Мазмұнға өту
izgilik

Ізгілік Нагиев

@izgilik

Сайтта 2010 ж. 15 желтоқсанКазахстан, Алматы

www.45minut.kz

рейтинг

100

жазбалар

219

пікірлер

194

тіркелуші

48

жазылымдар

69

Абайдың қара сөздері. Он үшінші сөз.

Иман деген – алла табарака уа тағаланың1 шәриксиз2, ғайыпсыз, бірлігіне барлығына уа әр түрлі бізге пайғамбарымыз саллалаһу ғалайһи уәсәлләм3 арқылы жіберген жарлығына, білдіргеніне мойын ұсынып, инанмақ. Енді бұл иман дерлік инануға екі түрлі нәрсе керек. Әуелі ? не нәрсеге иман келтірсе, соның хақтығына ақылы бірлән дәлел жүргізерлік болып, ақылы дәлел - испат4 қыларға жараса, мұны якини иман5 десе керек. Екіншісі ? кітаптан оқу бірлән яки молдалардан есту бірлән иман келтіріп, сол иман келтірген нәрсесіне соншалық берік боларға керек. Біреу өлтіремін деп қорқытса да, мың кісі мың түрлі іс көрсетсе де, соған айнып, көңілі қозғалмастай берік болу керек. Бұл иманды иман таклиди6 дейміз. Енді мұндай иман сақтауға қорықпас жүрек, айнымас көңіл, босанбас буын керек екен. Якини иманы бар деуге ғылымы жоқ, таклиди иманы бар деуге беріктігі жоқ, я алдағанға, я азғырғанға, я бір пайдаланғанға қарап, ақты қара деп, я қараны ақ деп, өтірікті шын деп ант ететұғын кісіні не дейміз? Құдай тағала өзі сақтасын. Әрнешік білмек керек, жоғарғы жазылмыш екі түрліден басқа иман жоқ. Иманға қарсы келерлік орында ешбір пенде құдай тағала кеңшілігімен кешеді дағы демесін, оның үшін құдай тағаланың ғафуына7 яки пайғамбарымыздың шафағатына8 да сыймайды, мүмкін де емес. «Қылыш үстінде серт жоқ» деген, «құдай тағаланың кешпес күнәсы жоқ» деген жалған мақалды қуат көрген мұндай пенденің жүзі құрсын.

1игі тілекке жолдаушы ұлы тәңір 2көмекші, серік, бұл жерде жалғыз, бір өзі тең келмейтін, бірдей келмейтін мағына 3Алла оған игі тілек тілеп, сәлемін алсын (Мұхаммед пайғамбардың аты аталғаннан кейін айтылатын құрметтеу сөйлемі) 4нақтылау, дәлелдеу, анықтау 5сенім (құдайға сену) 6 1) біреуге еліктеп сену; 2) дәстүрлі 7кешу, кешіру 8қорғау, жәрдем ету, көмектесу

0
0
6328

Мемлекеттік тіл немесе кімге керек?

Жақында бір сайт иесімен спорласып (пікір таластырып) әңгімелестік. Сайттың тілі қай тілде болу керек деген... Мен баяғы Қазақстан, қазақ тілі - мемлекеттік тіл деп пікірімді білдірдім, ол болса "Кому нужен тот и поставит, мне лично не нужен, то есть нет потребности, без казахского языка прекрасно живу в Казахстане" деп ойын білдірді. Жақсы бұл да бір тамаша пікір болсын және мүмкін ащы да болса өмірдің шындығы деп есептейік.

Дегенмен кейінгі менім сұрағым тіпті жауапсыз қалды немесе ойландырды деп есептеймін. Егер мемлекеттік тіл қазақ тілі емес басқа тіл болса, ол жағдайда қалай болар еді және қазіргі мемлекеттік тілді менсінбейтіндер қалай істер еді?  Онда тек қана қазақ тілінде сөйлеймін және пайдаланамын дегендерді жауапқа тартатын шығар. Неге тек қана қазақша сөйлейсің немесе мемлекеттік тілді сыйламайсың деп. Негізі эксперимент есебінде басқа тілді мемлекеттік тіл деп қабылдап, ол тілдің қалай елімізде қалай дамитынын көру керек еді. Қызық болатын шығар.

Дегенмен, кеше Елбасымыздың биылғы жолдауын тыңдап отырып, жағдайымыз болашақта жақсы болар деп үміттендім:

Тілдерді дамыту: 2017 жылы мемлекеттік тілді меңгерген қазақстандықтардың саны кем дегенде 80 пайызға жетеді. Ал 2020 жылға қарай кем дегенде 95 пайыз болады. Он жылдан кейін мектеп бітірушілердің 100 пайызы мемлекеттік тілді меңгереді.

- Мен әрдайын бүгінде қазақстандықтар үшін үш тілді меңгеру – бұл өздері үшін міндетті шарт екенін айтып жүрмін. Сондықтан 2020 жылға қарай ағылшын тілін меңгерген халықтың үлесі кем дегенде 20 пайызды құрауы қажет, - деп қадап айтты Нұрсұлтан Назарбаев.

Қазақстан Республикасының Президенті Нұрсұлтан Назарбаевтың  Қазақстан халқына Жолдауынан. 2011 жыл.

0
0
602

Қазақша Шоу мен Шу

Қазақ шоу бизнесі туралы сыр шертетін, қысқаша айтқанда түрлі әңгімелерді жариялайтын мақалалар жариялануды бастады. Әрине қазірше нақты кім және кімдердің жариялап жатқандары белгісіз, дегенмен болашақта бір жақсы танымдық сайт дүниеге келеді деп ойлаймын. Белгісіз болу себебі: http://www.zonakz.net/blogs/user/juldyzdarkupyasy/ мекенінде жариялануы. Дегенмен бұл жағдай осы тақырыптағы мақалалардың қаншалықты әсері, қызығушылығы бар деген оймен жазылған алғашқы зерттеу мақалалар.

Өзге елдердегідей біздің шоу бизнес саласы өкілдері де той бизнес саласынан нақты мәдениетке бет бұрса тіпті тамаша болар еді. Әйтпесе әрқайсысы ақша табамын деп әркімнің "Әнші балапаны" болып кеткені жасырын емес, елімізде және шетелдерден алған  орден медальдардың саны көп.  Өнер ең бірінші ұрпақ тәрбиесіне қызмет етуі өте маңызды.. Мысалы: Қыдыралінің қуыршақтар бизнесі ...

0
0
648

Құран оқып, жоғарылай түс...

Абдуллаһ ибн Амр ибн әл-Ас (р.а.) жеткізген хадисте: «Пайғамбарымыз (с.ғ.с.): “Жұмақта Құранды түгел немесе бір бөлігін жатқа білген, (әрі оны әрдайым оқып, үкімдерімен амал еткен) адамға: Құран оқып, жоғарылай түс. Дүниеде оны қалай мәнерлеп (яғни, ережелеріне сай етіп)  оқысаң, бұл жерде де дәл солай мәнерлеп, оқы. Расында сенің пейіштегі дәрежең, өзің жатқа оқитын соңғы аяттың тұсында болады (яғни, пейіштегі дәрежеңнің өсуі, өзің жатқа оқитын соңғы аятпенен толастайды) деп айтылады” – деген» – делінген.

(Риязус-салихин кітабынан)

0
0
447

Отбасы, бала-шаға, дүние-мал бәрі сынақ екен...

Негізінде малдарыңды және балаларыңды сын деп біліңдер. Алланың қасында зор сыйлық бар. (Әнфал сүресі-28)

Малдарың да балаларың да сендерді жанымызға жақындастырмайды. Бірақ кім иман келтіріп, оң іс істесе, міне соларга істегендерінің салдарынан неше есе сыйлық бар. Сондай-ақ олар аман-есен жоғары орындарда болады. (Сәбә’ сүресі - 37)

0
0
825

Бақытты еркек және бақытты әйел деген кім? Бүгін қатты ойландым...

Ақыл-есi бар адам өмiрлiк жұбайына деген махаббатын‚ сүйiспеншiлiгiн оның бес-он жылдық уақытша және тән сұлулығына арнамайды. Қайта әйел баласының асқан сұлулығының ең әдемiсi және бақи қалатын жаз дидарлы мейiрiмiне‚ әйелге тән жан сұлулығына арнауы керек. Сонда ғана бейшара зайыбы қартайған сайын‚ күйеуiнiң оған деген махаббаты жалғаса бермек. Өйткенi оның зайыбы тек мына тiршiлiкте ғана уақытша көмектесетiн жолдас емес‚ қайта мәңгi өмiрiнде де өмiр бақи сүйiктi жұбайы болғандықтан, бұрынғыдан да артық қасиет тұтып, рақымдылық жасап‚ қартайған сайын бiр-бiрiн сүйiп өтулерi керек. Қазiргi таңда мәдени-ағарту тәрбиесi деп ат жамылған хайуандардағыдай уақытша жұптық тұрмыстан соң мәңгi айрылысуға душар болған семья өмiрi‚ әрине‚ мүлдем бұзылады.

Тағы да Рисале-и Нұрдың бiр бөлiмiнде былай делiнген болатын:  Бақытты адам - сол адам: мәңгi жұбайынан айрылып қалмас үшiн дiндар әйелiне елiктеп‚ дiндар болады. Сондай-ақ, бақытты әйел - сол әйел: күйеуiн дiндар деп бiлiп‚ мәңгi жан жары мен досынан айрылып қалмас үшiн нағыз дiндар болады‚ сөйтiп дүние бақытының iшiнде ақыреттiк бақытына қолы жетедi.

Бақытсыз адам - сол адам: жаман жолда жүрген әйелiн тәрбиеге шақырмайды‚ қайта оған елтiп‚ өзi де қосыла iстейдi. Бақытсыз әйел - сол әйел: адасқан күйеуiнiң күнәсiне қарайды‚ оған басқалай жолмен ерiп бұзылады. Қарғыс атсын сол күйеу мен әйелдi‚ олар - бiр-бiрiн отқа лақтырғанда жәрдем бередi‚ яғни мәдениеттiң көз бояушы жылтырақ сән-салтанатына бiр-бiрiн итермелейдi.

Мiне‚ Рисале-и Нұрдың осы мағыналас сөйлемдерiнiң түсiнiгiн айтар болсақ, бұл заманда жан ұя өмiрiнiң жандануы үшiн‚ дүние мен ақырет бақытына жету үшiн‚ әйел баласындағы ұлы мiнез-құлықтардың дамуы үшiн бiрден-бiр себеп - шариғат аясындағы Ислами әдептiлiк қана.

Қазiргi кезде жан ұя өмiрiнде аса маңызды мәселе:  Әйелi күйеуiнiң жаман қылықтарын‚ өзiне деген ықылассыздығын‚ салқын қабағын көредi де ерегiсiп‚ ол да әйелге тән жан ұялық мiндетi болып табылатын шын берiлгендiгi мен сенiмдiлiгiн жойса‚ нақ әскери бөлiмде тәртiп бұзылғандай‚ ол жан ұядағы тiршiлiктiң астан- кестеңi шығады. Қайта әйелi мәңгi жан досын құтқару үшiн қолынан келгенше оның қате-кемiстiгiн түзеуге әрекет жасауы керек. Әйтпесе‚ ол да жартылай жалаңаш киiнiп‚ өзiн басқаларға көрсетуге тырысып, ұнағысы келсе‚ есепсiз залалын тартады. Өйткенi шын берiлгендiгiн жойып‚ дүниеде жазасын тартады. Себебi жаратылысы бөгде еркектердiң назарынан қорқады‚ қысылады және ұялады. Бейтаныс жиырма еркек болса, олардың он сегiзiнiң көзiне көрiнуден жеркенедi. Ал ер адам болса‚ ондай емес. Ол бөгде жүз әйелдiң небәрi бiреуiнен-ақ жиренедi‚ қарағанынан қысылады. Әйел осы жағынан азап тартады‚ әрi ықылассыз‚ сенiмсiз деп айыпталады. Сондай-ақ‚ нәзiк әрi осалдығымен бiрге өз құқығын қорғай алмайды.
Әйел заты мейiрбандылық тұрғыдан қаhармандық көрсетуде‚ ықылас жолында еркектерге ұқсамайтыны сияқты еркектер де қаhармандық жағынан оларға жете алмауда. Сол сияқты бейкүнә әйелдер де азғындық жолда қай жақтан болса да еркектерге жете алмайды. Сондықтан жаратылысы және нәзiк болмысы бөгде адамдардан қатты қорқады‚ әрi ұзын жамылғы iшiнде сақтанып‚ өздерiн қорғауға мәжбүр деп бiледi. Себебi еркек адам сегiз минуттық рақат пен ләззат үшiн нәпсiқұмар ұстамсыздыққа салынса‚ небәрi сегiз теңгедей шығынға ұшырайды. Бiрақ әйел баласы нәпсiқұмарлық-тағы сегiз минуттық ләззаттың жазасы ретiнде дүниеде аяғы ауырлап‚ сегiз ай бойы бала көтередi‚ әрi мұның үстiне сегiз жыл тағы да әлгi қорғаусыз баласының тәрбиесiмен әлекке түсiп‚ арып-тозады. Сондықтан олар ұстамсыз нәпсiқұмарлықта еркектерге жете алмайды‚ қайта жүз есе артық азабын тартады. Осындай оқиғалар аз емес‚ әрi мүбәрак әйел атаулы жаратылыстарынан қасиеттi мiнез-құлықтың қайнар көзi болғаны iспеттi, күнә жасап азғындауда және нәпсiқұмарлықта дүние рақаты үшiн олар қабiлетсiз екенiн көрсетуде. Демек олар Ислами тәрбие ауқымында жан ұяның жанданып‚ бақытты өмiр сүруi үшiн арналған абзал жандар боп табылады. Осы абзал жандарды жаман жолға түсiрушi ұйымдар жер жастансын!.. Аллаh бұл әпке-қарымдастарымды осы сойқаншылдардың кесiрiнен сақтасын‚ әмин...

Кейбiр хадис шәрифтерде ишараттап‚ “ақырзаманда келетiн әйел атаулыда иман ақиқаттары тез дамып өркен жаяды. Олар сол кездегi адасушылықтың қатерлерiнен бiршама аман қалады‚”-деп баяндалған. Тағы да бiр хадис шәрифте деген әмiр бар‚ яғни “ақырзаманда қартаң әйелдердiң дiнiне ұйып‚ оларға ерiңдер” демекшi‚ мейiрбандық қаhармандары аталған әйелдер мейiрiмдiлiктен бастау алған шын жүрегiмен және ықыласты болып‚ сол уақыттағы дiнсiздiктiң екi жүздiлiгiнен, қатерлерiнен құтылуға себепшi болады. Олар мұсылманшылықтарын аман алып қалады.

Соған қоса тағы бiр хадис шәрифте деп бұйырады‚ яғни “қыздардың әкесiнiң рызығына береке қонады.”

Демек ақырзаманда қыз балалары көбейедi. Өздерi мүбәрак және несiбелерi берекелi болады.

Жарияланған жері:  http://www.nur.gen.tr/kk/Risale/Risale.html?islem=index&KitapId=149

1
0
3888

Осы мәселе үшін беделіме зиян келді деп сотқа беруге бола ма?

Интернетті қарап жүріп, өте қызық мәселені көрдім. Былай қарасаң онша маңызды емес сияқты дегенмен осы мәселе үшін беделіме зиян келді деп сотқа беруге бола ма? Себебі, адамды жамандап атын шығарса, беделіме зиян келді деп сотқа беріп жатады ғой, ал жақсы аты шықса ол адамның беделіне зиянын тигізе ме? Кім қалай ойлайды?

Знакомтесь, Депутат городского маслиахата: АЛМА МЕДЕУБАЕВА, ҚАЛАЛЫҚ МӘСЛИХАТ ДЕПУТАТЫ

Не верите, посмотрите сами: http://almaty.tv/index.php?uin=1150950317&act=archive_date&day=25&month=2&year=2010

Ақпараттың алынған жері: http://www.zonakz.net/blogs/user/almatytv/15191.html

0
0
567

Жүрегіңнен сұра. Ізгілік – жан дүние мен жүректің тыныштығы.

Уасыба ибн Мағбад (р.а.): «Бірде Аллаһ елшісіне (с.ғ.с.) барғанымда маған: “Ізгілік жайлы сұрауға келдің бе?” – деп жылы шырай танытты. Мен: “Иә” – дегенімде, маған: “Жүрегіңнен сұра. Ізгілік – жан дүние мен жүректің тыныштығы. Ал, күнә (яғни, жамандық) – жан дүние мен жүректің елегізген беймазалығы. Өзге адамдар қанша жерден пәтуә беріп, болады десе де, бұл солай (яғни, кім не десе де, сен өзіңнің жүрегіңді тыңдап, күмәнді нәрселерден аулақ бол)” – деп айтты» – деген.

(Риязус-салихин кітабынан)

0
0
1817