Әскери атташелер «Жас ұлан» мектебінде

МО РК 2013 M03 19
653
0
0
0

Бүгін Астанада Қазақстанда тіркелген әскери-дипломатиялық корпустың өкілдері генерал Нұрмағамбетов атындағы республикалық «Жас ұлан» мектебінде болды. Делегация құрамында Ресей, АҚШ, Ұлыбритания...

Бүгін Астанада Қазақстанда тіркелген әскери-дипломатиялық корпустың өкілдері генерал Нұрмағамбетов атындағы республикалық «Жас ұлан» мектебінде болды. Делегация құрамында Ресей, АҚШ, Ұлыбритания, Пәкстан, Германия, Иран және басқа мемлекеттердің әскери атташелері.

Қонақтарды Республикалық мектептің бастығы полковник Марат Ботин қарсы алды. Жоғарғы сынып оқушылары қонақтар үшін экскурсия ұйымдастырды. Шетелдік армиялардың өкілдері мектептің спорттық кешеніне барып, спортзал мен жүзу бассейнін, кітапхана мен аудиторияларды көрді. Экскурсия ұландардың тыныс тіршілігімен танысу, асхана мен оқушылардың жатын орындарын аралаумен жалғасты.
Мектеп оқушылары генерал Нұрмағамбетов атыгндағы «Жас ұлан» республикалық мектебін шетелдік дипломаттарға шынайы мақтанышпен таныстырды. Себебі оқу орны Орталық-Азиядағы бірден бір теңдесі жоқ мектеп болып саналады. Тәрбиеленушілерге мұнда мемлекеттік және шетел тілдері тереңдете оқытылады, дене тәрбиесімен айналысуға баса назар аударылады. Ұландардың сабақ кестесінде әскери пәндер де бар.
Бір жарым жыл бұрын ұландарды заманауй талаптарға сай арнайы оқыту үшін мектеп жаңа ғимаратқа көшкен болатын.
– «Жас ұлан» мектебінің түлектері оқып, білім алу үшін барлық жағдай жасалған. Оқу үдерісі өте жоғары деңгейде ұйымдастырылған, деп өзінің экскурсиядан алған жалпы әсерін Литва Республикасының  әскери атташесі  подполковник Гитаутас Юндзила әріптестеріне жеткізді.– Біздің елімізде мұндай мектептер мүлде жоқ. Қазақстанда осындай мектептің ұйымдастырылуына мен қызыға қарадым.
Қазақстанда тіркелген әскери атташелердің «Жас ұлан» мектебінің жаңа ғимаратына бұл сапары бірінші рет ұйымдастырылды. Халықаралық әскери ынтымақтастық шеңберінде әскери-дипломатиялық корпустың өкілдері Қазақстан тарапының шақыруымен әскери білім беру ошақтарын, әртүрлі әскери нысандарды аралап, әскери жаттығулардың өткізілуін бақылайды.
ҚР ҚМ Баспасөз қызметі

Оцените пост

0
Дальше