Партияның қалалық филиалының депутаттық фракция мүшелері «Ауыл тұрғындарын жұмыспен қамту» тақырыбында ауылдық округтердің жұмыссыз тұрғындарымен ZOOM-конференциясы арқылы кездесті. Диалог барысында ұзақ уақыт бойы жұмыссыз жүргендерге үлкен көңіл бөлінді. Өз кезегінде кездесуге қатысушылар жұмыс орындарын іздестіру, зейнетке ерте шығу, жүкті әйелдерге жәрдемақы төлеу және өзге де әлеуметтік маңызды сұрақтарға жауап алды.
Jas Otan Жастар қанатының белсенділері «Ерікті болу — жан қалауы» тақырыбында қаламыздың колледждері студенттердінің қатысуымен онлайн семинар өткізді. Жас партияластар еріктілер жұмысындағы тәжірибелерімен бөлісіп, көмекке мұқтаж жандарға қолдау көрсетуге бағытталған партиялық жобалар туралы әңгімеледі.
— Ерікті болу — жұмыс емес, жан қалауы екенін ұмытпағанымыз жөн, — деді Егяна Рустамова. — Ең бастысы, өзгеге көмек беруді, пайдалы болуды ойлау керек. Бізде еріктілер тобы өте жақсы жұмыс істейді және мен оның құрамында болғанымды мақтан етемін.
