Жаңа

24 қазан күні Мүмкіндігі шектеулі жандармен "Кедергісіз келешек" партиялық жобасы аясында "әлеуметтік әділетті қоғам мәселесі" тақырыбында кездесу өтті. Кездесуге Жылыой ауданы "Мүгедектер қоғамының" жетекшісі Қ. Еңсепов жүргізіп отырды. Кездесуге санитарлық талаптарды сақтай отырып, 20 ға жуық мүмкіндігі шектеулі жандар қатысты. Сонымен қатар кездесу барысында Мүгедектер қоғамының инстаграмм әлеуметтік желісі тікелей эфирде қосулы болды.

Кездесу барысында бірқатар мәселелер көтерілді. Атап айтқанда: аудан территориясы бойынша өтетін "Орталық-Батыс" тас жолының құрылысы туралы, ауыл шаруашылығы саласында жұмыс жасағандарға мемлекет тарапынан жеңілдіктер қарастыру, "болашағы жоқ ауылдар" деген түсінік жайы сөз болды. Сонымен қатар тұрғындар аудан көлеміндегі басқа да мәселелерге алаңдаушылық білдірді. Кездесуде айтылған ұсыныстар тиісті орындарға жеткізіліп, бақылауда болады.