Мұрат Өнал: Ата-анам атажұртқа шығарып саларда «футбол ойнамасаң да, Қазақстанда қалуға ұмтыл» деді
Голландиядағы қандасымыз Мұрат Өнал атажұртқа алғаш рет табан тіреді. Аты аңызға айналған «Аякс» футбол мектебінің түлегі қазақстандық «Қыран» командасымен келісім-шартқа отырған болатын. Шымкенттік командаға арнайы шақыртумен келген спортшы қала әкімі Дархан Сатыбалдының қабылдауында болды, деп хабарлайды alaman.kz «Отырар» арнасына сілтеме жасап. Мұрат Өнал кәрі құрлықтан Шымкент қаласының әкіміне кәдесый ретінде әкелген Голландия ұлттық құрамасының жейдесін тарту етті. Сондай-ақ, ол Шымкентте қазақтардың көптігіне риза болғанын жасырмады. Айтуынша, Голландияда қырық шақты қазақ отбасы тұрады екен. «Осынша көп қандастарымды өмірімде алғаш рет көрдім. Маған осындай мүмкіндік сыйлаған Шымкент қаласының әкіміне шексіз алғыс айтамын. Мұнда менің ана тілімді үйренуіме көптеген қазақ балалары…

