Айыптаушылар мүддесін жақтас куәлар құптады

Kabanbai 2012 M09 6
407
0
1
0

Ақтау қаласында В.Козлов, С.Сапарғали, А.Әминовке қатысты қылмыстық іс бойынша сот процесі жалғасуда. 16 тамыз басталған сот біраз жерге келіп қалды. Бүгінгі сот отырысында бірталай қорғаушылар...

Ақтау қаласында В.Козлов, С.Сапарғали, А.Әминовке қатысты қылмыстық іс бойынша сот процесі жалғасуда. 16 тамыз басталған сот біраз жерге келіп қалды. Бүгінгі сот отырысында бірталай қорғаушылар тарапы куәлерлерінің жауабы тыңдалды. Енді процесс соңының ауылы алыста емесі анық.

Семей қаласындағы «Алға» партиясының ұйымдастыру комитетінің мүшесі Фатима Қасенова атты куәден бүгін жауап алу жалғасты. Мемлекеттік айыптаушылар Ф.Қасеноваға «Алға» апартиясы мүшелерінің өзара Мұхтар Әблязовпен скайп конференциясымен байланысқаны турасында стенограмманы назарға ұсынды. Бұл конференцияға куә қатысса да, алайда біршама ақпараттарға мардымды жауап бере алмады. Тек М.Әблязовқа өзінің оң көзқарасын білдірді. «Билікті сындыру керек, келесі жылдың аяғына қарай бұл іске асып қалуы мүмкін. Мұнайшыларды, шахтерлерді, ипотекашыларды бұл іске жұмылдыру қажет» деген сынды М.Әблязовтың сөздеріне Ф.Қасенова «конференция барысында бұндай сөздер айтылмады. Билікті құлатуға шақыру менің есімде жоқ. Оның айтуы мүмкін емес. Президенттің кезекті өкілеттігі сайлауының қарсаңында М.Әблязов біршама ой айтуы мүмкін» деді. Мемлекеттік айыптаушылар тарапынан қойылған сұрақтардың көбіне ескерту жасаумен болған куәнің сот отырысына киініп келуі де оғаш болды. Оны прокурорлар қатал сынға алып «сотқа қысым жасау» деді. Өйткені «Владимир Козловқа бостандық!» деген сөзі мен суреті бар футболка киюі көзге түрпідей тиді.

Ал Ақмола облыстық мәслихатының депутаты, «Алғаның» белсенді мүшесі Марат Жанұзақов атты куә прокурорлардың Әблязовке қатысты қойған сұрақтарына салмақты, салиқалы түрде «Оның ақыл-есі дұрыс, Мұхтар Әблязов ақылды адам»,- деп сипаттама берді. Сондай-ақ бұл куә Ақмола облысындағы «Алғаның» бюро кеңсесі Козловтың меншігінде екенін айтты. Яғни, коммуналдық шығындарды В.Козлов төлеп отырды деді. Үшінші куәгер ретінде «Аман-саулық» қоғамдық қорының төрайымы Бақыт Түменова шақыртылды. Ол 2011 жылы Жаңаөзенге барғанын айтып, ЕҚЫҰ сапарына да тоқталды.
Түменова ереуіл даурығып жатқанда Жаңаөзенге барған сапарын А.Әминовтың денсаулығымен байланыстырды. «А.Әминовтың денсаулығын тексеруге барғанда оның жағдайы ауыр халде болды»,- дейді. Сондай-ақ, ол ереуілшілерге көмектесу ниетінде мұнайшылардың еңбек түбіртектерін алып, Алматы қаласындағы экономист маман Қ.Берентаевке көрсеткендігін айтты. Мемлекеттік айыптаушы «Жаңаөзенге не мақсатта келдіңіз»,- деп сұрағанда Б.Түменова: «Мен Жаңаөзенге әлеуметтік мақсатты көтеру ниетімен бардым. Өйткені осы Маңғыстау облысында жұмыссыздық ең төмен көрсеткіште»,- деді. Ал дәл осы сұрақты А.Әминовтың қорғаушысы А.Бәтиева: «Жаңаөзенге Әминовтың денсаулығына бола бардыңыз ба, әлде мұнайшылардың жағдайлары қызықтырды ма?»,- деп қайтара сауал тастады. «Мен бұл қалаға қамауда отырғанда Ә.Әминовке қорлық көрсетілді ме, денсаулығына баланысты қандай жағдайлар жасалғанын білу мақсатында бардым. Жалпы, мен Әминовтың денсаулығы нашар екенін естіп, 2011 жылы Жаңаөзендегі тергеу изоляторына барғанда оның ауыр науқас екенін көрдім. Қант мөлшері қалыпты 5 деңгейінен 15-17-ге бір-ақ көтерілген. Тіпті, бір аяғының саусағы гангреналық қауіппен болды», - деді ол. Бірақ бұған дейін Ақжанат Әминовпен тікелей таныстықтары болмағанын, тек бұқаралық ақпарат құралдарынан естуі бойынша білетінін айтты. Ал келесі он шақты куә барлығы бір ауыздан көбіне В.Козловты, сонымен қатар С.Сапарғалиды жомарт та ақылды, парасатты, елдің біртуар азаматтары деген сөздермен мінездеме айта отырып, қысқаша ғана жауап берді. Козловтың қорғаушысы В.Сәрсенбина тізімде көрсетілмеген куә Ғалым Ағелеуовтен жауап алуға соттан рұқсат сұрады. Ғ.Ағелеуов 2011 жылы Жаңаөзен қаласында бүліктің түтіні будақтап жатқанда Алматы қаласынан Ұлттық демаократиялық институттың қаржыландыруымен адам құқықтарын қорғау бюросынан бақылаушы ретінде ұзақ мерзімге жіберілген. «Менің міндетім «You tube» желісі арқылы Жаңаөзендегі жағдайды халыққа шынайы жеткізіп, алаңда болып жатқан жағдайларды тіркеу»,- деді. Мемлекеттік айыптаушылар «Сіз бақылаушы ретінде жіберілген екенсіз, сол мұнайшылардың не себепті ереуілге шыққанын білесіз бе?»,- деп сұрады. Ол «Иә, білемін. Ереуілшілерде алты талап болған»,- деді. Мемлекеттік айыптаушы алты талапты атап өтуін сұрап еді, бірақ куә бұл сұраққа толық жауап бере алмады. Дегенмен уақыттың біршама алшақтап кеткені шындық болса да, оқиғаның басы- қасында жүріп, бар жайды бүкпестен баяндап тұруына қарағанда ереуілшілердің талаптарын ұмытып қалуы ақылға қонымсыз ғой.

Сот отырысының соңында Б.Мырзабеков куәлерден жауап алыну соңына жетіп қалғанын айтып, алдағы күндері айыпталушылардан жауап алынады деп ертеңгі таңғы 9-ға дейін үзіліс жариялады.

Асылжан Иманғалиев

http://www.serke.org/news/aiyptaushylar-mүddesіn-zhaktas-kuelar-kuptady

Оцените пост

1
Дальше