Қазіргі министр бұрынғы министр туралы ойын айтты
Төтенше жағдайлар министрі Шыңғыс Әрінов өзінің алдында ТЖМ-ны басқарған Сырым Шәріпхановты жұмысқа шақыруға қатысты журналистердің сұрағына жауап берді.
«Ол кісі назардан тыс қалған жоқ. Басында-ақ сөйлестік. Әртүрлі ұсыныстар болды. Бірақ ол қазіргі таңда өзінің денсаулығын, отбасы жағдайын дұрыстап алған соң, бір айдың ішінде шешім қабылдайды. Дегенмен біз жақтан барлық ұсыныстар жасалды», - деді Шыңғыс Әрінов.
Айта кетейік, Сырым Шәріпханов Төтенше жағдайлар министрі қызметін 8 ай ғана атқарды.