Kazsport agent

Англияда Премьер-Лига футбол командалары арасындағы орталық кездесу «Уайт Харт Лэйн» аренасында өтті, деп хабарлайды РБК. «Тоттенхэм» футболшылары «Манчестер Ситиге» қонаққа келген болатын. Пеллегрини басқаратын команданы соңғы кездері «Барселона» және «Бавария» клубтарымен салыстыруда. Шынымен де, Англияның экс-чемпионы «Манчестер Сити» кейінгі кездері қарсыластан қарсылас шақ келтірмей, тамаша нәтижелер көрсетіп жүр. Бірақ «Тоттенхэм» жанкүйерлері кездесу алдында жеңістен үмітті болатын. Себебі Тим Шервуд командасы да соңғы ойындарда жеңіліс көрмеген болатын. Дегенмен «Манчестер Сити» келді де жеңісті жұлып әкетті. Осылайша «Сити» чемпиондық атаққа тағы бір қадам жақындай түсті. Мануэль Пеллегрини ойынның бірінші минуттарынан-ақ оны тек жеңіс қана қанағаттандыратынын көрсетті. Чилилік б…

Атақты америкалық боксшы кіші Флойд Мейвезер «Денвер» — «Сиэтл» Ұлттық футбол лигасының ақтық ойынына ірі ұтыс тікті. 36 жастағы боксшы «Денвер» жеңіске жететініне сенімді. Ойын ақпанның 2-нен 3-не қараған түні өтеді. Мейвезер бұл кездесуге 10 миллион доллар тікті, деп хабарлады РБК. Мейвезер — атышулы боксшы. Оның лақап аты — Moneymaker. Өз салмақ дәрежесінің үздігі болып табылады. Өзінің әр кездесуін шоуға айналдыратын қасиеті бар. 2 мәрте чемпион белбеуіне қол жеткізген ол ақшасы бар кейсті бірге алып жүреді. Кейде бір топ адамның алдында сол ақшаны шашып, құнды қағаз үшін таласып, төбелескен көріністі тамашалайтын әдеті бар. Кейде қоғам алдында ақшаны өртейді. Букмекерлік орталықтарда миллиондап ұтыс тігеді. Алдын ала есеп бойынша, бұл кездесу 200 миллион доллар көлемінде пайда әкелуі…

Сочидегі XXII Қысқы Олимпиада Ойындарының басталуына тура 9 күн қалды. Төрт жылда бір айналып келетін дүбірлі спорт додасына әлемнің 90 мемлекетінен 3000-нан астам спортшы қатысады деп жоспарлануда. Спорт әлемі үшін үлкен мерекеге айналатын Сочи-2014 Олимпиадасында спорттың 15 түрінен 98 медаль ойнатылады. Қазақстан құрамасы өз тарихында Қысқы Олимпиада ойындарына осымен алтыншы рет қатысуға бел буып отыр. Өткенге көз жүгіртсек, жалпы Тәуелсіздік жылдарында қазақ спортшылары қысқы олимпиада ойындарының 7 медалін ел қоржынына салыпты. Оның ішінде 1 алтын, 3 күміс және 3 қола медаль бар. Еліміздің қоржынына ең көп жүлде салған спортшы — Владимир Смирнов. Ақша қар үстіне шаңғысымен мәңгілік із қалдырып, Тәуелсіз қазақ еліне 1994 жылы Лиллехаммерде өткен Олимпиада ойындарында алғаш рет Олимп…

Қазақстаннан Сочи Олимпиадасына лицензия иеленушілердің тізімі 53-ке дейін артуы мүмкін, деп хабарлады Vesti.kz. тілшісі. - Қазақстанда қазіргі сәтте 52 олимпиадалық лицензия бар — деді Штаттық және ұлттық команда дирекциясының қысқы және олимпиадалық емес спорт түрлері бөлімінің бастығы Виктор Абоимов. — Шаңғышы Елена Коломинадан кейін шаңғымен тұғырдан секіруші Марат Жапаров лицензия иегері атанды. Бірнеше сағат бұрын Жапаров Коломина сияқты олимпиадалық турнирдің ресми қатысушысы болды деген хабар келді. Нақты тұжырым жоқ, бірақ ХОК-тен растау келді. - Қазақстан тағы қосымша квотаны қайдан алады? Шана спорты немесе қоссайысқа да лицензия ала алады екенбіз. - Тізімді ықтимал кеңейту жайын айтар болсақ, жалпы өтінімге біздің республикадан тағы бір спортшы — шаңғышы қосылуы мүмкін. Егер с…

2014 жылы Сочиде өтетін Қысқы ойындардың медальдары 5 ақпан күні Олимпиада ұйымдастырушыларына жіберіледі, бірақ, одан бұрын олардың сапасы мен стандарттарға сәйкестігі тексерілді, деп хабарлайды Сегодня.ua. Медальдарді әзірлеу кезінде-ақ олардың дайын құймаларының температураның күрт төмендеуіне, пресспен түсірілген қысымды көтеруге беріктігі сыналған болатын. Нәтижесінде, айтулы ойындардың медальдары бүйірінен 2 тоннаға дейінгі салмақты көтере алатыны анықталды. Ал поликарбонатты ортасы мен оның металл негізінің 8 тонна салмаққа төзімділігін көрсетті. Медаль ленталары бекітілетін штифт те арнайы тестіден өтті, ол 100 кг артық салмақты көтеруге төзімді екен. Олимпиада медальдары өткен жылдың желтоқсан айында дайын болған. Алайда, ерекше марапаттардың сапасын тексеру үрдісі айдан астам уа…

Футболдан Қазақстан жастар құрамасы Достастық кубогы жолындағы жарысын аяқтады.

Ширек финалда біздің жігіттер Ресей құрамасынан ұтылып қалды. Бірінші таймды 1:1 есебімен тең аяқтаған. Ал екінші таймда қарсыластарымыз қақпамызға екі гол тоғытты. Қорытынды есеп- 1:3. Қазақстан сапынан бір голды Роман Муртазаев соқты.

Қазақстан 31 қаңтар күні 5-8 орын үшін Латвиямен күш сынасады, деп хабарлайды «Аламан».

19-25 қаңтар аралығында Өскемен қаласында жасөспірімдер арасында бокстан Қазақстан чемпионаты өтті. Жарыстан қызылордалық былғары қолғап шеберлері екі алтын және екі қола жүлдені қанжығаларына байлап қайтты.

60 келі салмақта бақ сынасқан қызылордалық Аханбек Нұртуған жеңістің жоғарғы тұғырынан табылды. Екінші алтынды 80 келі салмақтағы Оңталап Рахманов еншіледі. Чемпиондарды Берік Маманов және Рустам Ысқақов, Әбдіразақ Құлмағамбетов сынды бапкерлер дайындаған.

Бұл жеңімпаздардан бөлек, қызылордалық құрамнан тағы екі спортшы алға шықты. Олар — 50 келі салмақта күш сынасқан Рахымбек Шманов және 70 келі салмақтағы Азамат Сәкенов. Екеуі де үшінші орынды иеленіп, қола жүлдегер атанды.
Жасөспірімдер чемпионатында Қызылорда облысының намысын жалпы 9 жас боксшы қорғады.