orazali

TEZ.KZ туроператоры өз қызметін тоқтатты. Енді осы туроператордың барлық клиенті Қазақстанға қайтарылады.

Фото: tourism-review.su- Бұл ақпаратты Қазақстан азаматтарының сыртқы туризм саласындағы құқықтарына кепілдік беру жүйесінің әкімшісі "Туристік Қамқор" КҚ растады.

Дегенмен осы туроператор арқылы шетелде жүрген қазақстандық туристерге алаңдауға негіз жоқ. Туризм және спорт министрлігі туристердің елге қайтарылатынын мәлімдеді.

Аталған туроператор ел азаматтарының шығу туризмі саласындағы құқықтарына кепілдік беру жүйесінің қатысушысы есептеледі. Бүгінде шетелде бұл туроператордың 300-ден аса қазақстандық турисі бар. kaz.tengritravel.kz-

Қазақстан премьер-министрі Әлихан Смайылов Астанаға делегациямен келген Ресей Федерациясы Башқұртстан Республикасының басшысы Радий Хабировпен кездесті.Кездесу барысында Қазақстан өңірлері мен Башқұртстан арасындағы өнеркәсіп кооперациясын нығайту жөніндегі шаралар, сондай-ақ Қазақстан-Ресей ынтымақтастығын одан әрі тереңдету мақсатында ауыл шаруашылығы, логистика, білім беру және туризм салаларындағы өзара іс-қимыл мәселелері талқыланды.Үкімет басшысы Ресей Қазақстанның негізгі сауда-экономикалық әріптестерінің бірі екенін атап өтті. Бұған 2022 жылы тауар айналымы көлемінің 10%-ға өсіп, $27 млрд-қа жеткені дәлел. Өткен жылдың 11 айында да арадағы сауда-саттық жақсы нәтиже көрсетіп, шамамен $24 млрд-ты құрады.«Қазақстан-Ресей сауда қатынастарының дамуына Башқұртстан Республикасы елеулі үл…

Бүгін Respublika партиясының тең төрағасы Динара Шүкіжанованың Мәжіліс депутаты ретіндегі өкілеттігі тоқтатылды.

Ол өзі депутаттықтан не үшін кеткенін былай түсіндірді: «Respublica партиясының тең төрайымы болып қаламын. Енді аймақтарға баруым, өндірісте жұмыс істеуім еркіндеу болады. Біз о баста партияда ауысып отыруымыз керек, партиялық тізім бойынша ротация жүруі керек деп келіскенбіз. Партияның тең төрайымы болғаныма бір жылдай уақыт өтті. Мәжіліс депутаты болғаныма да бір жылға жуықтады. Ендігі жағдай былай болып тұр: мен өндіріске оралуым қажет».

Бірақ кейбір дереккөздер Динара Шүкіжанова мен Respublika партиясының басшысы Айдарбек Ходжаназаровтың арасында келіспеушілік болған деп отыр. Ал Ходжаназаровтың өзі оны теріске шығарды.

Теннистен Австралия ашық чемпионатының үшінші айналымдағы матчында қазақстандық Әмір Омарханов әлемнің жасөспірімдер рейтингіндегі 26-шы ракеткасы Хен Кимді 6:3, 5:7, 6:0 есебімен ұтты.

Ол 6:0 есебін шешуші сеттегі 19 минутта жасады. Әмір жартылай финалда Нидерланд өкілі, жасөспірімдер рейтингіндегі 25-ші ракетка Мец Роттерингпен сайысқа түсуі тиіс.

t.me/sportilinet

Бүгінгі үкімет отырысында күн тәртібіндегі мәселеден тыс Алматыдағы жер сілкінісі бойынша ахуал қаралды.Төтенше жағдайлар министрі Сырым Шәріпханов 23 қаңтар сағат 00:09-да Алматыдан 264 шақырым жерде Қырғызстан мен Қытай шекарасында жер сілкінісі болғанын мәлімдеді. Нәтижесінде Алматыда 5 балл, Шымкентте 2 балл, Жамбыл облысында 2-3 балл және Жетісу облысында 4 балл болып сезілген бірқатар сейсмикалық дерек тіркелді. Алдын ала мәліметтер бойынша ғимараттар мен құрылыстар қираған жоқ.ТЖМ-де дереу республикалық жедел штаб құрылып, осындай штабтар аумақтық деңгейде жұмыс істеді. ТЖМ психологтарын тарта отырып, «жедел желі» телефондары ұйымдастырылды.Өңірлерді азаматтық қорғаудың мемлекеттік жүйесінің күштері мен құралдары жоғары дайындықта жұмыс істеді, командалық-штабтық машиналар орналаст…

АҚШ пен Ұлыбритания Йемендегі сегіз нысанаға бірлескен әуе шабуылдарының жаңа сериясын бастады.

ВВС-дің жазуынша, соққылар жерасты қоймасы мен хуситтердің «зымыран және барлау жүйесіне» бағытталған.

Йемендік ақпарат құралдарының хабарлауынша, соққылар елдің астанасы Санаға және басқа аймақтарына да жасалды.

Иранның қолдауындағы хуситтер Қызыл теңіз арқылы өтетін негізгі сауда жолы бойындағы Израильмен байланысы бар кемелерді нысанаға алды.

Біз екі алып елдің Йемен хуситтеріне қарсы соққыны қашан және не себепті бастағанын бұрынырақта жазғанбыз.

Бүгін ауа райының қолайсыздығына байланысты қай жерлерде жол жабылғаны белгілі болды.Фото: tengrinews.kz«ҚазАвтоЖол» ұлттық компаниясындағылар еліміздің үш облысында республикалық маңызы бар жолдардың 5 учаскесінде көліктің барлық түрінің қозғалысына шектеу қойылғанын хабарлады.Атырау облысында — 1 учаске «Ақтөбе-Атырау-Астрахан» жолының 616-833 шақырымы, Атырау қаласы — Жұмекен ауылы арасы. Жетісу облысында — 1 учаске «Үшарал-Достық» жолының 84-184 шақырымы, Көктұма мен Достық стансасы арасы, 100 шақырым. Батыс Қазақстан облысында — 3 учаске «Атырау-Орал» 375-492 жолының шақырымы, Чапаев кенті — Орал қаласы арасы, 117 шақырым. «Чапаев-Жалпақтал-Қазталов» жолының 0-213 шақырымы, Чапаев кенті — Қазталов кенті арасы, 213 шақырым. «Атырау-Орал» жолының 189-371 шақырымы, Атырау облысы шекарас…

Ол Қазақстанның бас қаласын жүрекке ұқсайды дейді.

«Роскосмос» мемлекеттік корпорациясы біздің елорданың орбитадан түсірілген фотосын көрсетті. Халықаралық ғарыш станциясының терезесінен түнгі астананы ресейлік ғарышкер Олег Кононенко түсіріп алған.

«Түнгі уақытта әр қала өзінше өзгереді: бірі түн жамылып «ұйқыға» кетсе, бірі жұлдыздан асып жарқырап тұрады. Қазақстанның астанасы соған мысал бола алады. Егер үңіліп қарасаңыз, қаланың кескіні шеңбердің ортасында тұрған жүрекке ұқсайды», – делінген «Роскосмос» жазбасында.

Семейде жастардың караоке алдындағы жаппай төбелесі видеоға түсіп қалған.

Оқиға 20 қаңтарда түнгі уақытта болыпты. Жастар төбелеске таяқ қолданған.

Абай облысы Полиция департаментінің мәліметінше, бұл дерек бойынша сотқа дейінгі тергеу басталды. Күдіктілер қолға түскен.

«Қазіргі уақытта кінәлі адамдар ұсталды. Олар уақытша ұстау қапасына қамауға алынды. Төбелескендер арасында қаза тапқандар жоқ», - дейді полицейлер.

Төбелестің видосын осы жерден көруге болады.

Канвондода (Оңтүстік Корея) өтіп жатқан жасөспірімдер арасындағы қысқы олимпиада ойындарында шаңғымен трамплиннен секіру бойынша Қазақстан құрамасының мүшесі Илья Мизерных жеңімпаз атанды.

Ол бірінші секіргенінде үшінші орында болды. Мизерных екінші әрекеті арқылы алтынды қанжығалап отыр.

Күміс австриялық Никки Хамлаға, қола польшалық Лукас Лукащукқа бұйырды.

Айта кетейік, бұл – Қазақстанның жасөспірімдер арасындағы қысқы ойындар тарихында алған алғашқы алтыны.

olympic.kz