Инстаграмдағы қазақ әншілері

Алия 2013 M09 24
15623
4
11
0

Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи студенттер, аналар, бизнесмендер, дизайнер, фотограф, журналист, әнші, маркетолог және т.б.

Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи студенттер, аналар, бизнесмендер, дизайнер, фотограф, журналист, әнші, маркетолог және т.б. мамандық иелері бұл mobile app арқылы суреттерімен бөлісіп, инстаграмсыз күн көре алмайды. Бүгінгі материалда қазақстандық әншілердің инстаграмына шолу жасайық.

Дильназ Ахмадиева @dilnaz80

Танымал әнші Дильназ Ахмадиеваның инстаграмында 19 876 жазылушылары бар екен. Дильназ жеке өмірін, әртістік гримсыз күнделікті келбетін көрсетуден тартынбайды. Сондай-ақ достары және жақындарымен түскен суреттерін жиі іліп отырады.

Аша Матай @asha_matai

Алғашында әнші болып бастаған Аша Матайды қазір көбінесе актриса және тележүргізуші рөлінде көреміз. Алайда онымен қоса, оның танымалдылығы да артып келеді. 16 899 жазылушы. Аша Матайдың инстаграмында кез келген ару қыздар сынды өзінің суреттері жеткілікті.

Әли Оқапов @aliokapov

Жас та болса, біраз шыңдарды бағындырып келе жатқан Әлидің бір-ақ қағидасы бар - шаршамай жұмыс істеу. Ол әрдайым жол жүріп, түрлі қалаларда концерттер беріп жатса, енді бірде бейнебаян түсіріп, сериалдарға саундтрек жазып жатады. Жақындарымен, достарымен кездесуге де үлгеріп, жұмысының жемісін - сый-марапаттар алудан шаршамайды. Жазылушылар саны - 16 597.

Айқын @aikyn

Көптеген қыздардың сүйікті әншісі Айқынның инстаграмында 13 мыңнан аса жазылушылары бар екен. Айқын да көптеген қазақстандық әртістер секілді өзінің еңбекқорлығымен көзге түседі. Жол жүріп концерттер беріп, жаңа ән жазып, сериалдарға түсіп жатады. Инстаграмын ара-тұра қазақша жүргізетіні де қуантады.

Сәкен Майғазиев @saken_m

Нағыз халық мақтаныштары "МузАрт" тобының ішіндегі әлеуметтік желілерге жақыны - Сәкен Майғазиев. Сәкеннің инстаграмы 6 360 жазылушыны санап шықты. Әрине, өйткені Сәкен Майғазиев әрдайым тыңдармандарымен жылы сөйлесіп, мүмкіндігінше бар пікірлерге жауап жазып отыруға тырысады.

Алмас Кішкенбаев @kishkenbayev

"Суперстар" байқауының жеңімпазы болғаннан бері халық сүйіспеншілігіне бөленіп келе жатқан Алмастың инстаграмында 5 564 жазылушы бар екен. Соңғы суреттерінен қызын және жақын арада өтетін жеке концертіне дайындығын көреміз. Бір байқағанымыз, Алмас өз-өзін түсіргенді өте жақсы көреді екен.

Материалды дайындаған: Айжан Кәрібаева

Ұқсас материалдар:

Инстаграмдағы қазақ дизайнерлері

Instagram: Шетелде оқитын қазақ студенттері

Инстаграмдағы жас аналар

Инстаграмдағы кәсіби фотографтар

Инстаграмдағы қазақстандық модельдер

Инстаграмдағы қазақстандық актерлер

Оцените пост

10

Комментарии

0
Какая Дильназ красивая без макияжа. В последнее время не могу привыкнуть к её образу. Видимо за макияжем не могу увидеть привычную нежную Дильназ.
0
Макпал, Лидо кайда?
0
Dilnaz ben Maqpaldin turleri warwap ketken. Awa nagiz aiel siyaqti olardin arasinda
0
DILNAZ ,I LOVE U FOREVER!!!!
Показать комментарии
Дальше