Мазмұнға өту

Жаңа

Астанада 25 елдің сарапшылары білім, ғылым және мәдениет мәселелерін талқылайды

Азия парламентаралық форумы Астанада 26-27 қыркүйекте өтеді. Шара ғылым, технология және инновация мәселелеріне арналады, деді ҚР АКМ Орталық коммуникациялар қызметінде Азия парламентаралық форумы тақырыбында баспасөз конференциясы барысында ЮНЕСКО және ИСЕСКО істері жөніндегі Ұлттық комиссия хатшысы Әсел Өтегенова.

Форумға 25 елдің Парламент өкілдері мен сарапшылар, сондай-ақ, алты халықаралық ұйымның мүшелері қатысады деп күтілуде.

Аса маңызды шараның ұйымдастырушылары: Қазақстан Республикасы Парламентінің Мәжілісі, Білім, ғылым және мәдениет мәселелері бойынша Ислам ұйымы (ИСЕСКО) және Ислам даму банкі(ИДБ).

«Форум аясында Ислам ынтымақтастық ұйымына (ИЫҰ) кіретін және кірмейтін мемлекеттерде ғылым, технология және инновация салаларында нормативтік-құқықтық база және ынталандырушы шаралар үлгісінде үздік зерттеулердің таныстырылымын өткізу көзделуде»,- деді ол.

Ауқымды шараның мақсаты – ИЫҰ мүше-мемлекеттердің білім және ғылыми әлеуетін дамыту саласында әріптестікті нығайту. Сонымен қатар, ИЫҰ мүше-мемлекеттердің экономикасы үшін үздік технологияларды енгізу, ғылымды дамытуға ықпал ету, білімге негізделген қоғам құру мәселелері де парламентшілер назарынан тыс қалмауға тиіс.

Сондай-ақ, ұлттық инновация жүйесін нығайту, ғылыми-техникалық даму үшін жүйелік мотивация тетіктерін қосу бағыттарына да басымдық беріледі.

Білім, ғылым және мәдениет мәселелері бойынша Ислам ұйымы (ИСЕСКО) Ислам Конференциясы ұйымының мамандандырылыған мекемесі ретінде 1982 жылы 3 мамырда құрылған. ИСЕСКО штаб-пәтер Рабат қаласында орналасқан (Марокко Корольдігі).

Қазақстанның ИСЕСКО-мен ынтымақтастығы 1996 жылы Джакартеде өткен Сыртқы істер министрлерінің 24-ші Ислам конференциясында мемлекеттердің аталған ұйымға ресми қабылдануынан кейін басталды.

Бұл ұйыммен әріптестікті ЮНЕСКО және  ИСЕСКО істері жөніндегі Ұлттық комиссия үйлестіруге құқылы.

Ақпарат көзі: strategy2050.kz

0
0
361

Сенаторлар Ұлы Отан соғысына қатысушыларға жеңілдіктер мен кепілдіктерді өзара тану туралы келісімге түзетулерді қарады

Парламент Сенаты Әлеуметтік-мәдени даму және ғылым комитетінің осы сессияның басындағы алғашқы отырысы жаңадан сайланған комитет төрағасы Бірғаным Әйтімованың басшылығымен өтті. Отырыста «1994 жылғы 15 сәуірдегі Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы келісімге өзгерістер мен толықтырулар енгізу туралы хаттаманы ратификациялау туралы» заң жобасы қаралды,

Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы келісімге ТМД-ға қатысушы мемлекеттер Үкіметтерінің басшылары 1994 жылғы 15 сәуірде қол қойылған болатын.

Дегенмен Келісімге қол қойылғаннан бері ТМД мемлекеттерінде әлеуметтік-экономикалық салада түбегейлі өзгерістер болды, ұлттық заңнама қалыптасты, әлеуметтік саясатта өздерінің ерекше үлгілері жасалды.

Осыған байланысты 2015 жылғы 30 қазанда Душанбе қаласында өткен ТМД Үкіметтері Басшылары Кеңесінің отырысында 1994 жылғы 15 сәуірдегі Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы келісімге өзгерістер мен толықтырулар енгізу туралы Хаттамаға қол қойылды.

Заң жобасын әзірлеуші Денсаулық сақтау және әлеуметтік даму министрлігінің ақпараты бойынша қаралып отырған Хаттама осы келісімге мынадай түзетулер енгізуді көздейді.

1) ТМД-ға бірқатар қатысушы мемлекеттердің заттай түрдегі жеңілдіктерді ақшалай төлемдерге алмастырылғанын ескере отырып, Келісімнің ережелерін жаңарту. Сөйтіп, заң жобасы Келісімде көрсетілген жеңілдіктер мен кепілдіктер тізімдемесіне сай ТМД мемлекеттеріне жеңілдіктер мен кепілдіктерді заттай түрде, немесе ТМД мемлекеттерінің ұлттық заңнамасына сәйкес ақшалай төлемдер түрінде беруге мүмкіндік береді;

2) Заң жобасы Келісім мемлекеттері аумақтарына уақытша келген ардагерлерге кепілдіктер тізімін нақтылауды көздейді. Осыған байланысты олардың:

- Ауырып қалған, кездейсоқ оқиға, сынған, улану жағдайларында келген мемлекеттерінің заңнамасына сәйкес дәрігерлік ұйымдарда (мекемелерде) жедел дәрігерлік көмекті тегін алуға;

- аумақтарына уақытша келген немесе уақытша тұрып жатқан мемлекеттердің заңнамасына сәйкес тұрмыстық қызмет көрсету, сауда, қоғамдық тамақтандыру, қоғамдық көлік, тұрғын үй-коммуналдық шаруашылық, байланыс мекемелері, мәдени-ағарту мекемелерінде кезектен тыс қызмет көрсетілуге құқы бар.

3) Хаттамамен сондай-ақ 1944 жылғы 1 қаңтар мен 1951 жылғы 31 желтоқсан аралығындағы кезеңде Украина КСР, Белорусь КСР, Литва КСР, Латвия КСР, Эстон КСР аумақтарындағы заңсыз құралымдар мен топтарды (бандитизмді) жою жөніндегі ұрыс операцияларына тікелей қатысқан адамдар санатын енгізуді;

4) Ұрыс қимылдарына қатысқан бұрынғы КСР Одағы азаматтарының санаттарын анықтаудағы бірыңғай ереже әзірлеу мақсатында Келісімге мемлекеттердің, қалалардың, аумақтар мен кезеңдердің тізбесімен толықтыру енгізуді көздейді.

Заң жобасын талқылау барысында сенаторлар Б. Әйтімова, А. Бижанов, В. Редкокашин, Ж. Ерғалиев және комитеттің басқа да мүшелері заң жобасының бірқатар мәселелерін, атап айтқанда:

- бұл Келісімнің күші енетін әр санаттағы азаматтардың саны, оларға берілетін жеңілдіктер мен кепілдіктердің көлемі мен мөлшері;

- 1994 жылғы 15 сәуірдегі Келісімге ТМД-ның 12 мемлекеті, ал 2015 жылы хаттамаға барлығы 6 мемлекет қол қойғаны, оның ішінде тек Қазақстанда ғана ратификация рәсімдері аяқталғанын ескере келгенде, Келісімнің ТМД-ның басқа мемлекеттерінің орындау тепе-теңдігі;

- осы Хаттаманың ратификациялауда Қазақстан Республикасының азаматтарына қолданудағы әлеуметтік-экономикалық салдары, пайдасы мен тиімсіз тұстарын көтерді.

Денсаулық сақтау және әлеуметтік даму, сыртқы істер, қорғаныс министрліктерінің өкілдері отырыс барысында қойылған осы және басқа да сауалдарға жан-жақты жауап берді.

Жалпы алғанда комитет мүшелерінің пікірінше, Хаттаны ратификациялау келісімде көзделген азаматтардың құқықтары мен әлеуметтік кепілдіктері және жеңілдіктерін бұдан былай да іске асыруға мүмкіндік береді.

Комитет отырысының қорытындысы бойынша заң жобасын Сенаттың таяудағы отырысына енгізу туралы ұйғарым жасалды.

Ақпарат көзі: strategy2050.kz

0
0
541

ЭКСПО қоғамдық тамақтану нысандарына байқау өткізеді

ЭКСПО қазан айының соңына дейін қоғамдық тамақтану операторларын іріктеу бойынша байқау жариялайды. Бұл туралы «Астана ЭКСПО-2017» ҰК» АҚ коммерцияландыру департаментінің директоры Дәулет Еркімбаев брифинг барысында мәлімдеді.

«Қазан айының соңына дейін Ұлттық компания  көрме кезінде  шара  алаңында қоғамдық тамақтану нысанын салу үшін операторларды іріктеп алуға ашық байқау жариялайды. Біз 30 мейрамхана мен  14 қоғамдық тамақтану киоскісін салуды қарастырып отырмыз. Көрменің форматын ескере отырып, адам саны көп болатындығы күтілуде, осыған орай, әлем асханалары мен республика  асханасының әртүрлілігін  паш ету жоспарланып отыр», - деді Д.Еркімбаев.

Оның айтуынша, байқау  қазан айынан бастап  жылдың соңына дейін жалғасады.

«Келесі жылдың басынан бастап аталмыш нысандар бойынша көрме  алаңында жөндеу жұмыстарын жүргізуді жоспарлап отырмыз. Нысандар жалға беру әдісімен  жұмыс істейді. Байқау тендерлік талаптар бойынша өтеді, алайда бұл ашық байқау болғандықтан, талаптар қатал емес, бюджеттік қаржы қарастырылмаған. Операторлар жөндеу жұмыстарын өздерінің қаражатына жасайды.  Іріктеудің талабы: тәжірибенің болуы, сапа, дизайн, бағалық саясат», - деді ол.

Байқауға әлемдік желілер де қатыса алады.

«Біз әлемдік желілердің қатысқанын қалаймыз. Көрме аясында олар Қазақстанға кіре алар еді.  30 мейрамхананы біз қамтамасыз етсек,  20-сы қатысушы елдердің халықаралық павильондарында орналасады. Бүгінде 10 ел өздерінің асханаларын таныстыруға келісім берді. Сондай-ақ, олардың әрбіреуінде 14 киоскі мен  4 оператор болады», - деді ол.

Ұйымдастырушылар байқаудың ашық өтетіндігін айтты,  ай соңына дейін талаптар туралы ақпарат компания сайтынан жарық көреді.

«Жобаның маңыздылығын ескере отырып, бұл байқауға аса көңіл бөлеміз. Аталмыш  бағытта бизнес саласы белсенді қатысатынынан үміттіміз. Көрмеге 5 млн адам келеді. Аталмыш саладағы бизнесті оң бағытта ынталандырады деген үміттеміз», - деді ол.

Ақпарат көзі: strategy2050.kz

0
0
704

Беларусь Республикасында қазақстандық автордың «1941. Брест қамалы. Қазақстан» кітабын жоғары бағалады

Минск қаласында Қазақстан Тәуелсіздігінің 25 жылдығы іс шарасы аясында ҚР-дың БР-дағы Елшілігімен Беларусь Республикасының Ұлттық кітапханасында Әл-Фараби атындағы Қазақ Ұлттық университетінің профессоры, тарих ғылымдарының докторы Л.С.Ахметованың «1941. Брест қамалы. Қазақстан» атты кітабының автордың қатысуымен тұсау кесері ұйымдастырылды.

ҚР СІМ хабарлағандай, тұсаукесерге БР Ұлттық Жиналысының депутаттары, атақты саяси және қоғам қайраткерлері, соның ішінде Қазақстанның Достар клубының мүшелері, академиялық шеңбер өкілдері, қазақ диаспорасы, жергілікті тарихшылар, жазушылар мен тілшілер, сондай-ақ Қазақстандық курсанттар қатысты.

Өзінің сөйлеген сөзінде ҚР Елшісі Е.Бөлегенов аталған еңбектің Қазақстан Тәуелсіздігінің 25 жылдығында жарық көруінің маңыздылығын айтып және Л.Ахметованың кітабы Ұлы Отан Соғысы тарихын зерттеудегі «ақ таңдақтарды» жоюға үлкен үлес қосатындығын атап өтті. Көптеген он жылдықтар бойында соғыстың аса қатерлі сатысы бастапқы кезеңде қаза тапқан көп мыңдаған  қазақстандықтардың аттары белгісіз болып келді. Қазақстандық ғалымның жаңа жұмысы алдында аттары белгісіз болған Брест қамалын қорғаушылардың тізімін айтарлықтай 556 қазақстандыққа толықтырды, олардың жартысы – қазақтар. Қамалды қорғаушы барлық 7 мыңның шамамен мың әскері Қазақстаннан шақырылғандар.

Л.Ахметованың күш салуының арқасында, олардың көпшілігінің аттары, соның ішінде қазірге дейін ес-түссіз жоғалып кеткендер деп саналғандар, олардың батырлық тарихтары, қаза тапқан және жерленген жерлері бүгінде тарихи ғылым мен кең қауымдастыққа белгілі болды. Мұның барлығы автормен мұрағаттық құжаттар және тірі қалғандардың еске түсірулері негізінде жинақталып, жазылғандар.

Соғыстың алғашқы күндері ақ Қазақстан мен Беларусь халқының әскери бауырластығының негізі қаланды. Сондай-ақ, қазіргі заманда, яғни біздің елдеріміз Еуразиялық Экономикалық Одақ құруы жағдайында, әсіресе өңірдегі әскери-саяси тұрақсыздықтың күшеюі кезінде кітаптың өзектілігі арта түсуде.

Барлық сөйлегендер, соның ішінде Ұлттық кітапхананың директоры Р.С.Матульский, БР МҚК ардагерлер кеңесінің Төрағасы, полковник А.П.Васильев және басқалары Қазақстан мен Беларусь халықтарының бауырластық дәнекерінің іргесі болып қала беретін, жас ұрпақты патриотизм мен біздің аталарымыздың ерліктері мысалында тәрбиелеуде маңызды рөл ойнайтын соғыс туралы естелікті  сақтаудағы автордың айтарлықтай үлесін атап өтті. Өз тарапынан, автор Қазақстанның Елшілігіне және барлық қатысушыларға шынайы алғысын білдіріп, Беларусьтің кітапханалары мен кітап қорларына өз жұмысының екі жүз данасын сыйға тартты.

Іс шара шеңберінде Ұлттық кітапханада Елшілікпен ҚР-дың 25 жылдығына арналған және қазіргі заманғы Қазақстанның жетістіктерін, сонымен бірге Президент Н.Назарбаевтың бейбіт және ядроға қарсы бастамаларын бейнелейтін фото көрме ұйымдастырылды.

Ақпарат көзі: strategy2050.kz

 
0
0
560

«Самұрық-Қазына» қорының 13 активі электрондық сатуға шығарылады

2016 жылғы 20 қыркүйекте ҚР Экономиканы жаңғырту жөніндегі мемлекеттік комиссияның отырысы өтіп, онда «Самұрық-Қазына» АҚ екінші тізіміндегі 13 активті электрондық аукцион әдісімен сатуға шығару туралы шешім қабылданды.

Ұлттық компанияның баспасөз қызметі хабарлағандай,  осы әдіспен «Қазақстан темір жолы» ҰК» АҚ-ның 7 ұйымы сатуға шығарылады:«Бас-Балхаш 2004» ЖШС, «МАК-Экибастуз» ЖШС, «Көлік қызметтерінің орталығы» ЖШС, «Рауан Бурабай» ЖШС мен «Магистраль-Қызметi» ЖШС-нің 100% үлесі; «КазЭлектроПривод» БК» ЖШС-нің 50% және «Аймақтық форвардтық логистика» ҚБҰ-ның 90% үлесі.

Электрондық аукцион арқылы «Қазақстан Инжиниринг» ҰК» АҚ-ның «Омега» құрал жасау зауыты» АҚ мен «832 көлік жөндеу зауыты КИ» АҚ-ның 100% үлесі, сондай-ақ, «ЗИКСТО» АҚ-ның 42,13% үлесі.

«Бірлескен химия компаниясы» АҚ электрондық аукционда «ОХК Инжиниринг» ЖШС-нің 25% үлесін, «ҚазМұнайГаз» ҰК» АҚ құрамына «Semurg Invest Temir Zholy» ЖШС кіретін  «Каскор-Транссервис» ЖШС-нің 12,87% үлесін сатуға шығарады.

Естеріңізге сала кетейік, ҚР Үкіметінің 2015 жылғы 30 желтоқсандағы қаулысымен бекітілген 2016-2020 жылдардағы жекешелендірудің кешенді бағдарламасын іске асыру аясында, Қор 2 тізімге бөлінген 216 активті (немесе активтердегі үлесін) сатуға шығарады. Бірінші тізімге стратегиялық маңызы бар 44 актив енді, оларды сатуды 2018-2020 жылдары іске асыру жоспарланып отыр. 172 бейінді емес активтерді сату 2016 жылдан басталды. Қазіргі уақытта екінші тізімнен 33 актив сатылды.

Хабарландыру берілгенімен, 8 ұйым әлі сатылған жоқ, олардың кейбірі бойынша қайта хабарландыру жасалды. 4 актив бойынша үдеріс аяқталып қалды, олар – «KMG International N.V.» еншілес компаниялары. Қайта құруға жататын                   12 активтегі 5 компания қайта құрылымдалды. 59 активтің 14-і жабылды. Жекешелендірудің кешенді бағдарламасы аясында сатылған активтердің бүгінгі күнгі сомасы 7,3 млрд. теңгені құрайды.

Ақпарат көзі: strategy2050.kz

0
0
388

Астанада 14 электр энергетикалық нысаны жаңғыртылады

2016 жылдың 8 айында, 1 қыркүйектегі жағдай бойынша, 31 іс-шарада жалпы сомасы 756 509 000 теңгенің 31 келісіміне қол қойылды. 395 153 000 теңгелік 14 іс-шара толық орындалды, деп хабарлады қала әкімдігінің ресми сайты.

2014-2016 жылдары  орташа мерзімдік кезеңге бекітілген ауқымды бағдарламалардың «Астана-Энергия» АҚ электр энергетикалық нысандарын қайта жөндеуге, жаңғыртуға және жаңартуға, сонымен қатар, тұтынушыларды тарифтерден түскен қаржыны мақсатты пайдалану туралы ақпараттандыруға бағытталғанын айта кеткеніміз жөн.

Орташа мерзімдік кезеңге бекітілген инвестициялық бағдарламаның жалпы сомасы 2 млрд 192 млн теңгені құрайды. Мамандардың айтуынша, биыл бірқатар басымды міндеттер кезең-кезеңмен атқарылды, нақтырақ айтқанда, тозған жабдықтар ауыстырылып, жылу энергиясын өндіру ұлғайтылып, сенімділігі қамтамасыз етілді.

«2016 жылдың 8 айында, 1 қыркүйектегі жағдай бойынша, 31 іс-шарада жалпы сомасы 756 509 000 теңгенің 31 келісіміне қол қойылды. 395 153 000 теңгелік 14 іс-шара толық орындалды», – деді «Астана-Энергия» АҚ басқарма төрағасының орынбасары Олег Уткин.

Жоспарлы жұмыстардың нәтижесінде шығындар оңтайландырылды, бұл қосымша инвестициялық іс-шараларды орындауға жұмсалатын қаржыны үнемдеу арқылы тарифтік сметаға енгізілген қаржының игерілмеген бөлігін жылу энергиясы өндіру бойынша қызметтерге жұмсауға мүмкіндік берді.

Жыл өткен сайын қала дамып, кеңейіп келеді, оның үстіне жаңа нысандар саны да арта түсуде. Жыл соңына дейін 200 жуық нысанды, соның ішінде «Экспо», «Әбу-Даби Плаза», жаңа теміржол вокзалы сияқты әлеуметтік нысандарды, сондай-ақ, бірқатар көп пәтерлі тұрғын үйлерді жылу және электр энергиясына қосу жоспарланған.

Ақпарат көзі: strategy2050.kz

0
0
279

Қазақстандағы медициналық ұйымдарда АИТВ-ны жұқтыру қаупі барынша төмендетілуде — ДСӘДМ

Қазақстандағы эпидемияға қарсы және профилактикалық шаралар кешенін қабылдау нәтижесінде медициналық ұйымдардағы АИТВ-ны жұқтыру қаупі барынша төмендетілді.

ҚР Денсаулық сақтау және әлеуметтік даму министрлігінің баспасөз қызметі хабарлағандай, қазіргі таңда еліміздің барлық стационарлары мен емханаларында инфекциялық бақылау бағдарламалары бар. Сонымен қатар, медициналық бұйымдар мен инфузиондық ерітпелерді бір рет қолдану қамтамасыз етіліп, жеке қорғану заттары  және т.б. қолданылуда.

Сонымен бірге, эпидемиологиялық жағдайды бақылауды күшейту, сондай-ақ, АИТВ-ны кәсіби жұқтырудың профилактикасы мақсатында 2015 жылы «Клиникалық және эпидемиологиялық көрсетілімдер бойынша адамдарды АИТВ инфекциясының болуына міндетті құпия медициналық зерттеп-қарау қағидаларын бекіту туралы» ҚР ДСӘДМ Бұйрығына өзгерістер енгізілген болатын. Өзгерістерге сай, қанмен және өзге де биологиялық сұйықтықтармен жұмыс істейтін медициналық қызметкерлер жылына 2 рет АИТВ-ға тексерілуі міндетті.

Қолданылған шаралар нәтижесінде АИТВ-ны анықтау мақсатында тестіленетін медициналық қызметкерлер контингентінің ұлғаюына сәйкес 2016 жылдың 1 жартыжылдығында медициналық қызметкерлерді тексеру 1,8 есеге артты, 2015 жылмен салыстырғанда медициналық қызметкерлер арасында АИТВ тіркелген жағдайлар 4,4 есеге ұлғайған.

Денсаулық сақтау жүйесі мен халықтың денсаулығы Кодексінің 113 бабына сәйкес, АИТВ инфекциясы анықталған медициналық қызметкерлер терінің жамылғыш қабаты немесе шырышты қабықша тұтастығының бұзылуымен байланысы жоқ басқа жұмысқа ауыстырылады.

Жоғарыда аталған шаралар барлық медициналық амалдардың қауіпсіздігін қамтамасыз етті, республиканың медициналық ұйымдарындағы АИТВ-ны жұқтыру қаупін төмендетіп, халық арасындағы АИТВ инфекциясын анықтау көрсеткішін арттырды, сонымен қатар, антиретровирустық терапия тасымалдаушыларын уақытылы емдеуді қамтамасыз етті.

Антиретровирустық терапияны қабылдайтын АИТВ инфекциясын тасымалдаушылар қоғам үшін ешқандай қауіп төндірмейтінін атап айту керек. Емдеу шаралары вирусты жұқтыру қаупін төмендетіп, тасымалдаушыларға дені сау нәресте тууға, қоғамның толыққанды мүшесі болуға мүмкіндік береді.

Ақпарат көзі: strategy2050.kz

0
0
454

Н.Нығматулин: Экстремизм мен терроризмнің жолын кесу қоғамның шоғырландырылған ұстанымы кезінде нәтижелі болады

Парламенті Мәжілісінің төрағасы Нұрлан Нығматулин «Қазіргі кезеңдегі экстремизм мен терроризмнің алдын алу мен жолын кесудің заңнамалық және институционалдық шаралары» атты тақырыптағы дөңгелек үстел барысында экстремизм мен терроризмнің жолын кесу қоғамның шоғырландырылған ұстанымы кезінде нәтижелі болатындығын айтты.

Мәжіліс  Спикері терроризмге қарсы күресте бірлесіп әрекет етудің маңыздылығын айтып өтті.

«Әлемде және елдегі оқиғалар көрсеткендей, терроризм ұлтқа, дінге, шекараға байланысты емес, сондай-ақ,  ол  барлық өркениетке ортақ қауіп туғыза алмайды. Елбасы Нұрсұлтан Назарбаев ең мәртебелі мінберлерден  сөз сөйлегенде халықаралық терроризм қауіпінің артуы  мен  онымен күрес кезінде нақты шаралар қабылдау керектігі туралы ескерткен болатын. Өткен жылдың қыркүйек айында БҰҰ Бас Ассамблеясының 70-ші сессиясында Қазақстан Президенті терроризм мен экстремизмге қарсы бірыңғай жаһандық жүйені құруды ұсынып, осы салада халықаралық-құқықтық базаны дамытуды  жетілдіруді айтқан болатын», - деді Н.Нығматулин.

Қазіргі таңда Мәжілісте терроризм және  экстремизммен күресу заңына өзгертулер енгізу мәселелері қарастырылып жатыр.

«Экстремизм және терроризммен күресу қоғамның шоғырландырылған ұстанымы кезінде нәтижелі болатындығын түсіне отырып,  Мәжіліс депутаттары  заң жобасы бойынша жұмыс істеуге тек қана мемлекеттік орган мүшелерін тартып қоймай,  үкіметтік емес ұйымдар мен қоғамдық бірлестіктер,  ғылыми-оқыту орталықтары, бизнес қауымдастықтың өкілдерін шақырды», - деді ол.

Шарада  терроризм мен экстремизмге қарсы іс-шаралар барысы, сондай-ақ Мәжіліс қарауына енгізілген заннамалық түзетулерді талқыланды.

Сонымен қатар, терроризмнің алдын алу шараларын жетілдіру мәселесі де басты назарда болды.

Н. Нығматуллиннің айтуынша, соңғы кездегі болған оқиғалар экстремизм және терроризмге қарсы іс-қимылға, сондай-ақ миграциялық процестердегі қару-жарақ айналымына қатысты қолданыстағы заңнама жетілдіруді қажет етеді.

Мұнымен қоса, Мәжіліс спикері депутаттар мен Мәжіліс қарауына түсетін заң жобаларын кеңінен талқылау қажет екендігін баса айтты.

Сондай-ақ, Мәжіліс төрағасы терроризм және экстремизм туғызатын себептерді жоюдың маңыздылығын атады. Қазіргі экстремистік және террористік белгілерге құқықтық әрекет арқылы тойтарыс бере алмаймыз деді.

«Депутаттар экстремизм мен терроризмге қарсы іс-қимылдың тек әкімшілік-құқықтық қана емес,  әлеуметтік-экономикалық, гуманитарлық әдістері бар екенін жақсы біледі. Мұндай қылмысты анықтап қана қоймай, оның алдын алып, ескерту өте маңызды, - деді Н. Нығматулин.

Ол позициялардың үйлесімділігі басты мақсатқа – еліміздегі бейбітшілік пен тыныштықты сақтауда ұлттық қауіпсіздікті қорғау үшін сенімді құқықтық базамен қамтамасыз етуге мүмкіндік беретінін сеніммен айтты.

Бүгін Астанада депутаттар, мемлекеттік орган өкілдері, ҒӨБ, қоғам және дін қайраткерлері, саясаттанушылар мен сарапшылардың  қатысуымен терроризм және экстремизммен күрес мәселесі талқыланып жатыр.

Ақпарат көзі: strategy2050.kz

0
0
698

ДСҰ ішкі салықтың есептелу әдісіне ықпал етуді бастады – ҚР ҰЭМ

Қазақстанның Дүниежүзілік сауда ұйымына кіруі iшкi ережелерге, салықтың есептелуi мен салық салу әдiстерiне ықпал етуде, деп ҚР Ұлттық экономика министрi Қуандық Бишiмбаев Салық салудың өзектi мәселелерiне арналған конференция барысында мәлiмдедi.

«Салықтық жеңiлдiктерге келетiн болсақ, бiздiң iшкi ережелерге, салықтың есептелуi мен салық салу әдiстерiне ықпал етiп жатқан жүйе - ДСҰ. Дүниежүзiлiк сауда ұйымының басты  ұстанымының бiрi - жанама салықтардың бейтараптығы. Яғни, бiз отандық өндiрушiлердiң бiрiн босатсақ, бiз тауарларын импорттағысы келетiн шетелдiк өндiрушiлерге тең жағдай жасауымыз керек. Бұның керi ықпалы да бар. Бiз импорттық тауарларды ҚҚС-тан босатсақ, сәйкесiнше отандық өндiрушiлердi де босатуымыз керек. Осыған қарапайым шешiм ұсынамыз. Бiз барлығына бiрдей жағдай жасауымыз керек. Барлығы қосымша құн салығын төлеуi керек. Сәйкесiнше, бұл салық өнiм тұтынушыларының өздерiне төленедi. Ал егер экономиканың белгiлi бiр секторларын ынталандыру керек болса, сол салаларды субсидиялау саясатын әзiрлеу керек. Ұлттық экономика министрлiгi ол қандай формада болатынын анықтап жатыр. Ол тiкелей субвенциялар немесе жанама салықтан өзге салық түрлерiнен босату бола ма, соны белгiлеймiз», - дедi министр.

Министрдің айтуы бойынша, ведомствода ДСҰ-ға салаларды бейiмдеу бойынша жұмыс тобы қызмет атқаруда.

«Топ іс-шаралар кешенін әзірлеу қажет.Бұл ДСҰ-ға кіру шеңберінде еркін қоймалар тәртібіне және тағы басқа да мәселелерге әсер етеді және біз олардан бас тартуымыз керек. Алайда, автомобиль өнеркәсібін қолдау бойынша жұмыс жасауымыз қажет. Дегенмен, қазір қалыптасып жатқан ережелермен емес. Өйткені ол халықаралық сауда қағидатына қайшы келеді»,-деді министр.

Қ.Бишімбаевтың айтуы бойынша, қалған басқа салықтың түрлері бойынша айтарлықтай өзгерістер болмайды.

«Ауыл шаруашылығы бойынша ойлануымыз керек. Өйткені ол жерде ҚҚС-тан босату бойынша мәселелер бар»,-деді ведомство басшысы.

Ақпарат көзі: strategy2050.kz

0
0
392

Н.Нығматуллин: Заң — қоғамның талаптарына сай болып, террористік қауіпке қарсы тұра алуы керек

Заң - қоғамның талаптарына сай болып, террористік қауіпке қарсы тұра алуы керек, деді бүгін өтіп жатқан «Қазіргі замандағы экстремизм мен терроризмнің алдын алу және бұлтартпаудың заңды және институционалдық шаралары» дөңгелек үстелде, ҚР Парламенті Мәжілісінің спикері Нұрлан Нығматуллин.

Н. Нығматуллиннің айтуынша, соңғы кездегі болған оқиғалар экстремизм және терроризмге қарсы іс-қимылға, сондай-ақ миграциялық процестердегі қару-жарақ айналымына қатысты қолданыстағы заңнама жетілдіруді қажет етеді.

Мұнымен қоса, Мәжіліс спикері депутаттар мен Мәжіліс қарауына түсетін заң жобаларын кеңінен талқылау қажет екендігін баса айтты.

Сондай-ақ, Мәжіліс төрағасы терроризм және экстремизм туғызатын себептерді жоюдың маңыздылығын атады. Қазіргі экстремистік және террористік белгілерге құқықтық әрекет арқылы тойтарыс бере алмаймыз деді.

«Депутаттар экстремизм мен терроризмге қарсы іс-қимылдың тек әкімшілік-құқықтық қана емес,  әлеуметтік-экономикалық, гуманитарлық әдістері бар екенін жақсы біледі. Мұндай қылмысты анықтап қана қоймай, оның алдын алып, ескерту өте маңызды, - деді Н. Нығматулин.

Ол позициялардың үйлесімділігі басты мақсатқа – еліміздегі бейбітшілік пен тыныштықты сақтауда ұлттық қауіпсіздікті қорғау үшін сенімді құқықтық базамен қамтамасыз етуге мүмкіндік беретінін сеніммен айтты.

Бүгін Астанада депутаттар, мемлекеттік орган өкілдері, ҒӨБ, қоғам және дін қайраткерлері, саясаттанушылар мен сарапшылардың  қатысуымен терроризм және экстремизммен күрес мәселесі талқыланып жатыр.

«Әлемде және елдегі оқиғалар көрсеткендей, терроризм ұлтқа, дінге, шекараға байланысты емес, сондай-ақ,  ол  барлық өркениетке ортақ қауіп туғыза алмайды. Елбасы Нұрсұлтан Назарбаев ең мәртебелі мінберлерден  сөз сөйлегенде халықаралық терроризм қауіпінің артуы  мен  онымен күрес кезінде нақты шаралар қабылдау керектігі туралы ескерткен болатын. Өткен жылдың қыркүйек айында БҰҰ Бас Ассамблеясының 70-ші сессиясында Қазақстан Президенті терроризм мен экстремизмге қарсы бірыңғай жаһандық жүйені құруды ұсынып, осы салада халықаралық-құқықтық базаны дамытуды  жетілдіруді айтқан болатын», - деді Н.Нығматулин.

Қазіргі таңда Мәжілісте терроризм және  экстремизммен күресу заңына өзгертулер енгізу мәселелері қарастырылып жатыр.

«Экстремизм және терроризммен күресу қоғамның шоғырландырылған ұстанымы кезінде нәтижелі болатындығын түсіне отырып,  Мәжіліс депутаттары  заң жобасы бойынша жұмыс істеуге тек қана мемлекеттік орган мүшелерін тартып қоймай,  үкіметтік емес ұйымдар мен қоғамдық бірлестіктер,  ғылыми-оқыту орталықтары, бизнес қауымдастықтың өкілдерін шақырды», - деді ол.

Шарада  терроризм мен экстремизмге қарсы іс-шаралар барысы, сондай-ақ Мәжіліс қарауына енгізілген заннамалық түзетулерді талқыланды.

Сонымен қатар, терроризмнің алдын алу шараларын жетілдіру мәселесі де басты назарда болды.

Ақпарат көзі: strategy2050.kz

0
0
531