Мазмұнға өту

Жаңа

Алматының 2016 жылғы бюджеті 30 млрд. теңгеге нақтыланды

Алматының 2016 жылғы жергілікті бюджеті 30 млрд. теңгеге нақтыланды. Бұл туралы қала Мәслихатының кезектен тыс сессиясы барысында белгілі болды, деп хабарлады қала әкімдігі.

Экономика және бюджеттік жоспарлау басқармасының бастығы Мақсат Қиқымов айтып өткендей, бұл қаржы мына шараларды жүзеге асыруға жұмсалады: жедел жәрдем қызметінің материалдық- техникалық базасын нығайтуға, ІІД-не, көлік жүйесін жасқартуға, қала тұрғындарының діни сауатын арттыруға, қаланы жасылдандыруға, электромобильдер станцияларын құруға, білім, денсаулық сақтау нысандарының сейсмикалық қуатын күшейтуге, қалаға қосылған елді мекендерге газ жүргізуге, әлеуметтік мәселелерді шешуге.

«Депутаттар жалпы құны 5,1 млрд. болатын жаңа коммуналды автобус паркін салуды және жеклеген азаматтар үшін жеңілдетілген жолақысын төлеуге 595,3 млн. теңге бөлуді ұсынды», - деді М.Қиқымов.

Сессия барысында қоғамның қауіпсіздігін күшейтуге ерекше назар аударылды. Көлікке және адамдар көп жиналатын жерлерге видео-мониторинг жүргізу жобасына 8,6 млрд. теңге, жол қозғалысы ережесін бұзғандарға видео-фиксация жасау жобасына 5,8 млрд. теңге бөлінеді.

М.Қиқымов 2017 жылы жобаларды қосалқы қаржыландыру үшін мақсатты трансферт тер есебінен 1,4 млрд. те ңге бөлу қажеттігін, оның емхана, 5 мектеп, 7 бала бақша, Наурызбай ауданындағы аудандық ІІБ-ның ғимаратын, қалаға қосылған елді мекендерге электр желісін тартуға жұмсалатындығын жеткізді.

А лматы әкімі Б.Байбек Наурызбай ауданы мен қалаға қосылған елді мекендерді дамыту мәселесі басты назарда екендігін атап өтті. О л қаржының басым бөлігі қала экономикасын дамытуға, алматылықтар үшін жақсы жағдай жасауға, бизнеске жұмсалатындығын айтты.

«Егер орта жайлы болса, онда қоғамдық көлік жақсы жұмыс істейді, жолдар жасқарады, мектептер, ауруханалар, бала бақшалар салынады. Жақсы тұрмыс деген міне, осы, Жақсы инфрақұрылымды жасай отырып, біз бизнеске қолдау көрсетеміз. Ал бизнес өз кезегінде жаңа жұмыс орындарын ашып, салық төлейді», - деді Б.Байбек.

Атап өтерлік жайт, жергілікті бюджеттен 30 млрд. теңгенің бөлінуіне озық жоспарлаудың, түрлі шығындарды азайтудың, тиімді табыс көздерін жасаудың, ОКБ-ді дамытудың арқасында қол жетті.

Универсиада нысандарын саул арқасында 9,3 млрд. теңге салық төленді.Мультипликативті ықпалға қазақстандық үлесті 64%-ға жеткізу арқасында қол жетті, құрылысты жүргізуге 1500 отандық кәсіпорындар қатысты.

Осылайша, Алматының 2016 жылға нақтыланған бюджеті 512 млрд. 662 млн. 572,2 мың теңгені құрады.

Ақпарат көзі: strategy2050.kz

0
0
555

Сингапур мен Қазақстан мемлекеттік басқару саласында ынтымақтасуға ниетті

Сингапурдың Мемлекеттік басқару колледжі ҚР Президенті жанындағы Мемлекеттік басқару академиясымен мемлекеттік қызметшілердің әлеуетін дамыту жөніндегі өзара түсіністік туралы меморандумға қол қояды, деп ҚР Сенат депутаттарының алдында Сингапур парламентінің мүшесі, Құрметті аға министрі Го Чок Тонго сөз сөйледі.

«Біздің елдеріміз түрлі географиялық бағыттарда орналасқан,  ал экономикалары бірін-бірі толықтырады. Біз тараптар арасында мықты ынтымақтастықты жақсарту үшін барлық мүмкіндіктерді зерттеудеміз. Сингапур әрдайым жақсы экономикалық қарым-қатынасты іздейді. Оған инвестициялық келісім шарт және ЕАЭО-мен еркін сауда аймағы кіреді. Сонымен қатар, «Астана» халықаралық қаржы орталығында Сингапурдың беделін қалай пайдалану керектігін ізденуіміз керек»,-деді Го Чок Тонг.

Сонымен қатар, сарапшы «Бір белдеу, бір жол» бастамасын Қазақстанмен Орталық Азиядағы ынтымақтастық тағы бір мүмкіндігі ретінде атап өтті.

«Қытай мен Қазақстан жаңа Жібек жолының негізгі түйіні болып табылады. Сингапур Қытаймен өздерінің келісімдері бойынша жұмыс атқарады. Сонымен қатар, мемлекеттік басқару және әлеуетті даму саласында өз тәжірибемізбен бөлісеміз. Мен Назарбаев университеті Ли Куан Ю мемлекеттік басқару мектебімен жақсы қарым-қатынас орнатқанына қуанамын. Сингапурдың Мемлекеттік басқару колледжі ҚР Президенті жанындағы Мемлекеттік басқару академиясымен мемлекеттік қызметшілердің әлеуетін дамыту жөніндегі өзара түсіністік туралы меморандумға қол қояды. Алайда, басқару бойынша модельдің қайталануы жақсы жолдың бірі болмауы мүмкін»,-деді Го Чок Тонг.

Сөзін қорытындылай келе Го Чок Тонг ҚР Президенті Нұрсұлтан Назарбаевпен алда болатын кездесу туралы айтты.

«Менің сапарым елдер мен халықтар үшін жақсы ынтымақтастық қарым-қатынастарды дамытуға жәрдемдесетін болады деп сенемін»,-деді Го Чок Тонг.

Естеріңізге сала кетейік, кеше ҚР Премьер-Минитсрі Бақытжан Сағынтаев Сингапур парламентінің мүшесі, Құрметті аға министрі Го Чок Тонгомен кездесті. Тараптар Қазақстан мен Сингапур арасындағы экономикалық және инвестициялық ынтымақтастықты жандандыру, өзара сауда-саттық көлемін арттыру үшін жағдайлар тудыру қажеттігін атап өтті.

Ақпарат көзі: strategy2050.kz

0
0
833

Г.Әбдіқалықова: Қазақстанда туберкулезге қарсы күрестің жоғары деңгейде ұйымдастырылған жүйесі қалыптасты

Қазақстан Республикасының Мемлекеттік хатшысы Гүлшара Әбдіқалықова Туберкулезді ықпалдастыра бақылау жөніндегі халықаралық конференция жұмысына қатысты, деп хабарлады Ақорданың баспасөз қызметі.

Іс-шараға Қазақстан Республикасы Денсаулық сақтау және әлеуметтік даму министрі Тамара Дүйсенова, ДДҰ Туберкулез жөніндегі бюросының көшбасшысы Масуд Дара, Жаһандық қордың өңірлік менеджері Николя Канто, Кореяның Туберкулез институтының директоры Хи Джин Хим, РФ Денсаулық сақтау министрлігінің штаттан тыс бас фтизиатры Ирина Васильева, ҚР-дағы АҚШ Елшісі Джордж Крол, АҚШ-тың Халықаралық даму жөніндегі агенттігінің, ҚР Қызыл Ай Қоғамының өкілдері, шетелдік және қазақстандық жетекші ғалымдар, фтизиатрлар мен сарапшылар қатысты.

Конференцияның басты мақсаты туберкулезді бақылауды ықпалдастыра  жүргізу, атап айтқанда медициналық-санитарлық алғашқы көмек ұйымдары деңгейінде туберкулезді диагностикалаудың және емдеудің жеделдетілген әдістеріне қолжетімділік аясын кеңейту, пациенттер мен дәрігерлердің өзара тең жауапкершіліктерін арттыру болып саналады.

Конференцияда сөз сөйлеген Г.Әбдіқалықова БҰҰ-ның Мыңжылдық мақсаттарының бірі – туберкулездің таралуын тоқтатуға және 2015 жылға қарай ауру-сырқауды азайту үрдісіне әлемдік қоғамдастық қол жеткізгенін атап өтті. Нәтижесінде 2000 жылдан бастап туберкулезбен ауыру 18%-ға төмендеді. Бүгінде орнықты даму мақсаттарындағы міндеттердің бірі ретінде айқындалған «2030 жылға қарай туберкулез індетін түбегейлі жою» әлемдік қоғамдастықтың күн тәртібінде тұр.

Сондай-ақ, Г.Әбдіқалықова Қазақстанның тәуелсіздік жылдары қол жеткізген денсаулық сақтау саласындағы жетістіктеріне тоқталды. Мемлекеттік хатшы «Қазақстан-2050» ұзақмерзімді стратегиясында Мемлекет басшысы медициналық көмектің қолжетімділігі мен сапасының деңгейін арттыру үшін қажетті жағдайлар жасау міндетін алға қойғанын айтты.

Мемлекеттік хатшы елімізде туберкулезге қарсы күрестің жоғары деңгейде ұйымдастырылған жүйесі қалыптастырылғанын атап өтті. Ол денсаулық сақтаудың және әлеуметтік қамсыздандырудың барлық қызметтері түрін қамтиды.

БДҰ стандарты – 85% жағдайында туберкулезбен ауыратын науқастарды емдеу тиімділігі 87,6% болды, БДҰ стандарты – 85% жағдайында көптеген дәрілерге көнбейтін туберкулезбен науқастанғандар арасында - 75,1%-ды құрады. Көрсетілген іс-шараларды жүзеге асыру халықтың арасындағы ауру-сырқауды 1,5 есе (100 мың халыққа шаққанда 2011 жылғы 86,6-дан 2015 жылы 58,5-ке), ал туберкулезден болатын өлім-жітімді 2 есе (100 мың халыққа шаққанда 2011 жылғы 8,4-тен 2015 жылы 4,1-ге) төмендетуге мүмкіндік берді.

Сонымен қатар, Г.Әбдіқалықова Қалалық кардиология орталығында болды.

Ақпарат көзі: strategy2050.kz

0
0
503

С.Битаев: Волонтерлар жылу маусымы кезінде өрт қауіпсіздігінің тәртіптерін түсіндіруге көмектесе алады

Волонтерлар жылу маусымы кезінде өрт қауіпсіздігінің тәртіптерін түсіндіруге көмектесе алады.Бұл туралы Орталық коммуникациялар қызметінде өткен брифингте ҚР Ішкі істер министрлігі Төтенше жағдайлар комитеті төрағасының бірінші орынбасары Сәбит Битаев айтып өтті.

«2016 жылғы қазан айында төтенше жағдайлардың алдын алу және оларды жою жөніндегі ведомствоаралық мемлекеттік комиссия отырысын өткізу жоспарлануда, онда қысқы кезеңде тыныс-тіршілікті қамтамасыз ету объектілерінің дұрыс жұмыс істеуіне және азаматтардың қауіпсіздігіне байланысты сұрақтар кешенінің барлығы қаралатын болады. Осындай жұмыс жергілікті жерлерде, облыстардың, қалалардың және аудандардың  әкімдері басқаратын төтенше жағдайлар жөніндегі комиссиялар деңгейінде ұйымдастырылатын болады», - деді С. Битаев.

Жылу беру маусымындағы өрттер кезінде адамдардың қаза болуының және жарақат алуының алдын алу мақсатында ағымдағы жылдың ақпан-наурыз айларында Комитеттің аумақтық бөлімшелері азаматтық қорғау органдарының 4 мыңнан астам қызметкерінің қатысуымен өрт қауіпсіздігі сенбіліктері өткізілуде, түсіндіру жұмыстары жүргізілді, 80 мыңға жуық ақпараттық брошюралар, нұсқаулықтар және жаднамалар таратылды. Осылайша 50  мыңнан астам тұрғын үй қамтылды.

Тексеру барысында өрт қауіпсіздігі қағидаларын сақтау және өрт болған кездегі іс-қимылдар бойынша 237 нұсқаулық жүргізілді, 3,5 мыңнан артық жұмысшы қамтылды. Жедел тактикалық жағынан аса қиын объектілерде өрт сөндірудің жедел құжаттамасын түзету арқылы 77 өрт-тактикалық сабақ өткізілді.

«Сіздер арқылы да республикамыздағы волонтерлер қауымдастықтарына өтініш жасағым келіп отыр. Соңғы уақытта Қазақстанда волонтерлер қауымдастығының жұмысы күшейіп бара жатқаны белгілі, біздің бөлімшелеріміздің волонтерлардің қатысуымен бірнеше рет жүргізілген іздестіру жұмыстары осыған дәлел. Бүгінгі күні біз тағы да волонтерлерді халық арасында үгіттеу-профилактикалық жұмыстарды кеңінен жүргізу мәселелері жағынан көмек көрсетуге шақырғымыз келіп отыр,- деп С. Битаев атап өтті.

ҚР ІІМ ТЖ комитеті тұрғын үйлерде (пәтерлерде) өрт қауіпсіздігін қамтамасыз ету мақсатында азаматтарды өрт қауіпсіздігі қағидаларын мүлтіксіз сақтауға және орындауға шақырады.

Ақпарат көзі: strategy2050.kz

0
0
670

Сингапур Қазақстанмен мемлекеттік мекемелерді жекешелендіруді жүзеге асырудағы тәжірибесімен бөлісуге әзір

Сенат Төрағасы Қасым-Жомарт Тоқаев Астанаға сапармен келген Сингапур Республикасының Құрметті аға министрі, бұрынғы Премьер-министрі, Парламенттің депутаты Го Чок Тонгпен кездесті, деп хабарлады Сенат.

Қ.Тоқаев Қазақстанда Сингапур жоғары деңгейде дамыған, көп ұлтты мемлекет ретінде шынайы құрметке ие екенін атап өтті. Сингапурдың тұңғыш Премьер-министрі Ли Куан Ю 1991 жылы Қазақстанға келгені, сондай-ақ Президент Нұрсұлтан Назарбаев 1996 және 2003 жылдары Сингапурға сапарлары екіжақты байланыстардың берік негізін қалады, сондай-ақ алдыңғы саптағы мемлекетті құруда Сингапур тәжірибесін мұқият зерделеудің мүмкіндігіне ие болды.

Төраға Қазақстанның саяси жүйесіндегі Сенаттың рөлі, сондай-ақ еліміздегі бес институттық реформаны іске асырудағы ұлт жоспарының орындалуы туралы әңгімеледі. Сенат Төрағасының сәуірдегі Сингапурға сапары барысында жаңа деңгейге көтерілген екіжақты парламентаралық байланыстары кездесу барысында жоғары бағаға ие болды.

Қазақстанда Парламент Төрағасы Халима Якоб бастаған сингапурдың жауап ретіндегі сапары күтілуде. Сингапурлық саясаткер өз кезегінде Қазақстан Орталық Азиядағы аса маңызды мемлекет екенін, оған Сингапурдың негізін салушы Ли Кун Ю назар аударғанын атап өтті.

Го Чок Тонгтың айтуынша, оның Астанаға сапарының мақсаты АСЕАН, Қытай және Үндістан аймағында басым шоғырланған сингапурлық бизнестің назарын Қазақстанға аудару болып табылады. Бұл тұрғыда «ЭКСПО-2017» халықаралық көрмесі зор мүмкіндіктер туғызады. Құрметті аға министр екі елдің бизнес саласындағы делегацияларының алмасуларына ықпал етуді маңызды деп санайды. Сонымен қатар Сингапур мемлекеттік мекемелерді жекешелендіруді жүзеге асырудағы тәжірибесімен бөлісуге әзір.

Мейманның пікірінше, саяси институттарды нығайтуды, салық жүйесін және басқа да бағыттарды жетілдіруді білдіретін «жұмсақ инфрақұрылым» («soft infrastructure») салаларын дамытуда екі елдің мемлекеттік аппараттары арасындағы ынтымақтастықтың маңызы зор.

Оған «Назарбаев университеті» мен Ли Кун Ю атындағы мемлекеттік саясат мектебі арасындағы әріптестік өзара іс-қимылдың тамаша үлгісі болып табылады. Го Чок Тонг сонымен қатар Сингапур тарапы қытайлық «Бір белдеу, бір жол» бастамасы арқылы екі экономиканың өзара іс-қимыл мүмкіндіктерін зерделеп жатқанын хабарлады.

Ақпарат көзі: strategy2050.kz

0
0
492

Әл-Фараби атындағы ҚазҰУ жетістігі елдің қарқынды дамуымен тікелей байланысты - Мұтанов

Елбасының атына Әл-Фараби атындағы Қазақ ұлттық университетінің ректоры Ғалымқайыр Мұтановтан хат келіп түсті, деп хабарлады Ақорда.

Әл-Фараби атындағы ҚазҰУ ректоры хатта университеттің барлық маңызды жетістігі Қазақстан Президентінің басшылығымен елдің тәуелсіздік жылдарындағы қарқынды дамуына тікелей байланысты екеніне назар аударады.

«Бұл жылдары Қазақстан әлемдегі танымал әрі бәсекеге қабілетті іргелі мемлекеттің біріне айналып, тиімді экономика құру, азаматтардың әл-ауқатын арттыру, саяси демократияландыру және халықаралық интеграция мен жаһандық үдерістерге көшбасшылық ету жолында зор табыстарға қол жеткізді» – делінген хатта.

Ғ.Мұтанов университеттің әлемдік беделі артып келе жатқанына тоқталады.

«ЮНЕСКО-ның әл-Фараби атындағы ҚазҰУ-ды Орталық Азия өңірі бойынша хаб ретінде және тұрақты даму мәселелері жөніндегі жаһандық хаб ретінде мойындауы осының дәлелі саналады. Университеттің маңызды жетістігі – 2016 жылы беделді QS рейтинг агенттігінің (Ұлыбритания) зерттеу қорытындысы бойынша әлемнің үздік ТОП-250 университеттері қатарына енуі» – делінген хатта.

Сондай-ақ, университет ректоры халықаралық стандарттарға сәйкес келетін басқарудың тиімді жүйесінің ҚазҰУ-да табысты енгізілгенін атап өткен.

«Университетте үдерістік менеджмент пен еңбек жетістігін рейтингтік бағалауға бағытталған басқару жүйесі енгізілді. Әлемнің алдыңғы қатарлы университеттері үлгісімен ҚазҰУ-да халықаралық аккредитациядан өткен эксперименттік білім беру бағдарламалары әзірленіп, қолданысқа енгізілді» – делінген хатта.

Оқу ордасының басшысы мемлекет-жекеменшік серіктестігі арқасында университеттің бірқатар білім беру және инфрақұрылымдық нысандарының құрылысы аяқталғанын атап өткен.

«Механика-математика, физика-техника және химия факультеттерінің жаңа оқу ғимараттары, әл-Фараби ғылыми кітапханасы, Жас ғалымдар үйі, «Керемет» студенттерге қызмет көрсету орталығы, медициналық диагностикалық орталығы салынды. Бұдан бөлек, биылғы оқу жылында Д.Баландин атындағы жүзу бассейні және Студенттер мен түлектердің салтанатты қақпасы ашылды» – делінген үндеуде.

Соңында университет ректоры оқу орнының ұжымы атынан университетке көрсеткен қолдауы және отандық білім мен ғылымды дамыту мәселелеріне қамқорлығы үшін Қазақстан Президентіне алғыс білдірді.

Ақпарат көзі: strategy2050.kz

0
0
889

Қазақстан мен Франция ғарыш бағдарламалары саласында ынтымақтастықты күшейтуде

Қазақстан Республикасының Инвестициялар және даму министрлігі Аэроғарыш комитетінің (Қазғарыш) төрағасы Еркін Шаймағамбетов бастаған Қазғарыш делегациясы жұмыс сапарымен Франциядан оралды, деп хабарлады Қазғарыштың баспасөз қызметі.

Қазғарыштың басшысы жұмыс сапары барысында «Airbus Defence and Space» («Airbus D&S») француз компаниясының басшылығымен кездесті, сондай-ақ «Ғалам» қазақстан-француз кәсіпорнының («Ғалам» ЖШС) Байқау кеңесінің (БК) отырысына қатысты, Тулуза қаласындағы ғарыш қалашығын аралап көрді.

Қазғарыш делегациясы «Astrolabe» кәсіпорнындағы арнайы «Airbus D&S» оптикалық құрал-саймандарының ғимараттарын, «Airbus Geo Intellegence» еншілес кәсіпорнының жерді қашықтықтан зондтау деректерін өңдеу және тарату орталығын, «Intespace» кәсіпорнының вибрациялық стендін, термовакуумдық, реверберациондық акустикалық камераларын аралап көрді. Қазғарыш өкілдері «Cite de l’Espace» ғарыш-паркіне барып, Француз Республикасының ғарыш саласын дамытуға арналған тақырыптық экспозициялармен танысты.

«Тулуза қаласындағы ғарыш қалашығының құрылуы мен жұмыс істеу тәжірибесі біз үшін өте қажет, өйткені біз де Қазақстанда Ұлттық ғарыш орталығын салып жатырмыз, оның басты объектісі француздық әріптестермен бірлесіп құрып жатқан ғарыш аппараттарын құрастыру-сынау кешені болмақ», – деп атап өтті  Қазғарыш басшысы Е. Шаймағамбетов.

Өз кезегінде «Airbus D&S» компаниясының аға вице-президенті, бірлескен қазақстандық-француздық жобаларға жауапты тұлға Хьюго Лапорт осы компанияның ғарыш жүйелерінің басшысы Николя Шамуссидің атынан Е.Шаймағамбетовті Қазғарыштың төрағасы лауазымына тағайындалуымен құттықтады.

«Сіз ҚР ИДМ Аэроғарыш комитетінің төрағасы ретінде жаңа лауазымда жұмыс істей отырып, Қазақстан пен Францияның ғарыштық бағдарламаларын іске асыру мүддесіндегі біздің нәтижелі ынтымақтастығымызды нығайтуға, сондай-ақ әлемдік ғарыш қызметінің көшбасшыларының бірі ретінде, Қазақстан Республикасының рөлін нығайту жөніндегі саясатты одан әрі жалғастыруға ықпал етеді деп сенім білдіреміз», – Х. Лапорт.

Бұдан басқа, құрамына «Қазақстан Ғарыш Сапары» ҰК» АҚ Марат Нұрғожин, «Ғалам» ЖШС Бас директоры Баубек Оралмағамбетов, Қарғарыштың мамандары кіретін қазақстандық делегация «Airbus D&S» стратегиялық серіктес өкілдерімен бірқатар кездесулер өткізді.

Бірлескен жобаларды іске асырудың алғашқы нәтижелері қарастырылды. Қазақстан Республикасының Жерді қашықтықтан зондтау ғарыш жүйесінің нәтижелері – бұл ғарыш түсірілімдерін тұтынушылардың халықаралық нарыққа шығуы.

«Ғарыш аппараттарының құрастыру-сынау кешенін құру мәселесіне баса назар аударылды, ол үшін қазір Еуропадан технологиялық жабдықтарды жеткізу жүзеге асырылуда», – деп атап өтті М. Нұрғожин.

Сонымен қатар, тараптар одан әрі ынтымақтастық жөніндегі перспективалық жобаларды талқылады.

Ақпарат көзі: strategy2050.kz

0
0
430

Алматыда 2017 жылғы Универсиадаға еріктілерді іріктеу басталады

2017 жылғы 28-ші қысқы Универсиадаға еріктілерді іріктеудің басталғаны хабарланды. Шаһардағы ЖОО-да, дирекция қызметкерлері алдағы халықаралық жарыстың еріктілер қозғалысы туралы таныстырылымын жасайды, деп хабарлады Универсиадағы дайындық туралы дирекция.

Еріктілерді іріктеудің негізгі кезеңі бүгін, 27 қыркүйекте басталады. Қазіргі уақытта, Алматыдағы университеттерде Универсиаданың еріктілер қозғалысы туралы таныстырылмдар өткізілуде. Шаһардағы алдыңғы қатарлы ЖОО-мен ынтымақтастық туралы меморандумдар жасалды. Бұдан бөлек, Универсиада сайтында өтініштер қабылдау жалғасуда және үміткерлермен танысу өтуде. Оларды алдағы бұқаралық, мәдени, спорттық және де басқа шараларға тарту жөнінде жұмыстар жүргізілуде.

«Универсиадаға дайындық барысында еріктілер тренингтерден өтіп қана қоймай, олардың көшбасшылық және ұйымдастырушылық қасиетін дамыту үшін түрлі командалық ойындар, спорттық нысандарда квестер ұйымдастырамыз. Еріктілерді тартуда бізге, қазақстандық актерлар мен шоу-бизнес өкілдері көмектесуде», - деді 2017 жылғы Универсиадаға дайындалу мен өткізу дирекциясы басшысының орынбасары  Камила Лұқпанова.

Дирекция мәліметінше, 2017 жылғы Универсиадаға әсіресе, Ресей, Германия,  Беларусь, Польша, Корея, Қытай, АҚШ, Ұлыбритания және Қырғызстаннан халықаралық еріктілер қызығушылық танытуда.

«2017 жылғы Универсиада кезінде 100 халықаралық еріктіні жұмылдыруды жоспарлаудамыз. Олардың барлығы кез-келген ауа-райына арналған спорттық киіммен, тамақпен, ұялы байланыспен, қалада көлікпен еркін жүруге мүмкідік алады. Эстафета Алауын іске асыруда, біз барлық халықаралық еріктілермен, өңірлердегі белсенділермен тығыз байланыстамы. Ерікті болғысы келетін кез-келген адам, almaty2017.com сайтына кіріп, анкета толтыра алады», - деді  2017 жылғы Универсиадаға дайындалу мен өткізу дирекциясы басшысының орынбасары.

27 қыркүйектегі мәліметтерге сәйкес, Универсиаданың ресми сайты арқылы 5000-нан астам үміткерлер тіркелген. Оның 1300 өтініші –  Алматы қаласы ЖОО-ның студенттерінен келген.  Жалпы, Универсиаданы ұйымдастыруға 3 мың ерікті тартылмақ. Универсиада кезінде еріктілер 30 функционалды бағытта қызмет атқарып, Алматыға келген спортшыларға, бапкерлерге, делегаттарға және туристтерге қажетті қызметті ұсынады.

Ақпарат көзі: strategy2050.kz

0
0
325

«Ардагерлерді ардақтайық»

20 сентября текущего года  Корпоративным фондом «Фонд «Жас Отан» по Северо-Казахстанской области при поддержке Управления внутренней политики Северо-Казахстанской области была проведена акция "Ардагерлерді ардақтайық" по оказанию адресной помощи ветеранам Великой Отечественной Войны и пожилым людям.

В рамках этой акции состоялось два выезда. Первыми жасотановцы посетили Усманову Фаину Камаловну, Труженника Тыла, когда то секретаря Музыкально- Педагогического факультета Северо-Казахстанского Государственного Университета имени М.Козыбаева. Фаина Камаловна тепло встретила ребят и искренне обрадовалась таким гостям. Рассказала о своей молодости, о временах проведенных в стенах Университета. Наверно те кто смог поговорить с такой веселой женщиной никогда не скажет что в этом году Фаине Камаловне исполнилось 90 лет. Не смотря такой возраст она остается позитивной. К концу встречи жасотановцы вручили ей социальный пакет, который содержит продукты первой необходимости.

 

Вторыми жасотановцы навестили не менее позитивного человека Лунева Ивана Григорьевича. Активисты помогали ему убирать мусор во дворе. Ветеран войны, бывший майор Иван Григорьевич даже в таком возрасте пытался помочь ребятам и рассказывал интересные истории из своей молодости.

 

Ағымдағы жылдың 20 қыркүйегінде Солтүстік Қазақстан облысы "Жас Отан "Қоры" Корпоративтік қоры Солтүстік Қазақстан облысы бойынша ішкі саясат Басқармасының қолдауымен "Ардагерлерді ардақтайық" Ұлы Отан Соғысының ардагерлері мен қарт адамдарға көмекті көрсету бойынша акциясы өтті.

Осы акция аясында жасотандықтар екі ардагерлерге қонаққа барды . Бірінші жасотандықтар Тыл Еңбеккері, М. Қозыбаев атындағы Солтүстік Қазақстан Мемлекеттік Университетінің Музыкалық – Педагогикалық факультетінің хатшысы болған Усманова Фаина Камаловқызына барды. Фаина Камаловна жылы қарсы алып, балаларды көргенде көңіл-күйі көтерілді. Өзінің жастық шағы, Университет қабырғасында жұмыс істеген кезеңдері туралы әңгімелеп берді. Осы жылы Фаина Камаловна 90 жасқа толды. Кездесу соңында жасотандықтар оған әлеуметтік пакет құрамында бірінші қажеттілік азық-түлігі бар табыс етті.

Екінші жасотандықтар өте позитивті адам Лунева Иван Григорьевичқа қонаққа барды. Белсенділер оған ауладағы қоқысты жинауға көмектесті. Соғыс ардагері, бұрынғы майор Иван Григорьевич тіпті балаларға көмектесуге тырысып, өзінің жастық шағының қызықты сәттерін айтып отырды.

 
0
0
750

Мобилділік

Сәлеметсіз бе құрметті оқырман,

Бірінші дербес компьютер ойлап табылғаннан бастап адам өмірі бір қадам болса да жақсарды. Қолжазбаның қажеті азайды. Қате кетеді, қателесіп қалсам қайтадан басынан жазу керек болады деп уайымдамайсыз, өзіңізге ұнаған сөйлем болса көшіріп әуре болмайсыз. Тышқанның батырмасын немесе пернетақтаны қолданып керек деген сөйлемді өзіңізге көшіре аласыз. Бір сөзбен айтқанда кішкене болса да өмір жеңілдеді.

Осының салдарынан зардап шеккендер де бар деп ойлаймын. Солардың біреуі, мысалы, қалам шығару зауыты. Қалам сатып алушылар саны азайды және бұрын қаламға жұмсаған қаражатын қазір компьютер сатып алуға жұмсайды. Былай қарасаңыз бір адам үшін түк емес, ал қалам шығарушы зауыт үшін әр сатып алушы бағалы. Компания қанжығасына түсетін ақша азайды, көп жұмысшылар жұмысынан айырылды, кейбір компаниялар тіпті құрдымға кетті.

Компьютерден зардап шегушілер бұлар ғана емес. Қолжазбасына қарап автордың қандай екенін, кім болғанын айтып беретін адамдардың жайы не болмақ. Бәрінің жазуы бірдей, компьютер арқылы жазылған және принтермен басып шығарылған. Принтердің ерекшелігін айтып бермесе, бұл адамдарға мамандығын ауыстыруға тура келеді.

Ойымды түйіндесем, адамзат тоқтаусыз даму үстінде, бір кездері керек болған нәрсе қазіргі кезде мүлде қажетсіз болуы мүмкін. Сол өзгерістерге кейде 1-2 жыл кетіп жатса, кейде ондаған-жүздеген жылдар кетіп жатады. Қалай болғанда да, әрбір адам бір орында қатып қалмай осы өзгерістерге дайын болу керек. Мобильділік - қазіргі заман талабы.

   
0
0
651