ERKANAT_NAIMAN

Кеше қызық болды. Сол жағалаудағы Apple town-ның ауласында 4-5 бала шүлдірлеп орысша сөйлесіп, доп тебісіп жүрген. Жанынан өте берген ағайымыз «Әй, балалар, қазақша сөйлесіңдер» дей берген ед, аналардың біреуі «агай, он дунган, не понимает по казахский» демесі бар ма. Сонда ағамыз да саспастан «Дүнген қайдан жүр-ей мұнда, оған қазақша үйретіндер» деп кете берді. Байқасам,әрі қарай тарқасқан балалар қазақша сөйлесіп жүре берді. Айтқанын екі еткізбеген ана ағайға ішім жылып қалды. Негізі бар ғой, бар бәле өзімізден, біз талап етсек қазақшамыздың да қанаты қатайып, өз тілімізді ардақтайтындар саны артады. Әуелі өзіміз бастап, дүкенде, кинода, дәріханада қазақша жауап беруді талап етсек, соған сай жауабын да аламыз. Бұрындары БАқ қазақ тілін үйрететін бағдарламалар көп еді,қазір жоқтың қасы.…

Левиттің еңбегі бағаланғанына шын қуанып жүрмін өз басым. Күміс медаль иеленген боксшыға алтын жүлдегерлермен бірдей сыйақы берілетін болды дегені дұрыс болды. Васяның жеңіске жеткенін көрген тек қазақстандық жанкүйерлер ғана емес, әлемнің салмақты спорттық сарапшылары мен әйгілі спортшылары Левитті қолдап, жеңісін мойындауда. Статистика да біздің боксшының басымдығын айқындап отыр. Бұл дегеніңіз қара тердің текке төгілмегендігін көрсетеді емес пе?! Оның үстіне еліміздің спортшының еңбегіне ат үсті қарамай, алтынға пара-пар сыйақы беретіндігі игі бастама болды. «Мәселе ақшада емес, оның көлемінде» (Дело не в деньгах, а в их количестве))) деп шуткаға айналдырып жіберсең да)) Жо, жоқ, адамның еңбегін бағалау, оны көтермелеу қалай болғанда да құптарлық іс. Алтыннан ардақты батырларымыздың ба…

«Болар елдің баласы бірін-бірі батыр дер» деген. Әлеуметтік желілерде жақсылыққа толы жазбаларды жарыса жазып, қазақ елінен түннен бері сүйінші сұрасып жатқан қазағымнан айналдым. Алтыннан ардақты ұлымыз – Даниярдың елге сыйлаған жеңісі құтты болсын, ағайын! Түнде телевизорды тамашалап отырып, Даниярдың жеңісін көзбен көрдік. Әнұранымыз асқақтап ойнап, көк туымыз көтерілгенде төбеміз көкке жеткендей қуанып, көз жасымызды төгіп алдық. Қуаныштан қазағымның бәрін құшақтағым келіп кетті. Лайым, осындай жеңісті күндеріміз, жігер, намысымызды оятатын сәттеріміз көп болсын. Алаш рухы асқақтай берсін!!!

Адамның есіміне мінез-құлқы, психологиясы тіпті бүтін тағдыры байланысты болады деген марқұм әкемнің сөзі санамда сақталып қалыпты.Қазір ағайындардың бірлі-екілі балаларының есімдеріне қарап отырсам, көбісі «модный» есімдер екен. Айлин, Милана, Сайора т.с.с. кете береді. Бұл соңғы бес жыл ішіндегі қазақстандық арналардан көп көрсетіле бастаған түрік сериалдарының қазақ отбасыларына тигізген ықпалы шығар. Әр ұлттың өзінің болмысы, менталитеті болатынын ескерсек, Түрік қыздарының есімі қазақ қызына не береді деген ойға қаласың. Рас қой, ертең олардың өздері балаларының атын әдемі қазақ аттармен қоятынына күмәнім бар. Соңғы кездері Қазақстан арнасынан Түрік сериалдары алынып тасталып, орнын отандық өнімдер көптеп басуда. Көркем сериалдардағы қазақ бойжеткендері мен бозбалаларының есімдері со…

Бала тәрбиесі бесіктен деген. Негізі ата-әжесінің тәрбиесін көрген баланың жүріс-тұрысы , сөйлеген сөзі тіптен бөлек. Ал, қалалық жерде «асфальтта» әке-шешесінің бетіне қарап өскен баланы бірден байқауға болады. Өзіміз астанада көп қабатты үйлердің бірінде тұрамыз. Кешкісін аулада «қызық» картиналарға куә боламыз. Қазіргі балалар біртүрлі не қазақша, не орысша түсінбейтін дүбара дерсің. Топырақ шашпай әрі ойнайсың ба, қатты айқайламайсың ба деген ескерту сөздеріңе пысқырып та қарамайды ғой. Әнеугүні шамасы 5-6 жастағы ер баланы шақырып алып, ескертуімді жақыннан айтып едім бетіме бедірейіп бір қарады да тұра берді. Қазақша түсінесің бе, әлде орысша айтайын ба дегенімде, «мама, мне говорила с чужими не общаться» демесі барма. Рас, педофил, кісі ұрлығы қаптаған заманда ондайлардан қорқудың…