Елімізде 29 адам су тасқыны кезінде жалған ақпарат таратқаны үшін жазаланған
29 адамның алтауы қамауға алынды.
Фото: pravlife.org
Екі дерек бойынша сотқа дейінгі тергеу басталған. Қалғанына айыппұл салынды. Бұл туралы Премьер-министр Олжас Бектеновтің Мәжіліс депутаттарының сауалына жауабында айтылған.
«БАҚ пен әлеуметтік желіге мониторинг жүргізу барысында жалған және қате ақпарат таратуға қатысты 41 дерек анықталды. Алтауы сол жалған ақпараттардың негізгі көзі болған. Ондай онлайн-платформалардың иелеріне заңға қайшы материалдарды жою жөнінде, сондай-ақ ІІМ-не адамдарды әкімшілік жауапкершілікке тарту мәселесін қарастыру туралы хабарлама жіберілді», – дейді Үкімет басшысы.