Kazsport agent

ҚАРАҒАНДЫ. ҚазАқпарат — Қарағанды облысында Қазақстанда тіркелген спорттың 110 түрінің 75-і таратылады. «Дәстүр бойынша тамыздың үшінші жексенбісінде біз үлкен спорт мерекесі — Спорт күнін атап өтеміз. Биыл ол мерейтойлы — оныншы», — деп атап өтті өңір басшысы Бауыржан Әбдішев Спорт күніне арналған шара барысында сөйлеген сөзінде. «Қазіргі уақытта Қарағанды облысында 2 мыңнан астам спорттық нысан бар, оның 1 мыңы — ауылда. Бізде 28 мың тәрбиеленушіні қамтып отырған балалар-жасөспірімдер спорттық мектептерін қоса алғанда, 50-ге жуық спорттық ұйым бар. Қазақстан Республикасында тіркелген спортың 110 түрінің 75-і таратылады», — деді Б.Әбдішев. Онымен бірге, облыста 82 аулалық және 81 дене шынықтыру-сауықтыру клубтары бар. «Білім беру мекемелерінде 60 мың оқушыны қамтып отырған 2 мыңнан астам…

АСТАНА. ҚазАқпарат — Қарағандының шағын-футболдан «Тұлпар» командасы «LVIV OPEN CUP-2013» халықаралық турнирінің шешуші матчында Юграның (РФ) «Газпром-Юграсын» 5:4 есебімен жеңді.

Бұл туралы Sports.kz сайты хабарлады.

Әміржан Мұқановтың тәрбиеленушілері бірінші таймның қорытындысы бойынша 1:3 есебімен жеңілді, гол Дугластың еншісінде. Екінші таймда Павел Таку есептегі алшақтықты қысқартқанымен, ресейліктер тағы бір гол сала алды. Дегенмен, екінші голдың авторы атанған Дуглас пен Александр Гребенос ойынды овертаймға ауыстырды. Қосымша уақытта Гребенос «Тұлпарға» жеңіс әкелді.

Турнирдің үшінші орны Львовтың «Энергия» командасына бұйырды.

АСТАНА. ҚазАқпарат — WBA нұсқасы бойынша орташа салмақта бокстан әлем чемпионы Геннадий Головкин мен америкалық Кертис Стивенс жекпе-жекті өткізу жөнінде алдын ала келісімге келді. Айқас ағымдағы жылдың 2 қарашасында өтуі тиіс, деп хабарлайды Boxing.ru. Егер боксшылардың командалары барлық шарттар бойынша келісімге қол жеткізсе, онда Головкин мен Стивенстің кездесуі 2 қараша күні өтетін болады және ол НВО телеарнасында көрсетіледі. Айта кетейік, бастапқыда Стивенстің мүддесіне өкілдік ететін Main Events компаниясы америкалық боксшыға айқас үшін 300 мың доллар көлемінде қаламақы ұсынған Головкиннің промоутері — Том Леффлердің ұсынысынан бас тартқан болатын. Еске салайық, Головкин 30 маусым күні өткен өзінің соңғы жекпе-жегінде британдық Мэттью Маклинді нокаутқа жіберіп, WBA нұсқасы бойынша…

АСТАНА. ҚазАқпарат — Кеше Қазақстан Республикасының Президенті Нұрсұлтан Назарбаев пен Ресей Федерациясының басшысы Владимир Путин Сочиде өткен кәсіби жауынгерлік самбодан халықаралық турнирдің барысын тамашалады.

Бұл туралы Кремльдің баспасөз қызметінен хабарлады.

Жарысты «Самбо-70» білім орталығы мен League S-70 ұйымдастырды. Биыл турнирге  Ресей, Қазақстан, Украина, Латвия, Болгария, Австрия, Венесуэла, АҚШ және Оңтүстік Африка Республикасының спортшылары қатысты.

Командалық жарыста Ресей әлем құрамасынан 4:1 есебімен басым түсті. Жолдастық кездесулерде Қазақстан мен Ресей командаларында екі жеңістен бар, бір жеңісті украиналық самбошы қанжығасына байлады.

ҚАРАҒАНДЫ. ҚазАқпарат — 11-16 тамызда Қарағанды облысы Қарқаралы ауданында өткен IX Қазақстан чемпионатында жастар арасында ұлттық ат спорты ойындары түрлерінен Шығыс Қазақстан облысының командасы 1 орынды иеленді.Жарыс нәтижелерін Қарағанды облысы дене шынықтыру және спорт басқармасының баспасөз қызметі хабарлады. «Командалық есепте 1 орынды Шығыс Қазақстан облысы иеленді. Жамбыл облысы — 2 орында, Оңтүстік Қазақстан облысы — 3 орында», — делінген хабарламада. Жарыс төрт ұлттық спорттың түрі бойынша өтті: көкпар, аударыспақ, қыз қуу және теңге ілу. Чемпионатқа Астана және Алматы қалаларынан және 8 облыстан: Ақмола, Оңтүстік Қазақстан, Жамбыл, Қызылорда, Батыс Қазақстан, Павлодар, Алматы, Қарағанды облыстарынан келген командалар қатысты. Жалпы алғанда, 300-ден астам спортшы сайысқа түсті.…

ПАВЛОДАР ОБЛЫСЫ. ҚазАқпарат — Екібастұз қаласындағы «Үміт» балалар үйіне газонды футбол алаңын «Еуроазиялық энергетикалық корпорация» АҚ сыйға тартты, деп хабарлады кәсіпорынның баспасөз қызметінен. Спорт құрылысы кез келген ауа райына шыдайтын сапалы материалдардан салынған. Торлы қоршау, жарықдиодты шырақ, жанкүйерлерге арналған орындықтар орнатылған. Жас футболшыларға компания доптар мен спорттық киім жиынтығын сыйға тартты. Футбол алаңының құрылғыларын алу үшін 12,3 млн теңге ақша салған. «ЕЭК» АҚ құрамындағы «Восточный» разрезінің ұжымы балалар үйіне 20 жыл бойы қамқорлық көрсетіп келеді. Кеншілер балаларға арналған мекеменің ата-ана қамқорлығынсыз қалған балалардың тұрмыстық мәселелерін шешуге көмектесіп, мерекелерді өткізіп, балаларды мектепке дайындайды. Алғашқы жолдастық кездесуд…

ТАЛДЫҚОРҒАН. ҚазАқпарат — Алматы облысында 2013 жылы дене шынықтыру және спортты дамытуға 4,6 млрд. теңге бөлінді. Бұл туралы бүгін Спорт күніне арналған салтанатты іс-шара кезінде өңір басшысы Аңсар Мұсаханов мәлімдеді. «Сіздерді кәсіби мерекелеріңіз — Спорт күнімен шын шүректен құттықтаймын! Мықты денсаулық, отбасыларыңызға амандық және спорт алаңдарында биік жеңістер тілеймін», деді ол спорт ардагерлері, әлем және ел чемпиондарынан құралған қонақтар алдында сөйлеген сөзінде. ҚР Президенті Нұрсұлтан Әбішұлы Назарбаев өзінің «Қазақстан — 2050» стратегиясы қалыптасқан мемлекеттің жаңа саяси бағыты» атты Қазақстан халқына жолдауында «дене шынықтыру және спорт мемлекеттің ерекше қамқорлығында болуы тиіс. Дәл осы салауатты өмір салты ұлт денсаулығының кілті болып табылады» деп атап айтты. Об…

АЛМАТЫ. ҚазАқпарат — Алматыда 2022 жылғы қысқы Олимпиада ойындарын өткізу жөнінде ұсыныс енгізу мәселесі талқыланды, деп хабарлайды Алматы қаласының ресми сайтынан. Бүгін қала әкімі Ахметжан Есімовтің төрағалық етуімен және ҚР Спорт және дене шынықтыру істері агенттігінің басшысы Ерлан Қожағапановтың қатысуымен Алматыда 2022 жылғы қысқы XXIV Олимпиада ойындарын өткізу жөнінде ұсыныс енгізу мәселесі талқыланған алғашқы жиын өтті. Ерлан Қожағапанов Олимпиада ойындарын қай қалада өткізуді Халықаралық Олимпиада комитетінің Сессиясы анықтайтынын айтты. Олимпиада ойындары өтетін қала бірнеше кезеңнен өтуі тиіс. Бұл алдымен өтінішті 2013 жылдың 14 қазанына дейін беру. Олимпиада өткізуді анықтайтын Бағалау комиссиясы 2014 жылдың шілде айына дейін өзіне тиесілі жұмыстарды жүргізеді. Осы кезеңдерде…

АСТАНА. ҚазАқпарат — 2014 жылы Астанада мүгедек спортшыларға арналған олимпиадалық орталық ашылады. Бұл туралы бүгін Астанада өткен баспасөз мәслихатында ҚР Спорт және дене шынықтыру істері агенттігі төрағасының орынбасары Тастанбек Есентаев мәлім етті. «Келесі жылы Астанада мүгедек спортшылардың жетістіктерін арттыруға жағдай жасайтын олимпиадалық орталық ашылады. Үкімет тарапынан 129 млн. теңге қаражат бөлінді. Бұл — қамкөңіл спортшыларға арналған қамқорлық», — деді Т.Есентаев. Оның айтуынша, кейінгі жылдары паралимпиадалық және сурдлимпиадалық спортшыларымыздың әлемдік аренадағы жетістіктері артып келеді. Сондықтан оларға мемлекет тарапынан үлкен қолдау көрсетілуде. «26 шілде мен 6 тамыз аралығында Софияда өткен Сурдлимпиадалық ойындарда біздің жерлесіміз Ғабит Есжанов алтын медаль енш…

АСТАНА. ҚазАқпарат — Тамыз айының үшінші жексенбісі — Спорт күні «Салауатты ұлт — салауатты ұрпақ» акциясына 4,5 миллионнан астам адам қатысады деп күтілуде. Бұл туралы бүгін Астанада өткен баспасөз мәслихатында ҚР Спорт және дене шынықтыру істері агенттігі төрағасының орынбасары Тастанбек Есентаев мәлім етті. «ҚР Спорт және дене шынықтыру істері агенттігінің ұйымдастыруымен, Астана қаласы әкімдігінің, ҚР Мәдениет және ақпарат министрлігінің және Денсаулық сақтау министрлігінің қолдауымен «Салауатты ұлт — салауатты ұрпақ» акциясын өткізуді жоспарлап отырмыз. Осы акцияға Қазақстанның барлық өңірлерінен 4,5 млн. адам қатысады деп күтілуде. Шара 15-18 тамыз аралығында өтетін болады. Оның аясында жалпы спорттық сайыстар, салтанатты жиындар, дене тәрбиесі мен спортың дамуына елеулі үлес қосқан…