Қыз бен жылқы жаудікі.

HINATA 2012 M05 10
1311
7
5
0

Міне өзімнің бірінші постымды да жазуға уақыт таптым. Көптен бері ойлап жүрген бірінші жазбам басқа тақырыпта болар ма деп ойлап едім, бірақ жаман ба, жақсы ма, біреуге ұнар, біреуге ұнамас «қазақ...

Міне өзімнің бірінші постымды да жазуға уақыт таптым. Көптен бері ойлап жүрген бірінші жазбам басқа тақырыпта болар ма деп ойлап едім, бірақ жаман ба, жақсы ма, біреуге ұнар, біреуге ұнамас «қазақ қыздары неге басқа ұлттың жігіттерін таңдайды» деген тақырыпты таңдадым. Бұған түрткі болған өз өмірімдегі кейбір мысалдар болды. Әрине, жазған оңай, бірақ біреулердің маңдайына жазылғаны да осы болар, мүмкін бұл менің ішімдегі осы жағдайға байланысты жан күйзелісімді  бөлісіп жеңілдетудің бір әдісі шығар.

Мен қазақ қызымын, жаныма берілген ерекше намысым бар. Достарым жетерлік, олар әртүрлі, барлығын өзінше жақсы көремін. Жақында құрбыларым және таныстарым арасында (қыздар) басқа ұлт өкілдерімен ғашықтық бақытына беріліп жүрген адамдардың біреу, екеу емес бірнеше адам екендігіне көзім жетіп, шын мәнінде қатты қобалжыдым.

Қасымдағы жас қыздарға қарап отырып жүрегімнің жылап тұрғанын сезіндім, мүмкін бұл қазақ қыздарын қызғанғаным болар, мүмкін басқа ұлт азаматтарына деген сенімсіздік болар не болса да жаным қатты ашыды. Ойлай келе, «Неге жағдай солай? Қазақ жігіттері құрып қалған ба? Басқалардың біздің жігіттерден қандай артықшылықтары бар?» деген сұрақтар мазалады, ол сұрақтарды сол қыздардың өздеріне де қойдым. Алған жауаптарым:

«Мен әзірше жүре тұрамын, ешқандай қиындық жоқ, кез келген уақытта тастап кете саламын, маған қызық...», Иә! Бәрі де осылай басталады...

«Маған дұрыс қазақ жігіті әлі кездеспеді, олар не еріншек, не имансыз және алдыға қойған нақты мақсаттары жоқ»

«Мен оны жақсы көремін!»

Көрдіңіздер ғой, тек менің таныстарым арасында ғана емес сіздердің де таныстарыңыздың арасында осылай ойлай жүрген адамдар жоқ емес. Ғаламтордағы достарыңызды қоя тұра, күнделікті далаға серуенге шыққанда қаншама аралас ұлтты жұптарды көресіздер...

Статистикаға жүгінетін болсақ соңғы 11 жыл ішінде ғана аралас неке саны үштен бір есеге өскен. (Экспресс-К газеті). Ал, Республикалық статистика агентігі мәліметтері бойынша 1999 жылы аралас неке саны 18 402, ал 2010 жылы 25 669-ға жеткен. Бұл тек тіркелген мәліметтер ғана, ал тіркелмеген қаншама қазақтың қыздары қандай да бір себептермен шетелдерде жүріп, қалып қойып жатыр.

Таңғаларлық нәрсе, кейбір ата-аналар өздерінің балаларының таңдауларын құптап жататындығы, бірақ байғұс ата-анаға қалар таңдау да жоқ шығар. «Ел болам десең бесігіңді түзе» дейді, балаларыңызға (қыздарыңызға ерекше) намыс және еліне, жеріне деген сүйіспеншілікті сіңіріп тәрбие берулеріңізді сұраймын.

Ал, ер жүрек, атқа мінер қазақ ерлеріне алтын сырға! Қыздарымызды жаттан қызғаныңыздар!

P.S. Ізденіс үстінде мына бір ақынның өлең жолдарына тап болдым. Әрине, қатты айтылған, бірақ шындық. Ойланайық!

Жыр қылып айтар болсам қыздарды да,

Сайратып отыр тағы бізді алдына.

Баяғы сол қазақтың сұлулары,

Көзге ілмеген Ақан мен Біржанды да,

Көзге ілмей Ақан сері, Біржанды да,

Шетелдің Доллорына шырмалды ма?!

Ұйғыр алды, қытай мен орыс алды,

Бізге күйеу болмаған ұл қалды ма?!

Қыздары қызға тиу ғана қалған,

Қазақтың қыздарында құн қалды ма?

 

Оцените пост

5

Комментарии

1
Сізге көр-көр рахмет! Осындай мәселені талқылып, ойға салғаныңызға. Әрине ойланарлық жағдай, сізбен толық келісемін, менде қазақ қыздарын қызғанамын!
0
Өте орынды айтылған пост!Осындай қомақты мәселелер қазіргі таңда кеңінен таралуда. Өз басым қазақ қыздарының өзге елдің қалындығы болуына қарсымын.
2
Қазақта, Бала ұяда не көрсе, ұшқанда соны алады деген сөз бар мәселе әр жанұяаның тәрбиесінде
1
"Қыздарын қызғанбаған елден қорқ" депті біреу
0
Жақсы айтылған, мысалға мен қаламас едім, әпкемнің немесе сіңлімнің, тіпті дегенде құрбымның өзге ұлт өкіліне келін болғанын. Ондайда салт-дәстүріміздің мәні мен сәні кетеді ғой. Қаншама келін түсіру, қыз берісу кезінде қолданылатын керемет дәстүріміз бар, әніміз бар дегендей.... сөз жоқ.... Жүрегінде кішкене болсын патриоттық сезімі бар әрбір қазақ қызы бұндай мәселемен ұштасқанда терең ойлану керек....
Показать комментарии
Дальше