Қазақстан Республикасы Тәуелсіздігінің 25-жылдығын тойлау аясында Қазақстан жастарының конгресі "Жаңа дем" пилоттық жобасын жүзеге асырды. 2016 жылдың 21 қыркүйек күні Екібастұз қаласының жастары Екібастұз ауданындағы Ә.Марғұлан атындағы ауылында жөндеу жұмыстарын жүргізді. Жоба мақсаты – қала жастарының активімен шалғай ауылдардағы жөндеу жұмыстарын қажет ететін үйлерге жөндеу жұмыстарын жүргізу, қала жастары мен ауыл жастарының қатынасуына мүмкіндік жасау және ауыл жастарынамастер-класстар, тренингтер өткізу. Жоба ұйымдастырушысы «Қазақстан жастарының конгресі» ЗТБ. Павлодар облысындағы жоба қолдаушысы – «Нұр Отан» ХДП-ның Екібастұз қалалық филиалы.
«Жаңа дем» бағдарламасы ауылдық елді мекендердің жандануына және оларға қолдау көрсетіп, жастарды көркейтуге шақыруға бағытталған.
Қала жастарынан құралған еңбек жасақтарының мүшелері Ақтөбе, Павлодар, Қарағанды және Батыс Қазақстан облыстарының 25 ауылдық жерлерінде жөндеу жұмыстарын жүргізеді. Қазіргі таңда 9 ауыл бойынша қажет еткен әлеуметтік қорғалмаған отбасылар, еңбек ардагерлері, зейнеткерлер үйлеріне әрлеу жұмыстары атқарылды.
Қазақстан Республикасы Ұлттық музейінде Маңғыстау облысы музейлерінің «Мұралы Маңғыстау» атты көрмесінің ашылу салтанаты өтті, деп хабарлады Ұлттық музейдің баспасөз қызметі.
Көрме Ұлттық музейдің «Ғасырлар қойнауынан сыр шерткен Қазақстан» жобасы аясында ұйымдастырылды.
Маңғыстау облысы тарихи-өлкетану музейінің және облыстағы басқа да музейлердің ерекше жәдігерлерінен жасақталған көрмеге Ұлттық музей директоры Дархан Мыңбай, Маңғыстау облысы тарихи-өлкетану музейінің директоры Тамара Жұмалиева және ғалымдар мен музей қызметкерлері, БАҚ өкілдері қатысты.
Ұлттық музей директоры Дархан Мыңбай маңғыстаулықтарға алғысын білдіріп, барша қонақтарды көрменің ашылу салтанатымен құттықтады. «Маңғыстаудың қазақтың тарихындағы орны айрықша. Ешбір ғалым қазақтың өткенін зерттеген тұста Маңғыстаудан айналып өте алмайды. Өйткені біздің негізіміз, біздің мол мұрамыз сол жерде. Дәстүріміз де, тіліміз де, дініміз де сол жерде жақсы сақталғаны анық», – деп көрменің тарихи маңыздылығына тоқталып өтті.
Маңғыстау облысы тарихи-өлкетану музейінің директоры Тамара Жұмалиева көрме экспонаттарының арасындағы ерекшелеріне тоқталып, шолу жасады. «Музей ісіндегі үлкен жетістік, үлкен табыс – Ұлттық музейдің шаңырақ көтеруі. Ел егемендігімен бірге музейлер де өзінше жаңғырып, жаңарып жатқанда Ұлттық музей Қазақстандағы музей қызметкерлерінің еңбегін жандандыра түсті деп есептеймін. Сондықтан да бұл музей – барша музей қызметкерлерінің тәжірибе алмасып, бас қосатын үлкен ордасы. Қазақ ұлтының дамуына, өркендеуіне, өз болмысын сақтауына, келешек ұрпақтың қазақ тарихынан сусындауына Ұлттық музейдің қосар үлесі мол», – дей келе, көрмені ұйымдастыруға қолдау білдірген Ұлттық музейдің ұжымына алғыс айтты.
«Мұралы Маңғыстау» атты көрмеге Маңғыстаудың археологиясы, түбектің қазба байлықтары, палеонтологиялық жиынтықтар, орта ғасырлар тарихы және ерте дәуір экспонаттары қойылған. Сонымен қатар Ұлттық дәстүрлі қолөнер, Маңғыстаудың рухани мұралары мен мұнай игеру барысын баяндайтын жәдігерлер бар. Көрмеде осы өлкеден шыққан Абыл ақын, Нұрым жырау, Қашаған, Аралбай, Ақтан, Өскенбай, Жылкелді, Досат, Әділ, Шолтаман, Тастемір, Тұрсын, Мұрын жырау тағы да басқа көптеген ұлы тұлғаларға қатысты экспонаттар бар. Қазақстанның Халық жазушысы Әбіш Кекілбаевқа арналған «Ұлы дала Абызы» атты жеке көрме де қойылды. Аталған көрме 7 қарашаға дейін жалғасады.
Қазақстанның Хельсинкидегі елшілігінде Қазақстанның елшісі Мұрат Нұртілеуовтың Оңтүстік Саво (Шығыс Финляндия) губернаторы Пентти Мяккиненмен, Сауда-өнеркәсіптік палатасының басшысы Маркку Какряйненмен және Суоми өңірінің 15 ірі компанияларының өкілдерімен кездесуі өтті.
Іс-шара барысында М. Нұртілеуов қатысушыларды Тәуелсіздіктің 25 жылы ішіндегі Қазақстанның жетістіктері туралы толық ақпараттандырды.
Қазақстан Президенті Нұрсұлтан Назарбаевтың ауқымды әлеуметтік және институционалдық реформаларды жүзеге асыруға, ұлттық экономиканы әртараптандыруға, индустриялық және инфрақұрылымдық қуаттылықтарды жаңғыртуға, сондай-ақ шетелдік бизнестің жұмысы және инвестициялар тарту үшін қолайлы жағдайлар қалыптастыруға бағытталған бастамаларына ерекше көңіл бөлінді, деп хабарлайды ҚР СІМ.
Фин кәсіпкерлерінің пікірі бойынша, «100 нақты қадам» ұлт жоспарының, үдемелі индустрияландырудың 2015-2019 жылдарға арналған мемлекеттік бағдарламасының сәтті іске қосылуы және «жасыл экономикаға» біртіндеп көшу Қазақстанның ұзақ мерзімді және тұрақты дамуы үшін жақсы негіз болады.
Оңтүстік Саво өкілдерінің қызығушылық білдіруі мен талқылаулары тараптардың әлеуетін арттыратын және сауда-экономикалық, инвестициялық және технологиялық өзара іс-қимыл тұрғысында бизнес пен мемлекет алдында ынтымақтастықтың жаңа мүмкіндіктерін ашатын Қазақстанның бастамалары мен континент аралық ірі жобаларға әкелді. Айқын басымдықтар арасында «Нұрлы жол» инфрақұрылымдық бағдарламасының «Жібек жолы экономикалық белдеуі» қытай бастамасымен түйіндесуі, ЕАЭО құру арқылы нарықтардың кеңеюі және ҚР-ның ДСҰ-ға мүшелік етуі, сондай-ақ ЕО-мен кеңейтілген әріптестік туралы келісімге қол қою көрінеді.
Мұғалімдер болашаққа кілт. Умытпайык. Өйткені біздің бүлдіршіедеріміз сол кісілерден тәлім алады, ардайым қастарынан табылады. Жас бүлдіршіндерге әсері өте көп. Олардың болашақта қандай адам болып өсетіне, қандай өмірлік жолының есігін ашу таңдауында мұгалімдер кілт. Берер кеңестері ардайым жағдайға сай, ойткені тажірбиелі мұгалім кеңесі, он тәжірбиесіздің кеңесіне тең. Қазіргі кезы мұғалім статусы мен қоғамдағы рөлі озгеріп келеді. Қазір білікті маман үлкен жалақы қамқорлығына ие болып, білім саласының елеулы тұлғасына айнала алады, жеке өзгерістер енгізе алатынға қол жеткізіп отыр. Оған қоса қазіргі Былым Министрлігі мұғалімдерды үлкен қамқорға алды, мұғалім мамандығы маңыздылығын көтеріп келеді. Мұғалімдер күнімен құттықтаймын. Мұғалім жұмысының маңыздылығы, қаншалықты бала жүрегін баурап алуда. Сол себептен көп уақытты балалардың ішкі қабілеттерын дамыту мақсатында, Білім министрлігі мұғалімдік істегі документтік істерін жеңілдетіп, электронды құжат толтыру системасына көшірді.
Әр қазақтың міндетті түрде оқуы қажет кітабы – «Абай жолы» деп айтады деп ойлап отырған шығарсыз, бірақ мен олай айтпаймын, себебі өзім де оқымағам (басын бастап қойғам). Бүгін мен осы уақытқа дейін оқыған кітаптарымның ішіндегі ең үздік деп есептейтін 5 кітап жайлы айтпақпын. Және әр кітаптан түртіп алған дәйексөздермен бөлісемін. Ал ендеше кеттік!
5.Да Винчи коды. Дэн Браун.
Қазақтығыма сын келері анық, алайда мен Іліяс Есенберлиннің «Көшпенділерін» әлі оқымадым. Сол себепті бір күні университет кітапханасына осы кітапты алу үшін барған едім. Кітапханашы орыстың әйелі екен. Кітап өзге оқырмандардың қолдарында екендігін айтты. Басқа қандай кітап бар екен деп, сөрелерді көзбен шолып жүріп, Да Винчи коды деген кітапқа көзім түсті. Бұл атауды бұрын естігендіктен, орыс тілінде жазылған кітап екендігін білетінмін, сондықтан аутоматтты түрде екпінді соңғы «ы» әрібіне қойып оқыппын. Сөйтсем бол көптік жалғау емес, өзіміздің табыс септігіміз екен:)). Бұл туынды қазақ тіліне аударылғандығы қуантты.
Ал енді тікелей туынды жайлы айтатын болсақ. Аударма жақсы жасалған, алайда орыс тілінен аударылғандықтан кейбір сөйлемдерді орысша қалдырыпты (На вид идола родич. О мина зла). Сонысы ұнамады. Негізі кітапты оқып шығауға кеңес беремін. Бұл кітап арқылы сіздің дінге деген көзқарасыңыз өзгеретіні анық. Бұлай айтқанымның себебін кітаптан білгеніңіз жөн.
4. Махаббат қызық мол жылдар. Әзілхан Нұршайықов
Сезімдердің ішіндегі ең ұлысы болып саналатын махаббат жайлы қазақ тілінде жазылған керемет туындылардың бірегейі деп ойлаймын. Бұл кітаптың маған ұнауының екі себебі бар. Біріншісі, мен басты кейіпкер Ерболды өзіме ұқсаттым. Сүйгеніне сүйемін деген сөзді айта алмай жүрген бір сорлы:)). Екіншісі, маған автордың, яғни Әзілхан Нұршайықовтың жазу стилі қатты ұнады. Болып жатқан оқиғаны сипаттай алу қабілеті қайран қалдырды. Кітапты оқып біткенше бұл әлемнен кетіп, Меңтай мен Ерболдың жанында жүргендей болдым. Ерболдың Меңтайға деген шынайы махаббатына тамсандым.
Дәурен қайда маған оны сүйетін?
Тым болмаса киімінің киетін,
Не сол көрпе астарының бір сабақ
Жібі болсам денесіне тиетін.
Ерболдың Меңтайға арналған Қызыл көрпе(Меңтай туралы лирикалық ой) деген өлеңінен үзінді.
3.Антуан де Сент-Экзюперидің «Кішкентай ханзадасы» (фр. Le Petit Prince)
«Кішкентай ханзада» – әлемдегі теңдесі жоқ ертегі деп есептеймін. Бұл кітапты оқыған адамдардың барлығы менімен келіседі деген ойдамын. Кітапты оқыған кез-келген жанның өмірге деген көзқарасы жоқ дегенде 30°-қа болсын бұрылады деп есептеймін. Кітапта махаббат, достық, іңкәрлік сияқты жоғары сезімдерді теңеумен керемет жеткізе білген. Мысалы, өз басым, ертегідегі раушан гүлін қызға теңедім: тура қыздар сияқты өзіне не қажет екендігін білмейді, 24 сағаттық ықыласты талап етеді, өте нәзік:)).
«Кішкентай ханзада» әлемнің 180 тіліне аударылған. Қазақ тіліне ең алғаш 1967 жылы қазақтың белгілі жазушысы Тәкен Әлімқұлов аударған. Бұл кітап берер тәрбиесі мол образдарға толы, үлкен оқырмандардың да көңілінен шығатын керемет туынды деп есептеймін.
Өзің қолға үйреткеніңнің қай-қайсысын болмасын, сен олар үшін әрқашан жауапты боласың.
2. Батпырауық ұшырушы (ағыл. The Kite Runner). Халед Хоссейни.
Кітаптың шын атауы – The Kite Runner. Орыстар «Бегущий за ветром» деп аударыпты, негізгі аудармасы – «Батпырауық ұшырушы»
Алғаш рет Халед Хоссейнимен осы кітап арқылы таныстым. Кітапты 1,5 күнде бітірдім. Баяндалатын оқиғаның қызықтығы соншалық, кітапты бас алмай оқыдым. Кіршіксіз нағыз достық, адалдық және әкелік махаббат. Міне осы бір ұлы ұғымдарды бір кітаптың ішіне сыйдыра білген автордың алдында басымды игім келеді.
Бұл кітап маған таңсық дүниелердің бірі – әкелік махаббаттың қандай болатындығын үйретті. Бір тарапты болса да нағыз достықтың, адалдықтың және ең бастысы қайырымдылықтың не екіндігін үйретті. Сондықтан бұл кітаптың атауын мен қазақ тіліне «Қайырымдылар» деп аударар едім.
Бұл дүниеде жалғыз ғана күнә бар. Ұрлық. Ол – барлық күнәлардың негізі болып табылады. Қылмыскер адамды өмір сүру құқығынан, әйелді жарынан, ал балаларды әкесінен айырады. Өтірікші өзгелердің шындықты білу құқығынан, ал алаяқ болса әділеттілікке қол жеткізу мүмкіндігінен айырады. Аударған: Мұхамеджан Амангелді
1. Шантарам. Грегори Дэвид Робертс.
Шантарам мен оқыған кітаптардың ішіндегі теңдесі жоқ қайталанбас роман. Бұлай ойлайтын тек мен емес шығар. Шантарам - алғашқы сөздерінен баурап алып, соңғы тараудың соңғы сөзіне дейін оқып бітпей жібермейтін нағыз өнер туындысы. Автор шынайы махаббаттың, адал достықтың, құмарлықтың қандай болатындығын керемет сипаттай алған. Мен бұл кітаптан алған әсерімді жәй сөзбен жеткізе алмаймын. Менің қандай әсерде болғанымды білу үшін Шантарамды оқу қажет сияқты. Басқа жол жоқ. Кітап өте ауқымды болғанымен жеңіл оқылады. Детализация өте жоғары болғандықтан, кітап әлеміне кіріп кету қиыншылық туғызбайды. Бұл кітаптан мен көптеген өнегелі қанатты сөздерді кезіктірдім. Солардың ішіндегі ең таңдаулысы мынау:
Махабат отын өшіру мүмкін емес. Оны тіпті өшпенділікпен де сөндіре алмайсың. Іштегі ғашықтықты, нəзіктікті тіпті құштарлықты буындырып өлтіруге, не жай ғана қорғасындай алпауыт өкінішке айналдыра аласың, алайда махаббаттың өзін ешқашан өлтіре алмайсың. Махаббат - бұл өзіңдікінен өзге шындықты құлшыныспен іздеу. Осы бір құбылысты өзіңді арбамай, толықтай сезінген сəтте ол сенің жүрегіңде мəңгілікке қалып қояды.
Аударған: Мұхамеджан Амангелді
Қазіргі уақытта ағымдағы жылғы 30 қазанда мәслихаттардың шығып қалған депутаттарының орнына сайлау болатын 30 сайлау округінде кандидаттардың сайлау алдындағы үгіті жүріп жатыр, деп хабарлады ОСК.
«Сайлау заңнамасына сәйкес барлық кандидаттарға БАҚ-қа қол жеткізудің тең жағдайларына кепілдік берілген. Атап айтқанда мемлекет кандидаттарға теледидардан он бес минуттық сөз сөйлеуiне, радиодан он минуттық сөз сөйлеуіне, сондай-ақ баспа басылымдарында 0,1 баспа табақтан аспайтын көлемде екi мақала жариялауына қаражат тең бөлінуіне кепілдік береді», - делінген хабарламада.
Осыған байланысты ағымдағы сайлау науқанының шеңберінде облыстық мәслихаттар депутаттығына тіркелген әрбір кандидатқа үгіттік іс-шаралар мен көліктік шығыстарға бюджеттен 280 000 теңге, ал қалалық немесе аудандық мәслихат депутаттығына кандидаттарға – 165 000 теңге бөлінеді.
Сонымен қатар әрбір тіркелген кандидат сайлауалды үгіт жүргізу үшін кандидаттың жеке қаражатынан (2 285 900 теңгеден аспайтын), кандидатты ұсынған қоғамдық бірлестік бөлген қаражаттан (4 571 800 теңгеден аспайтын) және елдің азаматтары мен ұйымдарының ерікті қайырмалдықтарынан (6 857 700 теңгеден аспайтын) құралған өз сайлау қорын құра алады. Осылайша мәслихаттың шығып қалған депутатының орнына кандидаттың сайлау қорындағы ақшалай қаражаттың шекті мөлшері 13 715 400 теңгеден аспауы тиіс.
БАҚ шарт негізінде тіркелген кандидаттарға эфир уақытын, баспасөз бетінен орын береді. Бұл ретте шарттың талаптары белгiлi бiр кандидатқа артықшылық туғызбауы тиiс.
Жергілікті атқару органдары сондай-ақ шарт негізінде және тең жағдайларда кандидаттарға сайлаушылармен кездесулер өткізу үшін үй-жай ұсынып, үгіттік баспа материалдарын орналастыру үшін арнайы орындарды айқындайды және оларды стендтермен, тақталармен, тұғырлықтармен жарақтандырады.
Сайлау қорларын құрмайтын азаматтар, қоғамдық бірлестіктер қаржыландыруды қажет етпейтін сайлауалды үгіт жүргізуге құқылы.Мемлекеттік органдардың, жергілікті өзін-өзі басқару органдарының, сондай-ақ олардың лауазымды адамдарының: әскери қызметкерлердің, ұлттық қауіпсіздік органдары, құқық қорғау органдары қызметкерлерінің және судьялардың; сайлау комиссиялары мүшелерінің; діни бірлестіктердің сайлауалды үгіт жүргізуге құқығы жоқ. Сондай-ақ шетелдіктердің, азаматтығы жоқ тұлғалардың, шетелдік заңды тұлғалар мен халықаралық ұйымдардың үгіт жұмысын жүзеге асыруға құқығы жоқ.
Сайлау алдындағы жөнсіз үгітті, яғни, сайлау науқаны үшiн арнайы әзiрленген баспа материалдарын, соның iшiнде безендiрiлген материалдарды, сондай-ақ омырауға тағатын белгiлердi, жалауларды, жалаушаларды тегiн таратуды қоспағанда, сайлаушыларға тегiн немесе жеңiлдiк шарттарымен тауарлар, бағалы қағаздар беріп, қызметтер көрсетумен, сондай-ақ лотереялар, қайырымдылық акцияларын өткiзу, ақша төлеу не осындайларға уәде беру арқылы үгітті жүргізуге тыйым салынады
Сайлау күні және оның алдындағы күні БАҚ-та үгіттік материалдарды жариялауға жол берілмейді. Сайлау комиссияларының үй-жайларынан және дауыс беруге арналған үй-жайлардан тыс жерлерде бұрыннан ілулi тұрған баспа үгiт материалдарын сол орындарында қалдыруға болады. Авторлығын анықтауға мүмкін емес үгіттік материалдар анонимдік болып саналады. Анонимдік материалдарды таратқаны үшін әкімшілік жауапкершілік белгіленген.
ҚР АШМ Орман шаруашылығы және жануарлар дүниесі комитетінің төраға міндетін атқарушы Қайрат Үстеміров қатысуымен «Ерекше қорғалатын табиғи аумақтарда экологиялық туризмді дамыту» мәселесі бойынша арналған брифинг болып өтті.
Соңғы бес жыл ішінде жеке тұлғалардың ерекше қорғалатын табиғи аумақтарға келуінің оң үдерісі байқалуда, жалпы алғанда ЕҚТА-да 4,5 млн. астам адам болды. Сонымен, 2016 жылдың 7 айында 741 822 адам болды.
Ағымдағы жылы ерекше қорғалатын табиғи аумақтарды дамытуға республикалық бюджет қаражатынан қаржыландырудың көлемі – 8,1 млрд. теңгені 2015 жылға қарсы 6,8 теңгені құрады.
«Экологиялық туризмді дамыту мақсатында Орман шаруашылығы және жануарлар дүниесі комитеті мынадай іс-шараларды жоспарлауда: 2017 жылы неғұрлым көрікті орындар мен нысандар көрсетілетін 3D-сапарлар әзірлеуге кірісу, сонымен ақылы қызметтер көрсетуден ұлттық парктер алатын қаржы қаражатының бір бөлігін Қазақстан Биоәртүрлілікті сақтау қорының есепшотына аудару мәселесін пысықтаужәне де алдағы уақытта жиналған қаражатты парктердің, қорықтардың және резерваттардың инфрақұрылымын дамытуға жұмсау. Келесіде, ҚР Ұлттық парктері желісінің экотуристік брендингін құру мәселесін пысықтау және келушілерге қызмет көрсету және оларға мәліметтер беру үшін ЕҚТА кадрларын даярлау және олардың біліктілігін арттыру мәселесін пысықтау (көрсетушілер мен экскурсия ұйымдастырушыларды оқыту)», - деп айта кетті ҚР АШМ Орман шаруашылығы және жануарлар дүниесі комитетінің төраға міндетін атқаратын, Қайрат Үстеміров.
Мемлекеттік ұлттық табиғи парктердің шегінде табиғи аумақтардың рекреациялық сыйымдылығын, қатаң түрде белгіленген бағыт бойынша туристік және рекреациялық аймақтарды пайдалануға маршруттар ұйымдастыруды ескере отырып, туристер мен келушілердің ағынын реттеу жүйесін енгізу жұмыстары жалғастырылуда. Туристік және рекреациялық қызметтер аймағына бөле отырып барлық ұлттық парктердің аумағын аймақтарға бөлу өткізілді.
Сондай-ақ, ЕҚТА-ға келушілер санының көбеюі ЕҚТА-туризм инфрақұрылымын, қонақ күтетін үйлер, Сапар орталықтарын құрумен және жақсартумен, ЕҚТА-ны абаттандыруды жақсарта түсумен байланысты екенін атап өтуге болады. Қазіргі кезде Ақсу-Жабағлы МТҚ, Қорғалжын МТҚ, Бурабай МҰТП, Наурызым МТҚ және Іле Алатауы МҰТП-да 5 Сапар орталығы жұмыс істейді.
Астанада өтетін жәрмеңкеде ШҚО 300 тоннаға жуық түрлі ауыл шаруашылық өнімдерін ұсынады, деді ҚР Президенті жанындағы ОКҚ-да ШҚО әкімінің орынбасары Жақсылық Омар.
Оның хабарлауынша, тәуелсіздік жылдарында Шығыс Қазақстан облысы әлеуметтік-экономикалық дамуда, өнеркәсіп, ауыл шаруашылығы, мәдениет және спорт салаларында жарқын жетістіктерге жетті. Өңірде 170 білім нысаны өз есіктерін айқара ашты, оның ішінде 138 мектеп, 32 балабақша бар, 118 астам денсаулық сақтау нысаны ашылды. Мұнымен қоса, 40 мәдениет нысаны іске қосылып, спорт саласында 311 жаңа нысан пайдалануға берілді.
«Тәуелсісздік жылдары облыстың ішкі жалпы өнімі 260 есе өсіп, жалпы аймақтық өнім көлемі 330 есеге көтерілді. Аймақ өзінің металлургия саласындағы жетістіктерімен танымал. Өндірістік өнім көлемі 30 млн. теңгеден 1 млрд.астам теңгені құрап, 34 есе өскен», - деді Ж.Омар.
Өңір басшысының орынбасары, сондай-ақ, Шығыс Қазақстандық облысы Астанада ұйымдастыратын шаралар туралы айтып өтті. «Қазан айының 8-9 күндері «Хан Шатыр» сауда ойын-сауық орталығының алаңында «Қазақстанда жасалған» атты ауыл шаруашылығы өнімдерінің жәрмеңкесі ұйымдастырылатын болады. Жәрмеңкеде елорда тұрғындарына 300 тоннаға жуық түрлі ауыл шаруашылық өнімдері ұсынылмақ», деп қосты ол.
Сондай-ақ, Шығыс Қазақстан облысының Астанадағы күндері аясында мәдени шаралар да қарастырылған. 8-қазанда «Көрме» орталығында Шығыс Қазақстанның Берел қорымы, Шілікті обасы сынды бірқатар тарихи орындарда табылған құнды археологиялық артефактілердің көрмесі, Қазақстан Республикасының Ұлттық музейінде өңірдің бай мәдени өмірін таныстыратын «Шығыс Қазақстан суретшілері.Уақыт портретіне штрихтер» және «Үлкен жол кезеңдері» тақырыбындағы сурет және фото көрмелері, Ұлттық Академиялық кітапханасында «Тәуелсіздіктің жарқын жетістіктері: Шығыс Қазақстан» атты кітап көрмесі, театр сүйер қауымға, дәл осы күні Өскемен қаласындағы облыстық драма театры сахналайтын К. Людвигтің «Жұлдызды сәт» қойылымы және Семей қаласының Абай атындағы облыстық театры ұсынатын Ф. Достоевскийдің «Дядюшкин сон» атты спектакілі ұсынылып, «Қазақстан» спорт сарайында «Торпедо» және «Астана» балалар хоккей командалары арасындағы достық турнирі, балаларға хоккейден шеберлік сабағы өткізіледі.
Алматы қаласында ТМД қатысушы-елдердің салық органдары басшыларының үйлестіруші кеңесінің (ТМД СОБҮК) XXIII отырысы өтті, деп хабарлады ҚР Қаржы министрлігінің Мемлекеттік кірістер комитетінің баспасөз қызметі.
Отырысқа салық органдары басшыларының бастауымен Әзірбайжан, Армения, Белорусь, Қазақстан, Қырғызстан, Тәжікстан, Ресей, Молдова делегациялары, ТМД Атқарушы комитеті мен ТМД СОБҮК Базалық ұйымы – «Ресей Федерациясы Үкіметі жанындағы Қаржылық университет» өкілдері қатысты.
Іс-шараға құрметті қонақ ретінде Грузия Қаржы министрлігі Кірістер қызметінің делегациясы шақырылды.
Жиынның жұмысына қатысушылардың алдында Алматы қаласының әкімі Бауыржан Бәйбек сәлемдеме сөз сөйледі. Ол салықтық әкімшілдендіру саласындағы құзыретті мемлекеттік органдардың тиімді өзара қарым-қатынасына бағытталған Орталық Азияның аймақтық қаржы орталығы – Алматы қаласында өтіп жатқан бұл форумның маңыздылығына назар аударды.
ҚР Қаржы министрлігі Мемлекеттік кірістер комитетінің төрағасы Дәулет Ерғожин отырыстың төрағалық етушісі ретінде жұмысты ашып, оның қатысушыларына жемісті жұмыс атқаруды тіледі.
Ол жыл сайын салықтық әкімшілдендіру механизмінің жетілетіндігін, жаңа ақпараттық технологиялардың енгізілетіндігін, көрсетілетін қызметтің кеңейетіндігін және салық төлеушілерге жағымды жағдай жасалатындығын атап өтті.
XXIII отырыстың күн тәртібіне ТМД қатысушы мемлекеттердің өзара қарым-қатынасының өзекті мәселелері енгізілді. Талқылаудың бас тақырыбы тауарларға электрондық шот-фактуралар және ілеспе жүкқұжаттарды енгізу мен кдедендік және салық жүйелерін біріктіру бойынша ТМД қатысушы мемлекеттер салық органдарының тәжірибесі болды.
Қазақстандық тарап «Еуразиялық экономикалық одақ аумағына тауарларды әкелу және айналымға салудың кейбір сұрақтары» атты хаттаманы іске асыру мақсатында енгізілген «Электрондық шот-фактуралар» ақпараттық жүйесі туралы айтып берді.
ТМД салық органдарының өкілдері ҚР ҚМ Мемлекеттік кірістер комитетінің салықтық саясатты және салықтыұ әкімшілендіруді жүзеге асыру, оның ішінде электрондық шот-фактураларды енгізу бойынша жағымды тәжірибесі мен жоғары көрсеткіштерін атап өтті.
6 қазанда сарапшылардың отырысы болды. Онда көлеңкелі табысты, оның ішінде «көлеңкелі жалақыны» салықтық айналымға тарту тәжірибесі, заңи шешімдер, салықтық әкімшілендірудің құралдары, салықтық резиденттікті растау үшін электрондық сертификаттарды қолдану, сондай-ақ салық төлеушілердің салық органдарымен қарым-қатынасының заманауи әдістері талқыланды.
Сарапшылар келесі жылдың жұмыс жоспарына қосуға ұсыныстарды дайындады.
Жиынның қортындысында қазақстандық тарап Кеңестегі төрағалықты Қырғыз Республикасынан келген әріптестеріне тапсырды. Сонымен бірге Кеңесте келесі жылғы жұмыстың басты бағыттары анықталды, тиісті шешімдерге қол қойылды және СОБҮК 2016-2017 жылға арналған жұмыс жоспары бекітілді.
XXIII отырыстың ерекшелігі осы жылы Кеңестің құрылғанына 15 жыл толуында.
Осыған орай ТМД Атқарушы комитетінің шешімімен Кеңестің жұмысы мен оның құрылған күнінен енгізілген жобаларды іске асырылуына зор үлес қосқан ТМД салық органдарының қызметкерлері гармоталармен және алғыс хаттармен марапатталды.
Қазақстан Республикасы Ұлттық музейінде Маңғыстау облысы музейлерінің «Мұралы Маңғыстау» атты көрмесінің ашылу салтанаты өтті, деп хабарлады Ұлттық музейдің баспасөз қызметі.
Көрме Ұлттық музейдің «Ғасырлар қойнауынан сыр шерткен Қазақстан» жобасы аясында ұйымдастырылды.
Маңғыстау облысы тарихи-өлкетану музейінің және облыстағы басқа да музейлердің ерекше жәдігерлерінен жасақталған көрмеге Ұлттық музей директоры Дархан Мыңбай, Маңғыстау облысы тарихи-өлкетану музейінің директоры Тамара Жұмалиева және ғалымдар мен музей қызметкерлері, БАҚ өкілдері қатысты.
Ұлттық музей директоры Дархан Мыңбай маңғыстаулықтарға алғысын білдіріп, барша қонақтарды көрменің ашылу салтанатымен құттықтады. «Маңғыстаудың қазақтың тарихындағы орны айрықша. Ешбір ғалым қазақтың өткенін зерттеген тұста Маңғыстаудан айналып өте алмайды. Өйткені біздің негізіміз, біздің мол мұрамыз сол жерде. Дәстүріміз де, тіліміз де, дініміз де сол жерде жақсы сақталғаны анық», – деп көрменің тарихи маңыздылығына тоқталып өтті.
Маңғыстау облысы тарихи-өлкетану музейінің директоры Тамара Жұмалиева көрме экспонаттарының арасындағы ерекшелеріне тоқталып, шолу жасады. «Музей ісіндегі үлкен жетістік, үлкен табыс – Ұлттық музейдің шаңырақ көтеруі. Ел егемендігімен бірге музейлер де өзінше жаңғырып, жаңарып жатқанда Ұлттық музей Қазақстандағы музей қызметкерлерінің еңбегін жандандыра түсті деп есептеймін. Сондықтан да бұл музей – барша музей қызметкерлерінің тәжірибе алмасып, бас қосатын үлкен ордасы. Қазақ ұлтының дамуына, өркендеуіне, өз болмысын сақтауына, келешек ұрпақтың қазақ тарихынан сусындауына Ұлттық музейдің қосар үлесі мол», – дей келе, көрмені ұйымдастыруға қолдау білдірген Ұлттық музейдің ұжымына алғыс айтты.
«Мұралы Маңғыстау» атты көрмеге Маңғыстаудың археологиясы, түбектің қазба байлықтары, палеонтологиялық жиынтықтар, орта ғасырлар тарихы және ерте дәуір экспонаттары қойылған. Сонымен қатар Ұлттық дәстүрлі қолөнер, Маңғыстаудың рухани мұралары мен мұнай игеру барысын баяндайтын жәдігерлер бар. Көрмеде осы өлкеден шыққан Абыл ақын, Нұрым жырау, Қашаған, Аралбай, Ақтан, Өскенбай, Жылкелді, Досат, Әділ, Шолтаман, Тастемір, Тұрсын, Мұрын жырау тағы да басқа көптеген ұлы тұлғаларға қатысты экспонаттар бар. Қазақстанның Халық жазушысы Әбіш Кекілбаевқа арналған «Ұлы дала Абызы» атты жеке көрме де қойылды. Аталған көрме 7 қарашаға дейін жалғасады.