Мазмұнға өту

Жаңа

Н.Назарбаев ТМД елдерінде экономикалық өсімді ынталандыруды ұсынды

Әлемдік экономикадағы жағдай қазіргі таңда айтарлықтай өзгерді, сондықтан Қазақстан Достастық елдеріне экономикалық өсімді ынталандыру бойынша шаралар топтамасын белсенділете түсуді ұсынып отыр, деді Қазақстан Президенті Нұрсұлтан Назарбаев Бішкекте өтіп жатқан ТМД Мемлекет басшылары кеңесінің отырысында.

«Бүгінгі таңда Достастық  2008 жылы қабылданған  ТМД экономикалық даму стратегиясының  үшінші кезеңіне көшті.  Әлемдік экономикадағы жағдай қазіргі таңда айтарлықтай өзгерді, сондықтан Қазақстан Достастық елдеріне экономикалық өсімді ынталандыру бойынша шаралар топтамасын белсенділетуді ұсынып отыр», - деді Н.Назарбаев.

«Кей жағдайда ауқымды көлік-транзиттік жобаларды іске асыруда елдер арасында бір-бірін қайталау кездесіп қалады, өзара келісудің жетіспейтіндігі байқалады. Осыған байланысты, бұл саладағы саясатымызды үйлестіру қажет. Бұл жобаларымыздың тиімділігін едәуір арттыруға мүмкіндік береді», – деді Нұрсұлтан Назарбаев.

Сонымен бірге, Елбасы өткен жолғы кездесуде ТМД-ны заманауи жағдайға бейімдеу қажеттігі жөніндегі уағдаластыққа қол жеткізілгенін кеңеске қатысушылардың есіне салды.

«Тараптардың белсенді өзара іс-қимылы арқасында Достастықтың тиімділігін арттыратын нақты шаралар әзірленді. ТМД қызметін жетілдіріп, оның функционалдық икемділігіне қол жеткізу үшін тұрақты түрде жұмыс жүргізіп отыру қажет», – деді Қазақстан Президенті.

Соңында Мемлекет басшысы ТМД-ға 2017 жылы Ресей Федерациясының төрағалық етуі жөніндегі шешімді Қазақстанның құптайтынын жеткізді.

Ақпарат көзі: strategy2050.kz

0
0
450

Универсиада-2017 нысандары жоғары халықаралық стандарттарға сәйкес келеді - FISU

Универсиадаға қатысушы елдерден келген делегация өкілдері Алматының 28-ші Бүкіләлемдік қысқы универсиаданы өткізу дайындығына қатысты алғашқы бағаларын берді, деп хабарлады Универсиаданы ұйымдастыру дирекциясы.

Халықаралық студенттер спорты федерациясының (FISU)  президенті Олег Матыцин бастаған делегация, сондай-ақ, ұлттық студенттер спорты федерацияларының басшылары Универсиаданың спорт нысандары мен инфрақұрылым нысандарын көріп, функционалдық бағыттардың жұмысымен жан-жақты танысатын болады.

Қазіргі таңда  FISU делегациясы және Универсиадаға қатысушы елдер «Сұңқар» халықаралық шаңғы трамплині кешені, Балуан Шолақ атындағы Спорт және мәдениет сарайы, «Алматы арена» мұз сарайы, «Медеу» биік таулы мұз айдыны және «Шымбұлақ» тау-шаңғы кешені секілді бес спорт нысанының дайындығына баға берді.

Делегаттар спорт нысандарының жағдайына көңілдері толды және де Ойындарға дайындық барысы  FISU талаптарына сәйкес жоғары қарқынмен өтіп жатқандығын атап өтті.

"Универсиада нысандары ең жоғары халықаралық стандарттарға сәйкес келеді. Атлеттер ауылы - бұл жайлылығы жағынан Олимпиада нысандарынан асып түсетін бірден-бір жоба. Мен жақында ғана Риодан оралдым, Алматыдағы жайлылық деңгейі, коммуникациялар мен инфрақұрылым анағұрлым жоғары деп айта аламын", - деп атап өтті FISU президенті Олег Матыцин.

«Мен Алматыда бұған дейін бірнеше рет болғанмын және Азиада ойындарына дайындық кезінде трамплиндердің қалай салынғанын көргенмін, сондықтан қазір бәрі дайын болатындығына мен де күмән болған жоқ, - деді Ресей Федерациясы ұлттық студенттер спорты федерациясынан келген делегация басшысы Сергей Сейранов. –  Жаңа хоккей алаңы, оның алаңы да, сыртқы келбеті де үлкен әсер береді. Айналаң  мұзбен қоршалса да, сарай ішінде жылы орта орнаған. Біз көрген басқа нысандар толығымен дайын деуге болады, дегенмен жиі ретте бір ай қалса да, жұмыс қызу жүргізіліп жататындығын мен өз тәжірибемнен білемін».

Ұлыбританиядан келген делегация өкілі Нейл Джеймс Роджерс былай деп өтті: «Мен бүгін көргеннің бәрі өте тамаша. Біз қыста осы нысандарды көріп қайтқан болатынбыз, ол кезде олар әлі салынып жатқан. Ал енді бәрі дайын болған соң жүргізілген жұмыстардың нәтижесін көруге қуаныштымыз. Біздің осы жаңа сапарымыз үлкен әсер қалдыруда».

АҚШ делегация өкілі Эшли Биван былай деп бағасын берді: «Мен осында алғаш рет келіп отырмын. Өте әдемі ел, адамдары жылы жүзді. Нысандар туралы айтатын болсам, мен көрген нысандардың барлығы көңілімнен шықты, бөлме-жайлардың барлығы үлкен, ыңғайлы, инфрақұрылымы да жақсы. Қазақстан жақсы дайындалды деп айта аламын, ал біздің ерлер мен әйелдер арасындағы екі хоккей командамыз жоғары бағасын береді деп ойлаймын».

«Трамплиннен бастап (мен оны тамаша нысан деп есептеймін), мұз алаңдарына дейін барып қайтқан нысандардың барлығы маған үлкен әсер қалдырды», деді өз сөзінде Финляндия студенттер спорты федерациясының спорт жөніндегі директоры Тирри Юкка.

Халықаралық студенттер спорты федерациясының президенті Олег Матыцин бастаған делегация, сондай-ақ, ұлттық студенттер спорты федерацияларының басшылары Бүкіләлемдік студенттер ойындары өткізілетін спорт нысандарын тексеру мақсатында 14 қыркүйек күні Алматыға келгендігін еске саламыз.

Сондай-ақ, делегаттар спортшылар тұратын жаңа Атлеттер ауылының жағдайымен танысып, өздерін қызықтыратын барлық мәселелер жөнінде кеңінен ақпарат алатын болады. Делегация мүшелері командалық спорт түрлерінде жеребе тастау салтанатына, сондай-ақ, «Алматы арена» мұз сарайының ашылу салтанатына және де осы нысанда қаланың 1000 жылдығын тойлауға арналған гала-концертке қатыспақ.

Универсиаданың жабылу салтанатында келесі қысқы студенттер спортының эстафетасы  Красноярск қаласына тапсырылатындықтан, 2019 жылы Красноярск қаласында өткізілетін 29-шы Бүкіләлемдік қысқы универсиаданың ұйымдастыру комитетінің өкілдері - «Observer» бағдарламасының қатысушылары Универсиада нысандарын көру үшін шетелдік спорт делегаттарымен бірге Алматыға келетін болады.

Ақпарат көзі: strategy2050.kz

0
0
548

Бішкекте ТМД Мемлекет басшылары кеңесінің отырысы шағын құрамда өтті

«Ала-Арча» Мемлекеттік резиденциясында Қырғызстан Президенті Алмазбек Атамбаевтың төрағалығымен ТМД Мемлекет башсылары кеңесінің отырысы өтті, деп хабарлады ұйымдастырушылар.

Қырғызстан Президенті отырысты аша отырып бүгінгі басқосуға қатысқаны үшін делегация басшыларына алғыс айтты, сондай-ақ Тәуелсіз Мемлекеттер Достастығының мерейтойы – 25 жылдығымен құттықтады.

А.Атамбаев бүгінгі отырысты дайындап, өткізуге көмектескені үшін ТМД атқарушы комитетінің төрағасы Сергей Лебедевке ризашылық білдірді.

«Қырғыз Республикасы Достастық елдерінің кеңесіне оның 25 жылдық мерейтойы қарсаңында төрағалық етіп, үлкен құрметке бөленді», - деді Қырғызстан Президенті.

Оның айтуынша, Қырғызстан төрағалық еткен жылы Ұйымның жұмысын оңтайландыруды талқылау жұмыстарына белсене араласты, Достастықты одан әрі дамытуға оң әсер ететін ұсыныстар жасады.

Президент А.Атамбаев мерейтойлық отырыс достастық және конструктивті жағдайда өтетініне және тараптар барлық мәселеге қатысты ортақ шешімге келетініне сенім білдірді.

Одан әрі отырыс кеңейтілген форматта өтіп, онда екі мәселе – ТМД мемлекеттеріндегі 2020 жылдардағы халық санына санақ жүргізу, 2017 жылды ТМД-дағы отбасы жылы, 2018 жылды мәдениет жылы деп жариялау туралы мәселе талқыланады.+

Естеріңізге сала кетейік, Бішкек қаласында ТМД елдері басшылары кеңесінің отырысы басталды.

Достастық елдері басшыларының форумына Қазақстан Республикасының Президенті Нұрсұлтан Назарбаев, Армения Республикасының Президенті Серж Саргсян, Тәжікстан Республикасының Президенті Эмомали Рахмон, Әзербайжан Республикасының Президенті Ильхам Әлиев, Беларусь Республикасының Президенті Александр Лукашенко, Ресей Федерациясының Президенті Владимир Путин, Молдова Премьер-министрі Павел Филип, ТМД атқарушы комитетінің төрағасы –атқарушы хатшы Сергей Лебедев келді. Қалған қатысушы елдер үкімет және сыртқы істер министрліктері делегаттарын жіберіпті.

Ақпарат көзі: strategy2050.kz

0
0
358

ҚР Машина жасау кешені ЕАЭО мен ДСҰ-ға қатысу басымдылығын қолдануы керек

Премьер-Министрдің орынбасары Асқар Мырзахметов Қазақстан машина жасаушыларының IV форумында Елбасы Нұрсұлтан Назарбаевтың Үндеуін оқып берді.

«Құрметті форумға қатысушылар,  Қазақстан машина жасаушыларының IV форумының ашылуымен баршаңызды құттықтаймын.Машина жасаушылардың төртінші форумы  жаңа экономикалық жағдайда  мақсатқа жету бойынша  тәжірибелік шаралар қабылдауға  мүмкіндік беретініне сенімдімін. Заманауи міндеттер жаңа технологияларды енгізу, өнімділікті арттыру мен экспортқа бейімделген жоғары бәсекеге ие өнімді шығару, сондықтан елде  машина жсау саласына ерекше  назар аударылады», - деп А.Мырзахметов Елбасының сөзін оқып берді.

Елбасы айтып өткендей,  Индустрияландыру картасы аясында әрбір оныншы жоба  машина  жасау саласында жүзеге асқан,  барлығы 88 жоба 250 млрд теңгеге жүзеге асырылып,  10 мың тұрақты жұмыс орны ашылды. Елбасының пікірінше,  Қазақстанның машина жасау кешені ЕАЭО мен ДСҰ-ға  қатысу басымдылығын қолдануы керек.

Айта кетейік, Астанада Қазақстан машина жасаушыларының IV форумы өз жұмысын бастады. Форум тақырыбы: «Машина жасауды дамыту – бәсекеге қабілетті Қазақстан» деп аталады. Форумға ҚР Премьер-Министрінің орынбасары Асқар Мырзахметов қатысып жатыр.Шараға 20 елден келген 180 делегация және қазақстандық машина жасау өнеркәсібіндегі ірі өндірушілер қатысуда. Форумның негізгі мақсаты - отандық машина жасау саласының даму әлеуетін көрсету және әлемдегі өнеркәсіп алыптарын ынтымақтасуға тарту.

Ақпарат көзі: strategy2050.kz

0
0
622

Ж.Қасымбек: Қазақстанның машина жасау саласындағы физикалық көлем индексі 2016 жылы 85%-ды құрайды

Қазақстанның машина жасау саласындағы физикалық көлем индексі 2016 жылы 85%-ды құрайды, деді Қазақстан машина жасаушыларының IV форумы барысында Инвестициялар және даму министрі Жеңіс Қасымбек.

«2015 жылдан бастап шетелдік машина жасау саласында сияқты  бізде де теріс үрдіс байқалады: сұраныстың азаюы, жаңғыртуға құйылған инвестицияның төмендеуі, кәсіпорынның ағымдағы несиелік жағдайының  нашарлауы. Бұл жағдайларды ескере отырып,  бүгінгі жағдайға өзге көзқараспен қарауды ұсынамыз», - деді министр.

Жеңіс Қасымбек форум қатысушыларына ҮИИДМБ қорытындысы мен ИИДМБ екінші бесжылдығының жұмысы туралы айтып өтті. Сондай-ақ, министр делегаттарды Қазақстанның темір жол өнеркәсібі мен авиациялық техника, машина жасау, қазақстандық электромобильдерді өндіру саласындағы жетістіктері туралы ақпараттандырды.

«Соңғы айларда  машина жасаудың  нақты салаларындағы өсу үрдісін байқап отырмыз,  жалпы 2016 жылдың қорытындысы бойынша  физикалық көлем индексін 85 пайызға жеткізу көзделіп отыр. Алайда, өндірісті кідіртіп тұрған бірқатар проблемалар да бар: оның бірі кәсіпорынды қаржыландыру мәселесіне байланысты, машина жасау кәсіпорындары толық өз әлеуетін қолданыла алмайды, өз кезегінде  жаңғыртылатын компаниялар саптарын кеңейту үшін ұзақмерзімді  жеңілдікті  несиенің тапшылығын сезініп отыр», - деді Ж.Қасымбек.

Айта кетейік, Астанада Қазақстан машина жасаушыларының IV форумы өз жұмысын бастады. Форум тақырыбы: «Машина жасауды дамыту – бәсекеге қабілетті Қазақстан» деп аталады. Форумға ҚР Премьер-Министрінің орынбасары Асқар Мырзахметов қатысып жатыр.Шараға 20 елден келген 180 делегация және қазақстандық машина жасау өнеркәсібіндегі ірі өндірушілер қатысуда. Форумның негізгі мақсаты - отандық машина жасау саласының даму әлеуетін көрсету және әлемдегі өнеркәсіп алыптарын ынтымақтасуға тарту.

Ақпарат көзі: strategy2050.kz

0
0
392

Қазақстан ҚР Қорғаныс министрлігінің қажеттілігі үшін ұшқышсыз аппарат шығарады

Қазақстандық инженерлер Elbit Sistems израильдік компаниясымен бірлесіп Sky-lark мен Hermes серияларының отандық ұшқышсыз ұшу аппараттарын құрастыру мен шығаруға дайындалып жатыр, деді «Қазақстандық авиациялық индустрия» ЖШС ҰҰА бөлімінің жетекшісі Жанту Мамашев Қазақстанның машина жасаушыларының IV форумы аясында.

«Elbit Sistems израильдік компаниясымен бірлескен  келісімдер аясында Sky-lark мен Hermes  серияларның отандық ұшқышсыз ұшу аппараттарын құрастыру қабылданды. Қазіргі таңда ұшқышсыз аппараттарды құрастыруға қажетті қондырғыларды жеткізу бойынша келісімдерді орнату қарастырылып жатыр», - деді Ж.Мамашев.

Оның айтуынша, келісімді орнату 2016 жылдың соңына дейін орындалады, қондырғыны жеткізу жарты жылдан жеті айға дейін созылады. Осыған орай, ҚР Қорғаныс министрлігінде бар ұшқышсыз аппараттарды техникалық қамсыздандыру 2017 жылы жүзеге асырылмақ.

«Бастыпқы кезеңде жылына ҰҰА  10 кешенін жинау жоспарланған, бұл көрсеткіш кейін жиырмаға жеткізіледі», - деді спикер.

Айта кетейік, Астанада Қазақстан машина жасаушыларының IV форумы өз жұмысын бастады. Форум тақырыбы: «Машина жасауды дамыту – бәсекеге қабілетті Қазақстан» деп аталады. Форумға ҚР Премьер-Министрінің орынбасары Асқар Мырзахметов қатысып жатыр.Шараға 20 елден келген 180 делегация және қазақстандық машина жасау өнеркәсібіндегі ірі өндірушілер қатысуда. Форумның негізгі мақсаты - отандық машина жасау саласының даму әлеуетін көрсету және әлемдегі өнеркәсіп алыптарын ынтымақтасуға тарту.

Ақпарат көзі: strategy2050.kz

0
0
504

Қырғызстанда ТМД елдері көшбасшылары кеңесінің отырысы басталды

Қырғыз Республикасының Бішкек қаласында «Ала-Арча» мемлекеттік резиденциясында ТМД елдері көшбасшылары кеңесінің мерейтойлық отырысы басталды.

Тәуелсіз Мемлекеттер Достастығының қатысушы елдері көшбасшыларының  форумына Қазақстан Республикасының Президенті Нұрсұлтан Назарбаев,  Армения Республикасының Президенті Серж Саргсян, Тәжікстан Республикасының Президенті Эмомали Рахмон, Әзірбайжан Республикасының Президенті Ильхам Әлиев, Беларусь Республикасының Президенті Александр Лукашенко, Ресей Федерациясының Президенті Владимир Путин, Молдова Премьер-министрі Павел Филипп, ТМД атқарушы комитет төрағасы – атқарушы хатшысы  Сергей Лебедев қатысады.  Қалған қатысушы елдер үкімет пен сыртқы істер министрлігінің делегаттарымен келді.

Кеңесте  маңызды жобалар қарастырылады:Тәуелсіз Мемлекеттер Достастығының қатысушы елдері басшыларының ТМД-ның 25 жылдығына орай мәлімдемесі.ТМД елдері басшыларының  Нюрнберг процессі жұмысының аяқталуының 70 жылдығына байланысты мәлімдемесі.Нюрнберг трибуналы ірі саяси-құқықтық жетістікке айналып, заманауи халықаралық құқықты дамытуда маңызды рөлге ие болды.Тәуелсіз Мемлекеттер Достастығының  замануи жағдайға бейімделуі туралы құжат.

Кеңейтілген отырыста,  экономикалық ынтымақтастықты тереңдету және кеңейту мақсатында бірқатар құжаттарды қарау жоспарланған: Тәуелсіз Мемлекеттер Достастығы елдерінде 2020 жылдың халық санағын өткізу шешімі туралы жоба. Сондай-ақ, Тәуелсіз Мемлекеттер Достастығы елдері арасындағы өңіраралық ынтымақтастық  конвенция жобасын қарау жоспарланып отыр.

ТМД отырысында  жаңа сын-қатерлер мен тәуекелдерге қарсы тұру, қауіпсіздікті қамтамасыз ету бойынша бірқатар құжат жобалары қарастырылады.

Айта кетейік, биыл Тәуелсіз Мемлекеттер Достастығына 25 жыл толады.

Ақпарат көзі: strategy2050.kz

0
0
498

IT саласындағы шетелдік жетекші сарапшылар қазақстандық мамандармен тәжірибе алмасуда

Астанада IT саласының кәсіпқойлары бас босатын ІІ Халықаралық IT Форум өтіп жатыр. Бұл шараны «Самұрық-Қазына» АҚ «Самұрық-Қазына» Корпоративтік университетімен бірлесіп ұйымдастырып отыр.

«Самұрық-Қазына» АҚ хабарлағандай, Питер Айкен, Рич Макави, Маркуз Железны сияқты әлемге танымал сарапшылар мен ақпараттық технологиялар саласында жұмыс істейтін 200-ден аса қазақстандық маман бас қосып, IT саласының өзекті мәселелерін талқылауда.

Пленарлық сессияда сөз сөйлеген «Самұрық-Қазына» АҚ-ның трансформациялау және арнайы жобалар жөніндегі басқарушы директоры А.Илькявичюстің айтуынша, заманауи кез-келген компанияның табысындағы ақпараттық технологиялардың ролін бағаламауға болмайды және бизнес-үрдістерін автоматтандырудың сапасы жұмыс барысында қолданылатын ақпараттық жүйелердің санынан әлдеқайда жоғары болуы керек  екені де  анық.

«Біз Қордың компаниялар тобындағы трансформациялау жөніндегі өз тәжірибемізбен бөлісуге әзірміз және сарапшылардың бүгін және ертең өтетін басқосулары баршамызға өз жұмыстарымызға жаңаша көз көзқараспен қарауға мүмкіндік береді және компанияларымыздың бизнесін дамытуға жаңа идеялар алуға көмектеседі деген үміттемін», -деп түйіндеді сарапшы өз сөзін.

Шараның екінші бөлімі үш секцияның жұмысымен жалғасады және ол секциялардың жұмысы мәліметтерді басқару (Data Management) мәселелеріне, IT мен бизнестің өзара қарым-қатынасының жаңа моделіне, сонымен қатар қазіргі заманғы ақпараттық қауіпсіздік проблемаларына арналады.

Форум аясында өтіп жатырған ақпараттық технологиялардың көрмесіне барып, шара қатысушылары Samsung, TerraLink, Alser, Opentext, Kazakhtelecom, Software AG және т.б. көшбасшы компаниялардың инновация, сандық технология және бағдарламалық қамту салаларындағы жетістіктері мен ақпараттық технологиялар саласындағы соңғы ноу-хаумен таныса алады.

Форумға барлығы 200-ден астам адам қатысады, олардың қатарында ұлттық компаниялардың топ-менеджерлері, мемлекеттік органдардың басшылары, IT саласындағы кәсіпкерлер, жекеменшік корпорациялардың IT-бөлімдерінің мамандары, халықаралық сарапшылар бар.

Ақпарат көзі: strategy2050.kz

0
0
403

General Electric Қазақстанмен темір жол жолдары саласында ұзақ мерзімді ынтымақтастық орнатуға дайын

Біз Қазақстанның темір жол жолдарының жұмыстары саласына жаңа тиімділікті енгізу үшін жұмыс жасауға дайынбыз және біздің ұзақ мерзімді серіктестік орнататынымызға сенеміз. Бұл туралы Ресей, ТМД мен Еуропа елдері бойынша General Electric Transporation компаниясының бас менеджері Гохан Бейхан Қазақстан машина жасаушыларының IV форумы барысында айтты.

«Мен Қазақстан Үкіметін, сондай-ақ қазақстандық темір жол жолдарының серіктестерін Қазақстандағы ұзақ мерзімді қарым-қатынастың жетістігіне сенетіндігімізге көндіргім келеді. Біз жобада тартымды болуға дайынбыз және Қазақстан үшін теміржол жолдарының жұмыстары саласында жаңа тиімділікті енгізуге көп еңбектенетін боламыз. Сол себепті өндірістік салада бірлескен ынтымақтастығымызға сенеміз»,-деді Г.Бейхан.

Бас менеджердің айтуы бойынша, ҚТЖ мен General Electric Transporation ынтымақтасытығы ұзақ мерзімді және табысты болып табылады.

«Болашақта қазақстандық компанияларды тарту үшін біздің ынтымақтастығымызды кеңейтуден  қосымша мүмкіндіктерді көреміз. Бүгінгі күні біз өнімділік платформасын дамытудамыз»,-деді ол.

Айта кетейік, ұзақ жылдар бойы ҚТЖ мен General Electric Transporation Астанада дизель қозғалтқышын өндіру саласында ынтымақтасады және олар көлемдерін ұлғайтуда.

Айта кетейік, Астанада Қазақстан машина жасаушыларының IV форумы өз жұмысын бастады. Форум тақырыбы: «Машина жасауды дамыту – бәсекеге қабілетті Қазақстан» деп аталады. Форумға ҚР Премьер-Министрінің орынбасары Асқар Мырзахметов қатысып жатыр.Шараға 20 елден келген 180 делегация және қазақстандық машина жасау өнеркәсібіндегі ірі өндірушілер қатысуда. Форумның негізгі мақсаты - отандық машина жасау саласының даму әлеуетін көрсету және әлемдегі өнеркәсіп алыптарын ынтымақтасуға тарту.

Ақпарат көзі: strategy2050.kz

0
0
484

БҚО Тәуелсіздіктің 25 жылдығына 60-тан астам ірі шаралар өткізеді

Батыс Қазақстан облысы Тәуелсіздіктің 25 жылдығына қызу дайындалып жатыр. Мерекеге орай, облыста жаңадан бірнеше нысан пайдаланылуға беріледі. Бұл туралы бүгін Орталық коммуникациялар қызметінде Батыс Қазақстан облысы әкімінің орынбасары Арман Өтеғұлов айтты.

«Тәуелсідіктің 25 жылдығына орай, 20 қараша мен 15 желтоқсан аралығында "Жұлдызды 25 күн" өткізіледі. Одан бөлек, 60-тан астам ірі шаралар ұйымдастырылады. Атаулы мерекеге орай бірнеше әлеуметтік нысан пайдаланылуға берілді. Сонымен қатар Орал қаласының тұрғындарына 90 мың шаршы метр яғни 1562 пәтер кілті тапсырылады. Оқушылар сарайы, көпсалалы ауруxана желтоқсан айының басында ашылады. Қазіргі таңда облыста 7150 жұмыс орыны ашылды. Соның ішінде "Жол картасы 2020" бағдарламасы аясында 2235 адам жұмыспен қамтылды. Үш ауысымдық мектептер проблемасы жойылды. Облыс тұрғындарын су және газбен қамту оң шешімін табуда. Бүгінгі таңда Батыс Қазақстан облысының 89 пайызы сумен қамтылды",- дейді Арман Өтеғұлов.

Айта кетейік, Қазақстан Республикасы Тәуелсіздігінің 25 жылдығына орай Астана қаласында Елбасының тапсырмасына сәйкес, "Қуатты өңір - қуатты Қазақстан" атты өңірлер күні басталып кеткен болатын. Осы аптаның сенбі-жексенбі күндерінде Батыс Қазақстан және Атырау облысының күндері өтеді.

Батыс Қазақстан облысының ауыл шаруашылық жәрмеңкесіне 12 аудан мен Орал қаласының кәсіпкерлері қатысады. Жәрмеңкеде 200 тоннадан астам көкөніс, ет, консерві, ұн және макарон өнімдері, бал, балық, квас, шырын, сусын және т.б. сатылады.

Ақпарат көзі: strategy2050.kz

0
0
283