Алматы облысында "Таза Қазақстан" акциясы жалғасын тауып жатыр
Бүгін Алматы облысының 9 ауданы мен 2 қаласында абаттандыру, көгалдандыру, қоршаған ортаны қорғау, тұрғындар арасында экологиялық мәдениетті қалыптастыру бойынша сенбіліктер ұйымдастырылды.
Облыс көлеміндегі ауқымды сенбіліктердің бірі Талғар ауданының «Қотырбұлақ» көлінің және «Ой-Қарағай» таулы курортында 200-ге жуық адамның қатысуымен өтті.
Жалпы қазіргі таңда Алматы облысының әкімдігі жыл соңына дейін “Таза Қазақстан” акциясының кешенді жоспары жасақталып, бекітілетін болады.
Бұл бір айлық науқан емес, жүйелі жұмысқа, облыс тұрғындарының экогологиялық мәдениетін артыратын негізгі бастама айналатын болады.
Жалпы, бүгінгі акцияға облыс бойынша 2 мыңнан астам адам үлес қосты.
