Мазмұнға өту

Жаңа

Н.Нығматулин: Экстремизм мен терроризмнің жолын кесу қоғамның шоғырландырылған ұстанымы кезінде нәтижелі болады

Парламенті Мәжілісінің төрағасы Нұрлан Нығматулин «Қазіргі кезеңдегі экстремизм мен терроризмнің алдын алу мен жолын кесудің заңнамалық және институционалдық шаралары» атты тақырыптағы дөңгелек үстел барысында экстремизм мен терроризмнің жолын кесу қоғамның шоғырландырылған ұстанымы кезінде нәтижелі болатындығын айтты.

Мәжіліс  Спикері терроризмге қарсы күресте бірлесіп әрекет етудің маңыздылығын айтып өтті.

«Әлемде және елдегі оқиғалар көрсеткендей, терроризм ұлтқа, дінге, шекараға байланысты емес, сондай-ақ,  ол  барлық өркениетке ортақ қауіп туғыза алмайды. Елбасы Нұрсұлтан Назарбаев ең мәртебелі мінберлерден  сөз сөйлегенде халықаралық терроризм қауіпінің артуы  мен  онымен күрес кезінде нақты шаралар қабылдау керектігі туралы ескерткен болатын. Өткен жылдың қыркүйек айында БҰҰ Бас Ассамблеясының 70-ші сессиясында Қазақстан Президенті терроризм мен экстремизмге қарсы бірыңғай жаһандық жүйені құруды ұсынып, осы салада халықаралық-құқықтық базаны дамытуды  жетілдіруді айтқан болатын», - деді Н.Нығматулин.

Қазіргі таңда Мәжілісте терроризм және  экстремизммен күресу заңына өзгертулер енгізу мәселелері қарастырылып жатыр.

«Экстремизм және терроризммен күресу қоғамның шоғырландырылған ұстанымы кезінде нәтижелі болатындығын түсіне отырып,  Мәжіліс депутаттары  заң жобасы бойынша жұмыс істеуге тек қана мемлекеттік орган мүшелерін тартып қоймай,  үкіметтік емес ұйымдар мен қоғамдық бірлестіктер,  ғылыми-оқыту орталықтары, бизнес қауымдастықтың өкілдерін шақырды», - деді ол.

Шарада  терроризм мен экстремизмге қарсы іс-шаралар барысы, сондай-ақ Мәжіліс қарауына енгізілген заннамалық түзетулерді талқыланды.

Сонымен қатар, терроризмнің алдын алу шараларын жетілдіру мәселесі де басты назарда болды.

Ақпарат көзі: strategy2050.kz

0
0
456

Кадет корпусының 300-ге жуық тәрбиеленушісі ант қабылдады

Шоқан Уәлиханов атындағы Қазақстан Республикасы Қорғаныс министрлігінің Кадет корпусында 2016 жылы қабылданған бірінші курстың кадеттерін әскери антқа келтіру жөнінде салтанатты іс-шара өткізілді, деп хабарлады Қорғаныс министрлігініңң баспасөз қызметі.

Қазіргі кездегі әскери антқа келтіру рәсімі кадеттер үшін атаулы күн болып есептелінеді. Себебі, олар Қазақстан Республикасы Тәуелсіздігінің 25 жылдығы мен Кадет корпусының құрылуының 20 жылдығында оқуға түсті. Салтанатты жағдайда 282 кадет әскери ант қабылдады.

«Ақмола облысы Қазақстан Республикасының көрнекті мемлекеттік және әскери қайраткерлері, Кеңес Одағының батырлары Мәлік Ғабдуллин мен Халық Қаһарманы армия генералы Сағадат Нұрмағамбетов секілді батырларын мақтан тұтады.  Олар өздерінің ұстанымдарына берік жалынды патриоттар, өз өмірлерін Отанға қызмет етуге сарп еткен өз істерінің кәсіпқойлары болды. Қорғаныс істері жөніндегі департаменті әскери ант қабылдаған кадеттер өздерінің оқуларын абыроймен аяқтап, мемлекетіміздің қорғаныс қабілеттілігіне титтей де болса үлестерін қосатынына сенім білдіреді», - деді Ақмола облысы қорғаныс істері жөніндегі департаментінің бастығы полковник Жанат Ережепов.

ҚР Қорғаныс министрлігінің Кадет корпусы командирлердің бірінші көмекшілері болып табылатын сержанттар құрамының жоғары білікті әскери қызметшілерін даярлау бойынша Орта-Азиялық өңірдегі бірден-бір оқу орны болып табылатынын айта кетейік.

Ақпарат көзі: strategy2050.kz

0
0
537

А.Мұхамедиұлы: Қазақстан паралимпиадалық спортты дамытады

Қазақстан Үкіметі паралимпиадалық спортты дамытатын болады. Бұл туралы ҚР Мәдениет және спорт министрі Арыстанбек Мұхамедиұлы Астана әуежайында Ұлттық паралимпиада делегациясымен кездесу барысында айтты.

«Уақыт көрсеткендей, қызығушылық артуда. Әрине, біз одан әрі паралимпиадалық спортты дамытуымыз керек. Өкінішке қарай, біз бұл спорт түріне аз көңіл бөліп келдік. Біз елде паралимпиадалық спорт түрі белсенді дамуы үшін  стратегиялық жоспарды қабылдадық. Қазіргі таңда  Қазақстанның паралимпиадалық комитетінің басшылығы  Астанада ірі орталық ашуды көздеп отыр. Біз оны барынша дамытуға тырысамыз», - деді министр.

Айта кетейік, Рио-де-Жанейро қаласында жазғы паралимпиадалық ойындар аяқталды. Қазақстанның мүмкiндiгi шектеулi спортшылары паралимпиадалық медальдар жеңiп алды. Раушан Қойшыбаева пауэрлифтингтен күмiс медаль, ал Зүлфия Ғабидуллина жүзуден паралимпиада ойындарының чемпион атанды.

Ақпарат көзі: strategy2050.kz

0
0
407

Ақмола облысында 119 шақырым жол жөнделді

Қазіргі уақытта облыста 119 шақырымға созылған республикалық маңызы бар автожолдардың сегіз бөлігінде орташа жөндеу жұмыстары аяқталды, деп хабарлады «ҚазАвтоЖол» АҚ.

Осы жылдың соңына дейін республикалық маңызы бар автожолдардың тағы 16 шақырымын жөндеп, қолданысқа беру жоспарланып отыр.

«Астана айналмасы» бойындағы екі бөлімде тас-мастикалық асфальтбетонды (ТМА) қоспасымен беткі қабатты жабу арқылы орташа жөндеу жұмыстары жүргізілді.

«ТМА – бұл асфальттың ерекше түрі, ол бір мезгілде қозғалыс тұрақтылығын, су өткізбегіштікті және орнатылған қабаттың кедір күйін қамтамасыз ете алады. Қоспа, ірі қиыршық арасындағы барлық қуыстарына қиыршық құм битум қоспасы толтырылған қиыршық тас қаңқасынан тұрады, ондағы қиыршық тас шамамен 80%-ды құрайды. Айта кету керек, бұл әдіс Ақмола облысындағы республикалық маңызы бар жолдарда орташа жөндеу жұмыстарын жүргізу барысында алғаш қолданылуда», - делінген хабарламада.

Сондай-ақ, орташа жөндеу жұмыстарын жүргізу барысында «Жақсы-Атбасар» және «Көкшетау-Атбасар» көлік жолдары бөліктерінде кедір бетті өңдеудің дәстүрлі әдісін қолдану арқылы, жол қабатының жоғарғы бөлігін қалпына қайта келтіру бойынша кешенді жұмыстар жасалды.

Сонымен қатар, ағымдағы жөндеу «Жезқазган – Петропавловск» көлік жолының Державинск қаласынан Қостанай облысына дейін және Макинск – Ақсу – Торғай бағыты бойынша Сілеті ауылынан Торғай ауылына дейінгі аралықтың көбіне төтенше-қауіпті аймақтарында жүзеге асырылуда. Осы бөліктердегі жөндеу жұмыстарын ағымдағы жылдың соңына дейін аяқтау жоспарланып отыр.

«Жақсы–Есіл–Бұзұлұқ» көлік жолының бойындағы «Астана – Қостанай – Ресей Федерациясы» көлік дәлізіне кіретін және Есіл өзені арқылы өтетін, төтенше қауіпті жағдайда тұрған көпірді күрделі жөндеуден өткізу бойынша жобалық-дамыту жұмыстары жүргізілуде.

Ақпарат көзі: strategy2050.kz

0
0
453

Е.Максютова: Сауалнамаға қатысушылардың 80 пайыздан астамы соттардың ашықтық деңгейіне қанағаттанушылық білдірді

Сауалнамаға қатысушылардың 80 пайыздан астамы соттардың ашықтық деңгейіне қанағаттанушылық білдірді , деді ҚР Президенті жанындағы ОКҚ-да Жоғарғы Соттың судьясы Елена Максюта.

Елена Максюта сот процестері қатысушылар мен «Сот кабинеті» сервисі қолданушылары арасында ағымдағы жылы жүргізілген онлайн-сауалнама қорытындысын таныстырды.

Сауалнама «100 нақты қадам» Ұлт Жоспарын іске асыру шеңберіндегі сот органдары жұмысының негізгі индикаторларын айқындауға арналған 8 сұрақтан құралды. Осы ретте әрбір көрсеткіш өңірлер тұрғысында талданды. Онлайн-сауалнамаға қатысу үшін процеске қатысушыларға электронды цифрлық қолтаңбаның арқылы «Сот кабинеті» сервисіне тіркелу қажет болатын.

Онлайн-сауалнама басталған сәтте сервисте 57 751 тұтынушы тіркелген болса, оның аяқталған кезінде тұтынушылардың саны 80 460 адамды құрады. Онлайн-сауалнамаға барлығы 16 445 респондент қатысты.

Онлайн-сауалнаманың нәтижесіне сәйкес жалпы республика бойынша зерттеудің барлық бағыттары бойынша  сот жүйесінің қызметіне оң баға берілді, сот қызметтерінің сапасына қанағаттанушылықтың жоғары деңгейі атап өтілді.

«Респонденттердің  87%-ы ақпараттық технологияны енгізу нәтижесінде сот төрелігі неғұрлым қолжетімді бола түсті деп есептейді. Сұрау салынғандардың 77,3%-ы сот сатыларының қысқаруы сот төрелігінің тиімділігін арттырады деп ойлайды. Қатысушылардың 81,2%-ы соттардың ашықтық деңгейіне (соның ішінде соттар ақпараттың қолжетімділігі, сотқа жүгіну тәртібі, сот істерін қараудың барысы мен нәтижесі және т.б.) қанағаттанушылық білдірген. Респонденттердің 73,4%-ы сотты әділ әрі бейтарап деп бағалаған», - деді Е.Максютова.

Сұрау салынғандардың 75,1%-ы судьялардың жоғары кәсіби деңгейін атап өткен. Қатысушылардың 79,3%-ы судьялардың жүріп-тұруының әдебі мен мәдениеті қойылған талаптарға сай келеді деп санайды. Сауалнамаға қатысушылардың 87,4%-ы процесті айдио-бейнетіркеу сот істерін қараудың сапасын арттыратындығын атап өткен. Жалпы алғанда сауалнама оған қатысушылардың 74,4%-ның соттар  жұмысының сапасына қанағаттанатындығын көрсетті.

Ақпарат көзі: strategy2050.kz

0
0
305

5 жыл ішінде террористік белсенді аймаққа 559 қазақстандықтың шығуына тосқауыл қойылды

Соңғы 5 жылда ҰКҚ органдарымен террористік белсенділік аймағына 559 рекрут-қазақстандықтың шығуына жол берілмеді , деп ҚР Ұлттық қауіпсіздік комитеті төрағасының орынбасары Нұрғали Белісбеков мәлім етті.

«Сирия-Иран аймағындағы қарулы қақтығыс Таяу Шығыстағы лаңкестік күштерді жандандырды. Террористік содырлардың қатарында елдің 80-нен астам жаңа рекруттары қосылуда. Біздің азаматтарымыздың қарулы қақтығыстарға қатысуы оларға қауіп төндіреді. Бұл мәселе халықаралық және ұлттық деңгейде шұғыл шаралар қабылдауды талап етті. Соңғы бес жылда ҰКҚ органдарымен террористік белсенділік аймағына 559 рекрут-қазақстандықтардың шығуына жол берілмеді», - деді  ҚР Ұлттық қауіпсіздік комитеті төрағасының орынбасары Нұрғали Белісбеков «Қазіргі кезеңдегі экстремизм мен терроризмнің алдын алу мен жолын кесудің заңнамалық және институционалдық шаралары » тақырыбындағы дөңгелек үстел отырысы барысында айтты.

Сонымен қатар, Н. Белісбековтың айтуы бойынша, бүгінгі күні қарулы қақтығыстар орын алған жерлерден жауынгерлердің қайтып келуі үлкен қауіп төндіреді.

«Олардың көбісі радикалды көзқарастарды ұстануды жалғастыруда,  оған қоса, нақты дағдылар мен жауынгерлік тәжірибеге ие»,-деді ол.

Сонымен қатар, оның айтуынша, террористік белсенділік алған аймақта қалған тұлғалар идеологиялық радикализмнің рөлін ойнайды және олар көп жағдайда Интернет желісі арқылы азғырушылық, рекруттарды жинау сынды жұмыстарға белсене қатысады.

«Бүгінгі күні интернет-ресурстардың бірталай жүйесі жұмыс істейді және олар діни тәрбиелеу және террористік әдістерді оқытуға бағытталған»,-деді Н. Белісбеков.

Ақпарат көзі: strategy2050.kz

0
0
440

Павлодар облысында тірек ауылдарды дамыту үшін 210 млн теңге бөлінеді

Павлодар облысында тірек ауылдарға келетін болсақ, оларды дамыту үшін жылдың соңына дейін 210 миллион теңге бөлінеді.

Павлодар облысы әкімдігінің хабарлауынша, әкімшілік айыппұлдар, мемлекеттік меншіктен түскен кірістер және басқа да салықтық емес түсімдердің есебінен облыстық қазына 148 млн. теңгеге толықты.

Сонымен қатар, табиғи және техногенді сипаттағы төтенше жағдайлардың салдарын жобға бағытталған резервті 65,8 миллион теңгеге азайту арқылы осы сомадағы қаражат облыс бюджетке түсетін болады.

Облыстық мәслихаттың жанындағы бюджеттік комиссия үнемделген қаражаттың барлығын әлеуметтік мәселелерді шешуге және тірек ауылдарды дамыту үшін бағыттауды ұсынды.

Мәселен, 50 млн. теңге облыс мектептерінің 7 сыныптарын оқулықтармен және оқу-әдістемелік кешендермен қамтамасыз етуге бағытталса, 4,8 миллион теңге Май ауданының орталық ауруханасының базасында ашылған мүмкіндігі шектеулі тұлғаларға арналған реабилитациялық орталықтың дәрігерлер құрамын оқыту және қайта даярлау үшін жұмсалады. 57,1 миллион теңгеге орман шаруашылығын қорғау жөніндегі мемлекеттік ұйымдарға үш бірлік өрт сөндіру техникасын сатып алынады.

«Тірек ауылдарға келетін болсақ, оларды дамыту үшін жылдың соңына дейін 210 миллион теңге бөлінеді. 43 миллион теңгеге жуық сома Успен ауданындағы Константиновка және Ақтоғай ауданындағы Жолболды ауылдарында орталықтандырылған су жүйесінің құрылысына жұмсалады. Сонымен қатар, тағы да 8 миллион теңге облыстың 8 басқа тірек ауылдарында су құбырлары жүйесінің жобалау жұмыстарына бағытталады», - делінген хабарламада.

50 миллион теңге Железин ауданындағы Жаңа Жұлдыз – Петропавловка автомобиль жолын жөндеуге жұмсалса, 40 миллион теңге Ақсу ауылдық аймағындағы Қызылжар және Евгеньевка ауылдарында дене шынықтыру-сауықтыру кешендерін салуға бағытталады. Сонымен қатар Успен ауданының Таволжан ауылындағы тозығы жеткен электр желілерін жаңғырту мақсатында облыстық бюджеттен 16 миллион теңге бөлу жоспарланып отыр. Бұл қадам арқылы 2017 жылы ауыл тұрғындары электр энергиясымен қамтамасыз етіліп,  жергілікті шаруашылық cубъектілері өз кәсібін дамытуға мүмкіндік алады.

Сонымен қатар, Тереңкөл ауылындағы іргетасы 2007 жылы қаланған әскерге шақыру пунктінің құрылысын аяқтау жоспарланып отыр. Бұл мақсатқа 68 миллион теңге бөлінеді.

Аудан орталықтарындағы денсаулық сақтау нысандары скерге шақырылатын азаматтарды қабылдауға лайықты емес.

Ақпарат көзі: strategy2050.kz

0
0
493

Баланың тууы бойынша мемлекеттік қызметтердің толық спектрін енді Қазақстанның перзентханаларында ресімдеуге болады

«Азаматтарға арналған үкімет» мемлекеттік корпорациясы жаңа пилоттық жобаны іске қосты, бұл жоба шеңберінде баланың тууын тіркеуді, бала туу мен оның күтіміне жәрдемақы тағайындауды, босану және жүктілікке байланысты табысын жоғалтқан жағдайдағы әлеуметтік төлемдерді ресімдеуді, сондай-ақ баланы балабақша кезегіне қоюды жас аналар перзентханада жүзеге асыра алады.

Композитті қызмет көрсету барлық 4 қызметке бір уақытта перзентханада өтініш қабылдауды білдіреді.

«Естеріңізге сала кетейік, осы жылдың наурыз айында Әділет министрлігі баланың туылуын тіркеу бойынша мемлекеттік қызметтер стандартына азаматтар баланың туылуын тіркеуге өтінішті 3 жұмыс күні ішінде берулері тиіс деген өзгерістер енгізген. Қазақстандықтарға қолайлы болу үшін осы және оған ілеспе қызметтерді композиттік түрде көрсету мүмкіндіктерін қарастырдық. Бұл қазақстандықтардың өмірін жеңілдетіп, уақыттарын үнемдейді» - деді «Азаматтарға арналған үкімет» мемлекеттік корпорациясы» КЕ АҚ  Басқарма төрағасының орынбасары Медет Құмарғалиев.

Құмарғалиевтің айтуынша, композит «Баланың туылуын тіркеу, оның ішінде азаматтық ахуал актілері жазбаларына өзгерістер, түзетулер мен толықтырулар енгізу», «Бала туғанда берілетін және бала күтімі бойынша жәрдемақыларды тағайындау», «Әлеуметтік тәуекелдер жағдайларына әлеуметтік төлемдер тағайындау: еңбекке қабілеттілігін жоғалту, асыраушысынан айырылу, жұмысынан айырылу, жүкті болу мен босануға байланысты табысынан айырылу, жаңа туған баланы (балаларды) асырап алуға байланысты табысынан айырылу, бала бір жасқа толғанға дейін оның күтіміне байланысты табысынан айырылу» және «Мектеп жасына дейінгі (7 жасқа дейін) балаларды балалар мектепалды ұйымдарына жіберу үшін кезекке қою» қызметтеріне қатысты болып табылады.

Дайын болған туу туралы куәлікті ата-аналар, құжат тапсырған күнді есептемегенде, 2 жұмыс күні ішінде халыққа қызмет көрсету орталықтарынан алуларына болады, ал жәрдемақыны тағайындау туралы ақпарат клиенттің ұялы телефонына   sms-хабарландыру арқылы түседі. Сонымен қатар, қазақстандықтар балабақша кезегін egov.kz  электронды үкімет порталынан немесе мемлекеттік корпорацияның фронт-офистеріндегі  «Connection Point» өз өзіне қызмет көрсету секторлары арқылы көрулеріне болады.

Халыққа қызмет көрсету орталықтары арқылы 8 айда 24 миллионнан астам мемлекеттік қызметтер көрсетілген, оның 235 мыңнан астамы туу туралы куәлік беру болып табылады.

Ақпарат көзі: strategy2050.kz

0
0
358

Ұлт жоспары: ОҚО-да отбасыларға әлеуметтік көмек көрсетудің жаңа түрі енгізіледі

ОҚО-да жаңа форматтағы мекен-жайлық әлеуметтік көмек енгізіледі. Бұл туралы Аймақтық коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы А.Темірбаева мәлім етті.

А.Темірбаеваның айтуынша, бұл көрсеткіш жұмыспен қамтылған азаматтардың 86 пайызы міндетті зейнетақы жарналары аударылғаны арқылы анықталып отыр.

Елбасының биылғы жылы халыққа Жолдауында белгіленген бес бағыттың бірі – Жаңа әлеуметтік саясаттың іске асырылуы бойынша атқарылған жұмыстарды баяндаған басқарма басшысы облыста осы жылы 319 отбасы атаулы әлеуметтік көмек, 65 мыңнан астам отбасы 18 жасқа дейінгі балаларға арналған жәрдемақы алып жатқанын айтты.

«Әлеуметтік көмек алушылардың қатарында еңбекке жарамдылар орташа есеппен 24,4 пайызын құрайды. Аз қамтылған отбасыларға әлеуметтік көмек көрсету үшін жергілікті бюджеттерден 5 млрд.теңгеге жуық қаржы бөлінді. 2018 жылдың 1 қаңтарынан бастап әлеуметтік төлемдердің үш түрімен бірге  (көп балалы және аз қамтамасыз етілген отбасыларға төленетін жәрдемақы, балалар жәрдемақысы) атаулы әлеуметтік көмектің жаңа түрі енгізілетін болады»,-деді спикер.

Бұл көмектің түрі шындығында қиын жағдайға тап болған және объективті себептерге (жасы, денсаулық жағдайы, мүгедектік және өзге әлеуметтік осалдық) байланысты осы жағдайдан шыға алмайтын азаматтарға шартсыз көмек болып ұсынылатын болады. Яғни, еңбекке қабілеттілікті сақтаған, көмек алушы үміткерлерге қолдау шартты ақшалай түрінде көрсетілетін болады. Осы мақсатта «Өрлеу» жобасының аясында күнкөріс деңгейінің 60 пайызынан төмен тұратын аз қамтамасыз етілген азаматтарына  жұмыспен қамтудың белсенді шараларына қатысқан жағдайда шартты ақшалай көмек көрсету қарастырылған. Шартты ақшалай көмектің мөлшері күнкөріс деңгейінің 60 пайызы мен отбасының жан басына шаққандағы табысының айырмашылығына тең.

«2016 жылы «Өрлеу» жобасын енгізу тәжірибесін кеңейту үшін, шартты ақшалай көмек жүйесін облысымыздағы барлық аудан, қалаларда енгізу жоспарланды. Жоба аясында 14927 адам 602,5 млн.теңгеге шартты ақшалай көмекпен, оның ішінде 2944 адам  жұмыспен қамту белсенді шараларымен қамтылатын болады. Нәтижесінде, кедейлік деңгейін 6,0 пайыздан өсірмеу көзделуде», -деді А.Темірбаева.

Айта кетейік, «Өрлеу» жобасы 2015 жылы 4 өңірде пилоттық жоба ретінде енгізіліп, 139 отбасындағы 913 адамға 23 млн. теңге төленді.

Ақпарат көзі: strategy2050.kz

0
0
492

Қазақстанда ЖАО кезегінде тұрғандардан депозит ашуға комиссия төлемі алынбайды

Тұрғын үй құрылыс жинақ банкі ЖАО кезегінде тұрғандардан депозит ашуға комиссия ұстамайтын болды. Бұл «Қазақстанның тұрғын үй құрылыс жинақ банкі» АҚ Директорлар кеңесінің өткен отырысында мәлім болды, деп хабарлады холдингтің баспасөз қызметі.

«Бәйтерек» Ұлттық басқарушы холдингі» АҚ-ның Басқарма Төрағасы Ерболат Досаевтың мәлімдеуінше, әзірленіп жатқан «Қолдау» банктік өнімі аясында жергілікті атқару органдарының коммуналды тұрғын үй қорынан тұрғын үй алуға мұқтаждардың есебінде тұрғын азаматтарға жеңілдік жасалынатын болады.

Ерболат Досаевтың сөзіне қарағанда, әкімдік кезегінде тұрғындар 15 млн. теңгеден аспайтын шарттық сомаға ТҚЖ салымдарын тегін ашуға мүмкіндік алады. Бұған дейін Банк салым ашу үшін шарттық соманың 0,55%-ы көлемінде комиссия ұстайтын еді.

Жинақтау мерзімі аяқталған соң (кемінде 3 жыл) әкімдіктің кезегіндегілер жылдық 3,5%-бен (ЖТСМ жылдық 4%-дан бастап) – ең төменгі мөлшерлеме бойынша тұрғын үй заемын алуға мүмкіндік алады. Осылайша, бұл қадам жинақтау кезеңінде кезектегілерге түсетін қаржылық ауыртпашылықты азайтып, қолжетімді бағамен тұрғын үй сатып алуға жәрдем болмақ.

Сондай-ақ, Директор Кеңесі тұрғын үй құрылысы жобаларын жүзеге асыру (уағдалы депозиттер орналастыру арқылы) бағдарламасына енгізілетін өзгерістер мен толықтыруларды қарастырды. Бұл шара өткізу тетіктері мен бекітілген ережелерді жеңілдетуді көздейді.

«Қазақстанның тұрғын үй құрылыс жинақ банкі» АҚ «Бәйтерек» Ұлттық басқарушы холдингі» АҚ-ның еншілес компаниясы болып табылады. Холдингті құрудағы мақсат – экономиканы дамыту және әртараптандыру, инвестиция тарту, класстерлерді дамыту және оның еншілес ұйымдарында корпоративтік басқару жүйесін жетілдіру.

Ақпарат көзі: strategy2050.kz

0
0
357