Kazsport agent

«Барселонаның» шабуылшысы Лионель Месси Бразилияда өтетін Әлем чемпионатына қосымша ойын арқылы өткен Криштиану Роналду және оның құрамасының қуанышына ортақ екенін мәлімдеді. Лионель Месси: «Әрине, Криштиану Роналду және оның құрамасының Әлем чемпионатына жолдама алғанына қуаныштымын. Төрт жылда бір келетін үлкен бәсекеде мықтылардың ғана болғаны дұрыс. ӘЧ-да тек үздік команда мен үздік ойыншылар ғана жеңіске жетуге тиіс. Бұл – футболдың деңгейі үшін керек. Криштиану – ұлы ойыншы. Көбісі оны соңғы кезде ғана жақсы ойнап жүр дейді. Бірақ ол көп жылдан бері жақсы ойнап келеді» — дейді. Ал Нидерланды құрамасына қатысты: «Сіздер Нидерланды құрамасынан кімдерді көрдіңіздер? Робин ван Перси және Арьен Роббен. «Қызғалдақтар елінде» басқа да мықты ойыншылар жетерлік. Ван Перси – керемет сұрмерге…

«Барыс» хоккей клубында өнер көрсететін үш ойыншының жалақылары анықталды. Команданың және ұлттық құраманың көшбасшысы Николай Антроповтың айлығы 2,7 миллион АҚШ долларын құрайды екен. Америкалық легионер Брэндон Боченски 1,4 миллион доллардан тапса, Найджел Доустың жалақысы 1,3 миллион «көкқағазды» құрайды. Хоккейшілердің жалақысын Ресейдің «Спортс.ру» сайты анықтапты. Нақты айтсақ, Құрлықтық хоккей лигасында өнер көрсететін ойыншылардың жалақыларын есептеген «Спортс.ру» ең көп табыс табатын 90 хоккейшінің тізімін жасап шығарыпты. Ал бастаманың себепшілері клубтың менеджерлері екен. Сондай-ақ ойыншылардың агенттері мен хоккейшілер де рейтингті жасауға өз үлестерін қосып, мәліметтерімен бөліскен. Жалпы, рейтингте спортшылардың салық төлегенге дейінгі жалақылары көрсетілген. Сонымен, рейти…

Елордалық «Астана» клубының қақпашысы Ненад Эрич жуық арада Қазақстан азаматтығын алуы мүмкін, деп хабарлайды «Sports.kz».

Естеріңізге сала кетейік, 31 жастағы серб қақпашысы өз отанында «Слога», «Раднички» (Крагуевац), ОФК, «Биг Бул», «Мачва», «Борац» (Чачак) клубтарында, ресейлік «Сибирь» (Новосибирск) және «Динамо» (Барнаул), қазақстандық «Қайрат» (Алматы) және «Астана» сапында өнер көрсетті.

Еліміздің премьер-лигасындағы үздік қақпашылардың бірі саналатын Эрич ұлттық құрамаға шақыртылуы ықтимал. Бұл жағдайда Эрич Қазақстан құрамасының негізгі қақпашысы Андрей Сидельниковпен бәсекеге түсетін болады.

Бакуде өтіп жатқан «Голден Гран При» турнирінде 55 келіде белдескен қазақ балуаны Нұрсұлтан Қалмұрзаев чемпион атанды.

Ол ширек финалда кілем иесі Сакит Гулиевті жеңсе, жартылай финалда тағы бір қазақ балуаны Жансерік Сәрсембиевті ұтты. Ал финалда әзірбайжандық балуан Орхан Ахмедовпен 3:3 есебімен тең түскен. Төрешілер қауымы белсенді күрескен Нұрсұлтанды жеңімпаз деп таныды.

Қола жүлдегер қатарында Жансерік Сәрсембиев те бар. Ол қола жүлде үшін күресте жапон балуанын жеңді, деп хабарлады alasharena.kz.

Финляндияның Саариселька қаласында өткен халықаралық жарыста шаңғышылар 10 шақырымға классикалық стильмен жарысқан болатын.

Қазақстандық шаңғышы Денис Волотка айтулы турнирде күміс жүлде жеңіп алды. Оның көрсеткіші — 26.20,7.

Бұл сында бас бәйгені ресейлік шаңғышы Дмитрий Япаров қанжығасына байлады. Қола жүлде тағы да бір ресейлік Александр Бессмертныхтің еншісінде, деп хабарлады alasharena.kz.

«Астана арландары» WSB додасының төртінші маусымындағы екінші кездесуін өткізіп, тағы да жеңіске жетті. Петербор қаласында өткен «Ресей құрамасымен» матч 3:2 есебімен біздің пайдамызға шешілді, деп хабарлайды «Аламан». Алдымен 52 келіде Миша Алоян мен Олжас Сәттібаев шаршы алаңға шықты. Үш раунд бойы Олжас қарсыласына соққы жасауға тырысқанымен Алоян тәжірибесінің арқасында қарсыласынан басым болды. Есепті Ресей құрамасы ашты. Артынша, 60 келіде команда капитаны Самат Башенов Адлан Абдурашитовты жеңді - 2:1 (48:47, 48:47, 47:48). Кейін 69 келіде Мейірім Нұрсұлтанов Александр Ивановты сабады - 3:0 (49:45, 49:46, 50:45). 75 келіде Лондон Олимпиадасына қатысушы Данабек Сужанов Дмитрий Биволдан техникалық нокаутпен ұтылып қалды. Есеп — 2:2. Ал соңғы шешуші кездесуде аса ауыр салмақта хорватия…

Қарағандылық «Тұлпар» Боснияның «Танго» клубын тізе бүктіріп, өз тарихында футзалдан УЕФА Кубогының Элиталық кезеңіндегі алғашқы жеңісіне қол жеткізді, деп хабарлайды vesti.kz

Алматыдағы Балуан Шолақ атындағы спорт сарайында өткен кездесу 8:3 есебімен аяқталды. «Тұлпар» сапында Шыңғыс Чингиз Есенаманов пен Алвес Дуглас Грасиано хет-трик авторлары атанса, Александр Довгань және Фейтоса Талес бір-бірден гол соқты, қонақтардан Семир Гушо және Огнен Эрич екі мәрте қақпадан саңылау тапты.

Бүгін осы уақытта алматылық «Қайрат» беларусьтің «ВитЭн» командасын қабылдап жатыр. Ойынның басталуы Астана уақытымен 20:30-да. Кездесуді «Ел Арна» тікелей эфирден көрсетеді.

Өздерінің келесі матчын қарағандылықтар 22 қараша күні «ВитЭнмен» өткізеді.

Алматыдағы Балуан Шолақ атындағы спорт кешенінде шағын футболдан УЕФА кубогының элиталық кезеңіндегі «С» тобындағы командалардың сайысын қазақстандық қос команда да сәтті бастады. Бұған дейін хабарлағанымыздай, кешегі алғашқы ойында Әміржан Мұқанов жаттықтыратын Қарағандының «Тұлпары» босниялықтардың «Тангосын» 8:3 есебімен ұтқан болатын. Одан кейін ойнаған Алматының «Қайраты» да белорустардың «ВитЭнін» 9:0 есебімен ойсырата жеңді. Бүгін «Тұлпар» мен «ВитЭн», «Қайрат» пен «Танго» өзара жұп құрамақ. Ал жексенбі күні ақтық сында қазақстандық қос клуб пен Беларусь пен Босния өзара күш сынасады. Онда үздік шыққан аяқдопшылар УЕФА кубогының келесі кезеңіне жолдама алады. Жалпы УЕФА кубогының элиталық кезеңінде тұңғыш рет Қазақстаннан екі команда қатысып отыр. Бұған дейін бұл додада ел намысын…

Ауыр атлетикадан 2014 жылғы әлем чемпионаты Астанада емес, Алматыда өтетін болды.

Бұл туралы халықаралық ауыр атлетика федерациясы (IWF) мәлімдеді. 2011 жылы Парижде өткен федерация конгресінде әлемдік сынды өткізу құқығын Астана жеңіп алған. Ал 21 қараша күні IWF ресми сайты келер жылғы әлемдік дода Алматыда өтетінін мәлімдеді. Жарыс неліктен Астанадан Алматыға көшірілгені туралы нақты ақпарат жоқ, деп хабарлады alaman.kz.