Айдана Усенбай

Пойызда да парақорлық «гүлдеп» тұр `НУР АСТАНА`мен MASA.KZ 26.04.2012 | Айдары: Апта Хадисте: «Параны беретіндер де, оны алатындар да тозаққа барады» делінген. Бірақ содан қорқып, оны ескеріп жатқан кім бар дейсің. Жұмыр басты пендеге жұқпай қоймайтын жиырма бірінші ғасырдың дерті – жемқорлық қоғамды кеулеп, үңгіп бара жатқан қарабас құрт сияқты. Оған қарсы вакцина әлі күнге дейін табылған жоқ. Құрғақ уәдемен қуырдақ қуырған алаяқтар ел қазынасына тап бір өз атасынан мұраға қалғандай сұқтанып, сұғанақ қолын сұғуды тоқтатпай келеді. Жемқорлықтың жүрмейтін жері жоқ! Жуырда осы үзілмейтін үрдістің куәгері болдым. Әңгіме жүк және жолаушылар тасымалдайтын темір жолдан басталды. Оқуымның соңында туған елге табан тіреуге мүмкіндік туып, алып-ұшып вокзалға аттандым. Астана-Сарыағаш пойызы адамға…

Әдеттегідей ақылды жәшігімнің алдында отырмын. Қапелімде, маил рудан мезі болған басыма тамаша бір ой келді. Тамаша дегенге таңқалмаңыз. Ньютоннан асып, Новель алу қайда а а а. Біздің ойлар қиыннан қиыспай қарапайым келеді. Анаған бір, мынаған бір жазып күнделікті миссиямды атқарып болған соң, терең ойға кеттім. Шіркін, кәзір осы жәшік болмаса не істер ем? Кім біледі,мүмкін ,жастанып жатып талай кітапты оқып тастар ем. Я , ақындығым ұстап ақ қағазға сыр шертем бе? Онысы бір Аллаға аян. Не де болса да дәл кәзір жетісіп отырмағаным белгілі. Қысыр сөзге ысырап қылған қайран уақытты айтам.Білуімше адам баласының көп жасайтын қателіктерінің бірі де осы. Себебі Алла Тағала сыйлаған құнды нығметті қолданған кезде толықтай еркін емес және алланың ризашылығына лайықты түрде қолдану керек екендігін…

«Адам баласын бақытты ету үшін аспандағы айды ерттеп мініп,жұлдыздарды жетектеп келу шарт емес.Нысап пен нәпсі бар.Нысап-тойым,нәпсі-тойымсыз».Міне, Шер ағаның «Ай мен Айшасын» оқығалы осы сөздерді ойымнан тастаған емеспін.Ия,расында да адамзат баласының «қанағатсыздық» деген қас жауы бар емес пе?Жалпы мен қоғам жайында көп ойланам.Әсіресе,адамзат баласының ішкі дүниесі мен рухани байлығы менің назарымнан ешқашанда тыс қалмаған.Мәселен,жақында ғана ғаламторда Джошуа Вайгель атты режиссердің қысқа метражды «көбелектер» циркі атты кинотуындысына тап болдым. Ең әуелі алған әсерімді айтып жеткізу мүмкін емес еді.Фильм Уилл атты мүгедекті сомдаған 1982 жылы Австралияның Брисбен қаласында дүниеге келген Ник Вуйчич туралы.Мүмкін сізде оның есімін естіген шығарсыз?Ник аяқ-қолсыз дүниеге келген жа…

Шақалақ өзiне келе жатқан қауiптi сезгендей жиырыла жөнелді. Кішкене ғана тәні бар болғанымен, оның да өзге нарестелердей жаны бар емес пе? Бір кемшілігі-жарық дүниеге келмегені болар. Адам баласына ана құрсағындағы жаны бар шарананы кесiп алып тастауға қайдан ғана батылдық бітеді десеңізші? Жаратқан адам баласын жалғассыз етіп жаратса, өмір әлдеқалай баяғыда аяқталу керек еді. Тәңіріміз кеудемізге жан бітіріп қана қоймай, ұрпақ жалғасын да сыйлады. Дегенмен бүгінгі таңда ақжаулықтыларымыздың көбі аналық махаббаттың не екенін ұғына алмай, бедеулікке бас ұрып жатса , енді бірі тағдырының тауқыметін өздері жасауда. Бүгінгі таңда елімізде жыл сайын 200-мыңға жуық жасанды түсік жасалуда. Жасатушыларымыз барған сайын жасарып, мектеп оқушылары арасынан да табылып жатыр. Мұндай әрекетке 15-16 жа…

Автобус аялдамаға келіп тоқтады.Абыр-сабыр болған жұрт бірі түсіп,бірі мініп жатыр.Осы тұста автобусқа асыға мінген қараторы жігіт байқаусызда сары баланы қағып кетті.Абырой барда аузын ашып үлгергені сол еді сары баланың қаһарына ілікті де қалды.Қысқасы ашуға салған азаматтар жоқ жерден дау шығарып, бірін-бірі балағаттап, боқ ауыз сөзбен жаудырды. Әйтеуір,болды-ау дегенде сіркесі су көтермей қалған сары қараторыны «баран» деп тынды. Естіген құлағынан иесі кынжылатын сөздерден кейін екі көзім төрт көз болып қоя берді. Апыр-ай,мыналарға не көрінді? Болар болмас нәрсеге иттей ырылдасуын қарашы. Жасыратыны жоқ, кәзір екінің бірі қабағынан қар жауып, жүйкесі жұқарып жүреді. Ондайларға тиіп қетсең, құтылуың екіталай. Сол секілдімына көк көздің де, біреу байқаусыз қағып кеткеніне бола тынысы та…

Егер сізден біреу «Қазақты қаншалықты сүйесіз?» деп сұраса,қай қасиетіне бола «барынша» деп жауап берер едіңіз?Айтылған ой әр түрлі болары хақ.Мен үшін берілген жауаптың шынайы болуы маңызды.Жүрегіміздің түбіне терең бойлай,сол сұрақтың жауабын ізделік.Нәтижесі елі үшін еңірегендердің бірімін десеңіз,ол үшін қандай игі істер атқардыңыз? «Ұлтын сүйген ұлы істер атқарады» демей ме?Өткеннің ұлылары ұлт үшін аянбай қызмет етіп,кеше ғана құрдымға кетіп бара жатқан халықты құтқарып қалған Ахмет,Жүсіпбек,Міржақып пен Әлихандай зиялы қауым ұрпақ алдындағы парызын өтеп кетті.Ал бүгінгілер ше? Бүгінгілер келер ұрпақтың несібесін жеп, қазақтың сүйегіне таңба болған бала сатумен айналысып, жаманның жетегінде жүріп жеті тілді меңгерсе де туған тілге келгенде ат-тонын ала қашады.Аға –буын ұрпақ алдында…