Жаңа
«Бәйтерек қасиеті». Мультфильм
«Бәйтерек қасиеті». Мультфильм
«Аңқау қасқыр». Мультфильм
«Алдар Көсенің көңілді оқиғалары». Мультхикая
Қоршаған ортаны қорғау Министрлігі мен Еуропалық Қайта құру және Даму банкі арасындағы тұрмыстық қатты қалдықтар мен су ресурстарын басқару салаларындағы ынтымақтастық бойынша өзара түсіністік жөніндегі Меморандум
21 мамыр күні Қазақстан Республикасы қоршаған ортаны қорғау Министрі Нұрлан Қаппаров пен Еуропалық Қайта құру және Даму банкінің Президенті Сума Чакрабарти тұрмыстық қатты қалдықтар мен су ресурстарын басқару салаларындағы ынтымақтастық бойынша министрлік пен аталған даму институты арасындағы өзара түсіністік жөніндегі Меморандумға қол қойды.
Невалық экологиялық конгресс
2013 жылдың 21 мамырында Ресей Федерациясының Санкт-Петербург қаласында «Экологиялық мәдениет – экологиялық проблемаларды шешудің негізі» атты 6-шы Невалық экологиялық конгресс болып өтті.
«Тараз» ФК президенті өз еркімен отставкаға кетті
ВКонтакте әлеуметтік желісіндегі «Тараз» футбол клубының ресми парақшасында хабарланғандай, клуб президенті Талғат Апсаматов жұмыстан өз еркімен кетуі туралы өтініш жазды, деп ақпарат таратты Sports.kz.
«Клуб басшысының жұмыстан кетуі туралы шешім қабылданған жоқ, себебі ол қазір сырқаттануы бойынша демалыста жүр. Қазіргі таңда «Тараз» ФК президентінің барлық міндеттерін спорт директоры Ғабит Қазбеков атқаруда», — делінген ақпаратта.
Жазғы Универсиада чемпиондарына Қазақстан 3100 доллардан бермек
Қазақстан Қазанда өтетін жазғы Универсиадада оннан астам спорт түрі бойынша өнер көрсететін болады, деп хабарлайды Vesti.kz ҚР Студенттік спорт федерациясының бас хатшысы Жаснұр Ақеділовке сілтеме жасап.
«Қазанда өтетін Универсиада бағдарламасына 27 спорт түрі енген, Қазақстан соның жартысы бойынша өнер көрсетеді. Ауыр және жеңіл атлетика, оқ ату және семсерлесу сынды дәстүрлі спорт түрлерінен басқа, біздің спортшылар белбеу күрестен сынға түсетін болады», — делінген хабарламада.
Бұл жолы гольф пен садақ ату бағдарламаға енбей қалған. Есесіне бес жаңа спорт түрі: самбо, белбеу күрес, регби-7, синхронды жүзу және бокс кіріп отыр. Қатысушылар санына келетін болсақ, ол жағы әлі нақтыланып жатыр.
«Біз атлеттердің алдын ала тізімін құрған болатынбыз, — деді Жаснұр Ақеділов. – Бірақ оны әлі бекіту керек, әлі де түзетулер мен ауыстырулар болуы ғажап емес. Нақты тізім тек екі аптадан кейін белгілі болады».
Сонымен қатар Универсиада жеңімпаздарына берілетін жүлде көлемі де айқындалған. «Қазанда өтетін ойын жеңімпаздары 3100 доллар көлемінде сыйақы алатын болады. Біз бұл соманы әлі де өсіреміз бе деген ниеттеміз, әзірге ол мәселенің шешілетін-шешілмейтіні нақты емес», — деді ҚР Студенттік спорт федерациясының бас хатшысы.
Айтпақшы, таяуда ғана Ресей Универсиада чемпиондарына қанша көлемде сыйақы беретіні белгілі болды. «Алтын» үшін ойын иелері 168 мың рубль немесе 5420 АҚШ долларын тағайындап отырған көрінеді.
27-ші Жазғы Универсиада Татарстан астанасы Қазан қаласында 6 мен 17 шілде аралығында өтеді. Оның алдында Қытайда өткен ойында Қазақстан құрамасы жалпы есептік көрсеткіш бойынша 45-ші орынға тұрақтаған болатын.
«Қазақстан Барысының» билеті сатылымға шықты
Мемлекет басшысы Нұрсұлтан Назарбаевтың жүлдесіне арналған қазақ күресінен «Қазақстан Барысы» республикалық турнирінің финалына билет сатыла бастады.
«Қазақстан Барысы» қазақ күресін дамыту қорының баспасөз орталығы 30 маусым күні Астананың 15 жылдық мерейтойына орай елордадағы «Сарыарқа» велотрегінде өткізілгелі отырған «Қазақстан Барысы-2013» турнирі ақтық белдесулерінің билеттері сатылымға шыққанын хабарлады.
Билеттердің бағасы 1000, 2000, 3000 теңгені құрайды.
Айтпақшы, Сіздің сатып алған билетіңіз бойынша жүлде ойнатылады. Бас жүлде – автокөлік!
Дереккөз: «Sport» газеті


