Kazsport agent

Астана қаласының «Барыс» клубы Ұлттық хоккей лигасының ойыншысы, қорғаушы Кэм Баркермен арадағы келісімшартқа қол қойды. Енді 27 жасар хоккейші астаналық клубтың сапында ойнайтын болады. «Барыс» хоккей клубының ресми сайты хабарлағандай, К.Баркер «Чикаго Блэкхоукс», «Миннесота Вайлд», «Эдмонтон Ойлерс» және «Ванкувер Кэнакс» сынды командаларда өнер көрсетті. Ұлттық хоккей лигасында ол жалпы саны 310 матч өткізіп, 96 ұпай жинаған. Екі аптадан кейін К.Баркер «Барыстың» атынан шығатын болады. Айта кетейік, Астана қаласының хоккей клубы соңғы ойында «Салават Юлаевты» (Башқұртстан, Уфа) жеңіп, екі апталық демалысқа шықты. «Барыстың» келесі ойыны 13 қараша күні сырт алаңда өтеді. Латвияның Рига қаласында жергілікті «Динамо» хоккей клубымен кездеседі. Сол кезде К.Баркер мұз айдынына шығуы әбден…

WBA нұсқасы бойынша орта салмақтағы әлем чемпионы қазақстандық Геннадий Головкиннің болашақ қарсыласы атануға үміткердің есімі анықталды.

Бұл туралы Vesti.kz сайтынан хабарлады.

Қазақстандық боксшының келесі қарсыласы 12 желтоқсан күні Австралияда өтетін WBA уақытша чемпионы британдық Мартин Мюррей мен австралиялық Гэрз Вуд арасындағы жекпе-жектің жеңімпазы болуы мүмкін. Егер осы кездесудің жеңімпазы Головкинмен жұдырықтасуға дайын болмаса, оны WBO нұсқасы бойынша әлемнің экс-чемпионы Хассан Н’дам Н’жикам алмастыруы ықтимал.

HBO телеарнасы таңдалған қарсыластың деңгейіне байланысты жекпе-жекті көрсететінін мәлімдеді.

Қарағанды қаласында шорт-тректен Қазақстан кубогы үшін жарыстан БҚО құрамасы олжалы оралды. Шорт-трек бапкері Максим Лозовойдың айтуынша, аталмыш бәсекеге Астана, Алматы қалалары, Қарағанды, Оңтүстік Қазақстан, Қостанай және Батыс Қазақстан облыстарының спортшылары қатысты. БҚО-дан жеті жігіт, бес қыз сынға түсті. Ерлер мен қыздар құрамасы эстафеталық сында жүлделі орынға табан тіреді. Жекелей сында Данабек Хайыров ерекше көзге түсіп, 1500, 500 және 1000 метр қашықтықта жеңімпаз атанып, суперфиналда алтыншы сатыға шықса, қорытынды есепте бірінші орынды жеңіп алды. Сондай-ақ Азамат Сұлтанғалиев 1 мың метрден үшінші болып келді. Қыздардан Гүлнұр Ғаниева 1500 және 500 метр қашықтықта және суперфиналда үшінші, 1000 метрден екінші, қорытындыда үшінші орынға көтерілді. Сонымен қатар Анита Нагай…

29 қарашада «Алау» мұз сарайында конькимен жүгіру спортынан Әлем кубогы өтеді. Әлемнің 30 мемлекетінің 200 үздік спортшысы, әлемдік жұлдыздар, Олимпиада жүлдегерлері мен Әлем чемпиондары Астанада Олимпиада лицензияларын сарапқа салады. Сочи-2014 Олимпиадасында 10 000 метр қашықтықтағы жарысқа іріктеу «Алау» мұз сарайында өтеді. Бұл туралы мұз сарайының баспасөз қызметіне сілтеме жасап astana.kz хабарлады. «Қазақстан құрамасы мен әлемдік жұлдыздар конькимен жүгіруден күш сынасады. Олимпиада ойындарына іріктеу барған сайын қиындап келеді. Бәсекелестік артуда. Сочиде 10 000 метр қашықтықта жарысқа қатысу үшін Әлем кубогында үздік 16 спортшының қатарына ену керек», — делінген хабарламада. «Алау» сарайындағы мұздың сапасын және спортшылардың Олимпиада қарсаңындағы аса жоғары деңгейдегі дайынды…

Дарынды балаларды анықтау мен жас шахматшыларды дайындау және мектеп оқушылары арасында шахмат ойынын жоғары деңгейде насихаттау мақсатымен Қазақстан Республикасы Білім және ғылым министрлігі, «Дарын» республикалық ғылыми-практикалық орталығы ҚР Шахмат Федерациясының қолдауымен Астана қаласында үстіміздегі жылдың қараша айының 3-і мен 9-ы аралығында Халықаралық гроссмейстер Дәрмен Сәдуақасов кубогіне мектеп оқушылары арасында VIII Республикалық шахмат турнирін өткізуде. Бұл туралы ҚР БҒМ-нің баспасөз қызметінен хабарлады. Шахмат турниріне еліміздің барлық аймақтарынан 140-тан астам жас шахматшылар мен Челябі облысының Сатка қаласының «Вертикаль» шахмат клубы қатысады. Командалар жас ерекшелігіне қарай 9 жасқа дейінгілер, 13 жасқа дейінгілер және 17 жасқа дейінгі үш топта өз қатысушыларын…

Биылғы маусымды сәтсіз өткізіп, бірінші лигаға түсіп қалған Оралдың «Ақжайығынан» ойыншылардың алды кете бастады. Чехиялық қорғаушы, бойы да ұзын, техникасы да қалыптасқан Якуб Хлебоун өз орнын нық ұстаған футболшының бірі еді. Қысылтаяң уақытта шабуылға да қосылып, доп соға білетін. «Ақжайыққа» өткен жылғы қыста келген Я. Хлебоун 57 матчта 8 доп соққан екен. Сонымен бірге биылғы маусымда барлық ойынды бастан-аяқ өткізген премьер-лигадағы үш ойыншының бірі. Яғни, биыл 31 матчта қорғанумен бірге 3 доптың авторы атанды. 28 жастағы футболшы енді премьер-лигадағы клубтардың біріне ауысатынын мәлімдеп үлгерді. «Ақжайықтың» тағы бір легионері, босниялық Недо Туркович те екі ойлы отыр. Басқа, мықтымын дейтін ойыншылардың да, әрине, бірінші топта доп тепкісі келмейтіні анық. ОРАЛ. ҚазАқпарат - Ав…

Халықаралық ауыр атлетика федерациясы биылғы жылғы жарыстарда допинг қолданған спортшылардың тізімін жариялады. Араларында тоғыз қазақстандық атлет бар.

Астанада өткен Азия чемпионатында алтын алған Александра Аборнева мен Александр Зайчиков, қола жүлдегер Евгений Ефстафеев 2015 жылға дейін спорттан кетті. Үшеуі де тестостерон қолданды деп айыпталуда (Dehydrochloromethyl- testosterone). Үш спортшы Астанада өткен Азия чемпионатындағы медальдарын қайтарып беруі тиіс.

Сондай-ақ Бішкекте өткен жастар арасындағы Азия біріншілігінде жүлде алған алты қазақстандық допинг дауына ілінді. Чемпиондар Ерболат Жоламанов пен Максим Локтинов, Әсем Сәрсекенова, Ғалымбек Жұбатқанов, күміс жүлдегер Майра Файзоллаева, Айдар Казов екі жыл жарысқа қатыса алмайды. Бұл туралы alaman.kz хабарлады.