Жаңа

Оқиға Батыс Қазақстан облысындағы Қазталов ауданы Жалпақтал ауылының маңында өткен кеште болған.

Жедел мәлімет бойынша, жергілікті тұрғындарға көмек көрсету мақсатында су тасқынына қарсы іс-шараларды өткізу барысында Қараөзеннің жағасында 1998 жылы туған азаматтық қорғау сержанты жараланды.

Ол аудандық ауруханаға кеуде тұсындағы екі пышақ жарақатымен жеткізілді. Науқас дәрігерлердің бақылауында.

Полицияның мәліметінше, құтқарушыға пышақ салған адам мас болған. Қазір оған қатысты сотқа дейінгі тергеу басталды.

http://t.me/qr_tjm

Су тасқыны салдарынан Қарағанды облысының 250-ге жуық тұрғыны жолаушылар пойыздарымен эвакуацияланды.Фото: t.me/satzhangram Ауа райының нашарлауына және қардың қарқынды еруіне байланысты биыл 30 наурызда «Жолаушылар тасымалы» АҚ Қарағанды облысының 250-ге жуық тұрғынын эвакуациялауды ұйымдастырды. Кеше республикалық маңызы бар «Екатеринбург-Алматы» тас жолына шектеулер енгізілген болатын.Тұрғындарды тасымалдауды қамтамасыз ету үшін «Қарағанды-Балқаш-2» бағытындағы№8801/8802 жолаушылар пойызы бір рейске бекітілді.Сондай-ақ, «Қарағанды-Балқаш-2» бағытындағы №605/606 жолаушылар пойыздарына екі бағытта бір рейске қосымша вагондар қатынайды. Қарағанды облысының тұрғындарын эвакуациялау 31 наурыз күнінің соңына дейін жалғасады. Анықтамалық ақпаратты «1433» тегін нөмірі арқылы алу…

Үкімет басшысы Олжас Бектенов Су тасқынына қарсы іс-шараларды үйлестіру және су тасқыны кезеңінің зардаптарын жою жөніндегі республикалық штабтың отырысын өткізді.Штабтың негізгі міндеті – су тасқынына қарсы іс-шараларды жүргізу және азаматтардың қауіпсіздігін қамтамасыз ету жөніндегі қызметті үйлестіру.Штаб басшысы – Премьер-министр Олжас Бектенов. Премьер-министрдің орынбасары Қанат Бозымбаев штаб басшысының орынбасары болып тағайындалды. Штаб құрамына Президент әкімшілігінің басшылығы, орталық және жергілікті атқарушы органдардың басшылары кірді.Отырыста Мемлекет басшысының тапсырмаларының орындалу барысы және су тасқынына қарсы іс-шараларды күшейту шаралары туралы министрлер мен өңірлердің әкімдері тыңдалды.ТЖ аймақтарынан барлығы 11 306 адам эвакуацияланды. Уақытша орналастыру бекетт…

Белгілі жазушы, Мемлекеттік сыйлықтың иегері Сәбит Досанов 84 жасында өмірден өтті.Фото: kazpravda.kz Мемлекет басшысы Қасым-Жомарт Тоқаев осы қазаға байланысты қаламгердің отбасы мен жақын туыстарына көңіл айту жеделхатын жолдады."Сәбит Айтмұханұлы қазақ әдебиетінің өркендеп қанат жаюына елеулі үлес қосты. Ұлттық проза мен драматургияның дамуына нағыз шығармашыл тұлға ретінде бар саналы ғұмырын арнады. Көркем туындылары сүйікті оқырмандарының тарапынан жоғары бағаланды. Соңына өшпес әдеби бай мұра қалдырған Сәбит Айтмұханұлының жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын", – деп жазылған Президенттің жеделхатында.Сәбит Досанов 1940 жылы 12 қаңтарда Қостанай облысындағы Аманкелді ауданының Байғабыл ауылында туған. &nbs…

Германияда өтетін футболдан Еуро-2024 матчтарына дрон арқылы лаңкестік шабуыл жасалуы мүмкін. Бұны Bild-ке арнайы қызметтегі ақпарат көздері хабарлаған.

Фото: overclockers.ru 

«Украинадағы соғыс пен Парсы шығанағындағы азаматтық кемелерге хуситтердің шабуылы осы дрондардың мықты қаруға айналғанын көрсетеді», – деп жазған басылым.

Енді лаңкестік қаупіне байланысты Германияда футболдан Еуропа чемпионаты кезінде бүкіл елде дрон қолдануға тыйым салынуы мүмкін.    

Айта кетейік, Еуро-2024 чемпионаты 14 маусым мен 14 шілде аралығында Германияның 10 қаласында өтеді. Олар – Берлин, Дортмунд, Дюссельдорф, Гамбург, Гельзенкирхен, Кельн, Лейпциг, Мюнхен, Франкфурт және Штутгарт.

Фото: akorda.kzБаяғыда Аналарымыз: “Әкең келгенде таяқ жейсің!” деп айтатын. Бүгінгі президентіміз Қасым-Жомарт Кемелұлы Тоқаевтың сөгіс пен қатаң сөгіс бергені, тура сондай әсерде болғандай. Қытайдағы сапардан келген Мемлекет басшысы бүгін біраз атқамінерлерді сілкіп алды. Әлбетте бүгінгі Елдегі қайғылы жағдай - ол ситуацияның алдын алмаған жергілікті әкімдердің тікелей кінәсі. Оған дауа жоқ. Сол үшін кейбір әкімдер соңғы ескерту алды. Тіпті бір-екеуін алып тастаса таң қалмаймын. Премьер-министрдің орынбасары Р. Склярдың да тағдыры шешілген сияқты. Роман Василийұлының тікелей құзырындағы сектордан ахаулық кетті. Менің ойымша бұл жерден отставкадан басқа шешім жоқ. Су министріміз де “Пасейдон” бола алмады. Шу мен Таласты игерген адам Даланың суына қауқары жетпеген сияқты. Ең бастысы, Үкім…

Ол бұған дейін Президенттің кеңесшісі болған.Фото: akorda.kzҚанат Бозымбаев Премьер-министрдің орынбасары болып тағайындалды."Мемлекет басшысының жарлығымен Қанат Алдабергенұлы Бозымбаев Қазақстан Республикасы Премьер-министрінің орынбасары болып тағайындалды, ол бұрынғы атқарған лауазымынан босатылды" делінген Ақорда (t.me/aqorda_resmi) хабарламасында.Президенттің баспасөз хатшысы Берік Уәлидің хабарлауынша, Бозымбаев аймақтық саясат, тұрғынүй-коммуналдық шаруашылығы, төтенше жағдай және су ресурстары салаларына жетекшілік етеді.Қанат Бозымбаев 1969 жылы Алматы қаласында дүниеге келген. 1993 жылы Қазақ мемлекеттік басқару академиясын экономист мамандығы бойынша тәмамдаған. Еңбек жолын 1993 жылы "Эдем ЛТД" жауапкершілігі шектеулі серіктестігінде экономист болып бастаған. 1994-19…

Қазақстандық теннисші, әлемнің төртінші ракеткасы Елена Рыбакина Майамидегі (АҚШ) WTA 1000 турнирінің ақтық сынында екінші жыл қатарынан есе жіберіп отыр.

Фото: globallookpress.com

Ол финалда әлемнің 53-ші ракеткасы, америкалық  Даниэль Коллинзден екі сетте 5:7, 3:6 есебімен жеңіліп қалды. Осылайша Рыбакина тура былтырғыдай Miami Open-нің ақтық сынына жетті де, бірақ титулға қол жеткізе алмады.

Елена финалға қатысқаны үшін 585 000 доллар тауып, 650 ұпай жинады. Ал Даниэль 1 100 000 доллар мен 1 000 ұпай иеленді.

Айта кетейік, Елена Рыбакина ширек финалда Мария Саккариді (#9) 7:5, 6:7, 6:4 есебімен, жартылай финалда Виктория Азаренконы (#32) 6:4, 0:6, 7:6 есебімен ұтқан болатын.           

Мемлекет басшысы еліміздегі су тасқынына байланысты шұғыл кеңес өткізді.Президент Қасым-Жомарт Тоқаев еліміздің бірқатар өңірінде болған су тасқыны салдарынан туындаған төтенше жағдайға байланысты шұғыл кеңес өткізді.Жиынға Премьер-Министр Олжас Бектенов, Үкімет мүшелері, Президент Әкімшілігінің басшылығы және басқа да лауазымды тұлғалар қатысты.Мемлекет басшысына аймақтардағы қазіргі қалыптасқан ахуал туралы, атап айтқанда, адамдарды құтқару және су тасқынының салдарын жою үшін қабылданып жатқан шаралар жөнінде баяндалды.Президент Үкімет пен әкімдердің жұмысын немқұрайлы және кәсіби міндетіне сәйкес келмейді деп сынға алды. Оның айтуынша, Үкімет пен жергілікті атқарушы органдардың арасында жүйелі байланыс болмаған. Қасым-Жомарт Тоқаев зардап шеккен өңірлер тұрғындарына үлкен көлемде шығы…

Су тасқыны басталғалы бері азаматтық қорғаныс қызметтері 7800 адамды, оның ішінде 2812 баланы қауіпсіз жерге жекізді.

ТЖМ, Қорғаныс министрлігі, ҰҚК және Ұлттық Ұлан әуе кемелері арқылы 644 адам, оның ішінде 236 бала құтқарылды.

ТЖМ мен жергілікті атқарушы органдардың кшіме 3,5 миллионнан астам текше метр еріген қар суы сорылып, 300 мыңға жуық қапшық және 45 тонна инертті материал төселді.

Қазіргі уақытта Ақтөбе, Ақмола, Қостанай, Абай, Батыс Қазақстан, Солтүстік Қазақстан және Павлодар облыстары республикалық жедел штабтың бақылауында.

t.me/qr_tjm