2020 жылдың 15 желтоқсан күні сағат 10-00де «Nur Otan» партиясы Іле аудандық филиалының сайлауалды штабының қоғамдық қабылдау бөлмесінде облыстық маслихат депутаттығына үміткер Увалиев Мұрат Талғатұлы қабылдау өткізді. Қабылдауға Өтеген батыр ауылының тұрғындары және Қараой ауылының тұрғыны, көпбалалы ана Сейлхан Гулназ қазіргі уақыттағы басты мәселе газ мәселесі туралы толғандырған сұрақтарын қойды. Анықтап айтқанда, көпбалалы аналар үйлеріне газ орнатуда қандай жеңілдіктер барын сұрады. Үміткер тарапынан тиісті жауап беріліп, бұл сұрақты тағы да тереңірек қарастыратынын айтты.
2020 жылдың 21-шы желтоқсан күні "Nur Otan" партиясы Үржар аудандық сайлауалды штабының мүшелері және аудандық мәслихатының депутаттығына үміткерлер Сатмұхаметов Қанат Қасымұлы, Бейсенбек Зухра Нұржанқызы ауданымыздағы мәдениет, спорт, саласының қызметкерлерімен, тілші, блогерлермен кездесіп,партияның алға қойған мақсат міндеттері және бағдарламаларымен таныстырды. Кездесу барысында ұтымды ұсыныстар мен тиімді пікірлер айтылды..
"Ел ертеңі мен ұлт тағдыры жастарға тікелей байланысты. Қазіргі ұрпақ заман талабына сай дамып отыруы керек " деп Партия төрағасы, Елбасы Н. Назарбаев айтқандай, жастар қоғамның қай саласына болсын өз қолтаңбаларын қалдырып келеді."Nur Otan"партиясының сенім артар оң қанатына айналған "Жас Отан" жастар қанаты сайлау науқанында да белсенді саяси күштің бірі болып отыр. Бүгін аудандық мəслихат депутаттығына кандидаттар Н. Беркімбаев, А. Ибраева, Д. Əбдікерім "JAS OTAN " жастар қанатының төрағасы Ə. Мырқасымов бастаған " Jas Otan " мүшелерімен жəне ауданның белсенді жастарымен кездесу өткізді. Іс шарада кандидаттар үгіт насихат жұмыстарына атсалысып жатқан аудан жастарына өз ризашылықтарын білдіре келе, сайлауалды бағдарламаның негізгі басымдықтарымен таныстырып, партия жұмысы туралы сөз қозғады. " Қай кезде де жастар - ел болашағы. Сондықтан олардың өз қабілеттерін іске асыруларына жағдай жасау жəне жұмыспен қамту партияның басты басымдығы екендігіне, партия тарапынан жастарға көрсетіліп жатқан қолдауларға тоқталып өткен "Jas Otan " жастар қанатының төрағасы Ə. Мырқасымов сайлау науқанында кемел келешек үшін өз таңдауымызды жасап,белсенді жұмыс атқаруға шақырды. Кездесу барысында ауданның белсенді жастары Асқар Бақтияр, Қыздарбек Азамат сөз сөйлеп, өз ойларымен бөлісті. Партия белсенділерімен бірге үгіт насихат жұмыстарын жүргізіп, материалдарын таратуға жəне сайлауалды бағдарламаның ауыл жастарына берер мүмкіншіліктерін түсіндіру жұмыстарын атқарып жатқандықтарына тоқталды. Кездесу соңында бірлікпен, татулықпен алға қойған мақсаттар мен міндеттерді іске асырып, Жеңімпаз болуға жасотандықтар сенім білдірді.
«Nur Otan» партиясы жаңа өндіріс орындарының ашылуына және лайықты жалақысы бар тұрақты жұмыс орындарының көбеюіне күш салады. Қазіргі танда Шымкентте жұмыссыздық деңгейі 5 пайызды құрайды. Алдағы 5 жылдықта осы көрсеткішті 4,9 пайызға дейін төмендетуді жоспарлап отырмыз», – деді үміткер Бахтияр Юсупов.
Одан әрі кандидаттар аталған мақсаттарды орындау үшін «Nur Otan» партиясының жетекшілігімен жүзеге асатын міндеттер жайында баяндады:
5 жылда аймақта 80 мың тұрақты жаңа жұмыс орны ашылады;
Жіп иіру фабрикасы «Ютекс» АҚ (бұрынғы «Меланж» АҚ) жұмысы қарқынды жүргізіледі. Нәтижесінде жоғары сапалы тоқыма өнімдері Түркия, Қытай, Оңтүстік Корея, Италия, Ресей елдеріне экспортқа шығарылады. Бұл өз кезегінде елімізде өңделетін мақта көлемін екі есеге арттырып, 800 адамды жұмыспен қамтамасыз етеді;
2022 жылы инвестиция көлемі 20 млрд теңге, территориясы 306 гектар «Жұлдыз» индустриялық аймағы іске қосылады;
Алдағы 5 жылда шетелдік инвесторлардың қатысуымен кемінде 15 жоба іске асырылады. Оған 2,5 млрд АҚШ доллары көлемінде шетелдік инвестиция тартылады.
Нәтижесінде осы жобалар іске қосылғанда 3 мың жаңа жұмыс орны ашылады.
Айта кетейік, «Оңтүстік құрылыс сервис» ЖШС 2001 жылы құрылыс материалдары, бұйымдары мен конструкцияларын шығаратын темірбетон бұйымдары зауыты негізінде құрылған ірі компаниялардың бірі. Қазіргі уақытта кәсіпорын толығымен жоғары білікті инженерлік-техникалық кадрлармен қамтамасыз етіліп, өңіріміздегі құрылыс саласын қамтып отырған жетекші бірлестік.
Өз кезегінде, жиырма жыл бойы облыс нарығында табысты еңбек етіп келген аталмыш фирма ұжымы «Nur Otan» партиясына толықтай сенім артатынын және алдағы сайлауға түгел қатысатындықтарын жеткізді.
Шымкент қаласындағы "Nur Otan" партиясының сайлау қорының қаражатынан төленді.