«Қазақстан» РТРК» Бразилияда өтетін футболдан әлем чемпионатын Қазақстан аумағында тарату құқығын жеңіп алды

Kazsport agent 2013 M08 12
193
0
0
0

АСТАНА. ҚазАқпарат — «Қазақстан» РТРК» АҚ FIFA World Cup 2014 жылғы Бразилияда өтетін футболдан әлем чемпионатын Қазақстан аумағында тарату үшін тендер ұтып алды. Чемпионат 12 маусымнан 13 шілде...


АСТАНА. ҚазАқпарат — «Қазақстан» РТРК» АҚ FIFA World Cup 2014 жылғы Бразилияда өтетін футболдан әлем чемпионатын Қазақстан аумағында тарату үшін тендер ұтып алды. Чемпионат 12 маусымнан 13 шілде аралығында Бразилияның 12 қаласында өтеді.

Бұл туралы ұлттық телеарнаның баспасөз қызметінен хабарлады.

«Қазақстан» РТРК» АҚ әлемдік деңгейдегі маңызы зор беделді футбол чемпионатын Қазақстан аумағына тарату құқығына осымен екінші рет ие болып отыр. Былтыр «Қазақстан» және «Бірінші арна Еуразия» телеарналары Украина мен Польшада өткен Еуропа чемпионатын көрсетті. Бұл жобаны Қазақстан аумағында жүзеге асыру жұмыстарына УЕФА-дағы (Футбол Ассоциациясының Еуро Одағы) әріптестеріміз жоғары баға берді.

2014 FIFA World Cup футболдан өтетін әлем чемпионатын (барлығы 64 ойын) «Қазақстан», «Бірінші арна Еуразия» және «KAZsport» телеарналары көрсетеді. «Қазақстан», «Бірінші арна Еуразия» телеарналары 32 ойынды тікелей эфирден таратады. «KAZsport» телеарнасы «Қазақстан» және «Бірінші арна Еуразия» телеарналары таратқан 32 ойынды және Әлем чемпионатындағы 64 ойынды толық қайталап көрсетеді.

«Қазақстан» және «KAZsport» телеарнасы таратқан футбол ойындарын www.kaztrk.kz и www.kazsporttv.kz сайттары он-лайн түрінде көрсетеді.

06.12.2013 ж. шешуші таңдау салтанаты (ақырғы жеребе салу) , 12.06.2014 ж. ашылу салтанаты мен футбол ойындарының басталуын «Қазақстан» және «KAZsport» телеарнасы тікелей эфирде көрсетеді. 3- орынға таласатын ойын да «Қазақстан» және «KAZsport» телеарналарында тікелей эфир арқылы көрерменге жол тартады. 13.07.2014 ж. Ақырғы футбол ойыны және жабылу салтанатын «Қазақстан» мен «Бірінші арна Еуразия» телеарналары тікелей эфирден тарататын болады.

«Қазақстан» және «KAZsport» телеарнасы «Road to…» атты 20 бөлімнен тұратын (қалалар, Әлем чемпионаты өтетін стадиондар, ойынға қатысатын ұлттық құрамалар, жанкүйерлер, Әлем чемпионатының тарихы мен оның жеңістері туралы) футбол додасы алдындағы күнделік бағдарламаларды көрсетеді.

Әлем чемпионаты қарсаңында және ойын барысында әртүрлі бағдарламалар, шоулар мен сараптамалық хабарлардан тұратын қомақты жобалар жүзеге асады. Әлем Чемпионаты кезінде «Қазақстан» және «KAZsport» телеарналарында өткен футбол ойындарына күнделікті шолу жасалады.

 

Оцените пост

0
Дальше