мәрмәр тастың үстінде нақыл сөздер жазылған. Келіп кететін қонақтар оқымай кетпейді.

Blog post image

Қазақстандағы ең көне мешіт те осы Тараз қаласында, Қарахан кесенесінің маңында орналасқан Археолог мамандардың айтуынша, бұл Тараз мешітінің негізі ерте діни құрылыс негізінде күйдірілмеген кірпіштен және пахса жүйесімен қаланған. Осыған дәлел, қазба жұмыстары кезінде тиындар, күнделікті тұрмыстың заттары табылған.

Blog post image

Қазір мұнда ниет етіп келетін кісі қарасы көп. Осында тілеген тілектер орындалады. Өз басымнан өткердім. Бұл жерден біз Тараз қаласындағы дәмханаларын сынауға шықтық. Асқазан қамы бізді мынандай жерге алып келді.

Blog post image

Жолдасым Сабит өзін Америкада сезінгендей болды. Жоқ, бұл дендропарк емес, бұл Тараз қаласы түрғындарының сүйікті дәмханасы "Бобур". Мұнда экзотикалық өсімдіктерден бөлек, экзотикалық құстар мен жануарлар бар.

Blog post image

Ал мына жерде, өзіңді керемет сезініп, ұйғыр, өзбек, қазақ, түрік тағамдарынан дәм татуға болады. Баға туралы айту қиын, астаналықтар түсінеді))))). Біз болсақ ары қарай Айша бибі кесенесіне жол тарттық. Мынау 1893 пен 1953 жылдары түсірілген суреттер. Кесенеің кейпі реставрацияға дейін осындай болған.

Blog post image

Кесене туралы Уикипедия келесі мәліметтерді келтіріп отыр. "Айша бибі кесенесі — ХІ-XII ғасырлардағы сәулет өнерінің көрнекті ескерткіші. Жамбыл облысы Жамбыл ауданында Айша бибі ауылында орналасқан. Сырты керамикалық плиталармен қаланып, ойып жасалған өрнектің сән-салтанаты мен сан түрлілігі жағынан Қазақстандағы басқа мемориалдық-дәстүрлік ескерткіштер ішінде оған тең келетіні жоқ. Ескерткішті қалаған кірпіштердің әртүрлілігінің өзі таң қалдырады. Оның алғашқы қалпы біздің уақытымызға дейін тек батыс қабырғасында сақталған." Кесененің реставрациядан кейінгі түрі мынандай.

Blog post image
Ескі қабырғаны түсінен ажыратуға болады, басқа терракота іспеттес оюлардан ескі қабырғаның түсі қоңыр.Мазар сырты ерекше қапталған, оны тек Бұхарадағы Исмаил Самани мазарымен ғана салыстыруға болады. Айша бибі кесенесі Орталық Азиядағы плита түрінде қапталған оюға толы толығымен кесілген терракотамен безендірілген. Кесене безендіруінде бай және әр түрлі геометриялық фигураларымен апталған.

Blog post image

Тізбектер терракотамен қапталған жіңішке суреттермен қазақ оюлармен безендірілген. Айша-бибі кесенесі көне орталық-азия түріктер халқының ою-өрнектерінің бай мұражай-сақтаулылардың байлығы болып келеді.

Blog post image

"Ескерткіш туристтерді тек қана ерекше сәулетімен ғана емес, сонымен қатар сұлу Айша бибі мен батыр Қарахан арасындағы шексіз махаббаты туралы аңыз да қызықтырады. Аңыз бойынша Айша өзінің ғашығы Қараханға бара жатқан жолында жыланның шаққанынан қайтыс болған. Айша бибі тарихтан белгілі Қараханның әйелі. Күмбезді сол Қарахан (Әулие ата) салдырған. Бірақ кесенені салған сәулетші туралы нақты дерек жоқ." Бұл кесене мен Қарахан кесенесін тіпті Орталық азиядағы Тадж Макалға теңейтіндер бар.

Blog post image

Қазіргі кезде бұл ескерткіштерден батыс қабырғасы, ал қалған қабырғалардан – аз ғана суреттер қалған. Батыс жақ қабырға мен бағаналар оюлы ұсақ плиткалармен қапталған. Қабырғаның ортасында сүйір аркалы текше жасалған.

Blog post image

Айша бибі кесенесінің жанында оның күтушісі Бабаджа хатун кесенесі орналасқан. Бұл кесене де XI- XIIғғ сәулет ескерткіші болып саналады. Кесене ерекше қарапайымдылығымен бағаланады. Соңғы жаңартылуы 2002 жылы болған. Эпиграфикалық жазба бойынша ол жерде жерленген әйел адамның атын оқып білген. Аңыз бойынша ол әйел Айшаның қамқоршысы болған. Ол Айшаны сапар кезінде қасында болып, Айша қайтыс болған соң оның мазары үстінде жағылып тұрған алауды ұстап тұрды.

Blog post image

Керемет қазақтың даласы. Сенің әсемдігіңе тең келетін нәрсе бар ма? Сенің топырағыңда жүгіріп ойнадық, доп тептік, қой бақтық. Айылда не істемедік))) Шымкент маңайында түсірдім мына суретті. Тараз қаласында тарихи ескерткіштерді араласақ, Шымкент қаласына келіп жаңа саябаққа соқтық.

Blog post image

Тәуелсіздік саябағы. Студент кезімде мында ел-жұрт Ордабасы деп атайтын қараусыз қалған, жантағы өсіп кеткен төбе болды. Соңғы жылдары Шымкентте саябақтар көбейді. Тіпті бұрың соңды болмаған газондар да пайда болды. Бұрын болмайтын.

Blog post image

Су мәселесі күрделі болған кезінде, қазір шешімін тапты, тіпті мынандай әуенге сай өзгеріп тұратын су бұрқақтары істеп тұр. Ал ауа райы қайнап тұратын Шымкентте бұл субұрқақтарын бассейнге айналдырмасын деген оймен, мынандай тордан қоршау жасап қойыпты.

Blog post image

Шыменттің суына ерекше назар аударған сияқтымын ))) Айтпақшы бір қызықты деректер. Субұрқақтың құрылысына 40 миллион теңге жұмсалды. Әуенді су бұрқақ әдеттегідей классикалық және замануи әндермен су бүркиді. Бірақ қанша күтсем де, Майкл Джексон немесе Леди Гага хиттарын естімедім ))))))

Blog post image

Қазақстанның барлық қалаларында байрағымыз көпшілік жиналатын жерде желбіреп тұрады. меніңше керемет нәрсе.

Blog post image

Дәл осы Тәуелсіздік саябағында қаланың барлық нүктелерінен көрінетін ерекше монумент бар.

Blog post image

Бұл монумент «Алтын шаңырақ» деп аталатын  ел бірлігі тәуелсіздік монументі. Елімізде мекен етіп жүрген барлық ұлт пен ұлыс өкілдерінің барельефі бейнеленген алып гранит тұғырдан 137 тік тіреуден тұратын композиция көтеріліп, шаңырақты ұстап тұр. Ондағы 137 тіреу еліміздегі 137 ұлт пен ұлыс өкілдерінің ынтымақ пен бірлікті ту етіп, бітімгершілікте өмір сүріп жатқандығын білдіріп тұрғандай.

Blog post image

Осында көргенің арқасында көңіл күйіміз көтеріліп кешкісін жолға аттандық. Жол демекші, ауылым Арыс Оңтүстік өңірді құрылысы қарқынды жүріп жатқан Батыс Еуропа-Батыс Қытай магистралінің маңында тұр. Жолдан құрылыс жұмыстарына күә болдық.

Blog post image

Айта кететін бір жайт, мұндағы ауа райының ыстығына байланысты құрылысшылар жұмысты кешкі 19 00ден татаңғы уақытқа дейін жүргізеді екен. Өткені бетон қатып қалады.

Blog post image

Жолдың шетінде мынандай трос тартылған. Бетон төсейтін машина осы тросты жағалап, жұмыс істейді.

Blog post image

Ал мына темірлері бетонға 40 см сайын салынады екен. Амортизация үшін.

Blog post image

Алып механизмнің ішіне бұл темірлерді 10 минут сайын салып отыру керек. Бетон төсегіш көлікте 10 -15 адам қызмет етеді.

Blog post image

Қуантарлық бір жәйт, арнайы білім алып, осында біздің қазақтың жігіттері көп. Жұмыс орын болса, отбасын асырау да оңай.

Blog post image

Осылай жаңа жол да төселеді. Ыстығы қатты Оңтүстік үшін осы бетон жол өте ыңғайлы, өткені басқа төселінген материалдар жазда еріп кетеді.

Blog post image

Біз ары қарай жолымызды жалғастырдық, ал құрылысшы жігіттер шамдарын жағып жұмыстарын жалғастырды. Бір түнде олар 500 метр жаңа жол бөлігін тапсырулары тиіс.

Blog post image

Біздің сол күндегі сапарымыз осындай әдемі кадрмен аяқталды. Фотоесеп жалғасында  біз көне Отырар, Түркістан және Сауран қалашықтарымен танысамыз. Ерекшеліктеріне тәнті боламыз.

Blog post image

ЖАЛҒАСЫ БАР..... )))))

4
7710
9

Жүктеу...