kalaibalakai

Жоғарыда айтып кеткендей, Атырау қаласы тек мұнайға ғана емес, сонымен қатар масаға да бай екен.

Жалпы бұл жердің масасы басқа өңірге қарағанда, мүлдем өзгеше. Шақса ауыртып шағады, бірақ орны тез қайта кетеді. Атыраудың масалары «брат за брата» ұғымын ұстанатын секілді. Өлтірген сайын көбейе береді!!!

Басқа өңірден келгендерге айтар кеңесім, Алматының жүргізушілері сияқты болмасаңыздар, Атыраудың «лихачтарына» жем боласыздар.

Бұл масалар адам қаның емес, шетелге кетіп жатқан мұнайды сорса екен деп армандап кеттім...

Көне Сарайшық қаласы (Атырау облысы) бізді көне тарихи құпияларымен және «қонақжай» масаларымен таңғалдырды. Күннің таңғы шуағы нұрлы, бірақ аптап ыстық (таңғы сағат 10, 32 градус). Осы сапарда бізді Сарайшық қаласының тамаша тарихымен таныстырған біздің гидымыздың айтуы бойынша, кезінде Сарайшық қаласы көлемі бойынша Ирактың астанасы Бағдадтан кейінгі екінші қала болған екен. Алайда қазіргі таңда, Сарайшық қаласының жұғыны ғана қалған. Мемлекеттік қорғаудағы объект болғанымен, жергілікті тұрғындардың кейбірі кішігірім бизнес жасайтынын байқадық. Мысалы, осы ауылдың кішкентай жеті жасар тұрғыны өзінің тауарын бізге ұсынды. Оның айтуы бойынша, ескі тиындарды ойнап жүріп тауып алған. Ол баланың ұсынысы бойынша бір тиын немесе әшекей сынығы 500 теңге. Қолындағы заттарға қарап көрсең шынында…