Мүгедек-балалар атқа мінді

mvdgovkz 2013 M11 26
222
0
0
0

Мүгедек-балалар атқа міндіСолтүстік Қазақстан облысы ішкі істер департаменті басшылығының ұйымдастыруымен мүгедек-балалар атқа мінді. Іс-шараның алғашқы күнінде, демеу-қозғалыс аппараты зақымданған...

Мүгедек-балалар атқа мінді

Солтүстік Қазақстан облысы ішкі істер департаменті басшылығының ұйымдастыруымен мүгедек-балалар атқа мінді. Іс-шараның алғашқы күнінде, демеу-қозғалыс аппараты зақымданған мүгедек-балаларға арналған Петропавл интернат-үйінің жеті тәрбиеленушісі иппотерапия курсынан өтті.
Мүгедек-балаларды Петропавл қ. ІІБ ЖПП кавалериялық бөлімшесінің аттарына мінгізу СҚО ІІД бастығы, полиция полковнигі Ақан Қажкеновтың бастамасымен өтті. Тәлімгерлері үшін мұндай сауықтыру курстары өткізу мүмкіндігі күнде туындамайтындықтан, демеу-қозғалыс аппараты зақымданған мүгедек-балаларға арналған Петропавл интернат-үйінің басшылығы ұсынысты қуана қабылдады. «Иппотерапия – медицина түрлерінің бірі. Салт атқа міну және жылқының биотолқындары аурудың ағзасына оң әсерін тигізеді. ІІД басшылығының бұл ұсынысы бізді өте қуантты. Енді балаларымыз қыс бойы жабық манеж астында иппотерапиядан өту мүмкіндігіне ие болды» - деп, интернат-үйінің директоры Татьяна Лузакова полиция қызметкерлеріне алғысын білдірді.
Сауықтыру курсының бірінші күнінде 6 және 16 жас аралығындағы балғындар атқа мінді. Олардың көбі өмірлерінде бірінші рет салт атқа мінгендіктерін айтып жатты. Кавалериялық бөлімше тұлпарлары Барон мен Арғымақ балаларға өз қызметтерін ұсынды. «Маған өте ұнады. Бірінші рет болғандықтан, біраз қорықтым. Ал қазер енді кеткім де келмейді» - деп, 8 жастағы Настя Шмидт қуанышын жасырмады.
Жалпы, полиция аттарының көмегімен 19 мүгедек-баланы иппотерапия курсынан өткізу жоспарда бар. Олардың барлығы демеу-қозғалыс аппараты зақымданған мүгедек-балаларға арналған Петропавл интернат-үйінің оқушылары. Енді оларға кавалериялық бөлімше есігі, өздеріне ыңғайлы уақыттарда аптасына үш рет ашық болады.
«Осы шаралардың балаларға пайдасы тисе, жиі кездесіп тұратын боламыз. Қазіргі уақытта Петропавл қ. ІІБ ЖПП кавалериялық бөлімшесінің құрамында 17 жылқы бар. Жылы маусымда олар саяжай алқаптарын патрульдеуге жұмылдырылады, ал өзге уақыттарда балалардың денсаулығын жақсартуға пайдаланатын боламыз» - деді, Петропавл қ. ІІБ ЖПП кавалериялық бөлімшесінің командирі, полиция капитаны Қалабай Базарбаев.

 

Оцените пост

0
Дальше