Yvision.kz
ru
  • 0
    06:46, 17 сәуір 2024

    Былтыр омбудсменге жүгінушілер саны 1,5 есе көбейген

    Мемлекет басшысы Қасым-Жомарт Тоқаев Адам құқықтары жөніндегі уәкіл Артур Ластаевты қабылдады.
    Президентке азаматтардың құқықтарын қайта қалпына келтіру және қорғау жөніндегі жылдық есеп берілді.
    Артур Ластаев:
    Blog post imageаумақтық өкілдердің толықтай іске кіріскені жайында мәлімет берді;

    былтыр Омбудсменнің атына 5 мыңнан астам өтініш түскен. Бұл 2022 жылғы көрсеткішпен салыстырғанда 1,5 есе көп екенін айтты;

    Ұлттық превентивті механизмнің жұмысы, заңнаманы жетілдіру, халықаралық ынтымақтастықты, құқық қорғау ұйымдарымен және азаматтық қоғаммен өзара ықпалдастықты жандандыру мәселелері туралы баяндады:

    ➤ атап айтқанда, азаптаулардың алдын алу үшін оқшаулау мекемелерінде мыңнан астам кездесу өткізілген;

    ➤ азаматтардың құқықтарын қалпына келтіру бойынша 3,5 мыңнан аса ұсыным берілген, 275 лауазымды тұлға жауапкершілікке тартылған. Нәтижесінде 900-ден астам адамның құқығы қорғалған.

    Адам құқықтары жөніндегі уәкіл Президенттің тұрмыстық зорлық-зомбылықтың алдын алу жөніндегі тапсырмасын орындау мақсатында қабылданған шаралар туралы айтты. Құқық қорғау институты тұрмыстық зорлық-зомбылыққа қарсы іс-қимыл туралы арнайы баяндама әзірлеп жатыр.

    Қасым-Жомарт Тоқаев адам құқығын қорғауға кепілдік беру ісін одан әрі күшейту қажет екеніне назар аударды.

    t.me/aqorda_resmi

    0
    243
    0
  • 0
    10:48, 17 сәуір 2024

    Шешенсөз бен әдебиеттің ұқсастығы мен айырмашылығы

    Осы уақытықа дейін біз шешенсөз бен шешендік сөздің бір-бірінен аражігін ажыратқан едік. Сөздер ұқсас болғанымен қолданар аясы мен мақсаты екі түрлі болды. Дәл солай бүгін әдебиет пен шешенсөздің айырмашылығы мен ұқсастығын талқылайтын боламыз.

    Әдебиет оқырманға жалпы әңгімені , өзінің ойын , идеясын оқиғамен байланыстырып, адам мінезімен, оқиғаның өрбуімен қатар көрсетеді. Яғни автордың өз қалауымен жарыққа келеді. Ол өткен мәселені теріп жазуы мүмкін немесе болашақта өзекті болады деген жәйтті жазып шығады. Ал замансөзде ол ондай шытырманмен жеткізілмейді. Белгілі бір ақпарат оқырманға жету керек болған жағдайда , ол тікелей айтылады. Шешенсөзде ол оқиға алдын ала жоспарланады. Мысалы: жиын, кеңес, алқасөз, дау шешу барысында осы шешенсөз ортаға енеді. Болған оқиғада, дәл сол тұста тамырын басып айтқан сөзді шешенсөз дейміз.
    Шешенсөз бен әдебиеттің бір-бірінен айырмашылығы уақыт кеңістігінде. Әдебиет ғасырлар бойы жалғасады. Яғни бір әңгіме бірнеше жылдар жазылуы мүмкін.. Ал шешенсөзде бәрі басқаша. Шешенсөз дәл сол кезде, сол уақытта айтылады.Еш бояусыз болған жәйтті баяндайды. Ал әдебиетке өң келтіру мақсатында бояу қосылуы әбден мүмкін. Сондықтан да әдебиет пен шешенсөздің ең үлкен айырмашылығы ол – уақыт.

    Ұқсастығына тоқталатын болсақ, екеуіде сөз өнерінен туындаған сала. Екеуіде ауызша дүниеге келіп, ауызша орындалуында. Тағы бір ұқсастығы олардың тарихта қалуы. Бірақ ескеретін жәйт , шешенсөзде көп айтылған сөз емес, дөп басып айтқан сөз тарихта қалады. Сол сәтте қоғамдық санаға түрткі салған жанды сөздер , ауыздан-ауызға тарап, тарихқа тамырын жаяды. Бастысы әдебиет сезімге , ал шешенсөз санаға ықпал етуші күш екенін ұмытпау керек.


    Әл-Фараби атындағы ҚазҰУ
    Журналистика факультетінің
    3-курс студенті Қыдырғазықызы Аружан

    Жетекші: Рушанова Н.Б

    аға оқытушы

    0
  • 0
    01:48, 17 сәуір 2024

    Су тасқыны зардаптарын жоюға Forbes тізіміндегі кәсіпкерлер тартылатын болды

    Президент Қасым-Жомарт Тоқаев кеше Солтүстік Қазақстан облысына жұмыс сапарынан кейін Қостанай облысына барды.
    undefined
    Мемлекет басшысы Қостанай облысына жұмыс сапары барысында су тасқыны салдарын еңсеруге жәрдемдескен бизнес өкілдерімен және еріктілермен жүздесті.
    Кездесуге өңірдегі машина жасау, тау-кен, тамақ және ауыл шаруашылығы өнеркәсібі салаларының жетекшілері, Қазақстан халқы Ассамблеясының жергілікті өкілдері, облыстық жастар ресурстық орталығының еріктілері және студенттер қатысты.
    Қасым-Жомарт Тоқаев шағын және орта бизнеске қолдау көрсету басты міндет екенін атап өтті.
    "Осы кездесуге біраз меценат қатысып отыр. Мен сіздерге ризашылығымды білдіремін. Бұл – сіздердің жүрек қалауларыңыз, азаматтық жауапкершіліктеріңіздің көрінісі. Мұның бәрін марапат үшін емес, шынайы ниетпен жасалған игі іс деп білемін", – деді Президент. Мемлекет басшысы су тасқынынан зардап шеккен халыққа нақты көмек көрсету ісінде бизнесмендердің рөлі зор екеніне айрықша назар аударды.

    "Біздің елімізде Forbes тізіміне кіретін ірі кәсіпкерлер бар. Олармен арнайы кездесеміз. Олар әр облысқа, ауданға, елді мекенге бекітіледі және нақты жауапкершілік жүктеледі. Бұл бір жағынан кәсіпкерлердің мүддесіне сай келеді. Өйткені олар өздерінің қосқан үлесінің нақты нәтижесін көретін болады. Халқына қайырымдылық жасаған азамат ретінде Сіздердің де есімдеріңіз мемлекет тарапынан елеусіз қалмайды деп ойлаймын", – деді Қасым-Жомарт Тоқаев.

    Сонымен қатар Президент еріктілерге зор құрметпен қарайтынын және жан-жақты қолдау көрсететінін атап өтіп, оларға ризашылық білдірді.

    t.me/aqorda_resmi

    0
  • 0
    07:59, 17 сәуір 2024

    Мопедшілер енді тіркеліп, жол ережесін автокөлік жүргізушісімен бірдей сақтайды

    Мәжіліс «Жол жүрісі туралы» заңға және Әкімшілік құқық бұзушылық туралы кодекске көлік құралдарының жекелеген түрлерінің қозғалысын ұйымдастыру және жол қозғалысы қауіпсіздігін цифрландыру мәселелері бойынша заңнамалық түзетулерді бірінші оқылымда мақұлдады.

    undefined

    Фото: kolesa.kz

    Негізгі заң жобасында көліктердің шағын электрлі және кейбір түрлерінің қозғалысын бақылау ұсынылады. Бұл мопедті пайдалану және онымен жолда жүру ережелерін реттеуге мүмкіндік береді.

    Олардың жүргізушілері Әкімшілік құқық бұзушылық туралы кодексте көзделген баптарға сәйкес толық жауапкершілікке тартылады.

    Мопед айдау үшін азаматтар уәкілетті органда міндетті түрде тіркеуден өтіп, «А1» санатындағы жүргізуші куәлігін алады. Жыл сайынғы техникалық байқаудан өтеді. Сондай-ақ көлік құралдары жүргізушілерінің азаматтық-құқықтық жауапкершілігін міндетті сақтандыруды рәсімдейді.

    0
  • 0
    06:55, 17 сәуір 2024

    PR: Қазіргі әлемдегі жарнамалық өнер

    undefinedPR немесе қоғамдық қатынастар қазіргі әлемдегі байланыс саласындағы негізгі элементті білдіреді. Бұл әртүрлі коммуникациялық арналар арқылы қоғамдық пікірге әсер ету, компанияның, өнімнің немесе адамның имиджін қалыптастыру өнері. Көптеген адамдар үшін PR – бұл жай ғана мамандық емес, бұл -назар аудару, әсер ету және басқару қабілеті.


    PR дегеніміз не?


    PR-бұл бедел мен имиджді басқаруға бағытталған іс-шаралар кешені. Бұған Пресс-релиздер құру және тарату, іс-шаралар мен іс-шараларды ұйымдастыру, БАҚ өкілдерімен өзара әрекеттесу, әлеуметтік медиамен жұмыс және тағы басқалар кіреді. PR мақсаты-позитивті Имидж құру және PR объектісіне қызығушылықты қалыптастыру.


    Неліктен PR Менің мамандығым?


    PR саласында жұмыс істеу адамнан көптеген дағдылар мен қасиеттерді талап етеді. Біріншіден, бұл мәселелерді шешудің шығармашылық тәсілі, өйткені үнемі назар аударудың жаңа тәсілдерін ойлап табу керек. Екіншіден, аудиторияның әртүрлі коммуникациялық стратегияларға реакциясын түсіну үшін аналитикалық қабілеттер. Үшіншіден, бұл әртүрлі мүдделі тараптармен, соның ішінде клиенттермен, бұқаралық ақпарат құралдарымен және жұртшылықпен қарым-қатынас орнату және қолдау үшін қажетті қарым-қатынас дағдылары.


    Әсер ету өнері


    PR саласындағы жұмыстың негізгі аспектілерінің бірі-қоғамдық пікірге әсер ету және трендтер құру мүмкіндігі. Бұл фактілерді манипуляциялау ғана емес, сонымен қатар клиент пен оның аудиториясы арасында өзара тиімді қарым-қатынас орнатуға ұмтылатын коммуникация өнері. PR коммуникация құралдарын өз мақсаттары үшін тиімді пайдалану үшін тез өзгеретін Әлеуметтік және медиа ортаға бейімделе алуы керек.


    Қоғам алдындағы жауапкершілік


    Алайда, PR саласында жұмыс істегенде, қоғам алдындағы жауапкершілігіңізді есте ұстаған жөн. Қоғамдық пікірге әсер ету күшті құрал болуы мүмкін, сондықтан оны ақылмен және этикалық тұрғыдан пайдалану маңызды. Этикалық нормалар мен құндылықтарды түсіну, сондай-ақ клиент пен қоғамның мүдделері арасындағы тепе-теңдікті сақтау осы саладағы табысты мансаптың кілті болып табылады.


    Қорытынды


    PR-бұл шығармашылық, аналитика және коммуникацияны біріктіретін мамандық. Осы салада жұмыс істей отырып, PR қоғамдық пікірге айтарлықтай әсер ете алады және өз клиенттеріне мақсаттарына жетуге көмектеседі. Алайда, қоғам алдындағы жауапкершілігіңізді есте сақтау және өз дағдыларыңыз бен біліміңізді этикалық және жауапкершілікпен пайдалану маңызды.

    0
  • 0
    05:47, 17 сәуір 2024

    Апат аймақтарынан эвакуциаланған адамдардың саны 117 мыңға жуықтады

    Су тасқыны жағдайы бойынша сағат 10.00-дегі ақпарат
    undefined
    Азаматтық қорғау қызметтері 116 949 адамды, оның ішінде 40 781 баланы құтқарды. 112 539 ауыл шаруашылығы жануарлары қауіпсіздік жерге айдалды. 16 мың адам үйлеріне оралды.

    Эвакуациялау пункттерінде 6 950 адам, оның ішінде 3 113 бала бар.

    9,8 млн. м3 астам еріген қар суы сорылды, 2,9 млн. астам қапшық пен 1,4 млн. тонна инертті материал төселді. 3 709 тұрғын үй мен 2475 аула аумағынан су бұрылды.


    Жедел желіге түскен 1 857 қоңырау пысықталды.

    0
  • 0
    04:03, 17 сәуір 2024

    Елімізде киіктің көбеюін тежейтін шешімнің күші жойылатын болды

    Мемлекет басшысы Қасым-Жомарт Тоқаев кеше Қостанай облысына жұмыс сапары барысында киікті атуға қайтадан тыйым салынатынын айтты.

    undefinedФото: ortcom.kz

    «Президент қазақ даласының символы саналатын ақбөкендердің көбеюіне тосқауыл қоятын шешімнің күшін жойып, оған тыйым салынатынын мәлімдеді», – деп жазды t.me/aqorda_resmi.

    Елімізде киіктерді атуға рұқсат беру туралы шешімді өткен жылы қазан айында Экология және табиғи ресурстар министрлігі қабылдаған еді. Бұған осы түз тағыларының саны шамадан тыс көбейіп кеткені себеп болды. Ал бұл жағдайдың ауыл шаруашылығына зиян екені айтылды.

    Ол кезде елдегі ақбөкен саны 2 млн 600 мың болған. Жоспар бойынша, осы көрсеткіш 20 пайызға азайтылуы керек-тұғын.

    Сондай-ақ Экология және табиғи ресурстар министрі Ерлан Нысанбаев киіктердің еті 300 теңгеден ет комбинаттарына өткізілетінін жеткізген еді.

    0
  • 0
    05:34, 17 сәуір 2024

    Бишімбаевқа қатысты сотта ресейлік сарапшының қорытындысы іске тіркелмеді

    Астанада Қуандық Бишімбаев ісі бойынша кезекті сот отырысы өтіп жатыр.

    undefined

    Сот ресейлік сарапшының тұжырымын іске тіркеуден бас тартты. Судья сараптаманың заңды бұза отырып жасалғанын айтты.

    @qazaqstantv

    0
  • 0
    08:52, 17 сәуір 2024

    Тазалық - саулық негізі, саулық - байлық негізі!


    13.04.24 жылы университетімізде сенбілік жұмыстары өткізілді. Сенбілігімізді ректорымыз Түймебаев Жансейіт Қансейітұлының сөзімен аштық. Ректормыз алдағы уақытта ҚазҰУ қалашығында ауқымыды өзгерістер орын алатынын атап өтіп, арнайы солтүстік синап алма ағаштарын отырғызатының баяндаған болатын.

    Университетіміздің оқытушы-профессорлары мен студенттері қалашық маңайын тазалап, бірге көңіл көтеріп қайтты. Қалашығымыздың санитарлық жағдайын жақсарту үшін көріктендіру жұмыстары жүргізілді. Тазалық шарасына қатысушылар қажетті құрал-жабдықтармен, қолғаптар және қоқыс салатын қаптармен қамтамасыз етілді.

    undefined

    Бұл сенбілік студенттердің қоршаған ортаға деген сүйіспеншілігін қалыптастыруға және экологиялық мәдениетті қалыптастыру мәселелеріне қоғам назарын аудартуға, санитарлық жағдайын жақсартуға бағытталған болатын. “Тазалық – саулық негізі, саулық – байлық негізі”, демекші саулығымызды қоршаған ортаны тазалаудан бастайық!

    0