WBA нұсқасы бойынша орта салмақтағы әлемнің суперчемпионы қазақстандық Геннадий Головкин USA Today беделді америкалық басылымының нұсқасы бойынша «Жыл боксшысы» атанды, деп хабарлайды Vesti.kz.

Головкиннен басқа бұл атаққа ресейлік Сергей Ковалев және канадалық Адонис Стивенсон таласты, деп хабарланған «Вконтакте» әлеуметтік желісіндегі GGG парақшасында. Биылғы жылы үшеуі де шаршы алаңға төрт рет көтерілген, бұл, басылымның айтуына қарағанда, қазіргі заманда таңдаулы боксшылар арасында сирек кездесетін жағдай, және төрт жекпе-жекте де мерзімінен бұрын жеңіске жеткен.

Бұған дейін HBO сарапшылары Головкинге жоғары баға берген болатын. Қазақстандық боксшы «Жыл соққысының» иегері болып танылды және Стивенсонмен «Жыл боксшысы» атағын бөлісті.

Бейбітшілік және келісім сарайында «Самұрық-Қазына» АҚ мен «Нұр Отан» партиясы, ҚР Ұлттық спорт түрлері қауымдастығы және өкілдері, сондай-ақ жаттықтырушылар, спортшылар мен ардагерлер ұлттық спорт түрлерін дамыту мәселелерін талқылады. Бұл туралы партияның баспасөз қызметінен хабарланды. Шара барысында «Нұр Отан» партиясының хатшысы, ҚР Ұлттық спорт түрлері қауымдастығының құрметті президенті Қайрат Сатыбалды Қазақстанда ұлттық спорт түрлерін дамытуды сапалы деңгейге көтеру қажеттігін атап өтті. Өз кезегінде, ҚР Ұлттық спорт түрлері қауымдастығының жаңадан сайланған президенті Бекболат Тілеухан ұлттық спорт түрлерін дамыту — ұлттық мәдениетті сақтап, дамытуға, сондай-ақ «Қазақстан-2050» стратегиясы аясындағы міндеттерді жүзеге асыру мен «ЭКСПО-2017» көрмесін өткізуде аса қажет екенін айт…

Футболдан Қазақстан құрамасының бас бапкері лауазымына үміткерлердің бірі — Валерий Газзаев, деп хабарлайды «Sports.kz».

Мәскеулік ЦСКА, киевтік «Динамо» және Ресей құрамасымен жұмысы арқылы танылған маман қазір Владикавказдың «Алания» футбол клубының президенті, сондай-ақ Біріккен футбол дигасының директоры қызметтерін атқарып жүр.
Сайттың жазуынша, Газзаевтың жалақысы жылына 3 миллион доллардан кем болмайды.

1936 жылы Берлинде өткен ойындарда американдық жеңіл атлетші Джесси Оуэнс ұтқан 4 алтын Олимпиада медалінің біреуі интернет-бәссаудасы барысында 1466 574 долларға сатылды. Әзірге сатып алушының есімі құпия болып отыр, деп хабарлайды utro.ru.

Осыған дейін бәссаудада сатылған ең қымбат Олимпиада жүлдесі грек Спирос Луистің 1986 жылғы марафонда ұтқан күміс кубогі болып келген. Кубок 2012 жылы Лондонда өткен бәссауда кезінде 867266 долларға сатылған болатын.

1949 жылы өмірден өткен Оуэнс Берлиндегі Олимпиада ойындарында төрт мәрте жеңіс тойын тойлаған.

Ауыр салмақтағы британиялық боксшы Тайсон Фьюри Владимир Кличконы шаршы алаңда кім мықтыны анықтауға шақырды. Ол Владимирге үлкен ағасы Виталий сияқты жекпе-жектен жалтарып, қашып кетпегені абзал деп ескерту жасап отыр, деп хабарлады prosport.ru.

Тайсонның сөзіне қарағанда, Кличко оған шаршы алаңда кездесуді ұсынбаған екен.

«Мен кездесуге келісіп, оның жағын айыратын едім, ол мұны біледі. Эмануэль Стюард В. Кличкоға менен нокаутпен жеңілетінін айтқан болатын. Виталий Кличко менімен жекпе-жектен жалтарып бокстан кетті, ал қазір Владимир де солай етуге тырысуда», — деген сенімде британдық боксшы. Сондықтан, ол украиндық боксшымен кез-келген жерде, кез-келген уақытта кездесуге дайын екенін айтып отыр.

The Guardian 2013 жылдың ең үздік 100 футболшысын атады.

Prosport-ru сайтының хабарлауынша, Каталониялық «Барселонаның» шабуылшысы Лионель Месси ағылшын басылымының нұсқасы бойынша жылдың үздік ойыншысы атанды. Екінші орынды мадридтік «Реалдың» жұлдызы Криштиану Роналду иеленді. Үздік үштікті ПСЖ шабуылшысы Златан Ибрагимович қорытындылап тұр. «Алтын допқа» тағы бір үміткер Франк Рибери төртінші орынды қанағат тұтқанын атап өтейік.

The Guardian нұсқасы бойынша топ-10:

1 . Лионель Месси («Барселона»)

2 . Криштиану Роналду («Реал»)

3 . Златан Ибрагимович (ПСЖ)

4 . Франк Рибери («Бавария»)

5 . Андрес Иньеста («Барселона»)

6 . Неймар («Барселона»)

7 . Гарет Бэйл («Реал»)

8 . Хави («Барселона»)

9 . Луис Суарес («Ливерпуль»)

10 . Серхио Агуэро («Манчестер Сити»).

Кәсіпқой бокс шаршы алаңында жүрген қазақстандық танымал боксшы Генадий Головкинді Америка елінің алдыңғы қатарлы арнасы НВО «үздік соққы 2013» жүлдесінің иесі деп тапты, деп хабарлады alaman.kz.

Жерлесіміздің әр кездесуін «үздік соққы» атағына лайық көрген. Аңдып жүріп дөп тигізетін ауыр соққысы талай «мықтымын» дегендерді сұлатып салды. НВО арнасының анықтаған кездесулері төмендегідей.

НВО телеарнасының үздік деп тапқан төрт кездесуі:

1.Гжегож Прокаса (Польша) 2012 жылғы 1 қыркүйек (Головкиннің 24 кездесуі).

2.Габриэль Росадо (АҚШ) 2013 жылғы 19 қаңтар (Головкиннің 25 кездесуі).

3.Мэттью Маклин (Ұлыбритания) 2013 жылғы 29 маусым (Головкиннің 27 кездесуі).

4.Кертис Стивенс (АҚШ) 2013 жылғы 2 қараша (Головкиннің 28 кездесуі).

WBA/IBF/WBO нұсқалары бойынша ауыр салмақтағы әлем чемпионы украиндық Владимир Кличко өзінің келесі кездесуін 2014 жылдың 8 наурызында австралиялық Алекс Леапаимен өткізуі мүмкін.

Жақында болған кездесулердің бірінде Леапаи Ресейдің ауыр салмақтағы боксшысы, өз салмағындағы талантты спортшылардың бірі ретінде саналатын Денис Бойцовты жеңген болатын. Егер тараптар кездесудің мән-жайы жайлы нақты келісімге 3 қаңтарға дейін келмесе, онда промоутерлік сауда ұйымдастырылады, деп жазады «Известия» басылымы.