Мазмұнға өту

Жаңа

Қазақстанда барлық сауда нарықтарында әлеуметтік тауарларға ұсынбалы бағаны қолдану ұсынылуда

Әлеуметтік тауарларға ұсынбалы бағаны орнатуды барлық нарықтарда енгізу ұсынылып отыр, деп хабарлады Ұлттық экономика министрі Қуандық Бишімбаев Үкімет отырысында.

«Министрлікте барлық өндірушілер мен көтерме көтерме саудагерлерге  мониторинг  жүргізетін  сараптамалық база қалыптастырылды. Бұл орайда келесі шараларды ұсынып отырмыз: заңнамалық тұрғыда шекті және қоюға болатын бағалардың әдісін әзірлеу, сауда қосуларын белгілейтін нормативтік актілерге өзгертулер енгізу», - деді министр.

Сондай-ақ, ведомство басшысы айтып өткендей, отандық өндірушілерге нарықтар мен базарларға тікелей қолжетімділігін кеңейту.

«Ірі көтерме саудагерлер монополияндыруды ашық жүргізуде. Бұл мәселені заңнамалық тұрғыда шешкен дұрыс. Отандық өндірушілерге сауда орындарында  заңнамалық түрде қолжетімділік орнату өте орынды деп есептейміз. Қазақстанда барлық сауда нарықтарында әлеуметтік тауарларға ұсынбалы бағаны қолдануды енгізу қажет», - деді ол.

Ақпарат көзі: strategy2050.kz

0
0
476

Бизнес жүргізудің xалықаралық тәжірибесі

Осындай тақырыпта Білім және ғылым министрлігінің тапсырысымен Қазақстан жастарының конгресі ұйымдастырған Өңіраралық бизнес-тағылымдамалар аясындағы кездесулердің бірі жас, дегенмен бизнес акуласына айналған кәсіпкер - Эрик Сагиевпен өтті. Жас кәсіпкер - "Hamstar" кофеханаларының негізін қалаушы және балалар мен ересектерге арналған Мәскеудегі атақты "Андерсон" кафелер желісінің франшизасының иесі. Осыған қоса, қазіргі таңда Эрик  "Сарыарқа" Астана қаласының кәсіпкерлер Ассоциациясының басқарма кеңесінің мүшесі.

Өңіаралық жас кәсіпкерлерге арналған бизнес-тағылымдамалардың қатысушылары өздерінде туындаған «Мейрамxана бизнесінің ерекшеліктері қандай?», «Интерьер мен меню қандай болуы қажет?», «Бизнесті сәтті қылу үшін не істеу керек? Қазіргі таңда қандай қиыншылықтар кездесуі мүмкін?» сияқты сұрақтарға өз жауаптарын алды. Эрик Сагиевтің айтуы бойынша мейрамхана ісіндегі сәттілік кепілі – қанша ақша табуды ойлау емес, ал тұтынушы талаптарына жауап беру.

«Өңіраралық жастар бизнес тағылымдамалары» маусым айының 27-і күні өз бастамасын алды. Бес күн ішінде жас кәсіпкерлер Астана қаласының табысты бизнесмендерімен кездесуге мүмкіндік ала отырып, «Атамекен» Ұлттық кәсіпкерлер палатасының, «Казка» Қазақстан кәсіпкерлер ассоциациясының» жобаларымен, «Даму» кәсіпкерлікті дамыту қорының» мемлекеттік қолдауына ие болу мүмкіндіктерімен танысады. Жоба аясында қатысушылар шағын және орта бизнес кәсіпорындарында тағылымдамалардан өтіп, жұмыс барысының ерекшеліктерін үйренеді. Бұдан басқа, жоба қатысушылары кәсіби мастер-класстарға қатысып, өз ісінің дамуына қажетті кеңестер алады.

 
0
0
665

Алғаш рет қазақстандық әскери қызметші БҰҰ әскери бақылаушылары базасының командирі атанды

Қазақстан Республикасының Қарулы Күштерінде алғаш рет Батыс Сахарадағы (MINURSO) БҰҰ миссиясындағы ҚР ҚК-нің әскери бақылаушысы подполковник Асқар Қожағалиев MINURSO қолбасшысының бұйрығымен Аусард миссиясында БҰҰ әскери бақылаушыларының база командирі болып тағайындалды, деп хабарлады Қорғаныс министрлігінің баспасөз қызметі.

Аусард жауапкершілігінің аймағы 43 000 шаршы шақырымды құрайды және Оум дрегтен кейін аумағы бойынша ауқымдылардың бірі болып табылады. Ол Марокко армиясы Корольдігінің бақылауындағы аумақта тұрған Батыс Сахараның оңтүстік бөлігіндегі Берманың шығыс бөлігінде орналасқан.

Базада әр елден, яғни, Аргентина, Бангладеш, Бразилия, Германия, Гвинея, Мысыр, Йемен, Қытай, Сальвадор, Индонезия, Ирландия, Мексика, Пәкістан, Португалия, Ресей, Франция. жиналған барлығы 45 әскери қызметші бар.

Подполковник Асқар Қожағалиев  миссияға 2015 жылдың 25 қарашасында 12 ай мерзімге жіберілді. Ол ҚР ҚК Әскери академиясының түлегі болып табылады. Қазақстандық бітімгершілік батальонда, Қазақстандық бітімгершілік бригадада, ҚР ҚК Құрлық әскерлерінде қызмет атқарды.

Ақпарат көзі: strategy2050.kz

0
0
462

2016 жылғы 20 қыркүйекте Дін істері және азаматтық қоғам министрі Нұрлан Ермекбаевтың Астана және Қазақстан Митрополиті Александрмен кездесуі өтті.

Іс-шара барысында тараптар мемлекет пен діни бірлестіктердің өзара іс-қимылы туралы өзекті мәселелерді талқылады.

Н.Ермекбаев өз сөзінде Қазақстан православ шіркеуінің қоғамымызда бейбітшілік пен келісімнің нығаюына қосқан үлесінің маңыздылығын, мемлекет пен діни бірлестіктер арасындағы жемісті үнқатысуды дамыту жайлы атап өтті.

Сонымен қоса, Министр қоғамның руханиятын арттыру, елге, халыққа деген сүйіспеншілікке, ұлттық дәстүр мен әдет-ғұрыптарды құрметтеуге тәрбиелейтін шынайы рухани құндылықтарды түсіндіру, сондай-ақ халықтың бойында дін атын жамылған радикалды идеологияларға қарсы тұратын иммунитетті қалыптастыру Қазақстандағы діни бірлестіктердің маңызды міндеттерінің бірі болып табылатынына тоқталып өтті.

Кездесу барысында діни қатынастар субъектілерінің барлығы Қазақстан Республикасының «Діни қызмет және діни бірлестіктер туралы» Заңын сақтауы маңызды екендігіне баса назар аударылды.

0
0
699

«Нұр Отан» партиялық кадрлық резервін қалыптастырады

«Нұр Отан» партиясы аймақтық партиялық кадрлық резервті бастапқы қалыптастыру басталғаны туралы хабарлайды.

Азаматтар қолма-қол тәртіппен, почта арқылы немесе хабарландыруды көрсетілген электрондық почтаның мекен-жайына электрондық түрде құжаттарды қабылдау мерзімінде жіберген түрдегі құжаттар қарауға қабылданады, деп хабарлады партияның баспасөз қызметі.

Кадрлық резерв туралы ереженің талаптарына сәйкес келетін және тестілеуге жіберілген кандидаттардың тізімі партияның веб-сайтында жарияланатын болады және тестілеуді өткізу басталатын күнге дейінгі 1 (бір) жұмыс күннен кешіктірмей партияның веб-сайтында орналастырылатын тестілеу кестесінің негізінде партияның аймақтық филиалында 10 (он) жұмыс күні ішінде тестілеуді өтеді.

«Әңгімелесуге жіберілген кандидаттар оны аймақтық филиалда партияның веб-сайтында әңгімелесу кестесі жарияланғаннан кейін 5 (бес) жұмыс күні ішінде өтеді. Әңгімелесуді өткізу кестесі әңгімелесуді өткізу басталғанға дейін күнтізбелік 3 күннен кешіктірмей жарияланады», - делінген хабарламада.

Конкурстық іріктеуге  қатысқан тұлғалардың шығыстары (көліктік, тұру және т.б.) өтелмейді.

Ақпарат көзі: strategy2050.kz

0
0
444

Инфрақұрылымдық жобалар аясында азаматтарды жұмысқа орналастыру үшін 84 млрд теңге бөлінген – ҚР ДСӘДМ

Инфрақұрылымдық жобаларды іске асыру аясында жұмыссыз және өзін-өзі жұмыспен қамтылғандарды жұмыспен қамтуға 5 мың 243 жобаға 84 млрд теңге бөлінген, деді Үкіметтің отырсында ҚР Денсаулық сақтау және әлеуметтік даму министрі Тамара Дүйсенова.

«Қазіргі күні 435 жоба аяқталды. Іске асырудың жолында тұрған 4 мың 808 жоба тамыз айында Ұлтық қор мен арнайы қордан қосымша бөлінген қаражатқа  іске асырылады. Бұл жобаларға 18 мың адам жұмысқа орналастырылды, олардың ішінде 9,5 мың азамат – жұмыссыз және өзін-өзі жұмыспен қамтығандар»,-деді Т.Дүйсенова.

Оның айтуы бойынша, нақты жұмыспен қамту мониторингі жүзеге асырылуда.

« Атқарылып жатқан жұмысқа қарамастан, облыс әкімдеріне жылдың соңына дейін 53,4 млрд теңгенің 4808 жобасын аяқтау керектігін ескерткім келеді»,-деді министр.

Отырыс барысында ведомство басшысы Премьер-Министрден облыстар, Астана және Алматы қалаларының әкімдеріне жылдың соңына дейін бөлінген бюджеттің жан-жақты дамуын қамтамасыз етуге және кестеге сәйкес 1 желтоқсанға дейін барлық жөндеу жұмыстарын аяқтауға тапсырма беруін сұрады.

Ақпарат көзі: strategy2050.kz

0
0
440

Қазақстанда әкімшілік айыппұлдарды төмендету қарастырылады

Әділет министрлігінде ҚР Әкімшілік құқық бұзушылық туралы кодексіне өзгерістер мен толықтырулар енгізу туралы» Заң жобасы бойынша қоғамдық тыңдау болып өтті.

Шара барысында  ҚР әкімшілік  заңнамасын дамыту мәселесі талқыланды.Атап айтсақ, әкімшілік айыппұлды төмендету бойынша әкімшілік – дилекттік  заңнаманы гуманизациялау, қысқартылған өндірісті қолдану аясын кеңейту, субъекттердің  тізімін көбейту болып саналады..

Алғаш рет құқық бұзғаны және оның деңгейі ауыр болмаған жағдайда қолданылатын шара ретінде ескертуді тәжірибеге енгізу қарастырылуда. Қазірдің өзінде шамамен заң бұзушылықтардың 30 пайызы бойынша ескерту қолдану тәжірибесін кеңейту бойынша уағдастыққа қол жеткізілген.

Әкімшілік құқықбұзушылық қарайтын соттар мен органдар үшін жеңілдетуге негіз болған жағдайда айыппұлдардың көлемін 30 пайызға дейін төмендету шарасын қабылдауға мүмкіндік беру мәселесі қаралуда.

Мемлекеттік органдармен де талқыланатын мәселелер баршылық. Олардың басым бөлігі  айыппұлдарды төмендетуге қатысты. Бұл ретте төмендетілетін айыппұлдардың көпшілігі ІІМ органдары желісіндегі жол полициясына қатысы бар. Бұл барынша талқыланып жатқан әрі адамдардың қызығушылығын тудырған кодекстегі мәселелердің бірі.

Әзірлеушілер заң жобасын  ҚР Парламентіне 2017 жылы енгізбек ниетте. Айта кетерлігі, шараға  Парламент депутаттары,  Жоғарғы сот өкілдері, Бас прокуратура, мемлекеттік органдар мен үкіметтік емес  ұйымдар және БАҚ өкілдері қатыспақ.

Ақпарат көзі: strategy2050.kz

0
0
421

ШҚО-да туризмді дамыту саласында күре жолдарды жөндеу басымдылыққа ие – Бейсекенов

2017 жылы Шығыс Қазақстанда Алакөлге апаратын жолға жөндеу жұмысын жүргізу жоспарланған. Сапалы жолдар туристік нысандарды тартымды және бәсекеге қабілетті етеді.

ШҚО Ақпарат орталығында хабарлағандай, 2017 жылы демалыс орындарына апаратын жолдарға жөндеу жұмыстары жасалатын болады. Солардың бірі, Алакөлге апаратын бағыттағы жол.

Өңір үшін  күре жолға жасалып жатқан жөндеу жұмыстары жол қозғалысында қауіпсіздікті қамтамасыз етуде ғана емес, сонымен қатар облыста туризмді дамытуға басым бағыт болып табылады.

Оған дәлел биыл жөнделген жолдар. Олар Сабын көліне, Өскемен-Тарғын-Самараға апарады, сонымен қатар Нұртау шаңғы базасына дейінс  созылған. Сондай-ақ, Аягөз-Тарбағатай-Бұғаз, Күршім-Қалжыр, Борродулиха-Шемонаиха және Серебрянск қ. кіреберісінің трассалары жасалған.

Осылай, 2017 жылы турнысандар мен демалыс аймағына апаратын  жолдарға жөндеу жұмысы жалғасады.

«Туристік кластерлерді дамыту – бұл өңірге құйылатын жақсы инвестиция. Сол себепті, 2017 жылы Қабанбай ауылынан Алматы облысының шекарасына дейінгі жолды, ал ол Алакөл өзеніне апарады және сол жолдарға жөндеу жұмысын бастаймыз. Ол жолмен Алматыдағы барлық туристер жүреді және еліміздің басқа аймақтары поезбен өтеді. Одан әрі қарай такси немесе автобуспен жетеді. Ең бастысы, демалысқа келгендерге ыңғайлы жағдай жасау керек»,-деді ШҚО-ның Жолаушылар көлігі және автомобиль жолдары басқармасының бастығы Берік Бейсекенов.

Сонымен қатар, биыл республикалық маңызы бар жолдарға орташа жөндеу жұмыстарын жасайды: Өскемен-Зырян-Катонқарағай-Рахман кілті, ал 2017 жылы Семейдегі «Ауыл» және Өскемен-Шемонаиха  трассаларындағы «Убаға» жөндеу жұмыстары жүргізіледі. Сонымен қатар, Алакөлден «Барлық Арасан» санаториіне дейінгі жолдарға жөндеу жұмыстарын жүргізу жоспарланған.

Берік Бейсекеновтың айтуы бойынша, 2016 жылы ШҚО-да жолдарға орташа жөндеу жұмыстарын жасау басымырақ болды. Олар 2016 жылы облыстық және аудандық 16 учаскіні қамтамасыз еткен. Жалпы қашықтығы 221 шақырым болды.

Ақпарат көзі: strategy2050.kz

0
0
510

Астанада ЭКСПО-2017 үшін еріктілерді қосымша іріктеу басталды

Астанада ЭКСПО-2017 үшін еріктілерді іріктеудің екінші кезеңі басталды. Бұған дейін тестілеуден өткен 3000 еріктілер қатарына тағы да мың жарымы қосылатын болады, деп хабарлады «Астана ЭКСПО-2017» ҰК» АҚ.

Мұндай қажеттілік көрме аясында бірқатар ауқымды халықаралық деңгейдегі форумдар мен іс-шаралар өткізілетіндіктен туындап отыр.

Айталық, Бүкіләлемдік туристік ұйыммен бірлесе отырып, туристік форумның өткізілуі туралы келісімге келді, сондай-ақ, дүние жүзінің 165 мемлекеті қатысатын World Boxing Council Конвенциясының 55 жылдық мерейтойы мен кәсіби бокс кешін ұйымдастыру бойынша меморандумға қол қойылды.

Тағы бір себеп – қатысушылар көлемін ұлғайту. Бүгінгі таңда халықаралық мамандандырылған көрмеге қатысатындығын 103 мемлекет пен 17 халықаралық ұйым растады. Тағы да бірнеше мемлекеттермен жұмыс атқарылып жатыр.

Сонымен қатар, кейбір мамандар пікірінше қатысушылар санының ұлғаятындығы келтірілуде.

“Алғашқы тестілеуді ЖОО студенттері өтеді. Өңірлер мен Алматы қаласынан қатарға қосылғысы келетін еріктілер үшін әңгімелесу күздің аяғына таман ұйымдастырылады”, - делінген хабарламада.

ЭКСПО-2017 еріктісі қатарына 18 толған, алайда 80-нен аспаған кез-келген адам қосыла алады.  Талаптардың тағы бірі – қазақ, орыс, ағылшын тілдерін білу. Мәдени іс-шараларда қатысуы құпталады.

Жалпы, келесі жылы 4500-ден аса еріктілерді тарту жоспарланған.

Ақпарат көзі: strategy2050.kz

0
0
322

Степногорде жылыту маусымына дайындық аяқталуға жақын – әкімдік

Жылыту маусымына қарай Степногордағы ЖЭС-те барлық энергетикалық қондырғы станциялары жөнделеді, бұл алты энергетикалық қазандық, бес турбина және бір су жылыту қазандығы, деді бас инженер Павел Перевезенцев жылыту маусымына арналған кеңесте.

Ол айтып өткендей, станцияларда  жұмыс аяқталуға жақын, 93 пайызды құрап отыр. «Бірінші қазанға сәйкес,  жанармай қоры 65 мың тонна көмірді құрады», - деді ол.

«Степногорск Теплотранзит», «Степногорск Энерготранзит», «Степногор су арнасы» өкілдері  қажетті жұмыс орындалып, жылыту маусымына 100 пайыз дайын екендерін айтты.

Жазғы жағдайдағы төтенше жағдайға әрекет ету  бойынша дайындық мәселесі туралы  ТЖ басқармасының жетекшісі Еркебұлан Ксенжолов  айтып берді. Ол өз сөзінде  ТЖБ қысқы жағдайда  жұмыс істеуге толық дайын екенін айтып өтті.

Қала әкімі Әнуар Күмпекеев қиын жағдайға түскен адамдарға көмек көрсету әрбір адамның азаматтық парызы екенін айтып өтті.

Ақпарат көзі: strategy2050.kz

0
0
398