Christian_KZ

Өкінішке қарай, жеке-даралық, тұтынушылық, «жеңіл сенімшілдік» және қауымды басқарудың Киелі кітап сай емес үлгілері көптеген қауым мүшелерін әдейі немесе байқаусыз түрде шетке ысырып қойды.

Забур жырлары 2 Құдайға әрі Ол тағайындаған патшаға мойынсұну 1 Неге халықтар жатыр бас көтеріп, Ұлттар іске аспайтын жоспарлар құрып? 2 Жаратқан мен Оның қойған патшасына Әлемнің патшалары қарсы тұрып, Әкімдер кеңесіп жатыр бірігіп: 3 «Бізге салған шынжырларын сындырып, Бұғауларынан құтылайық лақтырып!» 4 Көктегі тағында отырған Құдай күледі, Солардың ойларын Жаратқан келекелейді, 5 Содан ашулана зекіп, тіл қатады, Қаһар шашып, зәрелерін ұшырады: 6 «Киелі тауым Сионда Мен Өзім Осы патшамды тағайындаған едім!» 7 Паш етейін Жаратқанның жарлығын: «Рухани ұлымсың, — деді Ол маған. — (Өзіңді патшалыққа тағайындап) Мен бүгінгі күні Әке болдым саған. 8 Менен сұра, сонда иелігіңе сенің Халықтарды мәңгілікке беремін, Шартарапты қол астыңа өткіземін. 9 Сен жауларды темір таяқпен ұрасың. Лақтырып с…

1 Мынадай адам шынымен бақытты:

Ол құдайсыздар кеңесіне бармайды,

Күнәкарлар жолымен де жүрмейді,

Мазақтаушылармен бірге отырмайды.

2 Қайта, ол Жаратқанның тәліміне қуанады,

Күні-түні сол туралы ойланады.

3 Ол су жағасындағы ағашқа ұқсайды:

Сол мерзімінде жемісін береді,

Жапырақтары кеуіп те сембейді,

Не істесе де, ол табысқа жетеді.

4 Ал құдайсыздарда солай болмайды,

Олар жел ұшырған қабыққа ұқсайды,

5 Құдай сотында ақтала алмайды,

Әділдер қауымында орны болмайды.

6 Әділдің қамын Жаратқан ойлайды,

Ал құдайсыздың ізі де қалмайды.