Мазмұнға өту

Жаңа

Қазақстандық шабандоздар Достастық Кубогын жеңіп алды

Ресей Федерациясы Рязань облысы Спасск-Рязаньский қаласында 27-28 шілде аралығында өткен халықаралық додада сәйгүліктер сынға түсті, деп жазады Sports.kz kazequestrian.org сайтына сілтеме жасап.

Командалық есепте қазақстандық төрт шабандоз Қойшиев Есенаман (Үштоған), Мұқырбаев Бектас (Жары), Ереков Әнес (Жас Аққанат) пен Долгих Наталья (Чекист) жеңіске жетті.

 
0
0
319

Қазақстандық екі спортшы муайтайдан Еуропа чемпионы атанды


муайтай

Қазақстандық муайтай шеберлері Вадим Лопарев пен Еламан Саясатов Еуропа чемпиондары атанды, деп хабарлайды Vesti.kz тілшісі.

Турнир Португалия астанасы Лисабонда өтті. Онда ересектерден бөлек, жастар да күш сынасты. Қазақстан құрамасы бұл жарысқа екі категория бойынша да спортшылар қосқан еді. Нәтижесінде жастар бес медаль, оның ішінде бір алтын алқа олжалады. 45-келіге дейінгі салмақта атыраулық Еламан Саясатов жеңіс тұғырынан көрінді.

Одан бөлек тағы үш спортшы Абылай Құралбаев (48 келіге дейін), Райымбек Сембек (60 келіге дейін) және Олжас Қалижанов (71 келіге дейін) финалға шығып, алайда қарсыластарына жол беріп қойып, нәтижесінде күміс медальдарға ие болды. Тағы да бір отандасымыз Қуаныш Сауатов (75 келіге дейін) қола медальмен марапатталды.

Еліміздің ересектер командасы да жаман өнер көрсеткен жоқ. 75 келіге дейінгі салмақта алматылық Вадим Лопарев қарсылас шақ келтірмей, Еуропа чемпионы атағына қол жеткізді.

Одан бөлек, Лопаревтің төрт бірдей командаластары Ишан Галиев (54 келіге дейін), Аман Қабдоллаев (57 келіге дейін), Тахир Агишев (63,5 келі) және Рустем Ақжанов (71 келіге дейін) жарыстың күміс жүлдегерлері атанды. Айта кетейік, Қабдоллаев өткен жылы жастар арасындағы әлем біріншілігінде де күміс медаль алған болатын.

Муайтайдан Еуропа чемпионаты 23-28 шілде аралығында Португалияның Лисабон қаласында өтті. Естеріңізге салсақ, шілде айының басында басқа бір қазақстандық муайтайшы Эмиль Умаев жабық кешенде өткен Азия ойындарында топ жарған еді.

 

Дайындаған: Болат Қосмағамбет

 
0
0
524

Василий Ломаченко кәсіпқой боксқа өтті


Ломаченко Василий

Украиндық боксшы Василий Ломаченко Top Rank промоутерлік компаниясымен келісім-шартқа отырды, деп хабарлайды «Р-Спорт». Яғни ендігі кезекте боксшы мансабын кәсіпқой рингте жалғастырмақшы.

Ломаченко жаңа мансабы жолында алғашқы кездесуін жартылай ауыр салмақта (57,153 келіге дейінгі) өткізетіндігі белгілі болды. Ал осыған дейін ол алғашқы кездесуде-ақ чемпиондық белбеуді иеленгісі келетіндігін мәлімдеген еді.

Естеріңізге салсақ, қазақстандық бокссүйер қауым украиндық боксшымен WSB сериясы финалдық кезеңі аясындағы Ukraine Otamans пен Астана Арланс арасында елордада өткен кездесуден жақсы таныс. Ол осы кештің басты бәсекесі болған «арландардың» капитаны Самат Бәшеновпен өткен жекпе-жекте жеңіске жеткен еді. Алайда оның бұл жеңісі украиндықтарға жарыста топ жаруға мүмкіндік берген жоқ.

Василий Ломаченко әуесқой бокс тарихындағы физикалық және техникалық мүмкіндіктері жағынан ең үздік боксшы деп саналады. Ол әуесқой бокс мансабы жолында 397 кездесу өткізіп, оның 396-ын жеңіспен аяқтаған. Ломаченко ғұмырында тек бір жекпе-жекте жеңілді. Бұл оқиға 2007 жылы әлем біріншілігінің финалы аясында Альберт Селимовке қарсы өткен кездесуде орын алды. Алайда кейін Ломаченко одан екі рет есе қайтарды. Бірінші жеңіс 2008 жылы Олимпиада ойындарында болса, екінші рет ол оны 2013 жылғы WSB жартылай кәсіпқой турнирінде ұтты.

 

Дайындаған: Болат Қосмағамбет

 
0
0
275

Турдың көркі — төбелес (бейне)

Бір кездері «тойдың көркі – төбелес» деген ащы сөз ауылдарда кеңінен қолданылатын мақалға айналып кеткен еді. Бүгінде футболда да «Турдың көркі – төбелес» болып тұр. Шымкенттегі кездесуден бөлек, «Тараз» – «Астана» кездесуінің соңы да төбелеске айналды.

 

Енді бір турдан кейін футболдан Қазақстан Премьер-лигасының бірінші кезеңі мәресіне жетеді. Ал екінші кезеңнен бастап турнир кестесінің төрінен көрінген алты команда жүлделі орындарға таласса, аутсайдерлер Премьер-лигадағыөз орнын сақтап қалу үшін жанталасады. Демалыс күндері ел чемпионатының 21-туры өтіп, биылғы біріншіліктің үздіктері мен аутсайдерлері анықталып қойды.

Турдың орталық кездесуі Алматыда өтті. 10 мыңға жуық көрермен жиналған Оңтүстік астананың Орталық стадионында жергілікті «Қайрат»өткен маусымның күміс жүлдегері Керекудің «Ертісін» қабылдаған. Еуропа лигасында екінші іріктеу кезеңіне дейін жеткен Талғат Байсуфинов шәкірттері әбден шаршап қалыпты. Бұл әсіресе бірінші таймда анық байқалды. Енді шынымен де бір айдың ішінде тоғыз ойынөткізу оңай емес қой. «Қайрат» қонақтардың осы әлсіздігін сәтті пайдаланды. Ә дегеннен-ақ шабуылға лап қойып, 10-минутта-ақ есеп ашты. 26-шы және 29-шы минуттарда Виталий Ли мен Жамбыл Көкеев есепті 3:0-ге жеткізді. Алайда сәл ғана босаңсығандары сол екен, «Ертіс» екпін алып, Давид Лория қақпасына екі гол соғып кетті.

Ойын біраз жүйкемізді жұқартты. Алғашқы минуттардан бастап-ақтізгінді алаң иелерінің қолына беріп қойдық та, сол үшін опық жедік. Жалпы, 29 маусымнан бері біраз ойын өткізіп тастадық. Жігіттердіңшаршап қалғандары рас. Оларды да түсінуге болады. Ал «Қайратты»үздіктер қатарына қосылуымен құттықтаймын, — деді матч соңында «Ертіс» футбол клубының бас бапкері Талғат Байсуфинов.

Айта кетейік, «Қайрат» — «Ертіс» кездесуі бірден екі команданыңтағдырын шешті. Нақты айтсақ, алматылықтар үздіктер қатарынан орын алса, жүлдеге таласудан әлі де үмітін үзбей келген Қостанайдың«Тобылы» төменгі топқа түсіп қалды. Өз кезегінде 21-турда «Тобыл»үздіктер қатарына қосылу үшін қолдарынан келгеннің барлығын жасаған.Өз алаңында Талдықорғанның «Жетісуын» 3:1 есебімен жеңіп, «Қайраттың» жеңілгенін тілеген. Бірақ біріншіліктің бас кезінде осылай ойнамағаннан кейін қазір бармақ тістегеннен не пайда?!

Бір-ақ гол соғылды демесеңіз, Шымкенттегі кездесу де өте тартысты болды. Еурододадағы кездесудің қарсаңында күштерін үнемдеу үшін «Ақтөбе» бұл кездесуге негізінен қосалқы құрамдағы жігіттерін шығарған екен. Алайда, соның өзінде де алаң иелері Владимир Никитенко командасының әлсіз тұсын таба алған жоқ. Керісінше, Андрей Харабарадан әдемі пас алған «Ақтөбе» шабуылшысы Сергей Гридин «Ордабасының» қақпасынан саңылау таба алды. Ал ойын соңына қарайқос команданың да жүйкелері сыр беріп, арты төбелеске ұласып кете жаздады. Бастаған – Сергей Давыдов. Алаңға шыққанына бір-ақ минут болған қонақтардың ресейлік легионері Мұхтаровтың алдындағы допты алып қоям деп бар пәрменімен аяғын серпіп қалған еді, аяғы Мұхтарға оңбай тиді. Ерегіс. 22 футболшының барлығы осында жүр. Ажыратып жатқандары да бар, айқайласып тұрғандары да жоқ емес. Бес мың адам жиналған стадион да гуілдеп кетті. Давыдовтың түгін қалдырмай боқтап, бас төреші Анатолий Вишниченконы да біраз сыбап тастады. Рас, төреші аздап жұмсақтыө танытты. Дегенмен, ерегістің белсенділерін жазалап, «Ордабасы» тарапынан Мұхтаров пен Бейсеновке, «Ақтөбе» жақтан Давыдовқа сары қағаз көрсетіп, футболшыларының ыстығын басты. Айта кетейік, бұл ойында «Ордабасыны» алаңға бас бапкері Виктор Пасулько емес, көмекшісі алып шықты. Пасульконың шұғыл жұмыстары шығыпқалып, Германияға кеткен екен. Енді бір аптадан кейін келуі тиіс көрінеді.

Бір кездері «тойдың көркі – төбелес» деген ащы сөз ауылдарда кеңіненқолданылатын мақалға айналып кеткен еді. Бүгінде футболда да «Турдыңкөркі – төбелес» болып тұр. Шымкенттегі кездесуден бөлек, «Тараз» – «Астана» кездесуінің соңы да төбелеске айналды. Шамасы «тараздықтарға» «Астана» қорғаушысы Зелаоның дөрекілігі ұнамайқалған сияқты. Рас, елордалықтардың бразилиялық легионері матч бойы тым дөрекі көрінді. Итеріп, құлатып, соғып, жұлып алып, әйтеуір өзқорғанысының нағыз тірегі болды. Кейде шектен шығып кетіп те жатты. Бірақ бас төреші Артем Кучин Зелао тарапынан ешқандай да өрескеләрекет байқаған жоқ. Ал ойын соңында әбден ашу қысқан алаң иелері «Астана» қорғаушысына өздері сазайын бергілері келді. «Тараз» капитаны Абдулаи Диакате бар, Шерхан Бауыржан бар Зелаоға атылған. Нәтижесінде төбелестің соңы Шерханның ногдаун алуымен, Абдулаи Диакате мен «астаналық» Валерий Коробкиннің алаңнан қуылуымен аяқталды. Алда бұл мәселені ҚФФ-тың Тәртіптік-бақылау комитетіқарастырып, кінәлілерді анықтайтын болады.

Ал ел чемпионы «Шахтер» түзде Өскеменнің «Востогымен» тең ойнаса, «Атырау» өз алаңында Оралдың» Ақжайығын» тізе бүктірді. Енді Премьер-лига бірінші кезеңінің соңғы туры 4 тамыз күні өтеді.

Ел футболы тақырыбына орай айта кетейік, 21 турдың қарсаңында екі клубымыз Еуропа лигасы екінші іріктеу кезеңінің аясында өздерініңжауапты ойындарын өткізген. Өкінішке қарай, «Ертіс» түзде Боснияның«Шриоки Бриег» клубынан 0:2 есебімен жеңіліп қалып, еурододаны аяқтауға мәжбүр болды. Есесіне, «Ақтөбе» қуантты. Түзде Норвегияның«Хедд» командасынан 0:1 есебімен жеңілген ақтөбеліктер өз алаңында 2:0 есебімен жеңіске жетті. Енді олардың келесі қарсыластары – Албанияның«Брейдаблик» клубы.

       

21-тур

«Атырау» — «Ақжайық» (Орал) – 1:0

Гол: Алвиж, 28-пен.

«Тобыл» (Қостанай) — «Жетісу» (Талдықорған) – 3:1

Голдар: Куртиши, 18. Әбішев, 81. Жұмасқалиев, 84 — Перич, 90+1.

«Восток» (Өскемен) — «Шахтер» (Қарағанды) – 0:0

«Тараз» — «Астана» 0:0

«Ордабасы» (Шымкент) — «Ақтөбе» – 0:1

Гол: Гридин, 50.

«Қайрат» (Алматы) — «Ертіс» (Кереку) – 3:2

Голдар: Кислицын, 10. Ли, 26. Көкеев, 29 — Струков, 63. Бегалин, 82.

 

Әзиз ЖҰМАДІЛ

 
0
0
704

Сағыныш

Алмағамбетов Арыстанғали Малкеждарұлының өмір жолы мен еңбек жолымен толығырақ таныса аласыз. Толығырақ: http://el.kz/bm3751

0
0
379