ел. кз

Білім және тәрбие тақырыбы бүгінгі қазақ қоғамы үшін өте өзекті екені мәлім. Аталмыш екі ұғымды ешқашан бөліп қарастыруға болмайды, өткені тәрбиесіз білім қоршаған ортаға, қоғамға теріс әсер етуі мүмкін. Бұл заңдылықты ұстанудың қаншалықты маңызды екенін бірқатар фильмнен байқауға болады. Еl.kz редакциясы аталмыш тақырыпты қозғайтын 15 фильмді ұсынады.

Астана біртіндеп мегополис шаһарға айналуда. Жыл өткен сайын түрленіп, көркейіп келеді. Бүгінгі таңда шаһар тұрғындарының саны 900 мыңға жуықтады. Астана халқының саны өскен сайын жол көлік қатынасы күрделеніп,  қоғамдық көліктерге деген сұраныс арта түсті. Бүгінгі таңда елорданың транспорт кешенін модернизациялау бағытында қандай шаралар атқарылуда, Астананың болашағы қандай, халықаралық ЭКСПО-2017 көрмесі қарсаңында қандай өзгерістер болуы мүмкін? Осы сауалдарға жауап алу мақсатында «Астана LRT» ЖШС Жолаушы көлік бөлімінің жетекшісі Бейбіт Есжановты әңгімеге тарттық.

Туғаннан қолы жоқ Кәріпбек Күйіков өз картиналарын қылқаламды тісімен немесе аяқтарының башпайымен қысып салады. Ендігі ретте 46 жастағы суретші Кәріпбектің Нью-Йоркте көрмесі ашылып отыр.

-Қылқаламды аузымен немесе аяғымен ұстап, сурет салатын, жазу жазатын адамдарды көрсем ерекше таңқаламын. Алайда қазақстандық суретшінің еңбектері тіптен керемет. Кәріпбек осыған дейін мұндай көрмелерді Хиросима мен Нагасакиде өткізгендігін білемін,- деп таңданысын жасырмады БҰҰ Бас хатшысының орынбасары  Юкио Такасу.

Жақында халықаралық кәсіби тренер, мэйк-ап жасаудың мойындалған шебері, танымал визажист Сәнді Бексырға Астана қаласына келіп, 10 күндік шеберлік сыныбын өткізді. Қазақстанда алғаш рет «Sandi Beksirga» атты ұлттық стильдегі сән студиясын ашқан талантты қазақ қызы аз уақыттың ішінде отандық сән әлеміне өзіндік қолтаңбасымен танылды. «Сабақты ине сәтімен» дегендей, Сәндімен жүздесудің сәті түсіп, бет әрлеудің қыр-сыры туралы сұхбат құрдық.

19-20 қыркүйек күндері Бейбітшілік және келісім сарайында І Халықаралық балалар ән байқауының аймақтық іріктеу жеңімпаздарының жартылай финалы мен финалдық гала-концерті өтеді.

Балалардың жаңа өлеңдерін миллиондаған көрермен мен телекөрермен тамашалай алады. Гала-концертте СМС арқылы дауыс беру жүргізіліп, қазылар алқасы ең үздік дауыс иесін анықтайтын болады. Жеңімпаз желтоқсан айында түркітілдес елдер арасында тұңғыш рет өткізілетін «BalaTurkvizyon» байқауында Қазақстанның намысын қорғайды. Толығырақ ...

2015 жылдың 9-қазанында Тараз қаласындағы «Тараз-Арена» спорт сарайында Қазақ хандығының 550 жылдығына орай қазақ күресінен ІІІ халықаралық «Еуразия Барысы» турнирі өтеді.

«El.kz» ұжымы «Отбасы күні» мерекесіне орай «Мерейлі отбасы» ұлттық байқауына қатысып, басқаларға қоғамдағы белсендігілі жағынан үлгі боларлық және көп бала тәрбиелеп отырған «шағын мемлекет» құраушы Сұңғат Самарбаев пен Алма Сайлауқызынан арнайы сұхбат алды. Бала тәрбиесі қалай болу керек, қызметте де, отбасында да абыройлы болу үшін не істеу керек деген сұрақтар төңірегінде жауаптарын білдік.

Қазақ елі монументі алдында бой көтерген этно-ауылда Қазақстанның барлық аймақтары киіз үй көтеріп, іші-сыртын тарихи экспонаттарға, ұлттық бұйымдарға, құнды жәдігерлерге толтырды. Сөйтіп, үш күн мереке бойы Астана тұрғындары мен қала қонақтары орта ғасырға саяхатқа аттанды. Бүгінгі санымызда ақшаңқан үш киіз үй тұрғызып, сал-серілер мен қолөнершілердің өнерімен тамсандырған Батыс Қазақстан облысының көрмесі туралы айтамыз.

Отан отбасынан басталады демекші, отбасында бала алғаш рет өмірмен, қоршаған ортамен танысып, мінез-құлығы қалыптаса бастайды. Отбасынан бойына сіңірген асыл қасиеттер баланың алдағы өмірінде сенімді серік болaды. Әр халықтың бала тәрбиесіндегі ерекшеліктері, өзіне ғана тән мәдени құндылықтары бар. Қазақ халқы болса, баланы бүлдіршең кезінен туған жеріне, еліне, еңбекке және ата-дәстүріне деген ыстық махаббатпен өсіреді. Осыған арнап, El.kz редакциясы отбасы туралы дана мақалдармен өрнектелген мағыналы суреттер топтамасын ұсынады.

Ақорда баспасөз қызметі ҚР Президентінің Қазақ хандығының 550 жылдығы құрметіне өткен салтанатты шарада сөйлеген сөзінің толық мәтінін жариялайды.