Жанибекский филиал

2020 жылдың 11-ші желтоқсанынан бастап елімізде сайлауалды үгіт-насихат кезеңі басталды. Бекітілген кестеге сай "Nur Otan" партиясының партиялық тізімі бойынша аудандық мәслихат депутаттығына кандидат Б.К.Куаналиев және аудандық сайлауалды штабының мүшесі А.М.Уалиев "Оңтүстік", бастауыш партия өкілдерінің алдында үгіт-насихат жұмысын жүргізді.

Қазақстан Республикасы Парламенті Мәжілісінің және барлық деңгейдегі мәслихат депутаттарының сайлауын ұйымдастыру және өткізу жоспарына сәйкес сайлау алдындағы үгіт шеңберінде 2020 жылғы 13 желтоқсанда Қамысты ауылының мәдениет үйінде жергілікті тұрғындардың «Nur Otan» партиясынан партиялық тізім бойынша ұсынылған кандидаттармен кездесуі өтті. Оған 50-ден астам сайлаушы қатысты.Кездесуге қатысқан аудандық мәслихат депутаттығына кандидаттар С.Кенжәлиева және Р.Шагирова сөз сөйледі. «Nur Otan» партиясы Жәнібек аудандық филиалы төрағасының бірінші орынбасары Біржан Қуанәлиев жиналғандарды алдағы сайлаудың ерекшеліктері туралы хабардар етті. Кездесуге қатысушыларды партияның сайлауалды бағдарламасының негізгі басымдықтарымен таныстырып, «Nur Otan» партиясының халықтың әл-ауқатын жақсарту және…

Бар игілігіміздің бастауы, ел жүрегі Отан деп соққан әрбір адам үшін қасиетті, еліміздің ең басты мерекесі – Қазақстан Республикасының Тәуелсіздік күні мерекесімен шын жүректен құттықтаймын!

Тәуелсіз елдің ең басты тұғыры ол қоғамның, сол елдегі мемлекет құраушы ұлттың ұлы рухы, жасымаған жігері, тұнық ой-санасы. Жаңа әлемдегі жаңа Қазақстанның бүгінгі құдіретті күші елдің бірлігінде, этносаралық татулықта жатыр.

Дендеріңізге саулық, қажымас қайрат, жақын-жуықтарыңызға амандық тілеймін.

Тәуелсіздігіміздің тұғыры әрдайым биік болсын!

Құрметпен,

"Nur Otan" партиясы БҚОФ Төрағасының бірінші орынбасары

М.Мұқаев.

Бекітілген кестеге сай "Nur Otan" партиясының партиялық тізімі бойынша аудандық мәслихат депутаттығына кандидаттар Б.К.Куаналиев, Т.Т.Сариев және Р.Г.Шагирова Тау ауылында болып, жергілікті сайлаушылармен кездесу өткізді. Кездесуде Біржан Қуаналиев партияның сайлауалды бағдарламасында айқындалған негізгі басымдықтарды атап өтіп, партия тарапынан жүргізіліп жатырған жұмыстарға тоқталды. Бұдан басқа, Таңат Сариев партияның ауыл шаруашылығы саласын дамыту және оған қолдау көрсету бағытында жүзеге асырылып жатырған жұмыстарға тоқталса, Райгүл Шагирова ауылдық жерлерде электронды форматта көрсетілетін мемлекеттік қызметтер туралы хабардар етіп, " Nur Otan" партиясы осы міндеттерді іске асыруды басымдық ретінде белгілегендігін көрсетті. Өз кезегінде, тұрғындар атынан сөз сөйлеген ауыл тұрғыны А…

Бүгін Қазақстан Республикасының Тәуелсіздігі күні мерекесі қарсаңында өрт құшағынан жанұшыра бауырларын аман-есен алып қалған Дана Өтебаева ҚР Төтенше жағдайлар министрлігінің «Өртте көрсеткен қайсарлығы үшін» медалімен марапатталды. Жәнібек ауданының әкімі Азамат Сафималиев өрт салдарынан анасынан айырылған Данаға марапатты табыстап, сабырлыққа шақырды.

Айта кетейік, ағымдағы жылдың 27 қазанда Жәнібек ауданы орталығындағы Ш.Шарафутдинов көшесі 5/2-мекенжайында өрт шығып, 37 жастағы Дананың анасы газдан уланып, қайтыс болды. 16 жастағы Дана өрт сөндірушілер жеткенге дейін өзінен кіші үш бауырын терезеден шығарып алған.

Партиялық бақылау аясында «Nur Otan» партиясы Жәнібек аудандық филиалы төрағасының бірінші орынбасары Біржан Қуанәлиев, аудандық сәулет,қала құрылысы және құрылыс бөлімінің басшысы Манарбек Әдиев және партиялық бақылау комиссиясының мүшелерінің қатысуымен «Нұрлы жер» бағдарламасы шеңберінде Жәнібек ауылының батыс бетінде салынып жатқан екі қабатты жаңа үйлердің құрылысында болып, құрылыс жұмыстарының процесімен танысты. Мемлекеттік сатып алу конкурсының нәтижесінде мердігер «Энергоремсервис» ЖШС болып анықталған,техникалық қадағалаушысы «Shanurak Jobalau» акционерлік компаниясы белгіленген.

«Nur Otan» партиясы Жәнібек аудандық филиалы атынан аудандық мәслихат депутаттығына үміткерлер Нұртілек Мизамбаев және Біржан Ғұбашев "Есіктен есікке" акциясы аясында аудан ардагерлері Біржан Кенжәлиев пен Зәуре Ғүбашеваның үйлеріне арнайы барып, үгіт-насихат жұмыстарын жүргізді. "Nur Otan" партиясын қолдауға шақырды.

«Nur Otan» партиясы Жәнібек аудандық филиалы атынан аудандық мәслихат депутаттығына үміткерлер Гүлмира Бекжанова және Гүлмира Қауденова "Есіктен есікке" акциясы аясында аудан тұрғындары Абдушевтар отбасының, Гұлнұр Чурина, Айжан Сағымбаеваның үйлеріне арнайы барып, үгіт-насихат жұмыстарын жүргізді. "Nur Otan" партиясын қолдауға шақырды.

Жәнібек ауданының Ұзынкөл ауылында халықпен кездесіп, сайлауалды бағдарламамен таныстырдық. Ұсыныстарын тыңдап, алдағы жоспарға енгізетін боламыз

«Nur Otan» партиясының партиялық тізімдері бойынша Батыс Қазақстан облысынан ҚР Мәжілісі депутаттығына кандидаттар Мәлік Құлшар, Жаңабек Жақсығалиев және Сәбира Сүндетова аудандық ардагерлер кеңесінің, «Жәнібек ардагерлері» қоғамдық бірлестігінің төрағасы,«Жәнібек ауданының Құрметті азаматы» Амангелді Уәлиевтің үйіне арнайы барып, мерейтойымен құттықтады. Жылы лебіздерін жеткізіп, құттықтау хат табыс етті.