Ерекше балалар

Аутизмге шалдыққандар қоршаған ортадан алыстап өз әлемінде өмір сүрсе, оларды өзінің ойындағы әлем шынайы өмірден алшақтатады. Олар жаңа нәрсеге қызықпайды, әрі оны танып-білуге де құштар емес.

АҚШ ауруларды бақылау және алдын алу орталықтары деректері бойынша, дүниежүзінде әрбір 59-шы бала – аутист. Қазақстандағы психологиялық-медициналық-педагогикалық консультация қызметiнің дерегі бойынша Қазақстанда мұндай балалардың саны – 3820.

Қазақстандағы және әлемдегі үздік мамандар, ғалымдар аутизмнен жазылу мүмкін емес екенін айтады. Алайда, оның белгілерімен күресіп, балаға кең тараған америкалық қолданбалы мінез-құлықты талдау терапиясы аясында «көмек көрсетуге», қоғамға бейімдеуге әбден болады. Қазақстанда оларға амбулаториялық және стационарлық көмек аймақтық психикалық денсаулық ұйымдарының базасында тегін медициналық көмек көрсетіледі.