Бейбт Бейрахи

Уа, халайық халайық! Жамандыққа бармайық, Теңгеге арақ алмайық, Саналы өмір сүретін Жаңа дәуір бастайық. Теңгеге арақ алмайық, Уәдемізден таймайық. Атадан қалған ас емес, Ер жігіт екі сөйлемес Қайтып оны татпайық. Теңгеге арақ алмайық! Қайталаудан талмайық. Күннен-күнге молайып, Ағып жатқан «ақ судың» Айдынында ақпайық. Термен келген теңгеге «Жынды суға» тойып ап Сырымызды ашпайық Теңгеге арақ алмайық! Несібесін әулеттің Далаға біз шашпайық. Тоқтықтың да жөні бар, Қанағат қарын тойғызар Осыменен тоқтайық. Теңгеге арақ алмайық! Ішпе деп біз зарлайық, Мың күн сынбаған шөлмек Бір-ақ күнде сырт етер, Қазағымның басына Қара бұлтты үйрілтер, Қапыда біз қалмайық. Теңгеге арақ алмайық! Араққа салып ақшаны Жатып алсаң шалқайып Бұл бұлыңғыр заманда Кетерміз боп біз ғайып. Уа, халайық, халайық! Теңг…

Егіндібұлақ өңірі анау бір замандарда қазақ арасында от тілді, орақ ауызды аймақ еді. Ұлы Абай анасының осы өлкеден екенін мақтан тұтып өтті, тіпті қайбір кездерде өз талантының тамыры әділетсіздікпен арыстандай алысып өткен, ауызымен құс тістеген шыншыл шешендер мен би, ақындар арындап өткен осы өлкеде жатыр деп ұқты. Анау кешегі Айрық – бүгін Мәди ауылы, анау Арқалық – қазір Тәттімбет, ауданының аты Қазыбек би. Осындай ардақты бабаларымыз өткен қасиетті жерімізде енді таланттар дүниеге келуі екі талай. Отызыншы жылдарға дейін қазақ халқының мақтанышы мен жан сұлулығының отаны болып келген Егіндібұлақ бұл күнде тың талант туғызбақ түгілі, қазақтың сөзін тыңдайтын құйма құлақтары мен қазақ кітәбінің бетін ашатын оқырманынан көпе-көріну айырыла бастады. Әбдіжәміл Нұрпейісов Қазақстанның ха…