@muratayagan
мен өз мамандығымды сүйем, казак тілді интернет-журналистиканы дамытуга улес коссам деймін
рейтинг
100
жазбалар
25
пікір
1
тіркелуші
5
жазылымдар
0
рейтинг
100
жазбалар
25
пікір
1
тіркелуші
5
жазылымдар
0
Күрең күз аяқталып, қылышын сүйретіп қыс келер шақта өңірлерде азық-түлік өнімдерінің бағасы өсіп шыға келетіні бар. Бұл жағымсыз үрдіс жыл сайын қайталанып отырады. Еркін нарықтық қатынастар өз дегенін істеп, спекуляциялық тәсілдердің небір қитұрқы әрекеттеріне куә болып жататынымыз шын. Павлодар облысының жұртшылығы жуықта құс жұмыртқасының бағасы бір демде шарықтап шыға келгенде «азық-түлік бағасы тағы қымбаттай ма?» деп қатты алаңдаушылық танытқан.
Көзіңізге елестете аласыз ба? Лев Толстой өзінің қоғамға қатысты пікірін «Твиттердегі» бір жазбаға сыйдырып қойса. Немесе Мұхтар Әуезов ағамыз бала Абайдың ауылға келе жатқан сәтін «Агенттегі» микроблогта бір демде кестелі сөзбен бейнелеп, жазып жіберсе. Жоқ-ау. Ол мүмкін емес дер едіңіз. Расында солай.
Ілгеріде біреуден: «Үйлену деген не?» - деп сұраған екен. Сонда әлгі: «Үйлену деген - өз қара басыңнан артылмай жүрген проблемаларды ерікті түрде екі есе көбейтіп алу!» - депті. Күлуге де жақсы болғанымен, астарында көңілді күпті ететін сан түрлі ойлар қылаң береді. Көп әйел алу немесе кәрі қыз атану былай тұрсын, демографтар мен сарапшылар қазіргі күні он екі мүшесі сау, келбетті әрі тұрмыс жағдайы ешкімнен кем емес, соған қарамастан, сүр бойдақ болып жүрген қазақ жігіттері де аз емес деген мәлімет береді. Мүмкін олар жоғарыда айтылғандай, «бастағы проблемаларды ерікті түрде екі есе көбейткісі» келмей жүргендер шығар.
Сәуле апай! Сізді көгілдір экраннан көрмегелі көп болды. Қазір қайдасыз?
- Ел білетін «Ақжүніс» бағдарламасы жабылып қалғанына 6 жыл болды. Содан бері «қазір қайдасыз?» деген сауалды күніне бірнеше мәрте естимін десем, артық айтқаным емес. Телевидениеден кеткен соң екі жыл жұмыссыз отырдым. Сосын республикалық «Айқын», «Жас қазақ үні» газеттерінде істедім. Осы жылдың басында, дәлірек айтсам, наурыз айында «Ақжүніс-Астана» деген журнал аштық. Атауында «Астана» делінсе де, Алматыдан шығатын басылым. Қазір осы журналды аяғынан тұрғызу мақсатында еңбек етіп жүрген жайым бар.
Бүгінгі таңда қыздың арын өз намысынан биік қоятын жігіттеріміз азайды, Отан алдындағы, отбасы алдындағы, ар алдындағы жауапкершілігі мен міндеттерін сезінбейтін жігітсымақтар өз қарындастарын қуыршаққа айналдырды. Ал көрікті бойжеткен еріккеннің ермегі, кім көрінгеннің қолжаулығы болып, арын ақшаға айырбастау көбейіп барады. Оның соңы қайғы-қасірет, тастанды бала, түсік жасату...… Қаракөз қыздарымыздың өзегін жарып шыққан шаранасын еміреніп иіскемей, омырауына баспай, шырылдатып тастап кетуі – көз көріп, құлақ естіп жүрген қасіретке айналды. Тіпті, қоғамның осынау трагедиясына да етіміз үйреніп кеткендей. Бұл – құдайды ұмытқандардың ісі. Төрт аяқты мал екеш малдың өзі қозысын тастамай ииді. Шаранасын еміреніп емізеді. Сонда сана-сезімі хайуаннан артық деп жүрген адам баласының мал құрлы…
- Қыз балалардың күрес, бокс, ауыр атлетика секілді спорт түрлерімен айналысқаны дұрыс па?
- Қыздардың спорттың мұндай түрле-рімен шұғылдануына түбегейлі қарсымын. Қыз деген сұлу, инабатты, нәзік болуы тиіс қой. Өз басым қыздардың күресін, боксын мүлдем көргім келмейді. Көрмеймін де. Әйел – үйдің ұйытқысы. Қыз бала алдымен соны ойлауы керек. Денесі күжірейіп, дауысы қырылдап шығатын әйелдерді көргенде кірерге тесік таппай қаламын.
Қазақ боламыз ба, қазақстандық боламыз ба деген сол жылдары ұлттың басына бұлт үйіріліп тұрған шақта, жиналыстан жиналысқа жүгіріп жүрген қапылыс кезде М.Шахановқа бір кісі келіп «пәленше деген кісі хал үстінде жатыр екен, барып көңілін сұрап қайтайық» дегенде, «мұнда ұлт өлейін деп жатыр, қайсысының көңілін сұрағаным дұрыс болады деп ойлайсың?», - деп тіл қатты. Алдындағы кісі жауап бере алмай терең ойланып қалды. Барлық мүмкіндікті пайдаланып, ұлттың жойылайын деп жатқанын ұғынбай жатқан қандастарына осылайша ой салып жүретін. Әрине, жеке адамдардың да қайғысына ортақтаса біледі, егер ол адам ұлты үшін жанын берген, ұлтының қамын жеген адам болса. Ешқандай туыстығы, жақындығы жоқ Болатхан Тайжан ағамыз өмірден өткенде Мұхтар ағам қатты қайғырып кетіп еді.
Өкінішке қарай, мемлекеттік қызметте өзіне жүктелген міндеттерді мінсіз атқармай жүргендер әлі де баршылық. Оған облыстық тәртіптік кеңестің кезекті отырысындағы дәйектер дәлел бола алады.
Мәселен, ҚР Көлік және коммуникация министрлігі автомобиль жолдары комитетінің облыстық департаментінде жүргізілген тексеру кезінде 3 заңбұзушылық анықталған.
«Қуана білмегенге құт қонбас, бағалай білмегенге бақ қонбас» деген. Тәуелсіздік жылдары қол жеткізген жетістіктеріміздің бір ұшы жер қойнауынан алып жатқан қазба байлықтарымызға байланысты екені рас. Қойнын ашсаң, қазынасы ақтарылып жататын Атымтай Жомарт-Арқа даласының ана шеті мен мына шетіндегі кез келген кен ошағының тарихы тереңде жатыр. Байқасақ, қазақ жерінің қазынасы он тоғызыншы ғасырда-ақ игеріле бастаған. Бірақ сол байлық сырттан кен іздеп келгендердің қолына бірден түсе қалмағаны анық. Оларға жөн сілтеп, жоба көрсететін жергілікті халық болған. Әрине, күн көрісі үшін. Сондықтан болар, бүгінгі кеніштердің арғы тарихын ауызға алсақ, міндетті түрде жергілікті қазақтардың аттары да бірге аталады. Мысалы, қой бағып жүріп Қарағанды көмірін тапқан Апақ Байжанов, Екібастұз бен Баянауы…
