Мазмұнға өту

Жаңа

Қазақстан мен Грекия арасында тікелей әуе қатынасы ашылады

Қазақстан мен Грекия екі ел арасында әуе қатынасын орнату бойынша меморандумға қол қояды. Бұл туралы Қазақстан-Грекия экономикалық және теxнологиялық ынтымақтастық жөніндегі үкіметаралық комиссиясының үшінші отырысында ҚР Сыртқы істер істер министрінің орынбасары Роман Василенко мәлімдеді.

«Бүгін біз Қазақстан мен Грекия әуе қатынасы туралы келісімге қол қоюы туралы келістік.Қазақстандық туристердің Грекияға демалуға барар кезде біраз қиындықтарға тап болатыны белгілі. Себебі, Грекияға тікелей ұшатын әуе рейсі жоқ. Сондай-ақ жазда чартерлік әуе рейстерінің саны аз», - деді басшы.

Сонымен қатар, кездесу барысында Қазақстан мен Грекия тарапы әуе қатынасы бойынша келісімге келуге дайын екендігін айтты.

Сондай-ақ, Р.Василенко айтқандай, күн тәртібінде тағы екі экономикалық келісім орнату көзделген.

Кездесу соңында қос мемлекет салық салу жүйесін жеңілдетуді және инвестияны қорғау бойынша конвецияға қол қоюды жоспарлап отырғанын айтты.

«2016 жылдың жарты жылы ішінде Қазақстанның Грекияға экспорты 653 млн долларды құрады, ал Грекияның Қазақстанға экспорты 2,3 млнды құрады»,-деі ол.

Р.Василенконың айтуы бойынша, екі ел арасындағы тауар айналым екі елдің әлеуетіне сай келмейді.

«Қазіргі күні тауар айналым Қазақстаннан Грекияға мұнай өнімін экспорттаудың 99 пайызын тұрады. Өткен жылдың мәліметі бойынша, тауар айналым 1 млрд 200 млнды құрады,оның ішінде Қазақсанға Грекияның экспорты 20 млнды құрады»,-деді ол.

«Үлкен жұмыс атқарылды, нақты құжатқа қол қойылды және ол келесі жылға басым бағыттар бойынша жұмыс жоспарын анықтайтын болады. Ауыл шаруашылығы, фармацевтика, энергетика, туризм және көлік саласындағы ынтымақтастықтың перспективаларына үлкен назар жасалынған. Біздің ойымызша,  елдеріміз арасындағы ынтымақтастықтың мүмкіндігі орасан зор»,-деді ҚР сыртқы істер министрінің орынбасары Роман Василенко.

Оның айтуы бойынша, аталмыш кезеңде екі ел арасындағы тауар айналым Қазақстанның Грекияға, Грекиядан Қазақстанға жасаған экспортының 99 пайызынан құралған. Өкінішке орай, аз тауар жіберіледі.

«Біз экономикалық қарым-қатынасты дамытуға тырысудамыз, біз түрлі ынтымақтастық саласына «есік ашуға» жұмыс жасаудамыз. Екіжақты келісім арқылы біз өзіміздің сауда-экономикалық қарым-қатынастарымызды дамытуға мүмкіндік аламыз»,-деді Грекия Республикасының сыртқы істер министрінің орынбасары Димитриос Мардас.

Сонымен қатар, Р.Василенконың айтуынша, тәулік ішінде екі ел арасындағы ынтымақтастықтың келешегі айтылды.

«Грекия Қазақстанға Балқан мен Жерорта аймақтарындағы негізгі әріптес болып табылады, ал Қазақстан Грекияға Орта Азиядағы негізгі әріптес»,-деді Р. Василенко.

Ақпарат көзі: strategy2050.kz

0
0
845

Астанада білім, ғылым және мәдениет мәселелері бойынша Азия парламентаралық форумы өтіп жатыр

Астанада Азия парламентаралық форумы басталды. Шара ғылым, технология және инновация мәселелеріне арналады. Форумға 20 елдің Парламент өкілдері мен сарапшылар, сондай-ақ, алты халықаралық ұйымның мүшелері қатысады деп күтілуде.

Аса маңызды шараның ұйымдастырушылары: Қазақстан Республикасы Парламентінің Мәжілісі, Білім, ғылым және мәдениет мәселелері бойынша Ислам ұйымы (ИСЕСКО) және Ислам даму банкі (ИДБ).Форум аясында Ислам ынтымақтастық ұйымына (ИЫҰ) кіретін және кірмейтін мемлекеттерде ғылым, технология және инновация салаларында нормативтік-құқықтық база және ынталандырушы шаралар үлгісінде үздік зерттеулердің таныстырылымын өткізу көзделуде.

Ауқымды шараның мақсаты – ИЫҰ мүше-мемлекеттердің білім және ғылыми әлеуетін дамыту саласында әріптестікті нығайту. Сонымен қатар, ИЫҰ мүше-мемлекеттердің экономикасы үшін үздік технологияларды енгізу, ғылымды дамытуға ықпал ету, білімге негізделген қоғам құру мәселелері де парламентшілер назарынан тыс қалмауға тиіс.Сондай-ақ, ұлттық инновация жүйесін нығайту, ғылыми-техникалық даму үшін жүйелік мотивация тетіктерін қосу бағыттарына да басымдық беріледі.

Білім, ғылым және мәдениет мәселелері бойынша Ислам ұйымы (ИСЕСКО) Ислам Конференциясы ұйымының мамандандырылыған мекемесі ретінде 1982 жылы 3 мамырда құрылған. ИСЕСКО штаб-пәтер Рабат қаласында орналасқан (Марокко Корольдігі).

Қазақстанның ИСЕСКО-мен ынтымақтастығы 1996 жылы Джакартеде өткен Сыртқы істер министрлерінің 24-ші Ислам конференциясында мемлекеттердің аталған ұйымға ресми қабылдануынан кейін басталды.Бұл ұйыммен әріптестікті ЮНЕСКО және  ИСЕСКО істері жөніндегі Ұлттық комиссия үйлестіруге құқылы.

Айта кетейік, ИСЕСКО  ЮНЕСКО-мен бірлесіп  парламенттік форум өткізуді ұйымдастыруда белсенді серіктестік болып  табылады. Парламенттік ғылыми комиитеттердің рөлін нығайту немесе ғылыми-техникалық саясатты жүзеге асыру,  инновациялық жүйе  кешендерінің арасында ынтымақтастық орнату саласында бірлесіп жұмыс атқарады.

Екі күндік талқылаудың қорытындысында  «Білім, ғылым және мәдениет саласында парламентаралық ислам ынтымақтастығын нығайту  бойынша Астана декларациясы» құжаты қабылданады. Айта кетейік, алғашқы парламенттік форум  2013 жылы Хельсинки қаласында (Финляндия)  «Ғылым, технология және инновация саласындағы саясат, парламентшілер пікірі» атты тақырыпта өткен болатын. Осы уақыт аралығында  әлемнің әр түпкірінде бірқатар форумдар өткізілді. Оның ішінде, Оңтүстік Азиялық және Оңтүстік шығыс  азия парламенттік форумдары, Африка парламенттік форумы мен Араб парламенттік форумы  жатады.

Ақпарат көзі: strategy2050.kz

0
0
767

Н.Нығматулин: Азия парламентаралық форумы ҚР-ның Ислам қауымдастығымен ынтымақтастығын нығайтады

Азия парламентаралық форумы ҚР-ның Ислам қауымдастығымен ынтымақтастығын нығайтады, деді Азия парламентаралық форумы барысында Парламент Мәжілісінің төрағасы Нұрлан Нығматулин.

«Қазақстанымыз әрқашанда әлемдік интеграция идеясын қолдап, көптеген халықаралық ұйымдардың белсенді және беделді мүшесі атанды. Оның нақты дәлелі мемлекетіміздің Біріккен Ұлттар Ұйымы Қауіпсіздік кеңесінің 2017-ші – 2018-ші жылдарға арналған тұрақты емес мүшесі болып сайлануы. Осының барлығы, әлем елдерінің Қазақстанға деген сенімі өте жоғары болуының жарқын көрсеткіші»,-деп атап өтті Н. Нығматулин.

Мәжіліс Спикері  Президентіміз Нұрсұлтан Әбішұлы Назарбаевтың тәуелсіздік алған күннен бастап Азиямен, соның ішінде Ислам елдерімен ынтымақтастыққа аса мән беріп келе жатқанын айтып, соның нәтижесінде Ислам қауымдастығы елдерімен аймақтағы тұрақтылықты, қауіпсіздікті нығайту, білім, ғылым және Ислам мәдениетін дамыту бағытында жеткен жетістіктердің көп екенін, соның ішінде, дінаралық және ұлтаралық татулықтың «қазақстандық моделі» қалыптасуы  әлем елдеріне үлгі болып отырғандығын айтты.

«Форум жаһандану аясындағы білім мен ғылым салаларын дамыту үшін заңнамалық база қалыптастыру мәселелері, ұлттық бағдарламалар мен басымдықтарды іске асырудағы ұлттық институттармен қарым-қатынас жолдары мен ондағы парламентария рөлі мәселелерін қарастырады. Нақты айтқанда, өндірістік секторда ғылыми техникалық өлшемдер  туралы сұрақтар қаралады», - деді Мәжіліс Спикері.

Астанада білім, ғылым және мәдениет мәселелері бойынша Азия парламентаралық форумы өтіп жатыр. Шара ғылым, технология және инновация мәселелеріне арналады. Форумға 20 елдің Парламент өкілдері мен сарапшылар, сондай-ақ, алты халықаралық ұйымның мүшелері қатысуда.

«Қазіргі таңда Қазақстанда  Елбасының  5 институционалдық реформасын жүзеге асыру жөніндегі  «100 нақты қадам»  іске асырылып жатыр.  Бұл жоспарда көрсетілгендей,  елде инновациялық саясат   қоғамның бәсекелестігін өсірудегі  экономикалық дамудың  негізі  болып табылады. Аталмыш жолда біздің ел  индустриялды - инновациялық  дамудың бесжылдығын жүзеге асырып жатыр, қазіргі таңда  аталмыш бағдарламаның екінші кезеңі жүзеге асырылуда», - деді ол.

Мәжіліс төрағасының айтуынша, біздің ел әлем елдерімен жаңа технологияларды дамыту саласында  ынтымақтасуға  дайын, Бұл орайда  Елбасы Нұрсұлтан Назарбаевтың 2017 жылы Ислам ынтымақтастық ұйымы саммитін Астанада өткізу  ұсынысы өте орынды.

«Аталмыш саммит  ғылым мен инновацияны дамытуда  халықаралық байланысты нығайтуға жаңа серпін береді. Аталмыш бағытта ислам әлеміндегі  экономикалық даму мен ғылым және технология, халықтың әлеуметтік  жағдайының   нығайғаюына  көңіл бөлу қажет», - дед ол.

Ақпарат көзі: strategy2050.kz

0
0
396

Н.Нығматулин: Қазақстан әлем елдерімен жаңа технологияларды дамыту саласында ынтымақтасуға дайын

Қазақстан әлем елдерімен жаңа технологияларды дамыту саласында ынтымақтасуға дайын, деді Азия парламентаралық форумы барысында Парламент Мәжілісінің төрағасы Нұрлан Нығматулин.

«Қазіргі таңда Қазақстанда  Елбасының  5 институционалдық реформасын жүзеге асыру жөніндегі  «100 нақты қадам»  іске асырылып жатыр.  Бұл жоспарда көрсетілгендей,  елде инновациялық саясат   қоғамның бәсекелестігін өсірудегі  экономикалық дамудың  негізі  болып табылады. Аталмыш жолда біздің ел  индустриялды - инновациялық  дамудың бесжылдығын жүзеге асырып жатыр, қазіргі таңда  аталмыш бағдарламаның екінші кезеңі жүзеге асырылуда», - деді ол.

Мәжіліс төрағасының айтуынша, біздің ел әлем елдерімен жаңа технологияларды дамыту саласында  ынтымақтасуға  дайын, Бұл орайда  Елбасы Нұрсұлтан Назарбаевтың 2017 жылы Ислам ынтымақтастық ұйымы саммитін Астанада өткізу  ұсынысы өте орынды.

«Аталмыш саммит  ғылым мен инновацияны дамытуда  халықаралық байланысты нығайтуға жаңа серпін береді. Аталмыш бағытта ислам әлеміндегі  экономикалық даму мен ғылым және технология, халықтың әлеуметтік  жағдайының   нығайғаюына  көңіл бөлу қажет», - дед ол.

«Қазақстанымыз әрқашанда әлемдік интеграция идеясын қолдап, көптеген халықаралық ұйымдардың белсенді және беделді мүшесі атанды. Оның нақты дәлелі мемлекетіміздің Біріккен Ұлттар Ұйымы Қауіпсіздік кеңесінің 2017-ші – 2018-ші жылдарға арналған тұрақты емес мүшесі болып сайлануы. Осының барлығы, әлем елдерінің Қазақстанға деген сенімі өте жоғары болуының жарқын көрсеткіші»,-деп атап өтті Н. Нығматулин.

Мәжіліс Спикері  Президентіміз Нұрсұлтан Әбішұлы Назарбаевтың тәуелсіздік алған күннен бастап Азиямен, соның ішінде Ислам елдерімен ынтымақтастыққа аса мән беріп келе жатқанын айтып, соның нәтижесінде Ислам қауымдастығы елдерімен аймақтағы тұрақтылықты, қауіпсіздікті нығайту, білім, ғылым және Ислам мәдениетін дамыту бағытында жеткен жетістіктердің көп екенін, соның ішінде, дінаралық және ұлтаралық татулықтың «қазақстандық моделі» қалыптасуы  әлем елдеріне үлгі болып отырғандығын айтты.

«Форум жаһандану аясындағы білім мен ғылым салаларын дамыту үшін заңнамалық база қалыптастыру мәселелері, ұлттық бағдарламалар мен басымдықтарды іске асырудағы ұлттық институттармен қарым-қатынас жолдары мен ондағы парламентария рөлі мәселелерін қарастырады. Нақты айтқанда, өндірістік секторда ғылыми техникалық өлшемдер  туралы сұрақтар қаралады», - деді Мәжіліс Спикері.

Астанада білім, ғылым және мәдениет мәселелері бойынша Азия парламентаралық форумы өтіп жатыр. Шара ғылым, технология және инновация мәселелеріне арналады. Форумға 20 елдің Парламент өкілдері мен сарапшылар, сондай-ақ, алты халықаралық ұйымның мүшелері қатысуда.

Ақпарат көзі: strategy2050.kz

0
0
525

Қазақстан мен АҚШ жаңа салалар бойынша ынтымақтастықты дамытуға ниетті

Нью-Йорк қаласында Қазақстан Республикасының Сыртқы істер министрі Ерлан Ыдырысов және АҚШ Мемлекеттік хатшысы Джон Керри БҰҰ Бас Ассамблеясы 71-сессиясының алаңында Қазақстан-америкалық Стратегиялық серіктестік жөніндегі комиссиясының бесінші отырысын іске қосу үшін кездесті.

Сыртқы істер министрлігі  хабарлағандай,  Қазақстан тәуелсіздігінің және екі ел арасындағы дипломатиялық қатынастар орнауының 25-жылдығы қарсаңында Қазақстан мен АҚШ екі ел арасындағы бұрын-соңды болмаған тығыз стратегиялық серіктестікті атап өтті. Тараптар түрлі екіжақты және көпжақты алаңдарда ағымдағы екпінді ықпалдастықтың жаңа салаларын дамыту үшін қолдануға міндеттенді.

БҰҰ Қауіпсіздік Кеңесіне сайланған алғаш Орталық Азиялық мемлекет бола тұра, Қазақстан ортақ басымдылықтарды ілгерілеу мақсатында Құрама Штаттармен тығыз ынтымақтастығын одан әрі дамыту ниетін растады.

Құрама Штаттар Қазақстанның Ауғанстандағы қауіпсіздік пен дамуды қолдауда және Орталық Азиядағы өңірлік экономикалық интеграцияны, соның ішінде «С5+1» форматындағы ықпалдасу арқылы ілгерілеу үдерісінде көрсеткен жетекшілігін қолдайды. Қазақстан мен Құрама Штаттар жаппай қырып-жою қаруының таратылуын алдын алуға ортақ ұстамдылығын растады. Тараптар терроризм және зорлық экстремизм қауіптеріне қарсы тұруда ынтымақтастықты тереңдетуге міндеттенді.

Қазақстан мен Америка Құрама Штаттары климаттың өзгеруімен күресуде ынтасын растайды және Құрама Штаттар Қазақстанның ағымдағы жылдың соңына дейін Тараптар конференциясының 21 сессиясы келісімін ратификациялау бойынша ұмтылысын қолдайды. Екі ел энергетикалық қауіпсіздіктің маңыздылығын атап өтті және Құрама Штаттар жасыл энергетикаға бағытталған Астанадағы ЭКСПО-2017 көрмесінің өтуін қолдады.

Қазақстан Сыртқы істер министрінің орынбасары Ержан Ашықбаев пен Оңтүстік және Орта Азия бойынша АҚШ Мемлекеттік хатшысының көмекшісі Н.Бисвал бастаған делегациялар қазақстан-американдық көпжоспарлы қарым-қатынасына, халықаралық және аймақтық сындарға, оның ішінде қауіпсіздік, экономика, қоршаған орта, адам құқықтары мен өзара қызығушылық танытатын басқа да мәселелерге шолу жасады.

Сыртқы істер министрінің орынбасары Ержан Ашықбаев Халықаралық ұйымдар мәселесі бойынша Мемлекеттік хатшының көмекшісі Батшиба Крокермен, Демократия, адам құқықтары мен еңбек істері бойынша Мемлекеттік хатшысының көмекшісі Томас Малиновскиймен, Халықаралық діни еркіндік бойынша Елші Дэвид Саперстинмен, Мұсылман қоғамдастықтарымен байланыс бойынша Арнайы өкілі Шаарик Зафармен және Ислам қарым-қатынасы ұйымының Арнайы елшісі Арсалан Сулеманмен жеке кездесулер өткізіп, біздің күнтізбенің екіжақты, аймақтық және жаһандық бағыт бойынша қарым-қатынастың мүмкіндіктерін талқылады.

Тараптар Стратегиялық әріптестік комиссиясының ведомствоаралық отырысын толық құраммен 2017 жылы өткізуді және өзара әрекеттестікті жоғары деңгейде басқа алаңдарда жалғастыруды келісті.

Ақпарат көзі: strategy2050.kz

0
0
778

Қазақстанда туберкулезбен күресуде барлық басым шаралар қолданылып жатыр - Дүйсенова

Алматыда ҚР Денсаулық сақтау және әлеуметтік даму Министрі Тамара Дүйсенованың қатысуымен туберкулезді біріктірілген бақылау бойынша Халықаралық конференция өз жұмысын бастады, деп хабарлады ҚР Денсаулық сақтау және әлеуметтік даму министрлігінің баспасөз қызметі.

Тамара Дүйсенова конференция қатысушыларына Қазақстандағы туберкулезбен күресу шаралары туралы мәлімдеді.

«Мемлекет басшысының Туберкулезбен күрес ұлттық бағдарламасына саяси қолдау көрсетуінің, сонымен қатар, ведомствоаралық және салааралық өзара байланыс нәтижесінде соңғы жылдары елімізде аталған ауру бойынша эпидемиологиялық жағдай едәуір жақсарды.

Халыққа туберкулезге қарсы көрсетілетін көмектің сапасын әрі қарай жетілдіру үшін Туберкулезді бақылаудың біріктірілген моделі жасалды. Ол аталған аурумен күрестің барлық басым бағыттарын қарастырады.

Дүниежүзілік денсаулық сақтау ұйымы мен Туберкулезбен күрес халықаралық одағының саясатын ұстана отырып, Қазақстанда туберкулезбен күресу шаралары алғашқы медициналық-санитарлық көмек жүйесімен біріктірілді. Мемлекет туберкулезбен сырқаттанған адамдарға қажетті жеткілікті қаражат бөліп отыр. Инфекциялық бақылау шаралары күшейтілді. Аталған ауруды диагностикалаудың инновациялық жеделдетілген үлгілерін енгізу жалғасуда», - деп хабарлады Тамара Дүйсенова.

Екі күннің ішінде конференцияға қатысушылар 2016-2035 ж. арналған «EndTB» ДДСҰ стратегиясын Орталық Азия аумағында жүзеге асыру мәселелерін, оның ішінде МСАК ұйымдары деңгейінде туберкулезді емдеу мен диагностикалаудың жеделдетілген үлгілерінің қолжетімділігін арттыру, пациенттер мен дәрігерлердің ортақ жауапкершілігін ұлғайту мәселелерін талқылайды.

Бүгін Тамара Дүйсенова ҚР ДСӘДМ Туберкулез проблемаларының ұлттық орталығында Астана және Алматы қалалары денсаулық сақтау басқармаларының және облыстық туберкулез диспансерлерінің басшыларымен селекторлық тәртіпте жиналыс өткізеді.

Естеріңізге сала кетейік, туберкулез қоғамдық денсаулық сақтау саласының, әсіресе, Еуро-Азия аймағындағы елдердің маңызды мәселелерінің бірі болып отыр. ДДСҰ-ның соңғы мәліметіне сай, жыл сайын әлемде туберкулезбен 8,5 млн.-ға жуық адам сырқаттанады. Оның ішінде көптеген дәрілерге төзімді 500 мыңнан астам жағдай тіркелсе, аталған аурудан 1,3 млн. адам қайтыс болады.

Туберкулезге қарсы кешенді шараларды сапалы жүзеге асыру нәтижесінде соңғы 10 жылда Қазақстанда туберкулезбен сырқаттану 2,2 есеге азайып, өлім-жітім көрсеткіші 5 есеге төмендеді.

Ақпарат көзі: strategy2050.kz

0
0
429

Қазақстанда ЖРВИ-дің алдын алу айлығы басталды

2016 жылғы 26 қыркүйек пен 28 қазан аралығында Қазақстанда жедел респираторлық вирустың, тұмау және пневмококты инфекцияға қарсы алдын алу айлығы өтеді. Айлық шеңберінде алғашқы медико-санитарлық көмек ұйымдарында ашық есік күндері ұйымдастырылып, азаматтар аталған аурулардың профилактикасы бойынша тегін кеңес ала алады.

ҚР Денсаулық сақтау және әлеуметтік даму министрлігінің баспасөз қызметі,  айлықты өткізудің басты мақсаты – халықты, оның ішінде ауруға шалдығу қаупі жоғары адамдарды, жұмыс берушілер мен қызметкерлерді қоғамдық және жеке қорғану шаралары туралы, аурудың асқынуын алдын алу үшін уақытылы медициналық көмекке жүгінудің қажеттілігі туралы құлақтандыру.

Тұмау – ауа арқылы жылдам таралатын, вирустық тұмаудан туындайтын жіті инфекциялық ауру. Аурудың қауіпті кезеңінде жоғарғы дене қызуы, бас ауруы, бұлшықет пен буындардың ауруы байқалып, одан кейін мұрын бітеліп, жөтел пайда болып, тамақ ауыра бастайды. Дәрігерге дер уақытында қаралмау, оның тағайындаған емін қабылдамау, қосымша созылмалы аурулардың болуы өкпенің қабынуы, бронхит, бронхопневмония сияқты ауыр асқынуларға әкеліп, өлімге себепші болуы мүмкін.

Қорғаныс маскасын қолдану, қолды жиі жуып тұру немесе зарарсыздандыратын ерітінділермен тазалау, ғимараттарды желдетіп тұру, оны ылғалды тазалау, сырқаттанған адаммен байланысты шектеу – ЖРВИ, тұмау және пневмококты инфекцияны жұқтырудың алдын алуға көмектеседі.

Вакциналау – инфекцияы алдын алудың ең тиімді тәсілі. Дүниежүзілік денсаулық сақтау ұйымының ұсынысы бойынша, тұмауға қарсы екпені жүкті әйелдерге, 6 ай мен 5 жас аралығындағы балаларға, 65 жастан жоғары ересек адамдарға, созылмалы аурулары бар азаматтарға және денсаулық сақтау саласының қызметкерлеріне жасау керек.

Естеріңізге сала кетейік, халықтың осал топтарының өкілдеріне – өкпе, жүрек-қан тамырлары ауруларының созылмалы түрлерімен, иммунитет тапшылығы бар, жиі ауыратын, және денсаулығы әлсіз балаларға, медициналық қызметкерлер мен жүкті әйелдерге бюджет қаражатының есебінен вакцина жасалады. Сонымен бірге, вакцина жұмыс берушілердің және халықтың жеке қаражаты есебінен жүргізіледі.

Ақпарат көзі: strategy2050.kz

0
0
564

Астанада «Нұр Отан» партиясының саяси талдау орталығы ашылды

«Нұр Отан» партиясының Саяси талдау және стратегиялық зерттеулер орталығын жұртшылыққа таныстыру рәсімі өтті. Мемлекет басшысының тапсырмасымен ашылған орталық партия қызметтеріне талдау жасауды қамтамасыз етеді, деп хабарлады партияның баспасөз қызметі.

Орталық Нұрсұлтан Назарбаевтың  жетекші саяси күш ретінде партияның идеялар генераторы қажеттігі туралы тапсырмасының нәтижесінде ашылды.

«Белгілі «ой фабрикаларын» жүзеге асырудың әлемдік тәжірибесін жан-жақты зерттеу негізінде бүгін жаңа орталық өз жұмысын бастайды. Осыған орай, біз әлемнің дамыған елдеріндегі ең жетекші партиялардың аналитикалық құрылымдарының жұмысын саралай келіп, сіздердің назарларыңызға жаңа орталықтың ашылғанын қуанышпен хабарлаймыз. Бұл орталық Елбасымыз ұсынған қалыптасқан мемлекеттің жаңа саяси, стратегиялық бағытын жүзеге асыруды талдамалық жағынан қамтамасыз ететін болады», – деді М.Құл-Мұхаммед.

Орталықты әлеуметтік ғылымдар кандидаты Юлия Кучинская басқарады. Ашылу салтанатында ол әлемде осыған ұқсас 6500-ден астам талдау алаңы бар екенін атап өтті.

«Өздерінің стратегияларын жасап, әлеуметтік-экономикалық іс-әрекеттерін жетілдіруде, сондай-ақ, саяси шешімдер қабылдауда саяси партиялар талдау материалдары мен зерттеу топтарының болжамдарына сүйенеді. Енді бізде де АҚШ, Ұлыбритания, Ресей, Қытай, Жапония және Еуропалық Одақтың жетекші саяси партиялары секілді өзіндік «ой фабрикамыз» бар», – деді Юлия Кучинская.

Стратегиялық зерттеулер орталығының басым бағыттары: жаһандық үдерістегі Қазақстан, жаңа шынайылықтағы ақылды экономика, ақпараттық қауіпсіздік, мемлекеттік және саяси бағдарламалардың нәтижелілігін бақылау, партиялық жүйенің дамуы, қоғамдық пікірге бақылау және болжау жасау.

Қазірдің өзінде орталықта 30 талдаушы мен сарапшы жұмыс істейді. Олардың арасында ғылым докторлары мен кандидаттары, Ph.D докторанттары мен магистранттары, «Болашақ» бағдарламасы мен Назарбаев Университетінің түлектері бар. Сарапшылық қауымдастықпен бірлескен жұмыс шеңберінде орталық «Sarap Time» пікір-сайыс және КИПР талдау клубтарымен өзара қарым-қатынас жасайды. Орталық жанында «Зерде» сараптама клубы бар.

Бұл – еліміздің әлеуметтік-экономикалық және саяси дамуына қатысты өзекті сұрақтар бойынша ғалымдар мен сарапшылардың пікір-талас алаңы болып табылады. Шетел мамандарының тәжірибелерін тарту үшін орталық жанында халықаралық сараптамалық кеңес құрылған. Кеңес құрамында ірі сараптамалық «ой трестері» мен әлем университеттерінің, атап айтқанда, АҚШ, Ұлыбритания, Нидерланды, Ресей, Израиль, Сингапур, Жапония және Оңтүстік Кореядан өкілдер бар.

Ақпарат көзі: strategy2050.kz

0
0
706

Сенат төрағасы орынбасарларының арасындағы міндеттерді бөлді

Қасым-Жомарт Тоқаевтың төрағалық етуімен Сенат Бюросы болды. Төраға өз сөзінде Палата қызметіндегі бірқатар ұйымдастыру мәселелерін жария етті, деп хабарлады Сенат.

Атап айтқанда, Сенаттың кадрлық өзгерістерден кейін Қ.Тоқаев Парламенттің жоғарғы Палатасы Төрағасының орынбасарлары арасындағы міндеттерді бөлу туралы Өкімге қол қойған болатын. Бектас Бекназаровқа заңнамалық қызметті жүзеге асыруға байланысты, оның ішінде Сенаттың жұмыс жоспарын әзірлеу және тұрақты комитеттердің заң жобаларымен жұмысын ұйымдастыру мәселелерін үйлестіру жүктелді.

Одан басқа, Б.Бекназаров Регламент және депутаттық этика жөніндегі комиссияның мүшесі болып табылады. Төраға орынбасарының қатысуымен комиссия жұмысы жалғаса береді. Сергей Громов Сенаттың мәслихаттармен өзара іс-қимылы, депутаттық топтардың қызметі, сенаторлардың аймақтарға сапары, сондай-ақ қаржы-шаруашылық қызметін үйлестіру мәселелерімен айналысады. Сенат Төрағасы заң жобаларымен жұмыс барысында Регламенттің талаптарын қатаң сақтау қажеттігіне Бюро мүшелерінің назарын аударды.

«Әрбір заң жобасын жан-жақты талқылап, олардың сапасына айрықша мән беріп байыпты шешім қабылдау – біздің басты міндетіміз. Елбасы қабылданған кейбір заңдардың сапасына қатысты әділ сын айтқан болатын. Сенаттың заңдарды қабылдап Елбасының қол қоюына ұсынуы сенаторларға аса жауапты міндет жүктейтінін терең сезінуіміз қажет», - деді Қ.Тоқаев. Бюрода Палатаның 29 қыркүйекте болатын кезекті отырысының күн тәртібі келісілді. Сенаторлар «1994 жылғы 15 сәуірдегі Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы келісімге өзгерістер мен толықтырулар енгізу туралы хаттаманы ратификациялау туралы» және «Қазақстан Республикасының Үкіметі мен Сербия Республикасының Үкіметі арасындағы Табыс пен капиталға салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенцияны және оған Хаттаманы ратификациялау туралы» заң жобаларын қарайды.

Бюро Қаулысы бойынша Мәжілістен түскен заң жобалары бөлініп берілді. Әлеуметтік-мәдени даму және ғылым комитетіне «Халықаралық ғылыми-техникалық орталықтың қызметін жалғастыру туралы келісімді ратификациялау туралы» заң жобасы берілді. Халықаралық қатынастар, қорғаныс және қауіпсіздік комитеті «Қазақстан Республикасы мен Тәжікстан Республикасы арасындағы Стратегиялық әріптестік туралы шартты ратификациялау туралы» заң жобасы бойынша бас комитет болып белгіленді.

Отырыста 2016 жылғы қазанда елімізде биологиялық алуан түрліліктің сақталуын заңнамалық қамтамасыз етудің өзекті мәселелеріне арналған парламенттік тыңдау өткізу туралы шешім қабылданды. Аграрлық мәселелер, табиғатты пайдалану және ауылдық аумақтарды дамыту комитеті тыңдауды ұйымдастыруға жауапты болып белгіленді.

Сондай-ақ қазанда жол қозғалысы саласындағы құқықтық реттеу мәселелері жөніндегі тыңдау өткізу белгіленді, оны Конституциялық заңнама, сот жүйесі және құқық қорғау органдары комитеті ұйымдастыратын болды. «Парламенттік тыңдаулар қабылданған заңдардың іске асырылу барысы туралы жан-жақты және толық ақпарат алып, түйінді мәселелерді терең зерделеуге мүмкіндік береді, – деді Қ.Тоқаев. – бұл Палаталардың Конституцияда белгіленген құқығы, осы мүмкіншілікті алдағы кезеңде кеңінен қолдануымыз қажет». Одан басқа, Бюро сенаторларды халықаралық парламенттік ұйымдарға және Парламент Сенатының шет мемлекеттер парламенттерімен ынтымақтастық жөніндегі топтарына жіберу туралы Қаулы қабылдады.

Ақпарат көзі: strategy2050.kz

1
0
362

Қызылордада мемлекеттік рәміздер аллеясы ашылды

Мерейлі мерекеде қызылордалықтарға Тәуелсіздігіміздің басты нышаны ретінде Рәміздер алаңы пайдалануға берілді. Жалпы аумағы 3 гектарды құрайтын «Рәміздер алаңында» Мемлекеттік Елтаңба, Мемлекеттік Гимн және биіктігі 60 метрлік қасиетті Мемлекеттік Ту орналастырылды.

«Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек» - деп, Елбасы баса айтқан болатын. Сондықтан да, бүгін Сыр елінің орталығы Қызылорда қаласының күніне орай, киелі «Алаштың анасының төрінен», өңіріміздің «Үлкен маржаны» саналатын Сырдарияның жағалауынан көк байрағымызды биікке көтеріп, «Мемлекеттік Рәміздер Аллеясының» ашылғандығын жариялаймыз,- деді Қ.Көшербаев.

Жалпы құны 325 млн. теңгеден астам жоба ел Тәуелсіздігінің 25 жылдығы аясында салынды. Аймақ басшысы алаңның ашылу салтанатына қатысып, тұрғындарды қала күні мерекесімен құттықтады.

Шара соңы концерттік бағдарламаға ұласты.

Сонымен қатар, Қызылорда облысында МЖӘ аясында сапаржай ашылды.Қызылорда облысында «Солтүстік» сапаржайы қызылордалықтардың игілігіне тапсырылды, деп хабарлады облыс әкімдігінің баспасөз қызметі.

Мемлекеттік-жеке меншік әріптестік негізінде «Романов и К» жауапкершілігі шектеулі серіктестігі өз қаражаты есебінен бұрынғы автобус паркі ғимаратын толықтай қайта жаңғыртудан өткізіп «Солтүстік» сапаржайын қала тұрғындары мен қонақтарының игілігіне тапсыруды мақсат етіп отыр.

Бұрын қаланың оңтүстік бөлігінде орналасқан орталық сапаржайдан облысымыздың оңтүстік аудандары мен Шымкент, Алматы қалаларына ғана автобустар қатынаса, облысымыздың солтүстік қатынайтын автобустары «Солтүстік» сапаржайынан жүреді.

Осыған дейін қала тұрғындарының қоғамдық көлікке деген сұранысын қанағаттандыру және қаламыздағы көлік қатынасын дамыту мақсатында жергілікті бюджеттен бөлінген 500 млн. теңгеге экологиялық таза, мүмкіндігі шектеулі азаматтарға қолжетімді 20 автобус алынған болатын. Осы жобаны жалғасын тауып, «Байқоңыр» ӘКК және «Еуропалық қайта құру даму» банкі арасындағы келісімге сәйкес биыл «Қызылорда Автобус паркі» 92 дана жаңа автобуспен толықтырылды

Ақпарат көзі: strategy2050.kz

0
0
2113