Қазақ тілі-біздің рухани негізіміз...

Айгерим Султанова 2014 M02 17
926
0
2
0

Н.Назарбаев: Қазақ тілі – біздің рухани негізіміз. Біздің міндетіміз- оны барлық салада   пайдалана отырып дамыту. Біз ұрпақтарымызға балаларымыздың сандаған буынының  тәжірибесінен өтіп, біздің де...

Н.Назарбаев: Қазақ тілі – біздің рухани негізіміз.

Біздің міндетіміз- оны барлық салада   пайдалана отырып дамыту. Біз ұрпақтарымызға балаларымыздың сандаған буынының  тәжірибесінен өтіп, біздің де үйлесімді үлесімізбен толыға түсетін қазіргі тілді мұраға қалдыруға тиіспіз. Бұл өзін қадірлейтін әрбір адам дербес  шешуге міндет.  ҚР Тұңғыш Президенті  Н.Ә. Назарбаев.

Адамды адам еткен- тіл. Тіл қай ұлтта болса да, қай елде болса да құдіретті.тіл әрбір адамның бойына ана сүтімен дариды. Оның байлығы әр елдің мақтанышы, атадан балаға мирас болып қалған баға жетпес мұра. Тіл- ананың ақ сүтінен бойға сіңген  асыл қазынамыз, атамекеніміз. Әр адам баласы өз ана тілін қадірлеуге міндетті. Тіл- дархан даламыз секілді шексіз,  шетсіз, ғаламат жеріміздей қасиетті, қазақтың пейіліндей кең, ақ, баба шежіресі сияқты терең екені анық. Тілдің құдіреттілігі де сонда жатса керек. Оның қадір- қасиетін түсінген жан сол қазынаны ұрпағына құнын түсірмей жеткізгенді мақсат етпей ме? Тілдің иесі- кешегі қазақ, бүгінгі қазақтың ертеңгі ұрпағы. Тіл – халықтың мәңгілік халық болып қалуының айғағы. Ертеңгі ұрпаққа тілді жеткізушілер біздің өскелең буын екенін ұмытпағанымыз жөн.

« Адамға екі нәрсе тіректегі, бірі – тіл, бірі- ділің жүректегі»- деп Ж.Баласағұн айтқандай, көсегесін көгерту алдымен өзін қазақпын деп санайтындай ғана емес,  Қазақстан топырағында тұратын таза ниетті әрбір пенде, мемлекеттік тіл – қазақ тілін өзіне тірек етіп, ол тілді жүрегімен сүйгені қажет. Мемлекет Басшысы өз сөзінде «Қазақ тілі 2025 жылға қарай өмірдің барлық саласында үстемдік етіп, кез келген ортада күнделікті қатынас тіліне айналады», - деп болжам жасады. Лайым солай болғай!

   

Оцените пост

2